رواية زوج للايجار الفصل السادس والعشرون 26 بقلم أميرة محمد

رواية زوج للايجار الفصل السادس والعشرون 26 بقلم أميرة محمد

رواية زوج للايجار البارت السادس والعشرون

رواية زوج للايجار الجزء السادس والعشرون

رواية زوج للايجار الحلقة السادسة والعشرون

تجلس الاخري بتعب واضح علي وجهها جراء العلاج القاسي التي تأخذه تكاد تشعر بروحها تزهق اثره لم تكن حتي تعي ذلك الجالس بجانبها يمسد علي ظهرها بهدوء لتبكي بصمت

الياس بهدوء: اتحسنتي شويه تقدري تقومي صح لتومئ له الاخري وهي تستند عليه ليذهبوا للخارج ليستمع لصوت هاتفه ليجيب بهدوء

شادي: الياس انت فين اتاخروا اوي شروق كويسه ولالا ليقول الاخر بهدوء وهو ينظر لها : ايوه خرجنا من المركز اهه وجايين خاصا اننا سايبين ملاك عند روجينا هناك

شادي وهو يزفر بشده : انا قلقان اوي بجد حاله شروق بتسوء عن الاول خاصا بعد العلاج ونفسيتها زفت مظنش تستحمل العمليه

الياس وهو يبتعد عن السياره وهو مازال ينظر لها : مش عارف يا شادي كل مره بقول الوضع هيتحسن بيسوء الدكتور بيقول جسمها مش بيستجيب للعلاج ولو فضلت كده مش هتستحمل العمليه بس لابد منها

ليمسح الاخر علي وجهه بتعب وهو يقول : ربنا يستر ماشي يا الياس المهم دلوقتي خلي بالك منها لاني رايح اقابل نونيا ليهمهم له الاخر وهو يغلق معه ليذهب سريعا

________________

لا تصدق ذلك التعب للذي يكاد يفتك بجسدها كله واخيرا تستطيع إلقاء جسدها لتشعر بدفي الوسائد يمتد لها تدريجيا وهي تغمض عينيها بأرهاق لتستمع لهاتفها لا يتوقف عن الرن

نايا بتعب : امم لتستمع لصوت نونيا المتحمس وهي تقول : يعني وصلتي صح رقمك اشتغل عاااا مش مصدقه مقولتليش ليه اجي استقبلك

نايا بهدوء: وصلت خلاص وعادي حابه ارتاح الاول بس مش عايزه حد يعرف ينونيا امسكي لسانك ماشي لتقول الاخري بأستغراب : ليه بعدين كلهم مستنيين يعرفوا هتنزلي امتي وانانيه اننا منعرفهمش

نايا وهي تزفر بشده : هيعرفوا اكيد مش هخبي عليهم بس الاول ارتاح واشوف هعمل اي علي الاقل يومين اخد نفسي فهماني

نونيا بضيق : طب حتي انا اجي يعني اكيد مش هنتواصل من بعيد وانتي جمبي هنا صح لتقول الاخري وهي تغمض عينيها : لا حتي انتي انا مش عايزه حد يشك فحاجه بعدين هانت كلها يومين اخد بس علي الجو وافكر هبدا منين

نونيا : ماشي يا نايا يلا غوري بقي عشان رايحه اشوف شادي جتك نيله لتغلق الخط بعصبيه لتضحك الاخري عليها بشده : هيييح ننام ساعتين بقي وننزل نشوف هنعمل اي

_________________

ينظر الاخر حوله بأستغراب وهو يري تلك الفوضي الملقيه في كل مكان ليغمض عينيه بعصبيه وهو يصر علي اسنانه بغيظ ليقول بعصبيه: اي ده يا تمارا

لتنظر له الاخري بصدمه وهي تقول : يزن انت اي اللي جابك دلوقتي ليقول الاخر بعصبيه : يعني الاسم بيتي صح ولا اي مينفعش اجي وقت ما احب ولالا

تمارا بتوتر وهي تحرك يديها : مش قصدي بس يعني مش عوايدك ليمسح الاخر علي وجهه بتعب : حبيت اجي اريح ساعتين اي القرف اللي عملاه في الاوضه ده

تمارا وهي تحاول لملمه الأشياء : كنت بدور علي حاجه بس مقصدتش اعمل كده في الاوضه ليقترب الاخر منها بهدوء وهو يقول : وبتدوري علي اي ان شاء الله بقي خلاكي تعملي كده

تمارا وهي تتلفت حولها بتوتر لتقول فجاه بصدمه : رعد ليكمش الاخر حاجبيه بأستغراب : بتدوري علي رعد في الدولاب والهدوم

تمارا وهي تركض سريعا : احيه يا يزن انا نسيت رعد وسبته في المطبخ ليركض الاخر خلفها وهو يقول بعصبيه : نعم يختي نسيتي اي اللي في المطبخ

لتدخل الاخري سريعا وهي تنظر بصدمه لما حولها وهي تجد الفوضي في كل كل مكان ورعد يجلس فوق الثلاجه وهو يسكب الزيت في جميع الأركان بسعاده

تمارا بشهقه : احيه انت طلعت فوق ازاي انا سيباك علي الارض انطق ياض

لينظر لها الاخر وهو يقول : ماما زيت رعد كب زيت لتضرب الاخري وجنتها وهي تقول : رعد كب زيت يزن كب ماما بره البيت انا كنت بقول عدي هيبقي سبب طلاقي تعالي يحبيب ماما ابوك هيرمينا انا وانت فاقرب ملجأ بأذن الله

لتحاول الاقتراب منه وهي تمسك به لتفلت قدمها وهي تسقط سريعا من الزيت الملقي ليضحك رعد بشده وتمسك ضهرها بألم : ااااه منكوا لله عيله وسخه سواء انتو او انتاجكوا إنتاج اسود

ليأتي يزن وهو يصر علي اسنانه بغيظ ليراها بتلك الحاله: وحياه امك يختي لما دي جيناتي امال جيناتك انتي فين مستخبيه مكسوفه تطلع

تمارا وهي تستقيم لتمسك ضهرها بألم : عارف يا يزن لولا باقيه عليك وبحبك كنت ربطك انت وولادك فنخله واعذبكوا زي كفار الجاهليه واكب عليك بنزين واولع فيكوا اياكش اخلص

ليحاول رعد النزول وهو يتمسك في الثلاجه لينزل بعدها علي طاوله مرتفعه بجانبها ويتسلقها بسهوله كأنه معتاد عليها ليراقبه الاثنان بفاه مفتوح

 لتمسك به الاخري من ثيابه كالمجرمين وهي تحركه بعنف : واد انت طلعت مخلفه طرزان وانا معرفش انت طلعت ازاي فوق

لينظر لها رعد بأستغراب ويشير الي كرسي بجانب الطاوله : كرسي ماما لتنظر له الاخري بصمت تحاول استيعاب ما فعله ذلك الطفل البالغ ثلاث سنوات فقط

ليأتي عدي وهو يقول بسخريه : شوفي ربنا عمل فيكي اي عشان مكنتيش عاجبك خلفتي رزقك باللي امر منها عشان تتعلمي تشكري ربنا وتحمديه

لتنظر له تمارا بصدمه وهي تقول : وحياتك دي ذنوب ذنوب وبدفع تمنها وبتطلع فيا واحده واحده منكوا لله انتو وابوكوا اشوف فيكوا يوم كان يوم اسود يا يزن يوم ما عرفتك منك لله يا نايا منا عرفته بسببك

لينظر لها يزن ببرود وهو يتناول تفاحه : صح نضفي بقي المطبخ كويس عشان الزيت اللي ابنك كبه ولما تخلصي اطلعي نضفي الاوضه اللي قلبتيها فوق ومتزعجنيش عشان هنام

ليخرج بعدها بهدوء لتلحق به الاخري وهي تحاول ضربه ليمسك بها عدي سريعا: سيبني يا عدي مش هعمل حاجه هفتح دماغه بس ده جوزي برده مش هحب اكون ارمله بدري اشوف عنده دم ولالا

عدي وهو يحاول التمسك بها جيدا : اهدي بس ونشوفلك حل الله هرفعلك قضيه خلع عليه ارتاحي بس

 ليستمعوا لصوت تكسير بالخلف ليتصنم الاثنان وهم ينظرون بالبطئ لذلك الجالس بهدوء يكسر البيض وهو يضحك بشده عليه

عدي بصدمه وهو يترك تمارا : او مظنش نحتاج خلع طلاقك مسأله مش هتاخد اكتر من خمس دقايق هطلع احضرلك شنطتك وتمشي من غير محد يشوف وشك

لتومئ له تمارا بصدمه وهي تومئ بهدوء : انا بقول كده برده اطلع لم هدومنا قبل ما ابوك يصحي ويرمينا رميه كلاب

__________________

نونيا وهي ترفع احدي حاجبيها : اي يا حبيبي مالك جاي بدري مش عوايدك ده يدوب ساعتين تأخير بس

ليجلس شادي بضيق وهو يقول : نونيا انزلي من علي دماغي الساعه دي لتقول الاخري بضيق : ليه شايفني واخده كرسي وشمسيه وفتحاهم بحري علي دماغك

لينظر لها شادي بضيق وهو يصمت لتقول الاخري بأستغراب : مالك يا شادي في اي ليتنهد الاخر بحزن وهو يقول : شروق يا نونيا جسمها مش قابل العلاج ومش عارف اعمل اي

لتنظر له الاخري بحزن وهي تقول : كنا مفكرين جوازها من الياس هيرفع معنوياتها بس للاسف مظنش حصل والا مكنش هيبقي ده الوضع

شادي بشرود : يوم ما عرفت انها تعبانه مكنتش عارف اعمل اي الدكتور قال اعملوا المستحيل عشان تحسنوا نفسيتها ولما ملقتش غير الياس اضطريت اقوله وهو معترضش لما شاف وضع شروق كانت مدمره بس حاليا انا مخنوق حاسس دمرت حياته وحياتها

نونيا وهي تمسك بيده بحب : انت ملكش ذنب انت احسن اخ في الدنيا مع انك كنت معارض وقلت مستحيل قبلت عشانها وقفت جمبها وساندتها لتكمل وهي تنظر له ببرود : بعدين الياس شكله حبها

ليبتسم الاخر بسخريه وهو يقول: حبها اه الياس زي جندي في الجيش مش بيحب اللي بيعمله بس روتين اتعود عليه أو حاجه مغصوبه عليه

نونيا بسخريه : وملاك كانت روتين برده ولا اي مبلاش الكلام اللي ميدخلش العقل ده ليقول شادي بضيق : ملاك يمكن الحاجه الوحيده الصح فحياته شروق واللي مش عارف اتعامل عشانها خايف كل حاجه تبوظ فثانيه

لتنظر له نونيا بتردد وهي تقول : شادي انا متعودتش اخبي عليك حاجه بس مش عارفه اقولك اي لينظر الاخر لها بأستغراب وهو يقول : في اي يا نونيا مالك

لتزفر الاخري وهي تقول بضيق : عارفه هتخاف علي اختك من اللي جاي بس محبتش تعرف من غيري نايا رجعت مصر خلاص

لينظر لها شادي بصدمه وهو يقول : مستحيل محدش قال إنها رجعت وبعدين الياس معرفش اكيد صح لو عرف مش هيسكت

نونيا وهي تلعب بورقه بشرود : محدش يعرف غيري جت الصبح ومش هتقول لحد لمده يومين تظبط وضعها المشكله مش هعرف امنعها تروح لالياس اقولها اي جوزك اتجوز ومخلف دلوقتي

شادي بضيق : ووضع شروق هيسوء لو ظهرت هي مش ناقصه لتنظر له نونيا بحده : شروق دخلت حياه الياس وهي عارفه انه متجوز وعارفه ان نايا مسيرها ترجع يبقي ليه الكلام ده

شادي بعصبيه : لأنها اختي مهما يحصل اكيد هخاف عليها وعارف الياس مجروح من نايا وبيكرها حاليا او بيمثل انه بيكرها بس تقدري تقوليلي لما تبقي قدامه هيعمل اي مش بعيد يسيب شروق ويرجع لنايا

نونيا بضيق : سيب كل حاجه لوقتها يا شادي واللي يحصل يحصل انا مقولتش لحد ومش هقول وانت متجيش سيره ليومئ لها الاخر بشرود وهو يفكر في ما سيحدث

___________________

تستيقظ الاخري وهي تحاول فتح عينيها بتعب لتري الظلام يعم في الغرفه كلها لتنهض بكسل وهي تخرج للشرفه تستمتع بذلك النسيم الهادي وهي تفكر بشرود

نايا بأبتسامه: عدي وقت طويل اوي وكل حاجه اتغيرت يا تري اي اللي متغيرش هيكون رده فعل كل واحد اي لما يعرف اني رجعت لتكمل بشرود وهي تقول : الياس فضلت اهرب منه سنين عشان انسي وللأسف عمري منسيت هانت هاخد حقي ونتقابل ووقتها هعمل المستحيل عشان يسامحني زي مهسامحه علي غلطه معايا

لتنظر للسماء بشرود وهي تتذكر كل ما حدث بينهم لتبتسم تلقائي وهي تتذكر لحظاتهم في ذلك الجيم وهو يحثها علي التمرين لتغمض عينيها بأشتياق وهي تتمني لو كان كل ذلك مجرد حلم تستيقظ لتراه بجانبها كما كان

_______________________

في صباح اليوم التالي

تجلس وهي تنظر لابنتها بشرود لا تعلم كم مر من الوقت وهي تنظر لها تخاف نعم وبشده من المقدمه عليه تخاف ان يمر بها الوقت لتجد نفسها أمام غرفه العمليات ولا تخرج منها لتتركها وحيده

الياس بأستغراب : قاعده كده ليه بعدين ملاك لسه نايمه لتنظر له شروق بأبتسامه حاولت جعلها سعيده : النهارده حاسه نفسي كويسه اوي وحابه اقضي اليوم معاك انت وملاك

لينظر الاخر لها لثواني وهو يجلس بجانبها ليحتضن راسها وهو يقول : متقلقيش كل حاجه هتبقي بخير بلاش تخبي انك خايفه

لتدمع عين الاخري بحزن وهي تقول : خايفه يا الياس تكون دي اخر ايام اقضيها معاكوا حابه مضيعش وقت عشان كده حابه ناخد ملاك ونقضي اليوم بره

ليبتسم لها الياس وهو يقول: متقوليش كده تاني وحاضر قومي جهزي نفسك وجهزي ملاك عشان نفطر وننزل لتومئ له الاخري بأبتسامه سعيده

________________

تنظر الاخري للأمام وهي تغلق عينيها بأستمتاع لنسمات الهواء البارده هاله من الهدوء لم تحصل عليها لفترات طويله وهي تنظر لهؤلاء الاطفال وهم يلعبون بسعاده

 لتري طفله تركض بصعوبه بسبب سنها الصغير لتبتسم تلقائي وهي تنظر حولها لعلها تري من معها ولكنها لم تلمح احد لتقترب تلك الفتاه منها وهي تبتسم لها بسعاده وتتمسك في قدمها

نايا بأبتسامه وهي تحمل الطفله : اوبا القمر بنفسه جاي لعندي بجد انتي صغنونه اوي سيبينك لوحدك ازاي كده فين مامي

لتضحك الطفله وهي تضع يدها علي خد نايا بأستكشاف : ماما لتبتسم نايا بسعاده وهي تقول : لا انا مش ماما فين مامتك انتي ازاي تسيبك لوحدك كده

لتنظر لها الاخري بأستغراب وهي تسحب شعر نايا بطفوله لتستقيم الاخري وهي تقبلها بحب لتحاول إيجاد اهل تلك الطفله ولكن لم تجد احد

نايا وهي تزم شفتيها بضيق : معقول الاهمال ده ازاي يسيبوا طفله صغيره كده لوحدها لتقبل الطفله بسعاده : قوليلي بقي يقمر اسمك اي

لتنظر لها الطفله وهي تقول : ملاك لتضحك نايا بشده وهي تقول : فعلا اسم علي مسمي انتي ملاك فعلا بس فين ماما انتي جيتي مع مين

لتشير الاخري علي مكان ما لتجد شخص يقف وهو يتحدث في الهاتف ويعطيها ظهره لتقول الاخري بضيق : يعني الاستاذ سايب بنته وقاعد يتكلم في الفون والله عال اول

لتقترب منه وهي تحمل الطفله وتلاعبها ولكن الاخري اخذت تتحرك سريعا في يديها للنزول : استني بس هتقعي اصبري نروح لبابا

لتركض الطفله بسعاده وهي تقف أمام والدها الذي حملها سريعا وهو يقبلها لتحاول نايا رؤيه وجهه لمعرفه ذلك الشخص تشعر انه مألوف لها ولكن يعطيها ظهره لتستمع لصوت هاتفها يرن سريعا

نايا : اي يا نونيا خير ، بتقولي اي ، كويس اوي جتلي الفرصه من دهب اخيرا جبتي خبر عدل ، تؤتؤ ده كده محتاجين دخله زي دخله المسلسلات عارفه لما البطله تدخل عشان تنتقم من شرير القصه اهو ده بقي ، خلاص هروح دلوقتي واجهز نفسي , يلا تشاو يبيبي

لتغلق وهي تنظر أمامها بسعاده فها هي فرصتها الذهبيه أتت لها علي طبق من ذهب لتغلق يديها بعصبيه علي الهاتف وهي تقول بتوعد : قربت نهايتك يا عاصم وحياتك لدفعك تمن اللي عملته غالي اوي

لتنظر نظره اخيره علي الفتاه حولها ولكن لم تجدها لتزفر بشده وهي تذهب لتجهيز نفسها

_______________

الياس بأستغراب: ملاكي مش قلتلك متبعديش رحتي بعيد ليه لتنظر له الاخري بضيق وهي تشير لاحد ما ليلتفت الاخر ويجد فتاه بعيده عنهم ويبدوا انها سترحل

الياس بأستغراب : مين دي هي اللي جابتك لتومئ له الصغيره وهي تنظر ناحيه والدتها الجالسه بتعب : ماما

ليبتسم الياس وهو يقبل خدها الممتلئ بشده لتزداد ضحكات الاخري لينظر لشروق وهو يقول بأهتمام : حاسه بتعب من ساعه مجينا وانتي قاعده

لتنظر له الاخري وكأنها كانت شارده وتفكر فأمر ما : ها بتقول اي ليقول الياس باستغراب : بقولك حاسه بتعب مالك في اي

شروق وهي تنفي سريعا: لا بس الجو بدا يبرد يلا عشان ملاك متاخدش برد وانا محتاجه ارتاح مش قادره اقوم

ليومئ لها الياس سريعا وهو يساعدها بالنهوض ليمسك بملاك ويسند شروق باليد الاخري بينما تنظر شروق لاتجاه معين بشرود وهي تقول بداخلها : لا مش معقول اكيد بتخيل بعدين دي مش شكلها ايوه التانيه تخينه ومش كده مستحيل تكون هي

لتبتلع ريقها بتوتر وهي تتذكر تلك الفتاه التي كانت تحمل ملاك وهي تقبلها بسعاده لتقوم شروق سريعا وقتها لاخذها فهي كانت تبحث عنها ولكن لم تشعر بقدمها وهي تجد تلك الفتاه تشبه نايا لحد كبير جدا

شروق بشرود لتقول بداخلها: مستحيل تكون هي التانيه سافرت من زمان واحتمال مترجعش اكيد بتخيل ويمكن من التعب مش معقول الصدفه تجيبها لهنا ومتلاقيش غير بنتي اللي تمسكها لا مستحيل تكون نايا

يتبع…

لقراءة الفصل التالي : اضغط هنا

لقراءة الرواية كاملة اضغط على : (رواية زوج للايجار )