رواية رب صدفه بالحب نلتقي الفصل الأول 1 بقلم هدير أيمن
رواية رب صدفه بالحب نلتقي الجزء الأول
رواية رب صدفه بالحب نلتقي البارت الأول
رواية رب صدفه بالحب نلتقي الحلقة الأولى
هسافر ي ماما ده مستقبلي وانا عارفة بعمل اي كويس !
_مفيش سفر من غير محرم قولتلك
_طب ومفيش محرم اي مسافرش ؟ محققش طموحي واعملي كيان ؟ انا مش محتاجه لحد
_وانا قولت الي عندي
_ ي ماما افهميني ب…
قطعت كلامي
_ مسمعش كلمة زيادة عن الموضوع ده
دخلت اوضتي وقفلت عليا بقالي سنين نفسي اشتغل ف الشركة دي وياما ناس بعتولهم الcv واشطر مني واترفضوا وانا ؟ انا يوم ما اتقبل يحصل كده !
الانسان لما بيكون نفسه ف حاجه ويحس انها بعيدة بيعمل حاجتين : ي بيفقد الشغف ناحيتها ويتعايش مع الواقع زي ما هو كده ،يأما يفضل يتعب ويشجع نفسه أنه هيحقق الي نفسه فيه .
سمعت حركه جايه ناحية اوضتي اكيد ماما جايه تقولي أنها وافقت
_هدير انا نازله لخالتك لو عايزة تنزلي تعالي ولاد خالتك تحت
_لا هنام
_ ع راحتك
كالعاده فضلت ف اوضتي مع أفكاري ودماغي الي مستحمله رغيي
انا زهقت اكهرب نفسي يعني ولا اعمل اي علشان اصعب عليها !
الباب خبط روحت افتح وانا بتكلم ،هو انا مش قولت هنام مخدتيش المفتاح ليه ي …
_ دي شقه والدة هدير ؟
هدير : !!!
_ انا الي جاي اسكن جديد ف الشقة الي قصادكوا وجاي استلم مفتاح الشقة
هدير : الي تحت
_ نعم ؟
هدير : ف الشقه الي تحت
_اسف هي كانت قيلالي انها الشقه الي اقصادي بعتذر عن الازعاج وبص للأرض ونزل وانا فضلت واقفه مصدومه اني فتحت بمنظري ده ! هو شاف شعري وهو متكهرب وواقف باصص لفوق و بيحيي العلم كده ؟!
له حق أنه كمل كلامه وهو باصص ع الارض بعد ما شاف منظري،الولا شكله قطع الخلف وبقي يتهته ف الكلام ،ان شاء الله مش هيعرف اني هدير ولا حاجه !
دخلت انام ومحستش بنفسي غير وماما بتصحيني ع الضهر علشان نفطر
ماما : مخلفه غيبوبه انا
هدير : مكنوش كام ساعه من العشا للضهر يعني ! ده انا اصلا اصلا مكنتش عارفه انام
ماما : اصلا ؟
هدير : اصلا
لاقيت الشبشب بيسابقني ف الشقه ومعروفه مين كسب يعني مش محتاجه شرح
واحنا بناكل :
_بقولك اي لما تيجي تنزلي من هنا مترزعيش الباب زي اللطخه علشان جارنا الجديد ميتصرعش منك ده اول يوم له
هدير : وانا عامله مش واخده بالي أنه اتصرع امبارح من حاجه تانيه والي كان كان
جار مين ي ماما ؟
_ده شاب كان بيدور ع شقه هو مغترب والحج فتحي قاله ع عمارتنا وكلمني امبارح من تليفون الحج فتحي وقولتله يجي بكرة ياخد مفتاح الشقه ،كان عايز يمضي العقد قولتله بس لما تستلمها الاول وتحط حاجتك والحاجات دي بعدين
هدير : الاه ومن أمتي ي ماما بتستني ف كتابه العقد كده ؟ ده انتي الجيران القديمه كنتي مخلياهم يبصموا بالعشرة قبل ما يعتبوا باب الشقه !
لاقيت حاجه بتترفع لفوق طبعا مش محتاجه اقول إنه شبشب الوالدة ابدا ابدا
اتكلمت وانا ببلع ريقي خلا خلاص هسكت هسكت كملي
ماما : بصي الشاب محترم وطيب وكمان مغترب بعيد عن أهله هاجي انا والدنيا عليه يعني !
_ لا طبعا ميصحش
ماما : نفسي تتكلمي جد مرة
هدير : بيقولك مره بنت نفسها تغترب قاعده جنبك !
لاقيت بيضتين مسلوقين محطوطين ف بوقي
ماما : اطفحي وانتي ساكته
هدير : بتموت فيا ي ناس !
وضبت البيت وبدأت اجهز ف الغدا وروحت اشوف هلبس اي عقبال ما الاكل يستوي
_امااااااا البس ده ولا ده
ماما : ياربي ع الي هتموتني ناقصه عمر دي نفسي تتكلمي زي البنات وبعدين انتي كل شويه اسود ف اسود كددده؟
هدير : لا مسمحلكيش ده الزراير لونها بينك والتاني اسورته بيضه
حدفتني بتفاحه بس الحمد لله مجتش ف دماغي
هدير : طب وريني صباع الموز الي جنبك ده بيقول اي كده !
وقفلت باب اوضتي بسرعه قبل ما دماغي تتفتح بحاجه
كويت فستان اسود وخمار اسود ف بينك ،ماله الاسود ما قمر اهو اخر اناقة اخر شياكه اخر …شيااااطه ، شيااطه ؟!
اااااع الاكل جريت ع المطبخ الحمد لله طلع مش من عندنا وقفلت ع الاكل ،اومال من مين !
لاقيت ماما بتفتح الشقه وراحت تخبط ع جارنا ده بتطمن عليه
هدير : الاه امااااا انتي مبتعمليهاش معايا
ماما : وطي صوتك وطي صووتك ( بصوت محمد هنيدي )
جارنا فتح الباب ف استخبيت ورا الباب
ماما : انت كويس يبني ؟ فيه شياط من عندك قولت اطمن عليك
_ انا كويس ي طنط بس مليش ف المطبخ وكنت بجرب اعمل حاجه واديكي شميتي النتيجه !
صوت ضحكتي وصلتلهم ف كتمت نفسي ودخلت المطبخ بسرعه ومعرفتش كملوا كلام قالوا اي ،شويه ولاقيت ماما جت وسابت الباب مفتوح وانا كنت طالعه ارص الاكل ودخلت اجيب باقي الاطباق طلعت لاقيت السفرة فاضيه ! بسم الله اي ده ف اي ،اماااااا
ببص ورايا لاقيتها بتبصلي وبتستحلفلي وهي واقفه مع جارنا
بحط نفسي ف مواقف بااااايخه
دخلت المطبخ اغرف تاني وطلعت احط الاكل لاقيت حد بيمسكني من قفايا
ماما : مخلفه عبده موته انا ؟
هدير : مكنتش اعرف انك واقفه معاه والله
ماما : يعني الاكل اتحرق منه اسيبه كده يعني وانا زي أمه ؟ تعملي حسابه بعد كده كل يوم ف الغدا
هدير : مش عايز dvd بالمره ؟
ماما : اطفحااااي
خلصت ولبست وبكلم المرايه: قوليلي ي مرايتي مين احلي بنت ف البنات ؟
النور قطع !
مش اخلاق مرايات دي والله
امااااا
ماما : انصرفااااي انصرفااااي
_ ي أمااا دي انا بنتك
ماما : طلعالي ب اسود ف الضلمه ي مفتريه
هدير : الاه مش شايفه الدواير البينك الي ف الخمار !
المهم قوليلي فين الكشاف
ماما : هتلاقيه فوق التلاجه نوري بكشاف تليفونك وهاتيه
جبته ونورت وماما فتحت الباب وسابته مفتوح وحطت الكشاف ع الجزامه الي جنب الباب علشان ينور للي اودامنا
هدير : خلفتيه ونستيه لو كده عرفيني
ماما : انتي مش نازله الشغل قومي غوري
هدير : اعترفي انك لاقياني ع باب جامع
خدت شنطتي وبلبس الكوتشي البينك لاقيته بيفتح الباب وسلم ع ماما ونزل ولا أكني شفافه اودامه ! معقوله اكون فعلا مش باينه ف الضلمه زي ما ماما بتقول ! طب والكوتشي البينك !
وانا نازله قابلت ابن خالتي ع السلم مهو احنا عمارتنا عباره عن خالتي وبيتنا والجار الجديد
وليد : انا كنت لسه هطلع ليكوا علشان لو مفيش كشاف
هدير : لا نورنا خلاص ،ماما فوق ابقي نزلها تقعد مع خالتو
_ ماشي انتي رايحه فين !
هدير : الشغل
_ طب استني اوصلك بالعربيه
هدير : لا لا هعدي ع ياسمين ونمشي سوا
_ طيب ماشي
ياسمين دي تبقي اول صاحبه ليا والي معوزتش اصاحب بعدها ،احيانا ممكن كل الصحاب نلاقيهم ف صاحب واحد بيحبك بجد
روحنا الشركه الي مضطره اكمل فيها علشان ماما مش راضيه تسفرنااااااي
مضينا حضور وروحنا ع اوضه المكاتب
نسيت اعرفكوا بنفسي انا هدير خريجه كليه هندسه وعندي ٢٤ سنه والي كان متوفر لينا هو شغل المكاتب الفنيه لغايه ما أسافر
لاقيت سهيله ( الايد اليمين لصاحب الشركة ) بتقولي مكتبك اتغير علش.. لسه هتكمل كلامها سيبتها ومشيت ، مين ده الي قاعد ع مكتباااااااي
انت ي استاذ انت ازاي تقعد ع مكتبي و ..
كان مديني ضهره ف لف لاقيته جارنا !
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية رب صدفه بالحب نلتقي)
تعليق واحد