رواية روح فارس الفصل الثامن 8 بقلم محمد منصور
رواية روح فارس البارت الثامن
رواية روح فارس الجزء الثامن
رواية روح فارس الحلقة الثامنة
خلصت الحلقة اللي فاتت علي فارس اللي ضرب نفسه بالسكينة علشان يفدي روح اللي ضربها جودا بالخنجر في رقبتها. وبدأ الدم ينزل مني زي الشلال وبدات استسلم للموت لكن فجاة لقيت باب الشقة اللي انا محبوس فيها بيتفتح وبيدخل حصان العراف نديم وفوق منه شخص لابس اسود ف اسود وراح ناحيتي ورفعني علي ظهر الحصان وخرج بيا من الشقة بسرعه والدم اللي نزل مني سبب لي حاله فقدان وعي. واخر حاجة شوفتها الحصان بيدخل بيا في اللوحة اللي رسمتها لي هو صاحبة الاصلي. طبعا عايزين تعرفو الحصان دة جه ازاي ومين اللي راكبة هاقول لكم. بس هارجع معاكم بالاحداث لكام دقيقة قبل ما جودا يطعن روح بالخنجر في رقبتها وبالتحديد لعمي عمر اللي بص لجدي سلطان وهو بيذبح امي وصيفة وضحك جلهوم بشماته في سلطان اللي خلص علي بنته بايده لكن المشهد دة اختفي ولقي جلهوم نفسه في الزنزانة وقدام منه عمر وامي وصيفة وهي لسة عايشة فيبص جلهوم للي بيحصل ويقول لعمر
استخدمت السحر المحرم. في خداع سلطان عظيم دي جريمة،،،،،،
لكنه عمر ما اداش لي فرصة يكمل كلامه ومد ايدة وسحب لسان جلهوم وحط الخنجر علي لسان جلهوم وقال بتهديد واضح وصريح
لسانك هو نقطة قوتك واللي بي بتقدر تسيطر علي اللي قدامك. وبتخلي عبد عندك وانا هاحرمك من القوة دي
فيبص جلهوم لعمر بصة معنها انه مش خايف من تهديده ويطلع لسانه اكتر واكتر. فيقول عمر
باين عليك مش خايف وفاكر اني ماقدرش اعملها لكني اقدر والعهد اللي بين والدي وبين ناسك انا ماليش في. من بعد ما والدي قرر يخلص من اختي مابقاش يفرق معايا هايحصل له اية.
فيفضل جلهوم باصص لعمر بلامبالاة فيقول عمر
كدة. انت اللي اخترت ومن بعد لسانك هاقطع رقبتك وادفنك في الزنزانة
ويبدا عمر يقطع لسان جلهوم وهنا جلهوم يخاف ويشوف عمر في عيونه الرعب وهو عمال يقطع في لسان جلهوم فيطلب جلهوم بعيونه الرحمة من عمر فيسيب عمر لسان جلهوم اللي كان بدأ يجيب دم ويقول جلهوم
انت مجنون. مجنون
عمر
اسمع ردك دلوقتي علي العرض اللي عرضه عليك. حريتك مقابل مساعدتي في فك السحر الاسود عن اختي وتعرفني مين عمل فيها كدة
جلهوم بشر
هساعدك بس مع حريتي اكون ملك قبيلة سلطان عظيم
عمر
كفاية عليك الحرية
جلهوم
مش كفاية لازم اكون ملك وكل قبيلة سلطان عظيم يكونو عبيد عندي
عمر
دة معني اني اسعدك في انك تغدر بوالدي
جلهوم
والدك بعد اللي انت عملته وهروبك باختك واستخدام السحر المحرم في خداعه مش هايسيبك حي
عمر
برضو انا ماقدرش اغدر بوالدي
جلهوم
يبقي لساني ملهوش دم تقدر تقطعه ونهايتك تكون علي ايد وصيفة
ويقف جلهوم قدام عمر ويطلع لسانه ويمسك ايد عمر اللي فيها الخنجر ويحطها علي لسانه فيبعد عمر الخنجر عن لسان جلهوم ويقول عمر
انت شيطان
م/3
جلهوم
انا ابن الشيطان اللي ضحك علي انسية وخلفتني فاكيد يشرفني اني اتنسب لي. ودلوقتي عايز ردك علي العرض بتاعي
فيسكت عمر وهو مش عارف يقول اية ويبص لوصيفة اخته المربوطة ويفكر في والده فيقول جلهوم
الوقت بيضيع مننا وانا ماسمعتش ليك رد
عمر
انت فاكر ان اهل قبيلتنا ممكن يقبلو شيطان زيك ملك ليهم
جلهوم
لما يعرفو ان سلطان ملك ظالم قطع راس بنت الحداد لما هربت برة القبيلة وساب وصيفة عايشة وسامحها بعد ماعرف مكانها وانا اللي جيت بالحق وقطعت راس وصيفة انتقاما لشرف القبيلة وقتها مش هاينفع يكون ليهم ملك غيري
عمر
انت ناوي تقطع راس وصيفة
جلهوم
اكيد لا. دي هاتبقي مجرد خدعه. لكن لو فكرت تغدر بيا بعد ماساعدك وتخبي وصيفة في مكان انا ماعرفهوش هاجيبها وهاخليها قدام اهل القبيلة وهما بقي يعملو فيها اللي عايزنه
عمر
انت خبيث
جلهوم
خبيث علشان بساعدك. لتاني مرة بلاش نضيع وقت وارفع عني الرصد خليني اتحرر وارجع لقوتي واحرر اختك
عمر
ولو انت غدرت بيا او باختي
جلهوم
الرصد موجود معاك. كفاية اوي انك ترمي عليه وهارجع تاني. لا حول ليا ولا قوة
فيبص له عمر ويفضل متردد وجلهوم يقول
فك الرصد خليني انقذ اختك. انا دلوقتي معاك مش ضدك
م/4
ويروح عمر ناحية سلسة الدخان اللي حوالين جلهوم ويقرأ عليها تعويذة نسل سلطان عظيم ويتحرر جلهوم من السلسة وترجع له قوته ومن بعد ماكان عجوز رجع شاب من تاني وشعره اسود وطويل وجسمة قوي ويبص لعمر
عملت الصح يا عمر. وبسبب اللي انت عملته انا هانقذ اختك
وراح جلهوم ناحية وصيفة وبص في عيونها وشاف كل اللي حصل وبدأ يقرأ عليها تعويذة خبيثة وسحب من روحها كل السحر الاسود اللي رمي عليها جودا وترجع وصيفة لطبيعتها وتبص لعمر وتقول
عمر اخويا.
فيروح لها عمر بسرعه ويفكها وياخدها في حضنه ويقول
وصيفة. اشتقت ليكي يا اختي كل السنين دي اتحرم منك
وصيفة
بلاش نتكلم في اللي فات. ولازم تعرف بان جودا ابن عمي مع الملك غادر
اتصدم عمر وقال لوصيفة
مستحيل جودا يكون خاين
جلهوم
صدقها اللي رمها بالسحر. جودا.
وصيفة
مش بس كدة دة كمان غدر بفارس ابني
عمر بغضب شديد
الجبان
وصيفة
لازم نساعد فارس اكيد هو محتاج لينا. اومال فين والدي
عمر قال بارتباك
نلحق فارس الاول وبعدين اوديكي لوالدك
وبص عمر لجلهوم وقال
نقدر نساعد فارس ازاي
جلهوم
مافيش غير حصان نديم هو اللي يقدر يروح للمكان المسجون في فارس
عمر
هو مسجون
جلهوم
مسجون في زمن وارض غير زمنه وارضة واللي سجنه ملك الجن. ضرغام
م/5
وبص جلهوم لوصيفة وقال
جوزك.
وصيفة
انت بتقول اية ضرغام مات من سنين. وازاي جوزي يكون من الجن انت كذاب
فيضحك جلهوم ويقول
الدم اللي بيجري في دم فارس هو الدم اللي بيجري في عروقك وعروق ضرغام. ودم ابنك علي الارض وقدرت اعرف من الدم كل اللي اتقال ولو لسة مش مصدقة عندك قصر الملك غادر تقدري تروحي وتشوفي بعيونك كل المستخبي. واخر دموع عيونك اللي في جسم روح خليها تتنقل لجسم فارس.
وببص جلهوم لعمر ويقول
عملت اللي عليه مستنيك تعمل اللي عليك.
ويبص جلهوم لوصيفة ويقول
حصان نديم. خلي يدخل اللوحة اللي رسمه له فارس هو وصاحب الحصان القديم. والا موت ابنك هايكون قريب
واختفي جلهوم. وبص عمر لوصيفة وقال عمر
تقدري تخديني لمكان الحصان دة
وصيفة
الحصان دة خرج بي فارس من قصر غادر قبل ما يغدر بي جودا. وانا عارفة هو فين
واختفت وصيفة وعمر وظهره في الاسطبل اللي في ظهر بيت وصيفة ودخلو الاسطبل ولقو الحصان وقبل ما يقربو منه ظهر علي الحصان شخص لابس اسود في اسود وخد الحصان وخرج بي من الاسطبل بمنتهي السرعه وحاولت وصيفة انها تستخدم سحرها في ايقاف الحصان لكن اللي كان علي ظهر الحصان منع السحر من التاثير في وعمر حاول يلحقة لكنة اختفي وبصت وصيفة لعمر وقالت
مين دة. ولية سرق الحصان
عمر
ماقدرش اتعرف عليه. لكنه السحر بتاعنا ماقصرش في ازاي
وصيفة
ممكن يكون من الجن او من اهلنا
عمر
تقصدي مين جودا
وصيفة
ماقدرش احدد. بس لازم دلوقتي احرر اخر دمعه من عيوني من جسم روح وافدي بي فارس قبل ما يموت واعرف هو فين
عمر
دمعه اية
وصيفة
قبل ما يتلاشي فارس في اللوحة بعد معه لزمنه اخر دمعه من دموع عينية وامرتها تدور علي روح وتدخل جسمها علشان توصل روح لفارس وتساعده. لو تقدر وجه الوقت ان الدمعه ترجع لفارس وتنجي من اللي هو في
م/6
وبدات امي تمارس السحر لكنها وقعت علي الارض وهي تعبانه والمرض اللي فيها بدأ يتمكن منها. فراح لها عمر بسرعه وساعدها تقف علي رجليها وقال
مالك يا وصيفة
وصيفة بصعوبة
انا بخير. المرض اللي اصابني بدأ يتملك مني. ساعدني اكمل اللي بعمله.
ووقف عمر جنب وصيفة وسندها لغاية ماخلصت التعويذة اللي بتعملها وخرجت الدمعه من جسم روح وراحت لفارس. ووقعت وصيفة علي الارض وقالت
الدمعه نقلت لي اللي بيحصل حصان نديم خرج بفارس من المكان اللي كان مسجون في. وراح بي الارض الاولي
عمر
مين اللي خد فارس للارض الاولي . وبيساعده ليه وعايز منه اية. وعرف ازاي باللي قاله لينا جلهوم
وصيفة بصعوبة
اجابات الاسئلة دي حاسة انها هاتكون في قصر الملك غادر
ولازم نروح ونعرف اللي يخلينا ننقذ فارس
عمر
انتي هاترجعي بيتك وانا هاروح
وصيفة
فارس ابني. ولازم اعرف بيتخطط له اية علي ايد الملك غادر ولية اسم ضرغام ذكره جلهوم
عمر
بس انتي مريضة
وصيفة
مرضي مش هايروح مني انا هموت بي. لكنه قبل ما موت عايزا ابني يرجع لاهلة وناسة ووالدي سلطان عظيم يرضي عني ،،،،
م/7
وفي نفس الوقت انا كنت بفتح عيوني ودمعه امي علي مكان الجرح اللي اختفي ووقف نزيف الدم استغربت اوي واتعدلت في قعدتي لقيت نفسي في ارض خضراء مليانه شجر تشبة الغابة وحصان نديم واقف وقدام منه شخص لابس اسود ف اسود بيسقي مية وبيطبطب عليه
انت مين
لف الراجل دة ولقيته جدي سلطان. وخدني في حضنه باشتياق شديد ولقيت نفسي بلف ايدية حوالين منه وانا مش مصدق ان جدي هو اللي خلصني من اللي كنت في وقولت
انت اخر واحد كنت ممكن اصدق انه يساعدني.
سلطان وهو لسة حاطط ايدة علي وش فارس
انا لغاية دلوقتي مش مصدق اني ساعدك. بعد ما اتفق عليه عمك عمر مع جلهوم وخلي الخبيث جلهوم هو ملك قبيلتنا
استغربت وقولت
اكيد اللي بلغك بالكلام دة. عايز يزرع الفتنة بينك وبين عمي. وخصوصا ان جودا عدوكم من اتباع الملك غادر
سلطان
ماحدش بلغني. انا سمعت بنفسي اتفاق عمر مع جلهوم بعد ما استخدم السحر المحرم وكان انتقامي منه هايكون شديد. لكن عرفت اللي انت في ولقيت ان الانتقام دلوقتي مش مهم. والمهم هو انت يا فارس
فارس
مش مهم انا المهم روح واللي ممكن يحصل لها من جودا بعد مايعرف اني هربت منها
سلطان
روح بنت غادر.
فارس
هي يا جدي.
سلطان
جودا مش هايقتلها لانه عارف بالربط اللي بينك وبينها جودا عايزك باي ثمن
فارس
لية
سلطان
في يوم الخلاص جودا هايقتل غادر ويقتلك ويقتل روح ودمكم هايتخلط بالسحر وهايتخلق المخلوق اللي ماحدش يقدر يقف قدام منه مخلوق هايحكم ارض الجن والانس مخلوق الارض الاولي. اللي احنا فيها
م/8
فارس وهو بيبص حوالين منه يكمل سلطان كلامه ويقول
ايوة يا فارس هي دي الارض الاولي الجنة اللي كان فيها ادم
اللي هايطلع منها المخلوق اللي هايحرر الجن والانس من العبودية ساعدني يا فارس نخلص علي جودا
فارس
اساعدك ازاي يا جدي
سلطان
ترسم الباقي من لوحة غادر ونخلص احنا عليه وبمجرد ما يموت غادر جودا هايلاقي نفسه خسر كل اللي كان بيخطط لي
فارس
لوحة غادر بتسرق الاعمار وبيتحول بعدها المرسوم الي جثة. يبقي ازاي من الشر يتولد خير
سلطان
زي ما بيتولد من الخطيئة الطفل اللي بيبقي عالم وبيفيد الناس بعلمه. علشان ننقذ ارضنا وزمنا مش مهم مين يموت من زمن وارض مش بتوعنا
فارس
الانسان انسان في اي وقت وزمان والموت مصيبة ماينفعش اكون انا سببها
سلطان
يبقي خلي غادر يعمل كل اللي عايز يعمله وخلينا احنا واقفين نتفرج.
فارس
انا ماقولتش كدة.
سلطان
الارض اللي انت واقف وسط منها دي هاتتحول لدم ونار لو انت ماعملتش اللي بقول لك عليه. ارسم اللوحة الاخيرة لغادر خلينا نخلص الناس من شرة.
وهنا يحس سلطان بصداع شديد ويمسك دماغه ويسمع فارس صوت وصيفة تقول
اهرب يا فارس
فارس
امي انتي فين
في اللحظة يتحول سلطان لضرغام ويبص لفارس ويقول
الحقني يا فارس جودا بيخلص عليه وبيوهمك انه امك وصيفة
م/9
اتصدمت من اللي شوقته والدي ضرغام طيب ازاي وقولت
انت ميت
ضرغام
انا عايش وجودا عايز يخلص عليه.
وصيفة
انا امك وصيفة. اوعي تصدق الشيطان دة.
ضرغام
امسك ايدي خليني ابقي اقوي بيك
في الوقت دة ظهرت روح من وراء اغصان الشجر وقالت
فارس جودا بيقتلني. الحقني. انا حبيبتك. محتاجه للمسة من ايدك
غمض فارس عيونه يمكن يشوف روح لكنه ماشفهاش ولاول مرة ما يشفهاش وفتح عيونه بسرعه وقال
انتي روح ولا انا موهوم
وصيفة
اركب الحصان واهرب يا فارس اوعي تصدق اي شئ من اللي انت شايفة
ضرغام
معقوله تصدق اني اضرك. انا والدك. ازاي وصيفة تحذرك مني. ساعدني واعي تهرب وتسيبني
روح
فارس. جودا بيقتلني تعالي وخلصني منه
ضرغام
ماتصدقش روح. دة هي وراء كل اللي بيحصلك. صدقني يا فارس
وصيفة باعلي صوت عندها
اهرب يا فارس
روح اللي بدأ غصن الشجر يتلف حوالين منها وبتقول
هاتهرب وتسيب حبيبتك بتموت
مابقاش عارف فارس يعمل اية وبقي يبص لكل اللي بيحصل وقلبه خلاه يروح ناحية روح ومسك ايدها وبقيت مجرد سراب اختفيت من الارض الاولي ولقيت نفسي في مكان مظلم ماكنتش شايف حتي كف ايدية وصوت روح بتقول
حصل اللي كان نفسي في من زمان ارجع زمني وارضي واحكم العبيد اللي زيك
فارس باستغراب
انت مين
روح بشر
انا روح. او زي ما تعرفوني في عالم الانس بالجنية السوداء. اللي اتحكم عليها تتنفي في زمن غير زمنها وارض غير ارضها بلعنه رماها عليه جدك سلطان عظيم اللي بيحمي الناس من شري واللعنه ما تتحلش الا بحب اول حفيد لسلطان عظيم للجنية السوداء والحب حصل وجيت لغاية زمني علشان تحررني. كان لازم تسمع لصوت امك وصيفة لما قالت اهرب
وفي اللحظة دي سمعت في الظلمة صوت والدي ضرغام وهو بيقول
امك وصيفة حبتني وهربت معايا من سلطان عظيم هربت مع ملك ملوك الجان. اسود رجيم
وتترج الارض من تحت رجل فارس ويقع فارس علي الارض ويسمع صوت. اسود رجيم
برجوع بنتي الجنية السوداء هاتتهز عروش ملوك الجن والانس. وبدمك هاكمل اللوحة اللي هاسرق بيها اعمار اعدائي
وراح اسود رجيم ناحية فارس من وراء منه ومسك راس فارس وفصلها عن جسمه. ،،،،
ولغاية هنا وخلصت حلقة النهاردة اللي يارب تكون عجبتكم واستنوني يوم السبت والحلقة التاسعة من روح فارس. سلام
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية روح فارس)
تعليق واحد