رواية سجين الحياه الفصل الثاني 2 بقلم هاجر الجميل
رواية سجين الحياه البارت الثاني
رواية سجين الحياه الجزء الثاني
رواية سجين الحياه الحلقة الثانية
اخيرا هعرف اي اللي حصل معا نور لانه بنسبه ليا حاله غريبه كنت محتاره في حالته مافيش اي حاجه في الملف بتاعه تقدر تساعده رحت الاوضه اللي هو قاعد فيها دايما بس الغربيه ان مكنش في صوت حركه في الاوضه فجأه شوفت بق د*م علي الارض و لقيت نور مرمي علي الارض و حواليه د*م كتير معرفتش اتصرف ازاي حاولت افوق فيه بس مكنش فيه نتيجه ولا استجابه كنت هطلع انادي حد يساعدني لما سمعت صوته و هو بيقول
_ شوفتي انه احساس وحش انا كنت ذيك كدا لما شوفت ملك كلها د*م بس تعرفي اي الفرق
فضلت وقت واقفه مش برد معقوله طفل يطلع من كل دا بس جيه في دماغي كل كلمه كان بيحكيها و كان وراها وجع لحد لما فقت و رديت عليه
……. اي الفرق؟؟
_الفرق ان يومها ملك اللي كانت علي الارض الفرق ان يومها مكنش الد*م الوان الفرق اني واقف قدامك بس ملك مش راضيه ترجع ليا تاني رغم اني قومت عادي اهو تعرفي يا مس ساعات بحس ان ملك بقت بتكرهني علشان كدا مرجعتش البيت يومها تعرفي ملك كانت بتحكي ليا كل يوم حكايه قبل لما انام تعرفي ان…….
نور هو اي الجرح اللي في ايدك دا؟؟
_ ملك كانت دايما الوحيدة اللي فاكره عيد ميلادتي كان دايما يوم عيد ميلادي تاخدني و نروح الحديقه اللي في اخر الشارع و تجيب كيكه و تحط ليا فيها شمعه كانت تقولي ان مش معاها فلوس كتير علشان تجيب ليا كيكه كبيره زي صحابي لما ملك مشت رحت لنفس الحديقه في عيد ميلادي فضلت قاعد مستني ملك علشان تجيب ليا الكيكه زي كله سنه بس ملك طلعت كدابه و مش بتحبني رجعت البيت بليل يومها مكنش في حد في البيت لما دخلت لقيت في كيكه زي اللي ملك كانت بتجبها ليا و كمان شيبسي فكرت ان ملك اللي جابتهم ليا كلتهم وانا مبسوط انا ملك مش بتكرهني وانها فاكره عيد ميلادي كلتهم و دخلت نمت صحيت علي صوت زعيق ماما و ضربها فيا علشان خت حاجتها كنت عمال بعيط و انا بقولها اني مختش حاجه بس هي فضلت تضرب فيا و تقول عليا كداب و اني انا اللي كلت الحاجه علشان في شوكولاته في وشي بس انا مكلتش حاجه واللهي مكلتش يومها غير الكيكه و الشيبسي بتوع ملك لقيتها راحت جابت شمعة و قعدت تحر*ق بيها ايدي و تقولي اني كدااب وانها هتعلمني الادب علشان خت حاجتها بس انا مخدش حاجه منها و من يومها كل ما يجي عيد ميلاد بقيت اخاف اطلع من الاوضه علشات ماما متضربنيش تاني
كلام كتير جوايا ملغبط مش عارفه اقول اي مش عارف كلام اي اللي ممكن يواسي طفل شاف كل دا مش عارفه ازاي ام و اب ممكن يوصل بيهم القسوه لكده معقول ام تعمل كدا في ابنها حاجات كتير كانت في دماغي بس فوقت علي كلام نور و هو بيقولي
_انا أسف يا مس
اسف علي اي يا نور
_اسف علشان عارف اني وحش و ان انتي قاعده معايا رغم ان كله بيخاف مني و بيكرهني انا اسفه اني حطيت د*م علي الارض بس عمو اللي بره كان جايب ليا اللوان و كراسه علشان ارسم فيهم بس انا معرفش ليه عملت شكل ملك لما الد*م كان حواليها انا اسفه واللهي مكنتش اعرف ان ماما هتجبني هنا هي قالت ليا انها هتوديني لملك بس هي كدبت عليا وسابتني هنا
هي ماما اللي جابتك هنا يا نور؟؟
_ايوا كنت قاعد بتفرج علي توم و جيري علي التلفزيون لقيت ماما بتقولي انها هتوديني لملك كنت مبسوط اوي اني هشوف ملك بعد الوقت دا كله
يعني يوم لما لقيتك علي باب الملجأ كانت ماما اللي سابتك؟!
_ايوا هي قالت ليا ان ملك موجوده هنا علشان كدا هي جابتني و قالتي انها هتروح تجيب حاجه و تيجي
عدا شهر و اخيرا نور طلع من الاوضه اللي كان دايما قاعد فيها مبسوطه اوي اني شايفه ان نور ليه بقي اصحاب وانه اخيرا اتقبل الوقاع بتاعه النهارده اخر يوم لنور هنا في الملجأ اخيرا وجع نور هيتحط لوجعه و حزنه نهايه
جاهز يا نور علشان يكون عندك اب و ام و اخت جداد جاهز يكون عندك عيله جديده
_شكرا يا مس تعرفي ان ملك جاتلي في الحلم وقالت عليا اني اشطر اخ و انها مبسوطه مني و قالت ليا كمان اني اسمع كلامك علشان كدا موافق بس مش عاوز حد يضربني تاني يا مس
تعرف يا نور انك اشطر حد اعرفه و بعدين مش نور بقي قوي و عنده اخت كبيره اهي تجبله حقه و بعدين معدش في حد هيضربك تاني يا نور معدش في خوف تاني ولا وجع يلا علشان تروح مع ماما و بابا الجداد
و بكدا بدا نور الطفل حياه جديده مع اب و ام بجد كنت بكتب اخر جمله في ملف نور قبل لما اقفله خالص لما جيه في بالي جمله كل نهايه هي بدايه جديده
بعد 10 سنين من اليوم دا وصلني رساله عرفت وقتها ان قصت نور دي كانت بدايتها فعلا
كل نهاية و ليها بداية جديدة 💌
خليك متأكد إن لكل نهاية بداية جديدة و قصة جديدة و مشاعر جديدة.. أصل مافيش حاجة بتخلص أو بتنتهي الوقت الوحيد اللي بتخلص فيه كل حاجة لما انت حياتك تخلص و حتي في دي كمان ليها بداية جديدة إنك هتكون في مكان أحلي بكتير مع النبي صلي عليه قولها ديما أنا ربنا شايلي مستقبل حلو انا ربنا هيفرحني إن لكل تعب نهاية و غالبا بيكون التعب ده سبب في راحة كبيرة ليك أوي بعدين لو كان هيسيبك ماكنش خلقك 💛
شكرا يا مس
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية سجين الحياه)
