رواية خادمة العشق الفصل السادس 6 بقلم رنا أحمد

رواية خادمة العشق الجزء السادس

رواية خادمة العشق البارت السادس

رواية خادمة العشق الحلقة السادسة

في فيلا الدميري …
في غرفه فريال …
كان يقف أمامها عامر بحيره كيف ستخدم ملك للاطاحه ب بسمه وعفت .
عامر بقلق /ماما من فضلك احنا مش بتوع أذيه هما عملوا ايه البنات الغلابه دول .
فريال بغضب وهي تتطرق عصياتها أرضا /عملوا ايه انت جرالك ايه ي عامر اتجننت زي ولادك ولا ايه بقا امير يتجوز الحساله دي وبدر كمان يامن علي بنته مع صحابتها الي شكلها بنت شوارع ومتفرقش اي حاجه عن ست بسمه والهانم تقف قدامي بمنتهاء الجراه وتقولي أنها مرات أمير الدميري وليها قرار في كل في حاجه في البيت وتصمم أن صحابتها تقعد في الاوضه الي انا رفضت تقعد فيها بمساعده بدر يبقا كده كفايه اوي ي عامر البنتين دول لازم يخرجوا من حياتنا والا هيبقوا عاملين زي السوس الي بياكل في عائلتنا وهيسيطروا علي كل حاجه واولهم امير وبدر وبعدين انت من امتا بتعارضني في حاجه ي عامر .
عامر سريعا بأسف /انا اسف ي امي مقدرش اعارضك انتي كلامك مظبوط والي انتي عايزاه هيحصل .
فريال بجديه وقوه /تمام ملك هتعيش معايا هنا وعرف كمال الكلام ده كويس .
عامر بجديه /تحت امرك ي امي .
فريال بخبث وشر /انا برضه مش غبيه علشان أعاديكم كده انا هخليهم هما بنفسهم يطرودكم بره البيت واولهم انتي ي خدامه انا هعرفك ازي تحدي أسيادك .
في سياره امير …..
كان يجلس وهو يحتضن بسمه بعشق وسعاده .

امير بابتسامه /الشركه هتنور بيكي ي روحي .
بسمه بارتباك /اسكت ي امير انا مرعوبه .
امير وهو يحتضنها بعشق /مرعوبه من ايه ي روحي وانا جنبك اوعي تخافي وانا معاكي ي حبيبتي .
بسمه بابتسامه عاشقه /انت حياتي كلها ي امير ربنا ي ليك ليا ي حبيبي .
امير بهمس وخبث /طب بس بقا احنا في العربيه بس لولا حامد قسما بالله كنت خليت دخلتنا دلوقتي ومستنتش ل بليل .
بسمه بخجل شديد وهمس /بس ي امير انت كده بتخوفني منك .
امير بابتسامه وعشق /انا بحبك وهموت عليكي بس .
بسمه بابتسامه وحنان /وانا كمان والله وربنا الي يعلم .
امير بابتسامه /طب يلا ي روحي وصلنا ..
في شركه امير …
كان تسير بسمه وهي تدفع كرسي امير بابتسامه الي كل العاملين منهم من يبارك محبه ومنهم من يستغربون كيف ل امير الدميري أن يتزوج من ذلك الفتاه كان يقف كمال وهو ينظر إليهم بحقد فهو كان يود أن تكون ابنته بجانبه تفوز بكل ذلك الثراء والاحترام الذي فازت بيهم بسمه ليتحدث بخبث ومكر /اضحكي اضحكي بكره نشوف هيعمل فيكي ايه لما صورك تنزل ي بسمه هانم .
في مكتب امير ……
كانت تقف بسمه وهي تنظر إلي المكتب بانبهار شديد .
امير بابتسامه حنونه /ها يروحي عجبك .
بسمه بابتسامه ساحره /اوي اوي ي امير وانا فين المكتب بتاعي .
امير وهو يجلسها علي قدميه بحب /هو ده للمكتب بتاعك ولا انتي فاكره اني هسيبك تبعدي عني لحظه واحده .
بسمه بهمس وسعاده/بس المفروض أن السكرتيره يكون ليها مكتب ي جناب المدير .
امير بابتسامه وهو يقبل يدها/الشركه والمدير ملك ايديكي .
بسمه بدموع الفرح ورجاء /ابوس ايدك ي امير كفايه عليا كده انا واحده غلبانه مش قد كل الي بيحصل ده .
امير بابتسامه /انتي تستاهيلي اكتر من كده ي بسمه.
بسمه بابتسامه وحنان /من ساعه الي حصل بسال نفسي انا ايه الي عملته في حياتي علشان ربنا يرزقني بواحد زيك .
امير بسعاده وعشق/بجد ي بسمه انتي فعلا سعيده معايا مش مضايقه من الي حصل واني اتجوزتك بالطريقه دي .
بسمه بابتسامه وعشق /انسا كل الي حصل ي امير وفكر في الي احنا فيه دلوقتي .
كمال وهو يدفع الباب بحده /امير بيه الوالد .
لتحاول بسمه القيام حرجا من علي قدم امير ليحتضنها هو بشده لينظر إليها نظره ثقه أصبحت تفهما جيدا ..
امير بحده وغيظ /ايه ي كمال حد يدخل كده .

كمال بغيظ جاهد لاخفائه/انا اسف ي امير بيه طول عمري واخد علي كده ازيك ي بسمه ي بنتي .
امير بحده /بسمه هانم ي كمال فاهم .
بسمه بغرور وثقه /اهلا ي عمي ملك ومرات اخبارهم ايه .
كمال بغيظ /كويسين وحشتيهم اوي .
بسمه بغيظ /ده بجد يمكن .
امير بغيظ /خير ي كمال عايز ايه .
كمال بجديه /الملفات دي عايزه امضات حضرتك علشان اروح بيها ل عامر بيه .
امير بجديه /روح ل بابا وبعدين ابقا تعال.
كمال بغيظ وهو يسير للخارج /امرك ي امير بيه .
في الخارج …
كمال بغيظ وحقد وانتقام /كان زماني بنتي هي الي مكانك دلوقتي ال بسمه هانم ال بس علي مين قسما بالله ماهخليكي تتهاني لحظه واحده ي بسمه ..
في عياده دكتور الاطفال …..
كانت تجلس عفت وهي تحتضن حياه بابتسامه وحب لذلك الطفله الجميله كانت تغني لها بحنان وكأنها والدتها كان يشعر بدر بإعجاب شديد بذلك الفتاه الحنونه كان يشعر بقلبه يخفق بشده بعد أن كان توقف عن النبض منذ وفاه سلمي لتاتي الممرضه لتخرجه من شروده .
الممرضه بابتسامه /اتفضلوا الدكتور مستنيكم .
بدر بابتسامه /شكرا جدا يلا ي عفت .
عفت وهي تحمل حياه بابتسامه /يلا .
في الداخل ….
الدكتور بابتسامه /كويس اوي ي استاذ بدر انك جبت معاك المدام النهارده علشان حياه متغلبكش زي المره الي فاتت .
كانوا ينظرون إلي بعضهم البعض نظرات تحمل الكثير كانت هي تشعر بسعاده بداخلها تكفي العالم كانت تمسك بيده حياه وهي بالفعل اصبحت تشعر بأنها ابنتها وهو زوجها الذي لم يستطيع كشف هوايتها أمام الدكتور أنها مربيه ابنته وليس زوجته وكأنه يحلو له ذلك اللقب لكن ماذا سيخبا لهم القدر ؟…
من أمام فيلا ادم ….
كانت تسير امل بدموع والم شديد فقد بالفعل استطاعا ادم أن يكسرها لكن لم تشعر بمن تقف تنظر إليها بغيظ شديد لتسير امل بدموع وكسره لتسير صوفيا الي الداخل بغيظ شديد ..
في الحمام …..
كان يقف ادم تحت المياه البارده وكأنه يشعر برأسه تغلي كالنار لم يعلم لما يالمه قلبه الي ذلك الحد فهي من أوصلت به لذلك لما تعطي لذاتها فرصه انا تتاكد من شكوكها الذي أصبحت تاكدها بشده كل يوم في جريدتها هل بالفعل ادم نصار بذلك السؤء لياخد نفسا عاليا وهو يسحب الفوطه ليضعها علي رأسه بإهمال ويسير الي الخارج لينصدم بمن تجلس بغيظ شديد .

ادم بغيظ /انتي ايه الي جابك هنا .
صوفيا بغيظ /طبعا مش عايز تشوفني مش كده مالهانم لسه خارجه من عندك وطبعا بسطتك علي الاخر ومبقطش طيقني مش كده مين البت دي ي ادم .
ادم بغضب وهو يصفعها بشده ويمسك بخصلات شعرها بحده لتصرخ بالم شديد /بقولك ايه ي روح امك انا مش طايق نفسي غوري في ستين داهيه بدل مادفنك هنا .
ليدفعها أرضا لتنظر إليه بصدمه .
صوفيا بصدمه وصراخ /انت بتضربني ي ادم علشان واحده زي دي قسما بالله لاعرف هي مين واسود عيشتها .
ادم بغضب جحيمي /الي بتتكلمي عنها دي انضف من أهلك فاهمه وقسما بالله ماتحاولي تتعرضلها لادفنك بالحياه فاهمه ي زباله .
في شقه امل …
كانت تسير امل الي الداخل بالم ووجع لتتفاجا بذلك الممرضه الذي تجلس جنب والدها .
الممرضه بابتسامه /حمد لله على السلامه ي استاذه امل ادم بيه كلمني اني افضل جنب والدك اطمني هو دلوقتي زي الفل وعملتاله كل اللازم حضرتك هتلاقي كل الادويه الي محتاجها حنبه هو نايم دلوقتي من أثر المنوم متقلقيش عليه عن اذن حضرتك .
امل بوجع وهمس /طب ثواني اجيب ل حضرتك الفلوس وشكرا جدا ليكي .
الممرضه بابتسامه/لا شكرا ادم بيه هو الي دفع كل حاجه عن اذنك .
امل بدموع وكسره وسخرية/لا حنين اوي .
لتسرع الي والدها لتمسك يده تقبلها بدموع وكسره وانهيار /سمحني ي بابا سمحني انا اسفه حزرتني كتير وانا مسمعتش كلامك بس انا كنت بقوم بواجبي مغلطش مش ذنبي ان القانون سايب مجرم زي ادم نصار يعمل فيا كده بس وحياتك عندي ي بابا وحياه شرفي الي راح علي أيده لندمك ي ادم واخد حقي منك ومش هخاف من الفضيحه ولا هتردد ….
في شقه منه وفهد ….
كانت تقوم منه بتجهيز ابنها للذهاب الي ذلك البيت الذي ستعمل به .
فهد باستغراب /رايحه فين علي الصبح كده .
منه بغيظ وهي تحمل ابنها /رايحه اشتغل علشان اعرف اكل انا وابني .
فهد بسخرية /تشتغلي ومالك ي اختي شايفه نفسك عليا ليه ده انا انتي ابوكي كان بنيموكم من عشاء علشان مش لاقي ياكلكم دلوقتي مبقتش عيشتي تعجب ي بنت راشد الله يرحم .
منه بوجع وضيق /انت بتعيرني ي فهد تشكر ي سيدي وبعدين احنا كنا علي قد حالنا ابويا مكنش بياخد الي حيلتنا يصرفه علي المخدرات وبعدين انت ومال ابويا انا بتكلم عني انا وابني الي بقينا مسؤولين منك انت .
فهد وهو يرتدي قميصه بزهق/ايه ي عني اشترتوني انتي وابنك مانا علي قد الي معايا وبعدين هو انا كفرت لما ادلع نفسي شويه .

منه بدموع /انت مبقتش حاسس بينا اصلا ي فهد كل يوم بقيت ترجع وش الصبح وبعدين تخرج دي عيشه دي انا فين من ده كله .
فهد وهو يحتضنها وهو يحاول أن يقبلها/عندك حق انا مقصر معاكي بقالي فتره بس هعوضك حالا عن التقصير ده .
منه وهي تتدفعه بدموع وصراخ /ابعد عني هو ده الي فهمته من كلامي مزاجك وبس انا ماشيه ربنا يهديك ي فهد ربنا يهديك .
فهد بزهق /اووف وليه نكد غوري في ستين داهيه اما اروح انا ادلع نفسي شويه .
في شقه عبده وصفيه …
كانت تجلس صفيه باستغراب شديد من اختفاء عفت .
صفيه بقلق /انا مش عارفه ي عبده البت دي راحه فين ده انا دورت عليها في كل حته وعند كل قريبنا .
عبده بغيظ /ماتغور في ستين داهيه ي اختي مش كفايه راسي الي فتحتها اه لو تقع في أيدي .
صفيه بدلع /ماخلاص بقا ي راجل عيله وغلطت وبعدين انا ميهونش عليا زعلك ابدا .
عبده بغيظ وهمس /هتروحي مين فين ي عفت هجيبك ي عني هجيبك وساعتها لخليكي تبكي بدل الدموع دم من الي هعمله فيكي …
في شركه امير ..
في مكتب عامر ….
كان يجلس عامر وهو يدون بعض الملفات ليطرق كمال الباب لياذن إليه بالدخول .
كمال بجديه /حضرتك طلبتني ي عامر بيه .
عامر بجديه /ايوه ي كمال اتفضل عايزك في موضوع .
كمال بانتباه /خير ي عامر بيه .
عامر بجديه /بنتك ملك فريال هانم طلباها بالاسم ومصممه أنها تكون معاها في الفيلا تساعدها في كل حاجه تخصها طبعا انا مش هترفض .
كمال بطمع وخبث /لا ازي طبعا ده كلام الهانم الكبيره علي راسنا من فوق النهارده هتكون عندها .
عامر بابتسامه /تمام ي كمال .
في فيلا امير الدميري ….
في غرفه امير ….
كانت تقف بسمه بابتسامه وهي تساعد امير في ارتداء بيجامته .
بسمه بابتسامه /ايه القمر ده احنا مش قد ده كله .
امير وهو يحتضنها بعشق /روح امير من جوه وعد ي بسمه انتي هفضل جنبك طول العمر .
بسمه بابتسامه وعشق/وانا كمان ي روح بسمه هفضل عايشه علشان اسعدك بس .
كانت لغه العيون كافيه لتلمس القلوب بحرافيه فشروع العشق قد انطلقت ليقبلها امير بهمس قاتل جعلها تذوب بين ذراعيه لتكتمل شراره العشق بينهم ويكتمل زواجهم وتصبح بسمه زوجه امير شرعا وقانونا كانوا غائبين مع بعضهم البعض بعشق فلم يسمعوا صوت ذلك الرسائل الذي تصدر صوتا علي هاتفهه ذلك الصور اللعينه الذي سنرا هل بالفعل ستوثر علي ذلك العشق أما العشق سيكون الاقواء ؟.
في شقه امل …
كانت ترتدي ملابسها وهي تنظر إلي المراه بثقه فهي تعلم جيدا كيف ستواجه صعوبات من وراء ذلك القرار الحاسم لكن بالفعل ذلك هو قرار الصواب .
في غرفه جمال ….
كان يجلس بقلق شديد فهو يراء ابنته في حاله لا تتطمئن .

امل بتعب ووجه شاحب /بابا انا خارجه حضرتك عايز حاجه .
جمال بقلق شديد /ايوه عايز عايز اطمئن علي بنتي مالك ي ضنايا فيكي ايه بس قوليلي .
امل بوجع ودمع يتلألأ في عيناها /موجوعه اوي ي بابا اوي .
جمال بقلق بالغ /من ايه ي ضنايا .
امل وهي تسير للخارج /لما هرجع هقول ل حضرتك علي كل حاجه..
لتسرع باللمها ووجعها الي أخذ حقها …..
في قسم القاهره …..
في مكتب المقدم ادهم …
كان يجلس ادهم وهو يتابع بعض القضايا ليتذكر الاتصال ي ادم الذي يعتبر من اعز أصدقائه ليمسك هاتفه لينتظر الرد .
ادم بتعب وصوت مخنوق /ازيك ي ادهم .
ادهم بسخريه /لا ي شيخ كويس انك لسه فاكرني تصدق انك عيل واطي انا بقالي 15يوم منقول القاهره وانت مفكرتش تعبرني هي دي الصحوبيه وعشره العمر الي بينا .
ادم باحتياج وضيق /معلش متزعلش والله انت وحاشني جدا هستناك النهارده ايه رايك فاضي انا عرفك الا القانون وشغلك مش كده .
ادهم بابتسامه /طبعا ي حبيبي بس هخلص واعدي عليك بليل اوك .
ادم بجديه /اوك سلام .
ادهم بابتسامه/سلام ي حبيبي .
العسكري بجديه/ادهم باشا فيه واحده بره عايزه تقدم بلاغ .
ادهم بجديه /خليها تتدخل طبعا .
امل بتعب ووجه شاحب /مساء الخير .
ادهم بإعجاب بها/مساء النور معقول الجمال ده كله يبقا حزين كده .
امل بغيظ وتعب /افندم .
ادهم باحراج /احممم انا اسف اتفضلي اؤمري .
امل بثقه وقوه /انا جايه اقدم بلاغ ضد رجل الأعمال ادم نصار .
ادهم بصدمه /بتقولي مين ادم نصار انت عارفه انتي بتتكلمي عن مين .
امل بحده وثقه وعصبيه /ايوه عارفه انا اقصد مين وعارفه كويس هو مين بس هل القانون بيمنع أن محدش يقدم بلاغ ضد رجل أعمال زي ادم نصار .
ادهم بثقه وقوه /لأطبعا القانون يمشي عليه وعلي غيره ممكن اعرف ايه هو البلاغ وايه الدليل الي معاكي ضده .
امل بوجع وكسره /الدليل اهو قدامك انا .