رواية حياتي في رواية الفصل الرابع 4 بقلم نور محمد

رواية حياتي في رواية الجزء الرابع

رواية حياتي في رواية البارت الرابع

رواية حياتي في رواية الحلقة الرابعة

لقيتها اندهشه منى وقالت..انتى بتقولى ايه
رديت عليها..لا متخديش في بالك انتى بس ممكن تخديني معاكي علشان انا جديده هنا ومعرفش المكان ليسا
اخدتني وروحنا في اوضه كده كبيره عليها سفره كبيره اوى لحد اخر الاوضه وفارس قاعد على رأسها وبيزعق
انا انصدمت وخوفت فستخبيت في وسطهم علشان مايشوفنيش دلوقتي
فارس بغضب:يعني ايه اصحي وملقيش حد صاحي انا مش قولت الكل يصحي قبل سبعه يعني اصحي الاقي الكل صاحي لشغله
كانو باقيه الخدم واقفين موطيين رأسهم ليه الا انا طبعا بدء كل واحد يعتزر على الموضوع ده ويرجع على شغله تاني وانا واقفه ومش عارفه اعمل ايه اول مره اتحط في موقف كده لحد ماسمعته بينادي باسمي
فارس بغضب:نووور
انا انتفضت من مكاني بعد ماسمعته وبعدين روحتله بقدم رجل وبأخر التانيه لحد ماوصلت عنده
انا بخوف..نعم يابيه
فارس قعد باصصلى كده فتره وبعدين قال
فارس:انتى باذات الكلام موجه ليكي يعني تصحي قبل الكل كمان علشان انتى الى حاتساعديني هنا في القصر مفهوم
..مفهوم
فارس بهدووء شويه:طيب روحي افطري الاول وعشر دقايق باكتير القيكي قدامي هنا تاني
..حاضر وجريت من قدامه بعدها وروحت عند المطبخ لقيت الداده امنيه وباقيه الخدم الى هناك بيفطرو على السفره المطبخ قعدت معاهم علشان افطر وبدئت اهزر واتعرف عليهم لقيت فيهم الى اتقبل وجودي وحبو كلامي كمان ومنهم الى مش مرحب بوجودي ليسا معاهم وبيكرهوني معرفش ليه خلصت الفطار ورجعت تاني روحت لحد عنده بسرعه ووقفت قدامه وهو كان ليسا بيفطر بعدين قال للخدم الباقي انهم يطلعو بره وقالى
فارس بهدووء تام:اقعدي يانور لحد مااخلص فطار هنا وشاولى على الكرسي الى جنبه
انا بقلق..بس لو حد من الخدم جه حيفضل يسئل ويتكلم عليا مع باقيه الخدم الى هنا وانا مش عاوزه حد هنا ميرحبش بوجودي الفتره الى حقعد فيها
فارس:ماتخفيش يانور مدام انا هنا محدش يقدر يعملك حاجه والا حتي يسئلك سؤال وقعدي علشان اعرف اكل
قعدت بعدها وفضلت باصه عليه هو وبياكل
فارس بعد ماخلص الى في بقه:عارف نفسي حلو بس متبصليش كده علشان اعرف اكل زي الناس
احرجت منه بصراحه انا وبعدها بصيت على السفره تحتي بس
خلص اكله وقام قالى تعالى ورايه يانور مشيت وراه لحد ماوصلنا لاوضه كبير زي مكتب شركه كبيره كده دخلنا وكان في مكتب كبير وجنبه دولاب في ادراج كتير كده ورسيشن كبير برضو دخل وقعد على المكتب وبعد كده اخرج شويه ورق كده غربين بصراحه انا استغربت منهم لحد مالقيته
بيقولى فارس: خدي يانور الورق ده علشان تمضى عليه
..طب ورق ايه ده علشان افهم انا بمضى على ايه اوعي يكون ورق تنازل وكده زي الى في الرويات
فارس:وانتى عندك ايه علشان تتنازلى عنه ياهبله ده ورق عقد شغل يعني انا الى بيشتغلو عندي في الشركه او في القصر لازم امضيهم عليه فهمتي
..امم طيب بس انا حفضل هنا لمده شهر واحد بس يعني وحرجع بلدي تاني بعدها فملهوش لازمه ده
فارس:عارف وانا كاتب الفتره هنا يعني متخفيش وامضى وخلصيني
.. طب سبهولى شويه كده اقرأه واشوفه
فارس بضيق:طيب قدمك خمس دقايق شوفيهم فيها بسرعه
اخدت اقرأ فيهم بس هما كانو كتير وهو كان مراقبني بقلق معرفتش سببه ايه قرأيت العقد لقيت الشرط الجزائي نص مليون جنيه لو سبت الشغل قبل معاده اتفاجئت وعيوني وسعو اكتر من المبلغ وكونت حكمل باقي الورق بس لقيته بعد ماقريت العقد وخلصته وكونت حقرأ باقي الورق قال فجئه
فارس بتسرع:بقى مش قريتي العقد دول شويه ورق تبعه بس يالا بقى امضى ومتخفيش
روحت عنده وقولته
.. بس الشرط الجزائي ده كبير
فارس:ده للامان بس متخفيش مدام انتى حتفضلى هنا مالهوش لازمه الشرط ده
قولت في نفسي بعدها خلاص مدام حفضل الشهر هنا يبقى مخافش احسن
وادتله الورق وقولته..خلاص انا مواقفه
اخد منى الورق بفرحه انا بصراحه مكنتش مطمنالها بس طنشت احساسي دي في الوقت ده
اخده مني وجابلى قلم انا فضلت امضى على كل ورقه وهو مكانش بيبين الورق كله الى مكان الامضه بس وانا في حاجه جويا مكانتش مطمنه ليه حسيت فيه حاجه في الورق الاخير ده وانا بمضى عليه بس تجاهلت الاحساس ده وقولت هو بيعاملني كويس اكيد مفيش حاجه
فارس بسعاده معرفش سببها ايه:مبروك وجودك معنا يانور وبعدها اخذ الورق وحطه في الدرج بتاع المكتب بتاعه وقالى
فارس:بس يانور انا محتاج منك كمان بطاقتك الشخصيه
انا بصراحه استغربت من طلبه ده لغايه ماكمل كلامه
فارس: احم علشان اسجل العقد وكده يعني
فرديت وقولتله..طبعا حاضر انا جيباها معايا حجيبها لحضرتك حالا وانا على ضمير طبعا عادي روح بسرعه وجبتهاله اخذها مني وقال
فارس بسعاده معرفش مصدرها ايه:كده تمام تعالى ورايه علشان اوريكي حتعملى ايه النهاردا هنا
مشيت وراه لحد ماوصلنا لسلم كبير اوي اكبر من السلم الى في القصور الى في الافلام الهندي بكتير طلعنا فوق لحد ماطلع عيني منه وصلنا عند كده باب كبير مكانش فيه غيره في الممر الى فوق ده باب كبير اوي والا بوايه ملاهي كبيره اوي دخلنا بعدها من الباب ده
ولقيت مكان كبير اوي كده غايه في الجمال كان فيه سرير كبير اوي وجميل اوي لو بلد بحالها تنام عليه
وفيه مكتب كبير برضو فيه دلابين كده فيهم ادراج كتيره وحلوه وكان فيه رسبشن وانتريه كبير وجميل بالون النبيتي هادي كده
وكان فيه حمام كبير واوضه تبديل هدووم كمان جنبه بصراحه كان وكأنه قصر جوه قصر انا سرحت في المكان كده كتير بصراحه مش فاكره اد ايه باظبط لقيت نفسي بطلع من سرحاني ده على صوته وهو بيقول
فارس:نور يابت انتى روحتي فين فوقي بقى
..ها لا انا موجوده اهو
فارس بضحك على شكلى:طيب بقولك ده يبقى ياستي الجناح بتاعي وانا مش بخلى حد يدخلو غير الداده امنيه بس علشان تنظفه بس هي تعبت ومش حتقدر علشان كده انا جبتك هنا انا دلوقتي حاخد شور وحروح الشركه طبعا ارجع الاقيكي نظفتي الجناح ده ماشي
.. ….
فارس بضيق:يانور انا بكلمك
..ها انا اسفه سرحت شويه بس حاضر يابيه
وراح اخد شور ولبس بدلته الكحليه الغامقه وخرج من القصر ركب عربيته الكبيره وانطلق لشركه بتاعته شركه ⓕⓗⓖⓐفارس الهواري جروب للعقارات
وصل لشركه ودخل بهيبته الكبيره امام الموظفين دخل مكتبه تبعته السركرتيره انجي السركرتيره الخاصه به
انجي بمياعه:صباح الخير يامستر فارس
فارس بجديه ولم ينظرلها حتي:صباح النور ياانجي جدولى ايه النهاردا كده
انجي بضيق من تصرف فارس:عندك يامستر النهاردا اجتماع مع مثتثمرين الشركه بعد ساعتين وكمان غداء شغل بعد الظهر واجتماع كمان بعد العصر في الفرع التاني
فارس بهدووء:طيب روحي دلوقتي جهزي لاجتماع المثتثمرين واخر اجتماع ده الغيه علشان حروح بدري القصر انا
انجي:حاضر يامستر حاجه تاني
فارس وهو يقرأ الملفات التى امامه:لا شكرا روحي شوفي شغلك وبعد ماخرجت انجي اخد الابتوب بتاعه وفتحه وقال
فارس:بقى نشوف ياست نور بتعملى ايه دلوقتي علشان هو مركب كاميرات في الجناح بتاعه
بعد ما مشي فارس انا نزلت لداده امنيه اخذت منها ادوات النظافه والمكنسه الكهربيه وطلعت تاني دخلت وحطتهم جنبي ولميت السدال شويه كده علشان اعرف انظف براحتي وبدأ التنظيف
..استعنا على الشقا بالله روحت للمكتب الكبير فضلت ساعتين لحد ماخلصته وروحت عند السرير الكبير وفضلت انظف فين لحد ماوسطي اتقطم
..اه ياني ياما دنا كونت بتعب من ترتيب اوضتي الصغيره وده كد بيتنا كله عشر مرات دنا حشوف الويل في الشهر ده اه ياما ياظهر ياما الى اتقطم
كل ده وفارس متابع الحوار بتاعي من اوله وشغال ضحك عليا وعلى شكلي اصلى كونت حاطه الطرحه كده على شعري زي الشغالين يعني زي القمطه كده والسدال لميته شويه بدبوس علشان اتحرك براحتي فكان شكلى وانا بشتغل يفطس ضحك 😂
بعد كده راح يحضر اجتماعه وانا ليسا بنظف
خلص اجتماعه وبعد ساعه راح على غداء الشغل وانا ليسا بنظف خلص منه كمان واذن العصر وانا ليسا بنظف بعد شويه كده خلصت الجناح اخير
..اه ياني ياما دنا لو بنظف بلدي كلها مش حتعب كده انا حاخد نفسي شويه هنا على الانتريه وبعدين انزل علشان هلكت انا تعب
خرج فارس من شركته وركب عربيه ورجع القصر طلع علطول الجناح بتاعه دخل لقاه بيبرق من النظافه طبعا بعد المجهود الى من الصبح ده
دخل قلع جاكت البدله ورماه على السرير وكان خلاص يدخل الحمام علشان ياخد شور بص على الانتريه لقاني مسطحه كان فاكرني نايمه بس انا كونت بريح بس شويه
قرب منى كده وبص على شكلى المتبهدل صحيح متبهدل.. بس العسل عسل حتي لو قام من نومه قرب كمان مني لحد ماشعرت بانفاسه على خدي وكان خلاص حيبوسني في خدي لولا طبعا اني فتحت عنيا من الخوف