رواية ذات الوجهين الفصل الرابع عشر 14 بقلم منة محمد

رواية ذات الوجهين البارت الرابع عشر

رواية ذات الوجهين الجزء الرابع عشر

رواية ذات الوجهين الحلقة الرابعة عشر

ياسمين طلعت بعد نور مشت شويه ورجعت وقفت تاني وسألتها: عزه فين ذات
عزه: شوفتها طالعه ع برا من شويه
ياسمين هزت لها دماغها بتمام ومشت تروح لنورها وذات عملت نفس المره الي فاتت وقفت ببطئ ورشت برفانها
نور عدي بالعربيه وبصلها بسؤال: ها يا ياسمين تحبي اوصلها
ياسمين بجمود: ايوه
نور مكنش منتظر منها الرد ده لكن وقف بالعربيه وبصلها من الشباك ع مضض: ذات اطلعي العربيه
ذات مثلت الخجل: لا مفيش داعي
نور رجع بص لياسمين الي ع نفس جمودها ورجع بصلها: اركبي ده طلب ياسمين
ذات ببتسامه رخمه: متشكره ليك
ذات فتحت الباب وركبت ونور بص لياسمين الي نظراتها لقدام كأنها تمثال واتجمد
ذات ميلت عليهم شويه: شكرا يا ياسمين ولحسن حظي انكم عديتم عليا لان الشمس قادحه اوي وهتجبلي صداع_طبطبت ع حرف كتفها_ شكرا مره تانيه
ياسمين جامده زي ما هي ومبتردش ونور مسد بأيده ع رجلها كأنه حاسس بيها دقايق ونور ركن العربيه ونزلت ياسمين وذات نزلت وراها
ياسمين خبطت ع الشباك لنور الي فتحلها وهي قالتله: متنساش الاجتماع
نور ابتسملها لانه فهم انها عايزه تثبتلها ان مفيش مشاكل حصلت بينهم : ايوه فاكر يا قلبي ومتشكر
ذات بدلع رخم اوي: ميرسي يانور
نور بدون حتي ما يبصلها بص لياسمينته وحرك العربيه
ذات: ياسمين انتي كويسه اصلك هاديه
ياسمين بجمود: انا تمام
ذات لعبت في خصله من شعر ياسمين: كويس انك بخير انا بقي منمتش ليله امبارح خفت لتكوني فكرتي كتير
ياسمين بوش خشب: انا مبفكرش كتير لان الموضوع ميستهلش كل الحكايه طقم داخلي كان موجود في المكان الغلط وانا ميعجبنيش الاستايل ده عشان كدا لما حبيتي تاخديه رجعتهولك عشان كدا مش محتاجه افكر اصلا
ذات بصتلها وابتسمت بصفار: ليه الحمقه دي يا ياسمين كل الحكايه ان نور بيحب اللون ده ولو هتلبسيه هروح اشتريلك بنفسي واحد لاني عارفه انه لونه المفضل
ياسمين حطت عيونها في عينها وبصتلها وبدات علامات العصبيه تظهر على ملامح وشها
ذات حركت ايدها ع طرف جاكتها: اظن قلت لك غيري لبسك اصل شاب زي نور بيحب الست الم*ثيره وهشتريلك واحد وهحطهولك يله انا رايحه الشغل سلام يا صاحبتي الخام
جات تبوس خدها ياسمين بعدت وشها وغمضت عيونها بشمئزاز واخدت نفس جامد وذات مشت وهي مبسمه جواها
وياسمين عيونها رغرغت وحطت ايدها ع رقبتها وحاست انها حرفيا بتت*خنق
……………..قصص منه محمد كاتب…………
بعد الاذاعه الي تقريبا طول مدتها ياسمين سرحانه وشارده وهبه اخدت الميكرفون عنها لحد ما انتهت الحلقه الي كانت محتواها ان زوج بيشتكي من زوجته انها سمينه وبتلبس قمصان نوم استايلها بلدي جدا وكئن المشكله موجهه لياسمين واتكت ع جرحها الل*عين
هبه نهت الحلقه وبصتلها: فيه ايه يايا سمين؟؟!!
ياسمين انتبهت: انا اسف ياهبه مش عارفه ليه سرحت
هبه بصوت عالي الي الموجودين في الغرفه يسمعوه من الميكرفون: عشان ذات
ياسمين برتباك: لاء
هبه: ليه بتداري وتخبي انا عارفه بخصوص هدومها الداخليه
معتز فتح عيونه وبرق: هدوم مين الداخليه
حنان رفعتله كتافها: معرفش ياخويا بس بجد عندي فضول وهعرف
ياسمين بدهشه: عرفتي ازاي
هبه: ضحي قالتلي عن الطقم اظن الامور بقت واضحه يا ياسمين
ياسمين بخنقه: تفتكري هي اتعمدت تعمل كدا
هبه بشويه حده: انتي بجد لسه بتسألي طبعا متعمده والامر واضح للاعمي بأنها بتغري نور
ياسمين: ذات بتحاول تسرق مني نور
هبه: ده الي واضح جدا يا ياسمين ولو هي مش كدا مش هتعمل الي بتعمله بس نور قالك ايه
ياسمين: نور مقلش حاجه قال انه بيحبني زي منا والي هقوله هو هيقوله لانه بيحترمني جدا
هبه: كدا الامور كلها عندك انتي
ياسمين: عارفه وانا لما ارجع اليوم البيت هبلغها تمشي
هبه: ممتاز احمي بيتك بلاش طيبه اتجاهها لانها عكسك وطيبتك لازم يكون ليها حد والي هتعمليه هو عين العقل
ياسمين: متشكره يا هبه انا هطلع فوق للراديو
هبه: تمام وركزي وانا جايه وراكي
ياسمين قامت وقفت واخدت الشنطه ومشت بتفكير رهيب في القرار الي هتعمله!!!!
معتز قابلها ببتسامه عند باب الاسانسير وحياها بدماغه وبسرعه راح لهبه وقعد: هبه انا مش قادر اصدق ذات بتغري نور بطقمها الداخلي
هبه: كنت بتتسمع علينا
معتز: لاء حنان قالتلي فطبيعي عرفت وزمان الخبر انتشر ع السوشيال ميديا بس بجد البت دي غبيه لان سواء انا او نور رجاله اذكياء ميقبلوش فضله راجل تاني
هبه ببتسامه: بجد يامعتز
معتز بيتكلم بثقه: طبعا
هبه حبت تدخله امتحان فقالت: بس الحقيقه انا عرفت رجاله كتير في الحاله دي بطل تغازلني
معتز بلع ريقه: اوه يا هبه انتي لسه انسه ومتجوزتيش
هبه: حاليا انسه بس ده مش معناه اني متكلتش
معتزمسك قلبه بدراما: يا قاسيه كسرتي قلبي بس حتي لو كدا انا قابل_مسك ايدها_ لاني متأكد انك بريئه وجميله
هبه ابتسمتلوا لانه نجح في الاختبار وهو بادلها نفس الابتسامه
…………قصص منه محمد كاتب……….
ذات رجعت من شغلها بعد ما اتخانقت مع صاحبها لانها عماله تخسره وترد ع السياح بوق*احه قابلتها عزه وقالت لها الست نورهان مستنياكي في غرفه الضيوف
ذات اتنهدت بقرف وراحتلها: عزه قالت لي انك عايزه تتكلمي معايا خير
نورهان بشخط: انتي محدش علمك لما تكوني داخله ع حد تقولي السلام عليكم وتحترمي الناس
ذات حطت ايدها في وسطها بغرور: لو هتعلميني الاخلاق والادب عن اذنك انا جايه تعبانه من الشغل عشان كدا مش مستعده اسمع محاضره من حد
نورهان وقفتها وبصتلها باحت*قار: استني عندك انا هنا مش عشان اعلمك الاخلاقيات وانتي في السن ده انا جايه اطرد الك*لاب بعيد عن عربيتي ده المهم
ذات بستهزاء : لو كنتي هنا عشان تسمعيني كلامك اتفضلي قوليه كله وخلصيني بسرعه بدل الاهانات لان انا كمان عايزه احتفظ بقوتي واطرد الك*لاب خصوصا لو كانت كبيره في السن
عزه: اتكلمي كويس مع نورهان هانم
نورهان: سبيها ياعزه لما اسألها امتي هتمشي وتغور من هنا
ذات بتناكه عليها: لما القي مكان همشي
نورهان اتحرقت اعصابها : وانتي حتي بتحاولي مجرد حجج واعذار فارغه وعايشه في بيت راجل ومراته لسه عرسان ومش مراعيه خصوصياتهم
ذات ربعت ايدها ع صدرها: عايزه تقولي لحمي طخين اتفضلي قولي ومش هرد عليكي
نورهان بنبره مليانه سخريه : انتي اعترفتي بنفسك بس مش لحمك الي طخين انتي معندكيش دم كمان والحمد لله ابوكي وامك ماتوا بعدها جوزك سابك والا كان زمانه ميت من القهر هو كمان
نور هنا كان وصل ودخل وذات بصتله وسكتت تماما!!!!
نورهان بنرفزه: سكتي ليه كملي
ذات بسرعه نزلت دموع التماسيح وبمسكنه: سكوتي بسبب كل الكلام الجارح الي قولتهولي ولو عايزه تشت*ميني او تهنيني اتفضلي هتحمل ماليش اختيار لاني مفلسه ولو حتي دوستي وخطيتي فوقي اتفضلي
نورهان مستغربه التحول والمسكنه المفاجئه متعرفش ان نور واقف وراها وسامع !!!
ذات عيطت بحرقه: عارفه اني غلطت في حق نور بس نولت جزائي لدرجه جوعت ومبقتش لقيه اللقمه ولا بيت يئويني مبقاش ليا اي حاجه عاوزاني اعمل ايه_ انفجرت في العياط_ لو اقدر ارجع الزمن اتمني اغير كل حاجه ومجرحش نور ابدا لكن ده مش هقدر اعمله
نور بصلها واتاثر جدا بكلامها وحب ضعفها لانه شافها دي البنت الي حبها او الي اتمني تبقي بالضعف ده معاه
ذات: انا مش عايزه افضل هنا لاني عارفه اني سببت مشاكل للكل لكن معرفش امشي واروح فين بجد معرفش
نوربصوت رخيم شوي: امي نورهان
نورهان لفت بسرعه وبصتله بدهشه لانها مش متوقعه حضوره بدري اليوم وذات زادت شهقاتها وقالتلهم بصوت ضعيعف مبحوح: عن اذنكم
وطلعت بسرعه وقفت ع السلم تبص لصورته مع ياسمين بحق*د وتمسح دموع التمثيل وتبتسم بخبث!!!!
نور بعتاب: ليه كدا يا امي
نورهان بعصبيه ونرفزه: هو ايه الي ليه ياسمين متستحقش منها كدا وانت مشغول في الشركه وهي واخده راحتها في البيت
نور: وعشان كدا هزقتيها
نورهان: يابني دي خداعه مثلت قدامك انها اتأثرت بكلامي وبعدين حبيت اسألها امتي ناويه تمشي بس مخدتش عقاد نافع
نور: ماما امر ذات نسيبه لياسمين هي تهتم بيه لانهم اصدقاء وهما براحتهم حتي انا جوزها مش عايز ادخل
نورهان كشرت وحاولت تمسك اعصابها لا تنفجر فيه : تمام! طالما مش عايزني ادخل مش هدخل انا ماشيه
نور باس راسها: مع السلامه يا امي
نورهان ابتسمت له ابتسامة مجامله : مع السلامه يانور
……………..قصص منه محمد كاتب………….
نور طلعلها فوق ع الروف لقاها قاعده ايدها تحت خدها بصتله وحبت تقطع عليه فوج الاه*انه وبسرعه البرق نزلت دموعها: قول اي ان كان الي هتقوله لو عايز تطردني من البيت اطرد لانه دورك لو حبيت تهزقني او تنتقم مني ع اي حاجه اعملها عشان تنهي الامور ولو الكلام الي هتقوله هيخليك احسن او يقلل غ*ضبك اتفضل وانا عندي القدره اني اتحمله
نورحط ايده في جيبه وبهدوء قال: الي قلته امي نورهان بعتذر بالنيابه عنها
ذات اندهشت لان مش ده الكلام الي كانت متوقعاه منه ونور قال كلامه ولف مشي تحت انظار ياسمين الي واقفه مستخبيه تسمع كلامهم وجسمها جاتلو رعشة خوف وغيره وحطت ايدها على قلبها !!!!وذات ابتسمت اوي انه اشفق عليها وصدقها
ياسمين قربت منها: ذات
ذات اتخضت وبصتلها وبسرعه رسمت التكشيره ونزلت خزان الدموع
ياسمين: عزه بلغتني بكلام ماما نورهان وبعده انتي عامله ايه؟؟!!
ذات: بخير دلوقت نور جه اعتذر نيابه عنها ع الاقل ما هزقنيش اكتر عشان كدا انا بخير ونورهان امرها ميهمنيش الي امره يهمني هو نور
ياسمين بغيره انها بتتكلم عن نور كأنه حبيبها القديم هي لازم تعرفها انه نورها لوحدها هي وبس فقالت: ذات الامر كدا خرج عن السيطره واظن لازم تمشي
ذات: ياسمين من غير ما تطلبي انا كنت بفكر الم حاجاتي الليله بس يمكن افضل يوم واحد كمان الاول القي مكان جديد _بدموع كتير لزوم التمثيل_ حاليا معيش حق اوضه حتي رخيصه ودورت فعلا عن شقه وكلمت ناس في شغلي _عيطت بحرقه اكتر_
ياسمين اتأثرت ونزلت دموعها
ذات قامت وقفت قدامها: ياسمين بتعيطي
ياسمين مسحت دموعها: متقوليش عليا جاحده بس الامر وصل للعلتين والدنيا كلها عليا ومعرفش اعمل ايه بجد صعب عليا
ذات مسحتلها دموعها : انا فاهمه والي هيخليكي سعيده هنفذه متعيطيش يا صديقتي الطيبه_اخدتها في حضنها وبكت معاها
ذات طبطبط ع ضهرها: متعيطيش انا هاخد شور وهلم شنطي تمام
ياسمين بتحاول تسيطر على دموعها : تمام
……..قصص منه محمد كاتب……..
نورهان بغيظ: شوفت يارفعت البت اكلتني بدموعها بنت الابلسه والشياطين
رفعت : لانها عارفه ان الدموع والشحتفه هما سلاحها ,, بس لو الراجل مكنش شديد وصارم مائه بالمائه هيضعف
نورهان: وابنك لما شاف دموعها تبكي وتشهنف ع حياتها بصلي كأني الساحره الش*ريره تفتكر نور ممكن يضعف
رفعت خلع نضارته ومسح بين عيونه: انا معرفش الامر راجع لتفكير نور نفسه واداء ذات وقد ايه هي مقنعه
نورهان مسكت راسها: ياربي البت دي خطيره جدا البت مثلت بحتراف عارف كانت بتهني وفجأه فتحت في العياط كنت مصدومه ونور هيضعف اكيد
رفعت: عشان كدا قولت لك متدخليش دي امورهم وتخصهم ,,,سبيهم يديروا امور حياتهم بنفسهم
نورهان اللي فارت من القهر واسلوبها : بس انا قلقانه يارفعت نور هيضعف وياسمين طيبه وخايفه حياتهم تبوظ
رفعت بحده: وانا بقولك كفايه ومتدخليش تاني ممكن لانهم لو مش قادرين يحلوا مشاكلهم هيطلبونا وساعتها ادخلي براحتك
نورهان: والله بدماغك دي هتغرق ابنك في الوحل وابقي قول نورهان قالت
رفعت: انتي ست جباره ولو حكمناكي عليها هتشنقيها
نورهان: اتريق يا رفعت بس بتمني فعلا اليوم الي يجولنا فيه ويطلبوا مساعدتنا وميكنش متأخر ويكون فات الاوان
نفخت وسابته وهي مولعه ..واعصابها تعبانه اصلا من نور ورده ورفعت بص لـ اثرها وهي ماشيه ودماغه راحت لكذا سيناريو
……….قصص منه محمد كاتب…….
ياسمين باصه لقدام : نور
نور لفلها بكل جسمه وبصلها والابتسامه الساحره مرسومه على وشه : نعم
ياسمين: انا اتكلمت مع ذات عشان تلاقيلها مكان تاني غير هنا وهي قالت هتلم هدومها وطلبت ليله واحده كمان
نور اخد نفس وارتاح: بجد بس ليه وشك عامل كدا
ياسمين: لاني زعلانه عليها
نور قرص انفها واخدها لحضنه وياسمين حطت دماغها ع صدره وكل واحد اخده التفكير!!!!
نور بعد وقت نطق وقال: انا كمان مشفق عليها بعد ما سمعت كلامها مع امي لان ذات مالهاش مكان تروح فيه بس الي عملناه عين العقل واحسن حل عشان كدا متفكريش كتير كل الامور هتنتهي تمام حبي
ياسمين ضمته عليها اوي: تمام
……………….قصص منه محمد كاتب…………
الصبح ياسمين لبست وخرجت قبل نور لقت عزه معاها عده التنضيف: عزه فين ذات
عزه: مشت اول ما طلع النهار
ياسمين بتعجب: مشت
عزه: ايوه مشت قالت انها رايحه تشوف شقه ايجار من خلال شغلها
نور بيقفل زراير قميصه وابتسم: معني كدا ان المره دي هي هتمشي فعلا
عزه: ايوه يا باشمهندس
ياسمين: قولت لك هي كانت جد المره دي
نور: عشان اصدق اشوف الاوضه
عزه: تعال ورايا
نور دخل وبص للشنط: كده فعلا هتمشي بجد
ياسمين شدت دقنه بمرح: ممكن تبطل قلق
نور: نفسي والله بس طالما الي قولتيه حصل هبطل قلق
ياسمين ابتسمتلوا
نور حاوط كتفها: يله احنا نفطر ونروح شغلنا
نور اخد ياسمين وضرب عزه ع كتفها بهزار: خدي بالك
عزه ضحكتلو: عيوني يا سي نور