رواية سأحبك بالتاكيد الفصل الرابع والخمسون 54 بقلم توتة
رواية سأحبك بالتاكيد الجزء الرابع والخمسون
رواية سأحبك بالتاكيد البارت الرابع والخمسون
رواية سأحبك بالتاكيد الحلقة الرابعة والخمسون
“اي يا حبيبتي صاحيه بدري اوي كده ليه ”
فاقت من شرودها ع الجمله دي منه وردت عليه قالتله : ممكن تبطل تقولي حبيبتي دي
عمر بعبوس : لما اموت وقتها ممكن ابطل اقولهالك … مقولتيش بقا … ايه اللي مصحيكي بدري
ميرنا : عادي مش جايلي نوم … عايزه اتكلم معاك
عمر : طب لما ارجع … لازم امشي دلوقتي بسرعه علشان
قاطعته ميرنا : عندك شغل مهم
عمر : اه ولازم اخلصه علشان نرجع مصر بسرعه
فونه رن وهو اتوتر وقفله وميرنا قالتله : مردتش ليه .. رد
عمر : حد مش مهم
ميرنا : طب هترجع امتى علشان محتاجه اتكلم معاك
عمر : ا..سيبيها بظروفها
عند لين كانت نايمه وهيا خايفه من اللي حصلها ومكانتش قادره تقوم من مكانها وفونها رن
لين : اايوه مين
مازن : احم … أنا دكتور مازن
لين : اه ازيك يا دوك
مازن : انتي اللي اخبارك ايه
لين : الحمد لله احسن
مازن : طب مجيتيش كليتك وحضرتي محاضراتك ليه
لين : تعبانه شويه
مازن : لا الف سلامه … بس مش انتي كنتي كويسه امبارح … ايه اللي حصلك
سكتت لين
مازن : هالوو
لين : ا..ا….تعبت شويه بس مش اكتر
مازن : طب متفوتيش محاضراتك الجايه بقا علشان الميدتيرم قرب
لين : تمام .. وشكرا على سؤالك يا دوك
فضلت ميرنا مستنيه عمر على احر من الجمر ومستنياه يرجع ومن كتر ارهاقها محستش بنفسها ونامت مكانها
فاقت لقت رقبتها بتوجعها من نومتها والساعه دخلت على ١٠ وهو لسه مرجعش
ميرنا : معقوله هيا واخده كل وقتك كده .. عملتلك ايه انا معملتوش
اخيرا جه ودخل من غير م يكلمها وهيا استغربت تجاهله
ميرنا : اتأخرت ليه
عمر بصلها وقال : شغل
ميرنا : اه … شغل … تمام … عايزه اتكلم معاك
عمر : مش من اول م دخلت كده … اهدي شويه
ميرنا : انت بتكلمني كده ليه
عمر : بكلمك ازاي
ميرنا : والله … انت مش
فونه رن وهو قالها : ششششششش … ثواني
رد ع الفون : االو
_:…….
عمر : طب أنا جاي حالا … بس هاخد شاور
_:……….
عمر مشي من قدامها وهيا الشك ملاها
خلص كلامه ودخل خد شاور ( كل شويه شاور شاور )
فتحت فونه ولقته كان بيكلمها
ميرنا : يعني هو رايحلها دلوقتي … والله لاطربقها على دماغك
خرج من الحمام وقالها : معلش جالي شغل مهم
ميرنا : لا مش هتروح شغلك ده وتسيبني … أنا زهقت
عمر : معلش يا حبيبتي … ساعه وراجع
سابها بسرعه ومشي قبل م هيا تتكلم تاني
خرجت وراه وقررت ان احسن مواجهه تكون بدليل زي ده
خرج عمر بعربيه وهيا ركبت تاكسي ومشيت وراه ولقته دخل كافيه شيك جدا وشكله خرافي
وصلت وهيا بتبلع ريقها بصعوبه و بتقدم رجل وبتاخر رجل … مش مصدقه اصلا أنها كانت ممكن تتحط في موقف زي ده
دخلت بدموعها وحزنها ولقت الكافيه كله فاضي وهو واقف مع واحده واول م شافها طلب من اللي كان واقف معاها تمشي ولف بصلها وحط أيده في جيبه وبمجرد م دخلت لقت اصوات حاجه فرقعت وحصل شو جامد قدامها وهيا استغربت وبقت واقفه مش فاهمه حاجه
قرب منها وقعد على رُكبته وقدملها خاتم حلو جدا وقالها happy birthday to you يا اغلى واحده عندي في الحياه
وقفت مصدومه ومكانتش مستوعبه ولا فاهمه اي حاجه
عمر وقف ولبسها الخاتم وقالها : انتي هبله ولا اي … فكراني هخونك … ده انا اخون نفسي ولا اخونك
ميرنا : أنا .. أنا مش فاهمه حاجه
عمر : عارف … تعالي اقعدي بس
قعدوا هما الاتنين وهو قالها : طلعتي عين امي
ميرنا : ده انا … تصدق اني نسيت عيد ميلادي بسبب اللي انت عملته فيا
عمر : من ساعة م جيت وانا بحاول اخليكي تشكي اني بخونك .. وانتي ولا هنا … لحد م قررت اسيبلك اللاب يمكن لما تشوفيه وتكوني زهقانه تفتحيه تتفرجي على فيلم
ميرنا : ايه ده .. يعني انت بتحبني ومبتخونيش
عمر : أنا مش بحبك … أنا بموت فيكي والله … وزي م قولتلك قبل كده انتي اغلى حاجه عندي … ومستحيل ازعلك في يوم من الايام
ميرنا : طب وليه عملت كل ده … وليه تخليني اشك فيك
عمر : علشان أنا واثق انك دلوقتي اسعد انسانه في الكون … لو كنت قولتلك كل سنه وانتي طيبه واحنا علاقتنا كويسه كان ممكن يكون الأمر عادي ومالوف … بس انا حبيت اعمل حاجه كريتيف واوتر العلاقه بينا واحسسك أننا خلاص حكايتنا انتهت لحد كده واننا مستحيل نكمل مع بعض … وفي الاخر اعرفك أن ده كله مجرد تمثيل واني بموت فيكي اصلا ومقدرش اعيش من غيرك … فانتي بقا تحسي أن الحياه رجعتلك تاني وان خلاص الدنيا ضحتلك بجد المرادي وتعيشي شعور معيشتهوش قبل كده في حياتك
ميرنا ضربته في صدره وقالتله : طب ليه كده … انت متعرفش أنا كنت منهاره قد ايه … أنا خلاص كنت بموت بالبطئ
عمر : بعد الشر عليكي يا بطتي
ميرنا : طب سؤال
عمر : تحت امرك مولاتي
ميرنا : افرض أنا مكنتش شكيت
عمر : م علشان كده بقولك طلعتي عين امي .. أنا فعلا حاولت الفت انتباهك وانتي مكنتيش هنا لحد م قررت اسيب اللاب على عكس كل يوم … وكنت متعمد اخليكي تحسي بالملل علشان تكتشفي السويت كله من الفراغ … فالحمد لله يعني بعد صراع فتحتي اللاب وشوفتي الشات
ميرنا : ومين بقا اللي كان بيبعتلك الكلام ده
عمر : علي
ميرنا : طب ليه كنت بتكلمه فون ولاب
عمر : علشان تشكي اكتر
ميرنا : وانا معرفش الباسورد
عمر : لما تشكي هتحاولي تفهمي اي حاجه توصلك للحقيقه … وكده كده لما بتيجي تفتحي اي فون او اي خزنه بتفكري في تاريخ ميلاد الشخص ده اول حاجه
ميرنا : ده انت حافظ بقا
عمر : عيب عليكي … باسورد فوني الأساسي بتاريخ ميلادك اصلا
ميرنا : ده بجدد
عمر : اه والله
ميرنا : يعني انت كده بتحبني ولا ايه
عمر : قولتلك قبل كده بموت فيكي والله
ميرنا : طب وعرفت منين اني هوصل للشات مع انك خافيه
عمر : منا بعتت رساله على فوني وانتي مسكاه علشان اخلي الشعار يتهزر وتاخدي بالك
ميرنا : وليه خفيت الشات
عمر : لو مكنتش خفيته كان الموضوع هيبان اهطل اوي
ميرنا : طب والروج
عمر : دي سهله اوي دي … كان لازم احول الشك لثقه
ميرنا : ولو مكنتش نزلت وراك دلوقتي
عمر : دي اللي كنت خايف منها وخصوصا بعد م شوفتي كل اللي عملته عشانك هنا ده
ميرنا : اه فعلا … الكافيه حلو جدا
عمر : عجبك
ميرنا : جدااااا
عمر : أنا بقا مفيش حاجه بتعجبني غيرك
ميرنا : يعني بجد انت بتحبني ومش شايفني بومه
عمر : ده انا اللي بومه والله
ميرنا : طب اه بقا … علشان بجد حرام عليك اللي عيشتيني فيه ده
عمر : أنا آسف … بس علشان اخليكي اسعد واحده دلوقتي كان لازم اعمل كده
ميرنا : أنا فعلا حاسه اني اسعد واحده في الكون
عمر : وانا اسعد واحد علشان انتي اسعد واحده
ميرنا : بحبك اوي
عمر : بحبك أضعاف
ميرنا : ممكن اطلب منك طلب بقا بمناسبة عيد ميلادي
عمر : عيوني
ميرنا : ممكن تغنيلي
عمر : م بلاش
ميرنا : بحب صوتك والله
عمر : طب تمام … كله عشان خاطرك
بدأ عم يغنيلها
ب و ح و ب و ك بحبك لو قصادي ده وده هحبك لو يعيدوا عمري برضو هحبك وهحبك أضعاف … ب و ح و ب و ك بحبك لو قصادي ده وده هحبك لو يعيدوا عمري برضو هحبك وهحبك أضعاف
ميرنا : بدوب والله
عمر : طبيعي علشان السكر بيدوب
ميرنا : يبني ابغي ابوسك والله
عمر : طب م احنا فيها … يلا
ميرنا : لا انا بهزر
عمر : وانا مبهزرش
قام عمر من مكانه ومسك ايديها : يلا قومي
ميرنا : استهدى بالله بس … احنا مش في البيت
عمر : م أنا عملتلك حركه من بتوع الروايات اهو وفضيتلك الكافيه
ميرنا : ده اكتر من احلامي والله
عمر : اي حاجه تحلمي بيها أنا مستعد احققهالك حتى لو هتكلف عمري
ميرنا : يعني بجد انت بتحبني
عمر : اوي … مش عارف ازاي انتي بتسالي سؤال زي ده
ميرنا : م المقلب السخيف ده مخوفني
عمر : اديكي قولتي مقلب … وانا معاكي وجنبك ومستحيل اسيبك
ميرنا : وعد!
عمر : وعد
اشتغلت موسيقى هاديه وهو قالها : تقبلي ترقصي معايا سنيوريتا
ميرنا : بكل سرور مولاي
رقصوا سلو على الموسيقى وبعد م الموسيقى خلصت قرب منها وباسها بوسه طويله جدااا وهيا كانت بتبادله وتقدروا تقولوا كانت فيها كل مشاعرهم
بعد عنها علشان تاخد نفسها وقالها : بحبك
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية سأحبك بالتاكيد)
تعليق واحد