رواية سحر العيون الفصل السابع 7 بقلم مروة حسن
رواية سحر العيون الجزء السابع
رواية سحر العيون البارت السابع
رواية سحر العيون الحلقة السابعة
*مالك يا نعمان * قالتها عزيزه مراته لما شافت جوزها زعلان و عيونه مليانه دموع..
نعمان: زهره..
عزيزه: لجيتها؟!..
نعمان: لا… ماتت
عزيزه بتمثيل انها زعلت عليها: ماتت.. يا مرريي ومين اللي جالك الكلام ديه..
نعمان بحزن: كريم ولدك.. و جالي ان عبدالله مات برضوا و ساب بنتين..
عزيزه بغيظ علشان عندها بنات هيورثوها: هيه خلفت منه..
نعمان: ايوا.. و جاعدين لحالهم..
عزيزه بشهقه: كيف بناتنا يجعدو لحالهم.. و احنا جاعدين هنه..
نعمان: منا هسافر اجيبهم من هناك… فين ولدك صالح..
عزيزه: ف الارض.. عايز منه اي..
نعمان: هيسافر معاي نجيب بنات خالته…
عزيزه: ماشي.. اما ابعت حد يندهله…
و قعد نعمان وهو يفكر ف اخته اللي ماتت و هو بقاله كتير بيدور عليها و لما يلاقيها… يلاقيها ماتت..
و قال ف نفسه: ياريت ابويا كان وافق على الجوازها من عبدالله اهي بعدت عننا و ماتت من غير ما اشوفها..
دخل صالح ابنه كان طويل و جسمه رياضي و ملامحه شرقيه..
صالح: ايوا يا بوي
نعمان: خالتك لجيناها ماتت هيه و جوزها..
صالح: البجيه ف حياتك يا بوي..
نعمان: و سابت بنتين جاعدين لحالهم ف مصر… هنروح نجيبهم من هناك
صالح: اللي تشوفه يا بوي.. كريم لسه هناك..
نعمان: ايوا.. بس قولتله متجربش منيهم لحد ما نيجي..
روح جهز نفسك لسفر هنسافر بكره..
صالح: حاضر يا بوي..
******************
ف الشركه
ناديه: نهى آدم بيه عايزك ف مكتبه
نهى باستغراب: عايزني ليه.. انا بشتغل عند سليم بيه مش عند آدم..
ناديه: معرفش يا قلبي هو قالي كدا… بصي انا حاسه انو معجب بيكي يا نهى..
نهى سكتت و مش عارفه تقول اي.. هيه كمان حاسه بكدا بس مش عايزه تدي نفسها امل على الفاضي.. هو فين و هيه فين..
ناديه: نهى روحتي فين؟
نهى: لا ابدا هروح اشوفه عايز اي..
نهى خبطت على الباب و دخلت بعد ما سمحلها..
نهى: آدم بيه حضرتك طلبتني..
آدم: نهى ممكن اتكلم معاكي ف موضوع مهم..
نهى: اتفضل..
آدم: اقعدي..
نهى قلقت من طريقه كلامه ومع ذلك اقعدت
آدم: نهى انا الفتره اللي فاتت قربت منك بسبب اللي حصل و عرفت قد اي انتي طيبه و بتخافي على اختك و كلك حنيه..
نهى اتكسفت من كلامه: حضرتك بتقول الكلام دا ليه؟
آدم: نهى انتي بجد ملاحظتيش كله لاحظ الا انتي..
نهى: ملاحظتش اي؟.. انا مش فهماك
آدم: انتي ليه بتهربي مني… هو انا اخوف
نهى: لا.. بس مش غريبه تبص ليا انا…
آدم بابتسامه: يعني انتي حاسه بيا و بتخبي.. ليه..
نهى: علشان انا مش قدك..
آدم: لا قدي.. مرديتش عليه.. نهى..
نهى: نعم..
آدم: تتجوزيني؟..
نهى بدهشه: ايه..
آدم: بقولك تتجوزيني.. انا عايز اتجوزك… و عايز اجي انا و ماما اتقدملك..
نهى: انت بتقول اي.. انت فين وانا فين..
آدم: بطلي الكلام دا.. انتي موافقه عليا ولا لا..
لتبتسم و مترديش عليه ليعرف انها موافقه..
آدم بابتسامه: انا هاجي انا وماما بكره اتقدملك..
نهى: بس انت عارف اني مليش حد..
آدم: مش مهم انا اهلك.. نتعرف و تشوفي ماما.. ماشي..
نهى: ماشي…
*******************
ف ڤيلا سليم
سليم بضيق: يا ماما انا لسه بدرس… عرايس اي اللي جيباهم علشان اشوفهم..
حنان: انت ف سنه رابعه.. لو مش عايز جواز اخطب..
سليم: لا ي ماما.. انا مش هتجوز بطريقه دي.. و بعدين مين قالك اني عايز اتجوز اصلا..
حنان بحزن: يا حبيبي انا مش بنام.. حاسه اني السبب ف اللي عملته بنته اختي..
سليم غضب لما افتكر الي حصله: يا ماما انتي ملكيش دخل باللي حصل.. بلاش تفكري كدا…
حنان: لا هفكر… علشان انا اللي قربتكم من بعض.. انا اللي غلطانه.. و قعدت تعيط ليجلس بجانبها و يبوس راسها..
سليم: بلاش تعيطي.. حاضر هتجوز بس انا اللي اختار العروسه..
حنان بابتسامه: انت بتحب..
سليم وهو يتذكر روح: لا مش بحب.. بس انا اللي هختار مراتي..
حنان بزعل: ييقى انت بتنيمني زي العيل الصغير..
سليم: ابدا والله.. هتجوز بس سيبيني اختار العروسه..
حنان: ماشي لما نشوف…
*******************
ف المساء ف بيت روح…
دخلت نهى البيت وهي بتغني لتسمعها روح من اوضتها.. و تبتسم لتدخل عليها نهى الاوضه و مازلت تغني…
روح: الله الله دي الغزاله رايقه..
نهى: ايوااا… جداا..
روح: اي اللي حصل خلاكي فرحانه كدا.. فرحي اختك معاكي..
نهى: اصل آدم جاي هو و مامته بكره علشان يتقدملي..
روح بفرحه: بجد… مبارك ي روحي.. مع انك كنتي قالبه وشك عليه..
نهى: الله يبارك فيكي ي حبيبتي.. عقبالك يارب..
روح بحزن و هي بتفتكر كل اللي حصلها: انا مين اللي يرضى بيا… انا ههتم بالمذاكره بتاعتي بس..
نهى: ليه بتقولي كدا.. ميت مره اقولك انك ملكيش ذنب علشان تقولي كدا..
روح: بصي سيبك من الكلام دا.. و تعالي نكلم اسيل علشان نفرحها بالخبر الحلو دا…
نهى: يلاااا..
*******************
ف فيلا نعمان..
عزيزه: خلاص نويت تسافر بكره..
نعمان: ان شاءلله ايوا..
عزيزه: و فكرت هتعمل اي بعد كده..
نعمان: بفكر اجوز بنات اختي لولادي.. عشان بيخرجوش يره العيله..
عزيزه: انت بتجول اي……
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية سحر العيون)
