رواية حياة رحمة الفصل السادس 6 بقلم مارلي إيهاب

رواية حياة رحمة الجزء السادس

رواية حياة رحمة البارت السادس

رواية حياة رحمة الحلقة السادسة

عدي يومين علي اخر الاحداث وفي اليوم ده هتحصل حاجات كتير اولهم
صحيت سعاد بدري وهي مسكة ابنها صاحب الخمس سنوات ومعها شنطة هدومه والولد كان يبكي وهو بيقول.. انا عايز اقعد معاكي يا ماما
سعاد بقسوة.. اخرس بقي يا زفت قولتلك هتروح عند ابوك يعني هتروح عند ابوك مش بتفهم ولا ايه
سعاد اخدته من ايده من غير ما حد يحس وخرجت راحت عند بيت والده في خلال نصف ساعة.
دقت الباب بشدة في الساعة الثامنه صباحا قام محمد طلقها هو وزوجته بسرعة فتح الباب وشاف سعاد
محمد بعصبية… ايه طريقة الخبط دي انتي اتجننتي ولا ايه
سعاد حدفت ابنه عنده وهو مسكه ولما شافت مراته وجملها غرت وقالت بعصبية….. ابنك عندك انا مش ملازمه اصرف عليه عندك ابنك ربيه و شنطته اهية
ورمتها علي الارض
ومحمد حضن ابنه اللي كان منهار وقالها بعصبية…. امشي اطلعي بره يلا غوري
سعاد وهي خارجة بعصبية… يعني بتطردني من الجنه يا خويا خارجة
وخرجت هو قفل الباب بغضب وحضن ابنه وقاله… اهدي يا حبيبي اهدي بس خلاص
لكنه كان مستمر في البكاء
مراته قربت منه وقالت… سيبه يا محمد وانا هحاول اهديه سيبه معايا
محمد ساب معها وهي حضنته وشالته وقعدت بيه علي الكنبة وحطته علي رجليها وقالت…. اهدي يا قلبي متعيطش علشان عينيك هتوجعك ومش هتقدر تلعب ولا تتفرج علي التلفزيون بص هقولك ايه رايك. تخش تلعب مع اخواتك مالك واحمد ها تروح تلعب
زياد كان ينظر ليها ببراءته…..
وهي مسحت دموعه وقالت…. ولا تفطر الاول وبعدين تلعب تختار ايه
زياد بخجل….. عايز افطر الاول
قالت بحب… وماله هروح احضر الفطار وانت روح نادي بابا وقوله يلا علشان نفطر ماشي
زياد ببراءة…. ماشي
قالت ندي.. يلا يا قلبي اول اوضة اهي روح نادي عليه وانا هعمل الفطار
دخلت ندي المطبخ تحضر الفطار اما زياد خبط علي محمد….. ادخل
دخل زياد وهو مش واخد علي والده اوي لانه كان بيشوفه كل فين وفين لان سعاد كانت مانعه انه يشوفه
محمد بحب… تعالي يا حبيبي
زياد دخل وقال بهدوء… طنط بتقول الفطار بيجهز تعالي علشان تفطر
محمد مسك ايده وشاله علي رجله وقال…. بص يا زياد البيت ده بيتك وانت ابني ولو مكنتش بشوفك ده علشان امك كانت مش بترضي تخليني اشوفك ولما باجي البيت كانت بتطردني هي واهلها لكن انا بحبك وبموت فيك كمان انت بني البكر اول فرحتي ياحبيبي عايزك تاخد علي الوضع والعيشة دي واوعي في يوم تعوز حاجه ومتقولش عليها وطنط ندي معاك هتعملك كل اللي انت عايزة ماشي يا حبيبي
زياد ابتسم… ماشي
محمد بحب…. يا ايه
زياد…. يا بابا
محمد فرح. وقال…. حبيب قلب ابوك. تعالي معايا بقي يا بطل نصحي اخواتك علشان نفطر سوا
زياد كان فرحان وهو رايح يشوف اخواته
اكرم ابنه الاول من ندي عنده 3 ونص
امير الثاني.. عنده سنه
محمد بحب… يلا يا ولاد اصحوا يلا يالا يا اكرم
اكرم…. حاضي يابابا
ندي دخلت وشالت امير اللي كمان فاق وقالت.. يلا انا حضرت الفطار والرضاعة لميرو يلا
وخرجوا كلهم وقعدوا علي السفرة ومحمد اتكلم وقال… اعرفكم يا حبيبي ده زياد اخوكوا الكبير
ويا زياد ده اخوك اكرم وده امير اخوك اخر العنقود
زياد قرب منه وباسه من خده وقاله… هتجي تلعب معايا بعد الاكل
اكرم…. ماسي
وندي ابتسمت ورضعت ابنها بعد ما اللبن برد
وبعد الاكل اكرم اخد زياد الاوضة يلعبوا سوا
ومحمد خد ندي وامير كان معاها
محمد بهدوء…. هتاخدي بالك منه
ندي ابتسمت وحطت امير علي السرير وحضنته وقالت بحب…. ده بقي ابني التالت يا محمد والاهم انه ابنك منك حتي لو من واحدة تانية هحبه لانه منك وانا متأكدة انه مش هيفتكر امه تاني بعد كده لان احنا هنبقي اهله
محمد بحب حضنها… ربنا يخليكي ليا ست الستات
ندي…. ويخليك لينا يا حبيبي ومنتحرمش منك ابدا
❤❤❤❤❤❤❤❤❤❤❤❤❤❤
في البيت عند سعاد روحت وشافت امها قاعدة في الصالة….. كنتي فين وابنك راح فين
سعاد ببرود… وديته لابوه ياما علشان متعرنيش كل شوية انك بتأكليه وتشربيه وهبقي كا يومين تلاته هروح اطل عليه
مديحة بشك… والبت بتحس يعني
سعاد بعصبية… هو لا كده عاجب ولا كده عاجب اعملك ايه يعني اولع في نفسي علشان ترتاحي
مديحة بغضب… غوري يابنت الكل*ب بت هم علي قلبي
سعاد دخلت الاوضة وبعتت رساله لسعد وكتبت فيها… تم
😢😢😢😢😢😢😢😢😢😢😢😢😢😢
عند جني كانت قاعدة في شقتها وبتكلم يوسف في التلفون وبتقوله….. مش قولت هنتجوز بعد يومين
اليومين عده اهو لسه متجوزناش
يوسف بحب…. بكره هنتجوز ياقلبي هعرفهم انهاردة في البيت وهنتجوز
جني بدلع… والمهر والمأخر والشبكة بتاعتي يا جو
يوسف… اللي انتي عايزة يا قلب جو
جني بدلع… عايزة شبكة بسبعين الف جنيه علشان اتفشخر بيها قصاد الناس
يوسف…. وماله من عنيا الغالي للغالي
جني بدلع… وعايزة مهر خمسين الف جنيه والمأخر نص مليون جنيه
يوسف بتردد…. ياقلبي خمسين الف ماشي لكن مأخر نص مليون كتير اوي يا جوجو
جني بدلع مصطنع….. كتير يا جوجو حبيبتك وبعدين يا قلبي ده مجرد رقم هيتكتب في الورقة ولا انت ناوي تتطلقني يا جو
يوسف… لا طبعا يا قلبي مستحيل اطلقك هو انا مجنون خلاص يا عمري اللي انتي عايزة يحصل اي نعم تحويشة العمر هتخلص لكن كله فداكي ياعمري
جني… حبيبي يا قلبي مستنية بكره بفارغ الصبر المهم هنجيب الشبكه امتي
يوسف… هجيلك بليل نروح نجيب الشبكة واديكي فلوس المهر
جني بحب… خلاص يا حبيبي مستنياك باي
يوسف… باي يا قلبي مع السلامه
جني… مع السلامة
وقفلوا الاتنين وجني ابتسمت وقالت… لازم اعجزك في المأخر لان مش انا اللي اترمي في الشارع يا جو
لازم اكسر عينيك بالفلوس
😎😎😎😎😎😎😎😎😎😎😎😎😎😎
في البيت يوسف روح يوسف البيت شاف رحمة قاعدة تنظر للا شئ
قال ببرود…. رحمة
رحمة نظرت له… نعم
يوسف ببرود… انا هتجوز
رحمة بصدمه….. عايز تتجوز عليا ليه
يوسف ببرود… لانك ارض بور وانا عايز يبقي ليا حته عيل اتسند بيه وانت الامل انك تخلفي معدوم ده مش معدوم ده مستحيل يا رحمه وانا مش هضيع عمري معاكي من غير ما يكون ليا عيل يسندني في الدنيا
رحمة بصدمه وببكي.. ومين دي بقي اللي هتتجوزها
يوسف ببرود… جني
رحمة بصدمه… مرات صحبك اللي مات
يوسف ببرود….. ايوه
رحمة ببكاء… انت عارف انها بتكرهني ولو جات هنا هتذلني
يوسف….. عارف وعجبني الموضوع ده لانك تستاهلي
رحمة ببكاء… استاهل ليه انا عملتك ايه
يوسف…. بقولك ايه انا هتجوز يعني هتجوز
نظرت ليه بصدمه و اتكلمت بهسترية…. عاوز تتجوز عليا طب ليه انا شيالك و شايله اهلك و اسلوبهم ومعاملتهم الوحشة ليا وفي النهاية عاوز تتجوز عليا طب ليه كل ده علشان مابخلفش يعني كل اللي بعمله لك و لا اهلك ما خلكش تصرف نظر عن ان تتجوز عليا
يوسف ببرود…. بقولك ايه شوية الدراما دي مش هتخيل عليا انا هتجوز و هجبها تعيش معاكي هنا في الشقة انا مش حمل مصاريف بيت تاني وتعامليها كويس احسنلك بطل ما اطلقك و ارميكي رميه الكلاب يارحمة اعقلي انتي لا ليكي حد ولا سبت ويوم ما اسيبك الشارع هو اللي هيفتح دراعه ليكي
رحمة بدموع وبكاء…. بقي بتذلني علشان عارف اني مليش حد يا يوسف ربنا المنتقم ربنا ينتقم منك
يوسف بعصبية…. انتي بتدعي عليا يابنت الكل*ب
و للهي لا اربيكي
والم ورا التاني وهي صراخها كان بيعلي وبكاها يزيد
لغاية بعد نصف ساعة تركها وهي في حالة صعبة بشدة
وخرج وهي كانت تبكي بمنتهي الوجع
خرج يوسف من الشقة ومديحة وسعاد كانوا ينظروا لها بشماته قامت رحمة من علي الارض وهي تبكي بشدة ودخلت الغرفة وقالت بغل وسطت دموعها… انا ممكن استحمل اي شئ الا انك تتجوز عليا يا يوسف مستحيل انا هوريك
وهحسرك وهحسرها علي اللي جاي يا يوسف الكل*ب