رواية دمعه من سمراء الفصل الثاني 2 بقلم آيات عبدالرحمن

رواية دمعه من سمراء الجزء الثاني

رواية دمعه من سمراء البارت الثاني

رواية دمعه من سمراء الحلقة الثانية

طردتها من هنا واتصلت علي اهلي من الجهه التانيه وطبعا ما سكتش ليهم وقولت كلام مش حلو وهنا وكمان قولت لازم هطلللقها ماانا مش هفضل مع واحده زي دي لكن هنا والدي رد وقال :
لو بس فكرت مجرد تفكير تضايقها لانت ابني ولا اعرفك ولو مووووتت مش عايزك تحضر ليا جنازه وقفل وبعدها والدتي كلمتني وقالت : ان هي اختارتها ليا عشان ادبها وان هتقدر تعبي ومش هتطمع فيا والكلام دا راح
والدي قال : هو دا اللي عندي وخلصي كلام في الموضوع دا
كلامه ضايقني جدا فقررت ان هرجعها البيت بس هخليها هي اللي تطلب الطللااااااق لوحدها وبكدا ابقي ما خسرتش اهلي نزلت وبحثت عنها لكن كإنها اختفت من علي وش الارض
بعد يومين لقيت الباب خبط اول ما فتحت كانت هي بس كان واضح عليها التعب كانت لسه بفستان الزفاف بس كان كله اتربه فضلت تترجاني تدخل لان هي ما تعرفش حد هنا غيري انا كنت واقف اصلا مصدوم
انا تقريبا طول اليومين كنت ببحث عنها ويوم ماافضل في البيت هي اللي تيجي
دخلتها الشقه وقولت ليها هسيبها معايا بس بشرط تكلم اهلي وتشكر ليهم فيا عشان بعد كدا
دا هيكون شكر ما قبل العاصفه وطبعا هي مااتأخرتش وكلمتهم وقالت اللي مكنتش اتخيله ورجعت انا واهلي نتكلم عادي
خلاص رجعت لاهلي قررت بقي انفذ مخطتي وازهقها لكن للاسف ما كانتش بتزهق كنت ببخل عليها جدا مفيش خروج ولا كلام حلو حتي الثلاجه اللي عمرها ما خليت من الاكل بقيت فاضيه
ماكنتش بسيب ليها اي مصاريف وانا راجع كنت بجيب اكل شخص واحد اكل لما ازهق واللي يفضل اسيبه ليها مع العلم ان كنت بفضل طول اليوم برا وبرجع بالليل يعني ماكانتش بتأكل غير مره واحده بس في اليوم
واكتر الاوقات كنت بعمل اي حاجه عشان اضايقها واضر…بها وماتأكلش
شهر مر واتنين وهي بدءت تضعف مره في مره برغم كل دا كنت برجع الاقي الشقه مترتبه جدا وملابسي مغسوله ومكويه وف يوم كنت راجع من الشغل وبكلم صديق ليا بيقول علي موعد زفافه وطلب مني لازم أحضر
انا وزوجتي عشان تتعرف علي زوجته ويكونوا اصدقاء كان قدامه اسبوعين وانا مستحيل اروح وهي معايا مش عارف اعمل اي ولا افكر هو شارط ان لو ما اخدتهاش معايا ما اروحش
فكرت ان في اليوم دا اقول ليه ان هي تعبت فجأه وان هحضر لوقت بسيط وارجع عشان اكون معاها مر اسبوع وانا كل يوم اضر…بها وبردوا ارجع والاقيها مخلصه كل حاجه في البيت
وكل مااقول ليها اعملي حاجة مااسمعش منها غير كلمة حاضر ونعم بس في بداية الاسبوع التاني كنت راجع من الشغل وقابلت مجموعه من اصدقائي وكل واحد معاه زوجته وطبعا السهره دي كنا مخطتين ليها اصلا
ولما سألوني عنها قولت هي تعبانه شويه زوجاتهم صمموا ان لازم السهره الجايه تكون موجودة معايا عشان يتعرفوا عليها
الفرق بينها وبينهم كبير جدا هما يعتبر ملكات جمال واولاد ناس فعلا اما هي ولا حاجه جنبهم دي كانت جارتنا زمان ونقلوا من البلد ولما اهلها اتوفوا
اخدها عمها وزوجته كانت قا…سيه جدا عليها وهي كانت علي تواصل مع والدتي ولما قساوة زوجة عمها ذادت عليها والدتي قررت تخطبها ليا
افتكرت زمان لما كانت تيجي عندنا واقفل الباب في وشها ولما ارجع والاقيها في بيتنا اقول ليها كلام يجرحها وتمشي بالاسبوع مااعرفش عنها حاجه
نفخت بضيق دا كان كله واحنا صغيرين طب ودلوقتي هتحملها ازاي وهي بقيت زوجتي
يومين مروا وسايبها في الشقه لوحدها وبعد اليومين رجعت بس مش لوحدي كان معايا زوجتي الثانيه اللي اول ما شافتها وقفت وما قدرتش تتحرك من مكانها