رواية سجينتي فتاة الفصل السادس والعشرون 26 بقلم أميرة مراد

رواية سجينتي فتاة الجزء السادس والعشرون

رواية سجينتي فتاة البارت السادس والعشرون

رواية سجينتي فتاة الحلقة السادسة والعشرون

في المول ……..
جومانة :كريم اتأخر كده ليه كل ده بيلبس ؟!
انا هتصل بيه
كانت علي وشك الاتصال به ،ولكنه سبقها
جومانة :الو
كريم :الو جومانة احنا وصلنا انتي قاعدة فين
جومانة :انا قاعدة في اول كافيه يقابلك
كريم :اه تمام شوفتك ،سلام
جومانة :سلام
……. …………
كريم :ماتتحرك بسرعة بقا قرفتني
نور بغضب : اعملك ايه يعني ،مش عارف امشي بالكعب
كريم :خلاص اخرص احنا قربنا ، وافرد وشك ده
شوية
نور بزهق :طيب خلاص بقا كفاية تعليمات ،حفظتها
كريم :اسكت بقا وصلنا .
…… ………….
كريم :ازيك يا جومانة
جومانة بصدمة وهي تنظر لنور : ازيك يا كريم ،مين الحلوة ؟!
كريم :مش قولتلك اني جاي مع حبيبتي
جومانة وهي تحاول منع دموعها : انت بتهزر صح
ولكن كان صوتها منخفض في هذه اللحظة
كريم :بتقولي حاجة
جومانة بغضب مكتوم :الحلوة اسمها ايه
قالت نور وهي ترفع يداها لتسلم علي جومانة :انا نور
قلبت جومانة وجهها وتجاهلت يداها : انا طلبت الاكل وهو علي وصول
كريم :مكنش ليه داعي ،دا …..
قاطعته جومانة وقالت له في غضب :اخرص
كريم بخوف :ح..حاضر
قالت نور لكريم بصوت منخفض :هي بتزعق ليه ؟!
كريم :مش عارف
لاحظ جومانة نور وكريم وهما يتوشوشان:في حاجه؟!
رد كريم مسرعا :لا ابدا
المكان حلو اوي هنا
نور :اه زوقك في اختيار المكان حلو اوي
ردت عليها جومانة بقرف:منا عارفة
شعرت نور بالاحراج من موقف جومانة
………. …………. ………………
محمود : ايه يلا يا احمد المكان دا ، ده شكله غالي اوي
احمد :فيها ايه لما ندلع نفسنا شوية ، هما ال بييجوا هنا احسن مننا في ايه
محمود عندك حق يلا يا احمد
وجلسوا علي طاولة خلف الطاولة التي تجلس عليها نور .
احمد :ها عايز تشرب ايه

محمود :نشرب ايه يا عم انا جعان
احمد :انت داخل علي تقيل
محمود :طبعا مهو مش بفلوسي
احمد :لا يا خفيف انت النص وانا النص
محمود بصدمة :نعم ،احنا متفقناش علي كده
احمد :ولا اتفقنا علي الاكل ، ها قولت ايه ناكل ولا نشرب
محمود :خلاص يا عم هات اكل
احمد :ايوه كدا اتعدل
ونهض احمد ليطلب الاكل
……… …………
في طاولة جومانة :.
بعد تناول الطعام ~
كريم ::انا رايح اغسل ايدي
امسكت نور بيده بقوه وقالت له :متتأخرش عليا عشان خاطري ، خايفة اقعد لوحدي معاها
كريم :متخفش ،هي خمساية بالظبط
كان الحوار يدور بصوت منخفض لم تستطع ان تسمع جومانه كلمه مما كانوا يقولوه
غادر كريم الي دورة المياه .
كانت جومانة تنظر لنور بنظرة متواعدة حتي قالت لها
جومانة ببرود :علي فكره انا بحبه
نور بعدم فهم :نعم
جومانة :انا مش هسبهولك
اخذت نور تفكر قليلا وسرحت في افكارها قائلة
هو كريم عايز يطفشها ليه ، دي شكلها بتحبه جامد، بني ادمن غبي ، المهم مليش دعوة
استغربت جومانة من رد فعل نور الهادي ،فهي لم تنطق بأي كلمة حتي الآن ، هل يعقل انها تتجاهلها
ادت تلك الافكار الي غضب جومانة
جومانة بغضب :علي فكره انا بكلمك
هنا عادت نور الي ارض الواقع
نور :ها؟!
جومانة بغضب :انت………
وهنا جاء كريم ~
كريم :شكلكم اندمجتم مع بعض
جومانة بسخرية :اه جدا
واخذت نور تحمد الله في سرها علي ان كريم اتي في الوقت المناسب وانقذها
جومانة :اتعرفتم علي بعض ازاي
توتر كلا من كريم ونور حيث انهم لم يضعوا في الحسبان اسئلة مثل هذه
قرر كريم اخذ زمان الامور :سؤال حلو ، نور هتجوبك
نظرت إليه نور بصدمة ما هذا الوغد الحقير حسنا هو من بدأ ، سأنتقم منك اعدك
نور :في الشارع
جومانة: نعم
كانت نور متوترة بدرجة كبيرة ولم تجد كذبة مناسبه فقررت قول الحقيقة : احنا كنا …اقصد انا كنت ماشية في الشارع وكانت في عربية جاية بسرعة وكانت هتخبطني وهو انقذني
قالت جومانة في سرها :يريتك كنتي موتي
نور :بس ومن هنا اعجبني ببعض
جومانة :وبقالكم بقا قد ايه متعرفين
نور :من ست شهور
جومانة بخبث :ايه دا بجد اصله عمره ما جاب سيرتك خالص ، حتي لو صدفة
كريم وقد احس بخبث جومانة :مبحبش احكي حاجة تخصني لحد
جومانة بسخرية :اتاريك مش عندك صحاب
كان الاثنان ينظرون في عين بعضهم البعض بغضب
بينما كانت نور حزينة علي كريم ،لانه حقا لا يمتلك اصدقاء غيرها
قررت نور ان تلطف الجو
نور:ايه رايكم نتمشي في المكان
جومانة بتحدي :فكره حلو ، ولا ايه يا كريم
كريم بنبره تحدي :اكيد طبعا
ونهضوا ، ومَرُوا بجوار طاولة التي يجلس عليها احمد ومحمود
لكن لم ينتبهوا
محمود :ياتري الفاتورة هتكون كام ،انا مش معايا غير ١٠٠جنيه
احمد :كل الاول وانبسط ،وبعدين نشوف موضوع الفاتورة دي
………. ……………….
بعد مرور عدده ساعات ~
كريم: انا تعبت مش قادر اكمل مشي
جومانة :مالك يا كيمو
كريم :مش قادر اكمل مشي، عايزين تمشو امشوا انتم انا قاعد هنا
جومانة :لا انا مش همشي من غيرك
كريم :اسكتي بقا قرفتيني كل ده عشان تشتري شوية هدوم
جومانة :في ايه يا كيموا اول مرة نخرج مع بعض
كريم :جومانة ، انتي عارفة اني مش خارج معاكي
وقعدي بقا عبال لما نور يجي
قصدي تيجي
جومانة بغضب :اوف بقا
وجلست بجوار كريم وهي تتذكر ما حدث قبل ساعة
…….. …………..
قبل ساعة ~
جومانة :انا عطشان هروح اجيب قهوة
كريم :خليكي انتي ، انا ال هروح
جومانة بخبث :لا ابدا انا ال هجيبه
نظر كريم اليها بإستغراب
جومانة بتوتر :عشان اطلبها زي ما انا بشربها ، يلا سلام
وغادرت جومانة
نور :كريم انا زهقت ،رجلي وجعاني اوي مش عارفة امشي بالكعب ، ومكسوفة اوي الناس عمالة تبصلي
كريم :معلش كلها ساعة كدا ، وهاخدك ونروح ، انا كمان زهقت
بعد عدده دقائق جائت جومانة ومعها ثلاثة اكواب من القهوة
اعطت واحدة لكريم ، وعندما ذهبت لتعطي نور واحدة قامت بحيلة خبيثة حيث انها قامت بتمثيل انها تكعبلت في قدمها واسقطت القهوة علي ملابس نور
اسرع كريم الي نور
كريم :انتي كويسة
نور : آاااه سخن اوي
جومانة وهي تمثل البرائة :معلش يا نور انا اسفة ، انا اتكعبلت و…..
نور :سخن اوي مش قادرة
كريم :تعالي نجبلك حاجة عشان تغيري
وذهب هو ونور وتركا جومانة كأنها لم تكن معهم من الاساس
غضبت جومانة من هذا الموقف ، وذهبت خلفهم .
اختار كريم لنور ملابس مناسبه لها بدلا من الفستان ، واختار لها حذاء جميل بلا من حذائها الكعب
كريم :خد عشان تنبسط
نور :الاه وانا مالي
كريم :اسكت بقا لما نشوف الحساب كام
كريم :كام الحساب
الكاشير :٢٠٠٠جنيه
صدم كريم من السعر وقال في نفسه :مكنش تيشرت وبنطلون وكوتشي دا انا بجبهم كلهم ب٢٠٠
في صفر زيادة ليه ،ده تمن مرتبي ، آااااه ياني
جومانة :اتفضل
جومانة :مش يلا ،انا دفعت الحساب
كريم:لا انا ال هدفعوا
جومانة :انا دفعته خلاص
كريم :وتدفعيه ليه ؟!
جومانة :تعالي نتكلم بره .
وسحبت كريم الي الخارج
نور :طب انا هروح اغير عشان مش قدرة اقعد اكتر من كده
لم تنتظر جومانة رد كريم وقالت :ماشي سلام
عندما غادرت نور ، اخرج كريم المال من جيبه
كريم :خدي
جومانة :لا مش هخدهم
كريم :وتدفعيهم بمناسبه ايه
جومانة :بمناسبة اني خدت من وقتك كتير
فبدفع الحساب
كريم :انا مش هقبل بكدا
جومانة :خلاص يا عم بقا ، انا ال غلطانة ،ودفعت تمن غلطتي ،خلاص عشان نور متشلش مني
كريم :نور انسانة طيبه و……..
قاطعته جومانة قائلةً:تعالي معايا عايزة اشتري كدا كام حاجة
كريم :ونور
كتمت جومانة غصبها قائلة:عبال لما تغير ، بدل الواقفة دي
……….. ……… ………..
وقفت نور امام دورة المياه محتاره اي تدخل
نور:انا لو دخلت حمام البنات هخرج ولد ، ولو دخلت حمام الولاد هدخل بنت اعمل ايه يا ربي ادخل فين
آاااااه علي حظي
وهي كانت تحدث نفسها استطمت بأحدهم
نور :انا اسفة مكنش قص…..
احمد :عادي ولا يه…..
عندما استوعبت نور ان هذا الشخص هو احمد ركضت علي دورة المياه النسائيه
احمد :مالها دي ، وخطي اول خطوة ليذهب الي دورة المياه لكنه عاد ادراجه مره اخري
احمد بإستغراب :هو ده نور ؟!
وقف احمد ينتظر امام دورة المياه النسائيه لكي يري هل شكه في محله ام لا
….. ……
نور :ياربي اعمل ايه دلوقتي
رأت نور فتاه ستخرج
لحقت نور بسرعة بهذه الفتاه قبل ان تخرج
نور بتوتر ملحوظ :بقولك ينفع وانتي خارجة تشوفي اذا كان في شاب واقف بره كدا لابس جاكت جلد
ولو بره ينفع تبعديه عن المكان ، اصله عمال يمشي ورايا وانا خفت وجيت استخبيت هنا
البنت :ولا يهمك يا قمر هعمل الواجب معاه
قد هدأت نور قليلا :شكرا ليكي جدا
البنت :علي ايه بس
وقد خرجت بالفعل ووجدته واقفًا
البت :مش عيب تكون واقف قدام حمام البنات ولا ايه
احمد :انا مستني اختي جوه
البنت :لا يا حبيبي الكلام ده ميدخلش دماغي يا تمشي بكرامتك يإما هبعتلك الامن
احمد بقرف :اديني ماشي
كانت نور تسمع الكلام الحادث في الخارج وحمدت الله علي انقاذها والاحتفاظ بسرها
دخلت الفتاه بعدما تأكدد من ان احمد ابتعد عن المكان
البنت :اهو مشي يا قمر
نور :شكرا ليكي بجد مش عارفة اقولك ايه
ابتعد احمد عن المكان لكن ليس بمسافة بعيدة ، حيث انه وقف عن المدخل
بدلت نور ثيابها ولحسن حظها انه لا يوجد فتيات بالبداخل ، فملابسها وشكلها هذا عادت كشكل الفتي
وعادت نور الي الفتي نور
ادخلت نور ملابسها القديمة في حقائب الملابس الجديدة وخرجت ، وبعد ان مشت مسافة قليلة لاحظت وجود احمد ، ارتدت قبعة التيشرت، واخدت تدعي ان لا يراها احمد ،وبالفعل خرجت ولم يلاحظها احمد .
احمد :انا وقفت كتير ممكن يكون متهيقلي عشان ضميري وجعني من ال عملته في نور
وغادر احمد
وصلت نور الي كريم ، وكان كريم بمفرده
نور :اومال فين جومانة
كريم :بابها اتصل بيها فمشيت عشان متتأخرش
كريم :انت اتأخرت كده ليه
نور : قعدت ياعة بدور عليكم ،يلا بينا احنا كمان
كريم :انا جبتلك هديه عشان كنت شطور النهاردة في التمثيل
نور بفرحة بجد ، ايه هيا
كريم :جبتلك تليفون عشان تعرف تتواصل معايا
نور بفرحة :بجد يا كريم ، انا بحب اوي
كريم بقرف حيث استعاد افكار الماضي :اسكت يالا
…………………