رواية سأحبك بالتاكيد الفصل التاسع والأربعون 49 بقلم توتة

رواية سأحبك بالتاكيد الفصل التاسع والأربعون 49 بقلم توتة

رواية سأحبك بالتاكيد الجزء التاسع والأربعون

رواية سأحبك بالتاكيد البارت التاسع والأربعون

رواية سأحبك بالتاكيد الحلقة التاسعة والأربعون

نزل عمر يشوف في ايه
خالد : دي مبقتش عيشه بقااا
منال : ده اللي عندي … انت فاكرني هصفالك ولا ايه … ولو مش عاجبك كلامي اخبط دماغك في الحيط واتفضل بره حياتي
عمر : صوتكوا عالي ليه
خالد : تعال شوف امك … شكلها اتجننت
منال : أنا برضو اللي اتجننت
عمر : ايه اللي حصل لكل ده
خالد : الهانم أمك عايزه تسيب بيتها وتنزل تشتغل وتبقى بيزنس وومن
عمر : ده بجدد
منال : اظن ده من حقي … ولا ايه
عمر : بس انتي معندكيش اي خبره تشتغلي بيها
منال : وماله لما اتعلم … يعني البزنس وومن دلوقتي كانوا مولديين بالخبره
خالد : يسلام وهيا دي المشكله … دي عايزه تهمل شغل البيت الأساسي
منال : مهو مش من حقي … ولا انت خليته حق مكتسب … وبعدين عشان افضالك ومتروحش تتجوز تاني
عمر : خلاص يا جماعه صلوا ع النبي واستهدوا بالله … فيها اي يا بابا لما ماما تشتغل
خالد : برضو هيقولي تشتغل

منال : علشان أنا هنزل اشتغل فعلا
عمر : يا ماما اسكتي والنبي … م تشتغل يا بابا ايه المشكله
خالد : لا طبعا متنزلش … مكانها البيت هنا تقعد معززه مكرمه اللي هيا عايزاه يجيلها
منال : متاكلش عقلي بكلمتين … ولا انت خايف انجح وانافسك
خالد : تنافسيني أنا … اقعدي ساكته يا حبيبتي
عمر : يا جماعه اهدوا … ده انتوا غلبتوا الاطفال
خالد : اتكلم بأدب يا ولد … ايه اطفال دي
عمر : م انتوا عاملين تتخانقوا وصوتكوا عالي … ومين اللي بيعمل كده
منال : أنا هنزل اشتغل ورجلك فوق رقبتك … أنا اللي كنت غلطانه من الاول لما سيبت شغلي عشانك … وفي الاخر روحت اتجوزت وشوفت حياتك … أنا برضو هشوف حياتي … اذا كان عجبك … ولو مش عاجبك طلقني … ده اخر كلام عندي
قالت كلامها وسابتهم ومشيت
خالد : مش بقولك اتجننت
عمر : انت اللي عملت فيها كده … كنت فاكر ايه … حط نفسك مكانها وشوف رد فعلك ايه
خالد : أنا كل ده كان غصب عني … وبعدين هيا نسيت كل الحاجات الحلوه اللي عملتها وافتكرت كل وحش
عمر : بس برضو هيا مش هتسكت … وانا مش هقدر مساعدهاش لو طلبت مني المساعده … عن اذنك
راح عمر الشركه وعلى دخله
علي : الأمور هترسى على ايه

عمر : على ايه في ايه
علي : على ابوك … هيرجع يمسك الشركه ولا ايه
عمر : قولتله قالي أنه حابب يبدأ من الاول
علي : من الاول خالص !
عمر : امم … هنسافر الاسبوع الجاي فعايز اخلص كل شغل الاسبوع ده
علي : مش كتير متقلقش … بس شكلك متضايق
عمر : اه تعالي اقعد … أنا بجد مصدع من كتر الحوارات … حاسس اني خارج من فيلم عربي
عند فيروز في المستشفي
زينه : ايوه يعني ممكن تفوق امتا … دي بقالها كتير ع الوضع ده
الدكتور : دي حاجه مش بأيدينا نعرفها
ريهام : مش هيا بقت كويسه
الدكتور : حالتها مستقره جدا بس دي غيبوبه مش احنا اللي بنتحكم فيها
عند ميرنا كانت نايمه وحاسه أنها مخنوقه وبتحلم بكوابيس واول م حست أن في حد قعد جنبها وملس على شعرها اتفزعت
عمر : اهدي اهدي ده انا
ميرنا حضنته جاامد وفضلت تعيط جامد
عمر : في أي مالك
ميرنا : خ..خليك معايا متسبنيش
عمر : أنا معاكي اهو اهدي
ميرنا : متسبنيش … متسبنيش
عمر : اهدي اهدي
قعد يهدي فيها لحد م نامت تاني

عدلها وسابها نايمه ونزل لقا مامته قاعده قدام التلفزيون بتتفرج على الشيف حسن
عمر : هيا دي حياة البزنس وومن اللي عايزاها
منال : تعالي اقعد
عمر : قعدت اهو … قوليلي بقا انك كنتي بتقولي كلام وخلاص الصبح
منال : هو أنا هفهم حاجه في الشغل ده … أنا بس بقول كده علشان استفزه
عمر : طب وهتستفادي ايه
منال : اوريه اللي عمله فيا … بيقولي أنه اتجوز واحده تكون فاضياله … أنا مش عاجباه لأن وقتي للبيت … يبقى يستحمل بقا … أنا مش هعمل اكل تاني ومش ههتم بحد تاني … خليه يتعلم الادب شويه
عمر : هو انا ليه حاسس انكوا عيال … المفروض انكوا كبرتوا ع الكلام ده
منال : وانت شايف اني ممكن اصفاله بعد كل اللي عمله
عمر : بصراحه لاء … ملهوش اي مبرر للي عمله
منال : خلاص يبقا يستحمل بقا … الا قولي ميرنا بقت عامله ايه
عمر : مش عارف والله بس هيا صعبانه عليا جدا … زعلانه جدا ع اللي حصل
منال : مهو مش سهل برضو … دي كانت مستنياه بفارغ الصبر … أنا هقوم اعملها شوربة خضار وفراخ شمورطي وانت خليك جنبها وحاول تخرجها من اللي هيا فيه
عند لين في الكليه كانت خارجه بتجري بسرعه وخبطت فيه
_: ايه يا لين م تفتحي بقا
لين : انا اسفه يا دكتور بس مستعجله
قالت كلامها وسابته ومشيت بسرعه وهو رد على فونه
_: الو يا بابا
*_ مبتردش على مالك ليه
_: وارد عليه ليه
*_ عشان يقولك أن فيروز في المستشفي بقالها يومين ومفاقتش لحد دلوقتي
رجع خالد من بره لقا منال واقفه في المطبخ ففرح ودخلها
خالد : ايه رجعتي لعقلك ولا ايه
منال : أنا اصلا بعقلي يا حبيبي … ولو انت فاكر انك هتاثر عليا وتغير رايي يبقا وبتحلم
خالد : ولما انتي لسه عند رايك ايه اللي وقفك في المطبخ … مش انتي مش هتطبخي تاني
منال : الاكل ده لميرنا .. ولو عايز تأكل في جبنه في التلاجه ممكن تطلعها وتاكل منها
خالد : جبنه !!! … ده اللي ربنا قدرك عليه
منال : منا مش هلحق اعملك اكل بقا … لازم اطلع اهتم بنفسي علشان اعجبك … واه … حطيتلك هدومك في كيس علشان مش هعيش معاك في نفس الاوضه
قالت كلامها ومشيت من قدامه

عند ميرنا بدأت تفوق وكان عمر قاعد جنبها وماسك ايديها
ميرنا : انت قاعد كده ليه
عمر : مستنيكي تصحي
ميرنا : ليه هو أنا نمت كتير
عمر : مش كتير اوي يعني … بقيتي كويسه
ميرنا : الحمد لله احسن
عمر : طب الحمد لله … ماما عملالك شوربة خضار وفراخ هنزل اجيبهم واطلع
ميرنا : ليه كل ده منا كويسه اهو
عمر : انتي مشوفتيش نفسك من شويه كان عامل ازاي
ميرنا : كان عامل ازاي
عمر : كنتي مش على طبيعتك
ميرنا : طب متسبنيش وتنزل
عمر : هجيبلك الاكل بس
ميرنا : لا انا عايزاك جنبي
عمر : انتي ماكلتيش حاجه من الصبح … دقيقتين وطالعلك
نزل جابلها الاكل وطلع قعد يأكلها وهيا نامت تاني وهو نزل
عدا اسبوع من غير جديد وجه اليوم اللي هيسافروا فيه
ميرنا : هو احنا ليه مبنركبش طياره خاصه زي بتوع الروايات
عمر : بطلي هبل يا حبيبتي … أنا مش ملياردير علشان اشتري مطار خاص بطياره
ميرنا : لا بجد والله … يعني انت اهو شغال في شركه زي بتوع الروايات وقمر زي ابطال الروايات
عمر : ربنا يسترك
ميرنا : ايه ربنا يسترك دي … أنا واقفه مع احمد عز ولا ايه
عمر : بطلي رغي بقا ويلا عشان منتأخرش
ميرنا : طب م لو كان عندك طياره خاصه كان زمنا براحتنا دلوقتي … ماذا بعد
عمر : معلش لما تتجوزي نجيب ساويرس ابقي احلمي الاحلام دي براحتك
ميرنا : هييييييح … دايما سادد نفسي
سافروا واجهتهم وعمر اتحجزله سويت كامل في فندق ٥ نجوم تبع الشركه اللي متعاقد معاها
ميرنا : حلو اوي السويت ده

عمر : مفيش احلى منك يا روحي
ميرنا : ولا احلى منك
عمر قرب منها : انتي قد كلامك ده
ميرنا : ايه ده في ايه
عمر : متخافيش هو أنا هاكلك
ميرنا : لا مبخافش وانا معاك
عمر : طب احنا لوحدنا والشيطان بيرفرف فوقيا وانتي بتقوليلي كلام حلو اعمل ايه انا دلوقتي
ضحكت ميرنا وهو شالها : انتي بتجنيني
ميرنا : يا عمر نزلني بقااااا
عمر : هاتي بوسه الاول
ميرنا : لا نزلني الاول
نزلها عمر : تمام يلا
ميرنا : يلا ايه
عمر : عايز البوسه بتاعتي
ميرنا : ايه ده بس ايه اللي هناك ده
كانت هتمشي بس هو مسكها من ايديها : متستهبليش مش هسيبك برضو
ميرنا : يا عمر بقاااا
عمر : والله لو عملتي ايه برضو
ميرنا : هييييييح … طيب
باسته ميرنا من خده وهو قال : ده بجدد

ميرنا : مش انت عايز بوسه … وانا بوستك اهو
عمر : لا يا حبيبتي البوسه دي مبتاكلش معايا … أنا عايز من اللي هيا بتاع الافلام دي
ميرنا : ازاي يعني
قرب عمر من شفايفها وباسها : كده بالظبط … مش انتي بتستهبلي
ميرنا احمر وشها وقالت : اانت قليل الادب
عمر : يا هبله أنا جوزك
ميرنا : جوزي اه
عمر : بتتهربي من دورك علفكره
ميرنا : دور ايه وبتاع ايه
عمر بخبث : المفروض اني ليا بوسه عندك
ميرنا : لا طبعا … وابعد عني بقا
عمر : بوستي الاول
ميرنا : انسى بقا انسى
عمر : تؤ تؤ … مش هنسى … ومش هسيبك
ميرنا : ياربي … طب تعالى نشوف ال….
قاطعها : بوستي الاول وبعد كده اعملي اللي عايزاه
ميرنا : والنبي بلاش
عمر : تؤ تؤ
قربت ميرنا منه وبعدت بسرعه : لا لا لا لا لا لا
عمر : م انتي كنتي كويسه
ميرنا : انسى بقا
عمر : لا انسي انتي
ميرنا : يعني انت مش هتستفاد حاجه والله

عمر : بصي متحاوليش برضو مش هسيبك
قربت ميرنا منه المره دي وباسته وهو كان مستجيب معاها جدا وبعد كده دخلت الحمام بسرعه وقفلت عليها
عمر : اي يعني هيا اول مره
عند فيروز بدأت تفوق وكانت مش قادره تاخد نفسها ومكانش في حد معاها في الاوضه وحست أن الأكسجين بيخلص وكان بتتنفس بصعوبه و……

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية سأحبك بالتاكيد)