رواية حياة رحمة الفصل الخامس 5 بقلم مارلي إيهاب

رواية حياة رحمة الجزء الخامس

رواية حياة رحمة البارت الخامس

رواية حياة رحمة الحلقة الخامسة

مديحة كانت قاعدة في الصالة وببتكلم مع واحدة وبتقول….. ياختي مش عارفة البت ودت الفلوس فين خايفة ليكون حد ضحك عليها وخد الفلوس منها الهبلة دي
الست حمدية مصمصت شفتيها…. ياحبيبتي بنتك اللي بتقولي عليها هبلة دي تودكي البحر وترجعك عطشانة قال هبله قال لا ياختي مش هبلة تلقيها عاينهم في مكان مش عاوزة حد يعرف بيه علشان خاطر متخدوش الفلوس منها افهمي ياوليه بنتك دي خبيثة
مديحة بضيق… برده انا عايزة اعرف الفلوس دي فين
حمدية…… دوري في الاوضة يمكن عاينهم في الاوضة
مديحة… هدور يا ختي
حمدية بخبث… الا مرات ابنك كان مالها ياختي
مديحة بغل…. ربنا ياخدها ويخلصنا منها لان زهقت
حمدية…. طب ما يطلقها ويتجوز غيرها
مديحة بغل…… ومين هيخدمنا هنا هي خدامة البيت ده وببلاش
حمدية مصمصت شفتيها…. اها قولتلي طيب استحملوا بقي
مديحة بغضب… هو في حاجة في ايدينا غير اننا نستحمل يلا اقفلي دلوقتي
حمدية… مع السلامة يا ختي
مديحة بغضب…. مع السلامة
قفلت مديحة وندت علي سعاد بغضب….. سعاد انتي يا بت يا سعاد
سعاد خرجت من اوضتها بضيق وقالت… نعم يا اما عايزة ايه
مديحة بغضب…. انزلي يا ختي جيبي طلبات البيت بدل السنيورة
سعاد بغضب… نعم ياما انزل لا مليش دعوه هي تقوم تنزل
مديحة بغضب….. مسمعتيش اخوكي قال ايه امبارح اخلصي بدل ما اكلمه ويشوف كمان حكاية الفلوس اللي مش موجوده دي بالمره
سعاد بضيق…. ماشي ياما بتهدديني
مديحة… ايوه يا ختي بهددك وبعدين الولا ابنك بيقعد يلعب بليل وبيصحيني من اعز نومه وديه لابوه وكمان علشان يشيل المصاريف من علي اخوكي يا ختي ابوه اوله بيه
سعاد بغضب…. عاوزني ارمي ابني في الشارع ياما لا طبعا انا نازلة اجيب الحاجة
و سابتها ودخلت الاوضة و لبست العباية و شافت ابنها نايم علي السرير بهدوء عنده خمس سنوات
وخرجت اخدت الفلوس من امها وخرجت من باب الشقة ولسه هتروح السوق تلفونها رن وكان سعد
سعد بخبث… علي فين يا بطة
سعاد… انت شايفني ولا ايه
سعد بخبث… ايوه ها رايحة فين
سعاد بحب… رايحة اجيب طلبات البيت
سعد بخبث… طب ما تيجي عندي شوية
سعاد بخوف…. مش هينفع اتاخر امي هتبهدلني يا سعد
سعد بخبث… بس تعالي وابقي قوليلها السوق زحمة اي حاجه يعني كنت بجيب عيش اي حاجه يعني يا بطة او شوفتي واحدة صحبتك وواقفتي معاها شوية ها قولتي ايه يا بطة
سعاد بحب… ماشي هاجي
سعد… طيب اطلعي استنيني وانا جايلك
سعاد… ماشي يا قلبي
سعاد مشيت في طريقها لبيت سعد وسعاد خمس دقايق وساب صحابة علي القهوة ومشي
وطلع علي الشقة شافها دخلت لانها معاها المفتاح
واول ما شافها ابتسم بخبث وقال… ازيك يا قلبي
سعاد… الحمدلله بخير انت عامل ايه
سعد حضنها وقال….. انا بقيت كويس لما شوفتك يا عمري وقبلها في رقبتها
سعاد بعدت عنه وقالت كنت عايزة اقولك علي حاجه كده يا سعد
سعد باستغراب… ايه هي الحاجه المهمة اللي تخليكي تبعدي عني دي
سعاد بتردد.. بصراحة امي عايزني اودي ابني عند ابوه علشان المصاريف وكدة وانا مش راضية لانه ابني وخايفة امي تصر علي موقفها
سعد بخبث… اقولك يا قلبي انتي لو وديتي الواد ده عند ابوه خرجاتك من البيت هتكتر
سعاد بعدم فهم.. ازاي يعني
سعد بخبث… يعني امك ولا يوسف يقولك رايحة فين رايحة عند ابني جاية منين جاية من عند ابني وانتي هنا عندي ومتفكريش ان انا كده هحرمك من ابنك لا وقت ما تحبي تروحي ابقي روحي له ها ايه رايك في الفكره
وقرب منها بقوه وقال… واهو نقرب من بعض اكتر يا عمري وقبلها بقوة علي شفتيها وهي بدلته وقالت.. تسلملي افكارك
سعد بخبث…. تعالي جوا
سعاد بضحك.. تعالي
ودخلوا الي الغرفة
ليفعلوا ما حرمه الله
بعد وقت ليس قليل تلفونها رن وكانت مديحة
سعاد… يالهوي يا لهوي امي ببتصل
سعد ببرود… انتي خايفة ليه يابت قوليلها جبت سمك وبشوية اخلصي وانهاردة الحد والدنيا زحمة خفي نفسك كده يا سوسو بس مترديش هنا لان الصوت هادي اما تروحي السوق ابقي ردي عليها
سعاد بخوف… حاضر انا همشي دلوقتي
سعد بخبث… ماشي يا قلبي
سعاد قامت لبست هدومها بسرعة و نزلت تجري علشان تلحق تجيب السمك وركبت علشان تروح السوق
اما عند مديحة كانت مضايقة….. البت دي شكلها عارفة حد وبتستعبطنا ماشي يا سعاد ماشي
😢😢😢😢😢😢😢😢😢😢😢😢😢😢
عند يوسف كان واقف في الشقة اللي بيوضبها
واحد من العمال جاي يغلس عليه وقال… الا الست اللي جاتلك امبارح دي مين يا يوسف
يوسف ببرود… وانت يهمك في اي تعرف هي مين
العامل…. ياعم بطمن عليك فيها حاجة يعني
يوسف ببرود… لا اطمن دي مراتي وكانت جاية تطلب مني فلوس حاجة تانية حابب تعرفها
العامل ببرود… ماشي يا جو. ربنا يخليهالك
وسابه ومشي ويوسف كمل شغله عادي
عند رحمة كانت قاعدة في الاوضه وحاسة انها بقت كويسة ولكن مخرجتش من الاوضة نهائي وكانت سامعة ان سعاد كانت مضايقة انها تنزل تجيب طلبات البيت
مديحة اتصلت علي سعاد
وسعاد ردت… بجيب سمك ياما بس زحمة بقي
مديحة بغضب…. سمك ايه يا غبية والبت الزفته دي هتاكل ايه ان شاء الله
سعاد بغضب… ما تاكل اي حاجه من التلاجة حته جبنه دي اسهل حاجه ممكن اجيبها
مديحة بغضب… بقالك ساعتين بتجيبي في اكلة سمك يا سعاد
سعاد…. انهارده الدنيا زحمة علشان يوم الحد ياما الله وللهي
مديحة بتوعد… ماشي يا بنت مديحة ماشي
وقفلت الخط وهي شاكة في بنتها انها عارفة حد
😢😢😢😢😢😢😢😢😢😢😢😢😢😢
مديحة دخلت عند رحمة وشافتها قاعدة علي السرير سرحانة
قالت ليها بسخرية… قومي يا ختي كلي حته جبنه لان احنا عاملين سمك ولو عايزة تموتي كلي منه
رحمة هزت راسها ومتكلمتش
وخرجت مديحة وهي بتقول… ربنا ياخدك
اما رحمة كانت سرحانة في الماضي وهي طفلة عندها 8 سنه
فلاش باك
رحمة رحمة يا حبيبتي تعالي شوفي جبتلك ايه
رحمة خرجت بفرح شديد..بابا. حبيبي ايه العروسة الجميلة دي يابابا
والدها بحب… دي اجمل عروسه لاجمل بنت في الدنيا واللي انا مش عارف لغاية النهاردة عملت ايه في حياتي حلو علشان ربنا يرزقني بيكي انتي وامك احسن اتنين في حياتي كلها يا رحمومه
حمة حضنته وقالت.. ربنا يخليك ليا وميحرمنيش منك ابدا ولا من العرايس اللي بتجبها ليا ابدا
والدها بحب حضنها…. ولا يحرمني منك ابدا يا حبيبتي وتكبري واشوفك احلي واحسن عروسة يا رحمة واديكي للي يستهلك يا بنتي
رحمة حضنته… جبت الشوكلاته
والدها طلعها من جبها وقال… منستيش يا اروبة خدي دي ليكي بس متكليهاش كلها
رحمة بدلع….. ماشي هاخد حته صغننه خالص
والدها ضحك…. ضغننه خالص
والدتها… انت اللي مدلع البت دي ومبوظها
وادها حضنها وشالها وقال…. دي رحمة بنتي الوحيدة القلب كله ليها تعمل اللي هي عايزة
والدتها كانت مضايقة من دلعه ليها لانها كانت خايفة البنت تبوظ من الدلع ده ولكن كانت بتسكت لانها شايفة فرحتهم هما الاتنين مكنتش عايزة تبوظه
باك
رحمة بدموع…. ربنا يرحمكوا انتوا الاتنين يارب
ويرحمني وياخدني عندكم لانكم وحشتنوني ووحشتني حنيتكم عليا وحبكم ليا يارب اقف جنبي يارب العالمين وصبرني يارب
😢😢😢😢😢😢😢😢😢😢😢😢😢😢
اما عند جني كانت قاعدة وهي بتقول لصحابتها
صحابتها صفاء.. منتيش خايفة يبهدلوكي زي ما بيعملوا مع التانية
جني بحدة وزعيق… ليه ياحبيبتي هو انا زي البت الهبلة دي تعرفي يا صفاء انا البت دي بكرها جدا مش علشان مرات يوسف لا
صفاء بستغراب… امال ليه
جني بغضب… علشان دي واحدة غبية كرمتها رميها دي لو هتقعد في الشارع بس ما تسمحش لحد يقل ادبه ويضربها ويشغلها خدامه عنده علشان خاطر معندهاش تقعد فيها بكره الناس اللي كرمتهم في الارض دي لكن انا يوم ما ادخل البيت ده لو مديحة او سعاد فكروا يمسوني بكلمة دانا هقلب البيت كله علي دماغهم وفوقيهم يوسف كمان
صفاء بإبتسامة صفرة… انا عارفة انك مش سهلة يا بت يا جني وانك هتسكلي معاهم
جني ابتسمت بخبث وسكتت