رواية زواج بشروط الفصل الأول 1 بقلم اسماعيل موسى

رواية زواج بشروط الجزء الأول

رواية زواج بشروط البارت الأول

رواية زواج بشروط الحلقة الأولى

كنت ماشى جنب صور الجامعه بعد ما خلصت المحاضره، الدنيا كانت مضطره والناس بتحاول تهرب من الشارع، ماشى لوحدى لان مليش أصدقاء، من بعيد شفت عربيه بيجرها حصان، الحوزى كان عمال يضرب الحصان بالسوط بكل قوته، واصلت المشى ولما وصلت العربيه قصادى غرزت فى الوحل، الحوزى نزل من فوق العربيه وقعد يضرب الحصان بالسوط والحصان الضعيف بيحاول يخرج من الوحل لحد ما جلد جسمه اتقطع.
عديت الناحيه التانيه وقلتله يا __ يا _ ياعم، حرااام، الحص، الحصان، هي، هيموت
بصلى صاحب العربيه بغضب، انت هتفضل تتهته كتير؟ انطق عايز ايه
حسيت بالخجل، انا مصاب التأتأه وناس كتير بتسخر منى
صرخت، بطل ضررررب فى الحصان
قالى وانت مالك؟
قلت، انا، انا هدفع لك اجرت اليوم وكفايه ضرب فى الحصان
وقف ضرب وبصلى بجشع، انت بقا من المدافعين عن حقوق الحيوان؟ هات الفلوس
خرجت من جيبى مية جنيه مكنش معايا غيرها وديتها للحوزى، حطها جوه جيبه وضرب الحصان بايده، حظك كويس يا ابن الو س
قلتله انا هساعدك نطلع العربيه، قعدت ازق العربيه معاه وفجأه كان فيه واحد نايم على الرصيف لابس هدوم متقطعه كان عمال يبصلنا من مده كبيره، جرى علينا وساعدنا نطلع العربيه
الراجل اخد عربيته ومشى، المتشرد قرب منى، انا فكرت دلوقتى هيطلب منى فلوس وانا مش معايه فلوس
بصلى وقال انت تملك قلب طيب يتخاف عليك فى الحياه
معرفتش ارد، خفت يسخر منى هو كمان
كمل انا جعان؟
قلتله مش معايا فلوس والله، قال عارف انا شفت كل حاجه وسبنى ورجع نام على الرصيف مره تانيه
روحت جنبه وقلتله يلا بينا، انا عندى اكل فى الشقه هناكل سوا
قال مش عايز خلاص انا شبعت
قلتله والله لتروح معايا انا حلفت
اخدته وروحنا على شقتى اكلنا المقسوم وطلعت فلوس من الدرج اديتهاله
رفض ياخد الفلوس منى قال مش عايز حاجه، الدنيا مطره بره ممكن انام هنا الليله؟
قلتله انا عندى سرير واحد
قال فاهم، فاهم، انا هنام هنا فى الصاله ومش هعمل دوشه
سبته نايم ودخلت غرفتى ذاكرت شويه ونمت، الصبح اول ما صحيت مكنش موجود، الصاله كانت مترتبه ونضيفه ومفيش اى أثر للتراب فيها
ابتسمت، ازاى نضف وعمل كل ده من غير ما احس
١