رواية حكاية نسب الفصل الرابع 4 بقلم بسنت حسين

رواية حكاية نسب الجزء الرابع

رواية حكاية نسب البارت الرابع

رواية حكاية نسب الحلقة الرابعة

جواد اول ما حط رجله في الاوضة اتسحب علي جنب واترمي علي الارض وخد ضر.ب مياخدوش حرا مي شباشب جامع
جواد: يا سحر انتي جبتي القوة دي منين يا شيخة والنبي سيبيني روحي هتطلع في ايدك ده انا غرضي شريف مش جاي اغلط
الضرب وقف والنور اشتغل فجأة وشاف قدامه ممدوح وجسور، جسور ماسك واحد ملامح وشه مش باينة من الضر ب وممدوح ماسكه هو
ممدوح: الله هي جات فيك يا نحنوح، ايه اللي نزلك اوضة البت، حبكت دلوقت!!!
جسور: وانا اقول صدي صوت الو جع ده جاي منين اتاري في واحد تاني بين ضرب هنا
ممدوح: الله ينور عليك يا جسور ما شاء الله ايدك تتلف في بيتادين، قصدي حرير، خرشمت الراجل
جسور: مانت عاملت ابن عمك معاملة الزلط المرمي في خلاط الاسمنت برضو مافيش فرق
جواد: جسور اختك طا لق من قبل ما اتجوزها، ودوني لابويااااااا😭
ممدوح: قوم قوم نروح القسم نر مي الراجل ده هناك يستجوبوه ونطلع بيك ع المستشفي يلا
……
حاتم كان في اوضته بيكلم اخوه فيديو كول يتطمن عليه وعلي صحته
حاتم: ايه يا سامح ده اللهم بارك وشك منور عن اخر مرة كلمتك فيها، ربنا يرجعك لينا بالسلامه
سامح: والله ياخويا ربنا كريم قوي عارف ان عندي حاجات في الدنيا تلزم وجودي مرضيش ياخد امانته قبل ما تخلص وبيردلي صحتي، الحمد لله
حاتم: كلنا محتاجين وجودك يا حبيبي ربنا يطول عمرك
سامح: ربنا يخليك ليا يا اخويا
حاتم: مراتك اخبارها ايه
سامح: مش عارف يا حاتم حاسسها مش هي، مش فيها جبرو ت زمان ولا الحدة اللي كانت فيها، حاسسها خايفة عليا بجد ومش بتسيبني لوحدي وواخدة اوضة هنا جمبي مش راضية تروح
حاتم: ده الوقت اللي بيبان فيه المعادن يا سامح، مراتك بنت ناس
سامح: احنا الاتنين غلطنا في حق بعض بما فيه الكفاية وده شئ كمان محتاج يتصلح
حاتم: بإذن الله تخف ونشوف الموضوع ده
سامح: إن شاء الله
……..
في المستشفي
جسور قاعد جنب جواد هو وممدوح ماسكين الضحك بالعافية علي منظره، عنده عين زرقا ووارمة، وكورة طالعة في جنب دماغه قد الزلابية
ممدوح: تعيش وتاكل غيرها يا بطل الضر ب للجدعان
جواد: ياعم انا مش جدع مالكش دعوة بيا بقي، انا مش عارف هقول لابويا ايه
جسور: ح ادثة، ح ادثة يا حبيبي، خب طت في بلدوزر
جواد: انت بتقول فيها! والله كلام مقنع
ممدوح: لا بلدوزر ايه ده صورته هتنور في الاخبار بكرا مع مانشت بيقول حفيد عائلة النويري يدافع عن منزله باستما تة ويتغلب علي السار ق
جواد: قول والله يا كابتن، هتكبرني في عين البت يعني 😁
ممدوح: اي خد عة يا عم كان زمانها قاطعة علاقتها بيك لو كانت في الاوضة
جواد: سبحان الله، يلا سندوني خلونا نخرج من هنا قبل ابويا ما يبتدي يقلق
…..
مرجانة جالها تليفون صحاها من النوم
مرجانة: مين اللي بيتصل الساعة دي، الو مين
مرعي: انتي لسه مموتيش، هو انا مضر بتكيش جامد ولا ايه يا ولية
مرجانة: هو انت يا وحل البرك، لا ممو تش ليا عمر عشان اشوف كرم ربنا في انه يجيب اجلك
مرعي: اسمعي يا ولية انا بتصل بيكي عشان اقولك اني نفذت اللي في دماغي وبنتك معايا وخلي المحروس ابنك وخططه ينفعوه كويس، سلام يا حلوة
مرجانة: انت بتقول ايييييييه ، بنتاااااااااي