رواية دمرتني قسوته الفصل الثاني 2 بقلم أسماء أدهم
رواية دمرتني قسوته الجزء الثاني
رواية دمرتني قسوته البارت الثاني
رواية دمرتني قسوته الحلقة الثانية
حسين:ايه حامل في بنت انتي بتهزري صح
ناهد:لا مش بهزر انا باتكلم جد ده امر الله ودي حاجة مش بايدي
حسين:وانا مش عايز بنات تاني أنا عايز ولد يشيل اسمي
ناهد : وانا مش بايدي حاجة اعملها لو عندك حل اعمله
حسين: اه عندي حل انا اصلا مابقتش طايقك انتي وبناتك انا هاتجوز بنت عمتي اللي جوزها مات واهي مخلفة ولدين قبل كده مش زيك هاتجوزها عشان تجبلي الواد وانتي وبناتك عايزين تقعدوا هنا تقعدوا زي الخدامين مش عايزة روحي للشارع اللي جايبك منه وخدي بناتك معاكي
ناهد: اخص عليك بتعايرني عشان يتيمة وماليش حد يا حسين مش انا اللي انت فضلت تجري ورايا لحد ماوافقت اتجوزك دلوقتي عايزني ابقي خدامة ليك انا وبناتي انسي يا حسين بس يا خسارة العشرة اللي ما طمرتش فيك يا ناقص
حسين: انا ناقص يا بنت الشارع طب انتي طالق وامشي اطلعي برا وخدي بناتك معاكي برا
ناهد:حرام عليك دول لحمك ودمك هترمينا
حسين : مش عايزهم يلا لمي هدومك وروحي للشارع اللي جبتك منه
ناهد : انا ماشية بس هيجي يوم وتتمني اني اسامحك انا وبناتك بس عمري ما هسامحك ابدا
حسين : طب يلا غوري
ناهد بتلم هدومها وتاخد بناتها ويمشوا
هنا: ماما انا رجلي وجعتني اوي مش قادرة امشي خلاص
ناهد : طب تعالوا نقعد شوية نرتاح
رضا: ماما احنا هنروح فين
ناهد : هنروح الاوضة اللي كنت عايشة فيها قبل ما اتجوز ابوكي لسه موجودة والحمد لله معايا خاتم ودبلة هابيعهم واصرف منهم لحد ما اولد
رضا : وخدي يا ماما الحلق بتاعي بيعه كمان
ناهد :ربنا يخليكوا ليا يا بنات وما يحرمني منكم ابدا
رضا :وانا هادور علي شغل ياماما ومش هخليكم عايزين حاجة ابدا
ناهد خدت بناتها وقعدوا في اوضة فوق السطوح وفضلت تصرف من فلوس الدهب لحد ما ولدت بنتين توام زي القمر وسمتهم رضا مريم و مي
رضا: عمو مش عايز حد يشتغل
الحداد : تشتغلي اي يا عروسة دي ورشة حدادة روحي يا حلوة العبي بعيد
رضا:يا عمو انا محتاجة شغل وانا بعرف اعمل اي حاجة
الحداد : خدي يا حلوة هاتيلك حاجة حلوة وروحي
رضا: لا شكرا انا مش جاية اشحت
هنا : ملك انتي جيتي انا جعانة اوي ومفيش اكل وماما عمالة تعيط
رضا : حاضر يا حبيبتي هاجيبلك اكل حالا
ناهد : انتي جيتي ياملك
رضا:ماتقوليلش ملك تاني ياماما انا رضا وهافضل رضا محدش هيرضي يشغل بنت انا هادخل البس اللبس اللي كان بابا بيجيبه عشان ابقي زي الولاد عشان نعرف نعيش
رضا دخلت غيرت هدومها ومسكت مقص وقصت شعرها ما خلتش الاشوية صغيرين ولميتهم بكاب
رضا:سلام عليكم ازيك يا اسطي سيد
اسطي سيد: وعليكم السلام يا ابني اتفضل
رضا :تسلم يا اسطي سيد انا لسه جاي المنطقة جديد اناوامي واخواتي البنات وبدور علي شغل
اسطي سيد :وانت تعرف حاجة في العربيات شكلك صغير يا ابني
رضا:لا ياحاج ده انا خبرة اصلي كنت شغال في ورشةقبل كده
الاسطي سيد :خلاص هاشغلك معايا باليومية ليك كل يوم عشرين جنيه مني واكلك وشربك
رضا: طب معلش يا حاج خليهم 30جنيه وانا مش هاكل ولا اشرب انت عارف الظروف يا حاج
الاسطي سيد: ماشي ياابني وخد30جنيه دول فلوس اول يوم وانزلي بكرا بدري
رضا:تسلم يا اسطي من النجمة هاكون عندك
رضا: هنا يا ماما تعالوا انا جبت اكل
ناهد:جبتي فلوس منين ياملك
رضا:رضا ياماما ملك الله يرحمها انا اشتغلت في ورشة الميكانيكا ونازلة من بكرا
ناهد :ربنا يقويكي يابنتي ويخليكي لينا
رضا ومايحرمنيش منكم ابدا يا ماما
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية دمرتني قسوته)
تعليق واحد