رواية خادمه البرق الفصل الثاني 2 بقلم آلاء محمد
رواية خادمه البرق الجزء الثاني
رواية خادمه البرق البارت الثاني
رواية خادمه البرق الحلقة الثانية
-ضيييي
=اؤمري يافندم
-الباشا عاوزك
=ليه ده لسه طاردني من عنده
-بلاش كلام كتير يلا بسرعه لحسن يتعصب
=حاضر
عايز ايه ده مش كنت لسه عنده وطاردني ولا هو فرهده وطلوع سلم وخلاص
_ادخل
دخلت وانا قلبي هيتخلع من جوه المكان هادي مفيش صوت خالص نور خفيف ف اخر الاوضه انا مش شايفه هو مكانه فين اصلا استر يارب انا غلبانه
_سبتي شغلك ليه
اتخضيت من صوته الجهوري يخوف
=احمم اتخانقت مع المدير
_ليه
=اسباب شخصيه
ضحك بصوت عالي يادي النيله جسمي تلج ياتري هيعمل فيا ايه منك لله يا مي قعدتي تقوليلي يخوف يخوف لحد ما رعبتيني منه
لقيت حاجه بتلمس رقبتي انتفضت من مكاني
بشجاعه مزيفه=انت بتعمل ايه لو مفكر اني واحده رخيصه احب اقولك اني غاليه وغاليه اوي كمان واني بنت ناس لولا الحوجه متفكرش اني خايفه منك لا فوق لنفسك انا مبخفش غير من ربنا شغل الغموض ده مبياكلش معايا فاهم
_لا بجد اعتقد اني كبير كفايه علشان اعرف اللي قدامي حاسس بأيه لو عايز اعمل حاجه هعملها لكن انتي مش داخله دماغي اصلا انتي طفله لو كنت اتجوزت كنت جبت قدك
برخامه=بابا يعني اوكيه
_بره
كل شويه بره بره قال يعني هطلع من الجنه
_بتقولي ايه
=مقولتش بعد اذنك
****************
عدت فتره من اخر كلام بنا مشوفتهوش ولا اتعاملت معاه وهو ولا سال عني خالص كويس أنه مطردنيش من الشغل منكرش أنه شاغل فضولي غموض سواد هدوء وحيد ازاي عايش كده من غير حد بقالي شهر مشوفتش اي حد جاله ازاي حد قادر يستحمل الوحده والسواد ده ده انا اسبوع مبشوفش امي واختي ببقي هتجنن ازاي هو معندوش حد عزيز حد يوحشه صعبان عليا مع أن كل اللي هنا بيقولوا أنه يستاهل السواد لانه معندوش رحمه مع اني شايفه أن أي إنسان مهما كانت قوته وجبروته فيه حته مكسوره فيه حته طيبه بيحاول يغطي عليها وينساها وربك قادر يصحيها ف اي وقت
******************
خلصت شغل بعد يوم متعب اخيرا كله نام وانا كنت بظبط المطبخ وهنام طلعت من المطبخ ف طريقي للاوض سمعت صوووت انين صوت حد تعبان
=ايه الصوت ده يالهوووي ليكون الباشا تعبان
طلعت اجري لحد موصلت للأوضه ده فعلا الصوت جي منها
ادخل ولا لا ليكون مفيهوش حاجه ويطلع عيني اني دخلت اوضته أو يكون فعلا تعبان وربنا جعلني سبب قلبي وعقلي بيتخانقوا ادخل مدخلش وطبعا علشان انت مهزقه وقلبي ابن ناس طيبه قررت ادخل خبطت الباب ودخلت لقيته واقع ف الأرض يالهوي يالهوي عليا اعمل ايه يارب
قعدت جنبه علي الارض=باشا يا باشا يالهوي ده سخن جامد يانهار ابيض اعمل ايه بس
=برق باشا
_سبتوني لييه
=مين اللي سابوك
_كله بيسبني ويمشي محدش بيحبني كله غداار
=قوم بس علي السرير انا معاك
بصلي ف عيني وقالي _هيجيلك وقت وتسيبيني زيهم
يالهوي عليا ده ايه العيون الحلوه دي اقسم بالله
ضيي فوقي الراجل بيفيص مش وقت محن
=مش هسيبك قوم انت بس وانا معاك وف ضهرك
قومته بالعافيه كسر ضهري ماشاءالله ده يعمل مني خمسه اكمني قصيره وجسمي قليل
ولعت النور اخيرا ده طلع ف الاوضه دي نور ياجدع وانت معيشنا ف ضباب
قعدت ادور علي اي حاجه اديهاله لقيت علبه اسعافات حلوه اوي دي
اديته علاج السخنيه علشان تهدي شويه ونزلت جبت مائه ساقعه عملتله كمادات وطبعا كل ده مخليش من الكلام اللي عمال يقوله صعبان عليا وفنفس الوقت حاسه اني بدخل نفسي ف مكان مش مكاني بس عاطفتي ممشياني ودي البلوه ياتري الدنيا هتوديني لفين معاك ياعم برق انت
الصبح طلع وانا لسه صاحيه جنبه وهو نايم الحراره نزلت اخيرا هنزل بقي علشان الحق اريح ساعتين تلاته قبل معاد الشغل
جايه اتحرك سمعت صوته بيقولي*****
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية خادمه البرق)
2 تعليقات