رواية نص الليل الفصل الثالث 3 بقلم سارة عاطف

رواية نص الليل الجزء الثالث

رواية نص الليل البارت الثالث

رواية نص الليل الحلقة الثالثة

بصي ي بنت الناس انا هالك نفسي علشان بس اسدد إلى عليا واتحملت ده ،كل ده لوحدى انتى ولا كنت شايفة ولا عارفة ،كل حاجة قولتى عليها انتى واهلك جتلك وأحسن منها وقدام ده انا طالع عينى جايز غلطان انى محكتش ليكى ويمكن غلطان انى كنت بوافق ع كل حاجة بس كان نفسي اجبلك الدنيا واتجوزك ،بس لحد انك تدورى ورايا وتقفى قدامى ف انا مش هسمح ب ده ولو مش عجبك علبة الجبنه روحى ل اهلك انا تعبت وفاض بيا من كل الدنيا ي هبة روحنا في هدوء انا مكنتش لاقيا كلام اقوله …
دخل الأوضة ونام بس كنت حاسة ان قلبه مكسور بسببي ومعاه حق ف كل حرف طلع منه انا مش عارفة اعمل اى … فضلت ماسكة فى ايدى الفلوس ومش عارفة افكر مهنش عليا ينام زعلان منى روحت اصحيه
= سيف … سيف … اصحى
– لا انا نايم
= ولما انت نايم بترد ليه ! طب معلش ي حبيبي دقيقتين بالظبط ونام تانى
قام وقعد ع السرير
– اتفضلى
ادتله ماية يشرب بص ليا وخدها بهدوء … حطها جنبه … وبصلى ادتله كوباية ليمون
واحنا مخطوبين كان بيقولى انى احسن واحدة تعمل ليمون … خدها وشرب منها وحطها برضو جنب كوباية الماية وبصلى
– ايه !
= انا اسفة مكنتش اعرف كل ده
– حصل خير
= بس انت غلطان كان لازم اعرف منك
– انتى يعنى مغلطيش !
= لا انا غلطانة ومعترفة ب ده
– تمام ي هبة شوفى عايزة اى وهعمله ؟
= عايزة افضل معاك حقك عليا هنحاول نسدد إلى علينا سوا بس من الساعة دى محدش هيخبى جواه حاجة عن التانى
كان برضو ساكت وزعلان … حضنته ولقيته بيعيط … – مكنتش عايزك تحسى ب حاجة بس غصب عني الفترة الجاية صعبة شوية
= المهم اننا سوا
– حتى لو ب علبة الجبنه !
= ولو من غير الجبنه
بدا يهد وفضلت سهرانه جنبه لحد منام اليوم ده منزلش الشغل ادى الكام مجموعة بتوعه وباقى الوقت قعد معايا فيه فضلنا نتكلم ونحكى ونفتكر ايام الخطوبة … تقريبا الدنيا سرقته منى او ضغط اهلى والديون إلى بقت عليه هم السبب… كان رافض يقولى علشان مشلش هم حاجة … فضل يضحك معايا ويهزر وانا من جوايا بقول لنفسي ” انا غبية ، غبية اوى ، ازاى مشوفتش حبه ليا ازاى كنت عامية كدا ”
تانى يوم رجع لشغله، ويوم فى اتنين ف اسبوع في شهر واتنين لقيت الحمل بيزيد عليه وانا مش عارفة اعمل ايه او المفروض اعمل اى علشان أساعده
= سيف عندك وقت نتكلم ؟
– ايوة طبعا قولى
كان لسه داخل البيت ، وقعد جنبى
= ايه رايك لو اشتغلت ؟
بص ليا وسكت … تجاهل كلامى تماما
– عايز اخد شاور
= حالا
طلعت ليه هدوم بسرعة
= يلا يا سيف … هو انت مسمعتنيش!
– مافيش شغل ي هبة
دخل وقفل الباب سمعت صوت الدش بدأت اعلى صوتى
= ممكن تسمعنى مش يمكن كلامى يعجبك
– انتى مكنتيش بتشتغلى في بيت اهلك علشان تشتغلى هنا ف بيتى
= هى قاعدة ي سيف!!!! … اسمع بس فكرتي ع الاقل واكيد مش هاخد قرار غير لما تكون انت كمان موافق
– قولى يا هبة
= انا بحب الطبخ وبحب المطبخ ايه رايك لو فتحت مشروع اكل بيتى
– وتطلعى على cbc سفرة!؟
= بتتريق!
خلص الشاور واطلع…
– اهلك هيقولوا ايه… !
= تعال حضر الاكل معايا انت مش جعان ؟
دخلنا المطبخ وحولت اقنعه بكل الطرق
= مين قال انى مكنتش عايزة اشتغل في بيت بابا ؟ وفى نفس المشروع بس اهلى رفضوا
مش يمكن دي فرصة ليا اعمل حاجة بحبها !
مش يمكن اتعلم حاجات اكتر
اخد نفسه … وبصلى
-انا مقدر جدا انك عايزة تقفى جنبى بس انا مش عايز ده
= يا سيف
– وبعدين لو وافقت هتجيبي فلوس منين!
= هتصرف بس انت وافق
– لا مش من عند اهلك …
= لا اطمن
– فهمينى اكتر عايزة تبدأ ازاى وانتى فاهمه الدنيا ؟
= لا
– نعم ؟
= مش عارفة اعمل خطط ولا عارفة حتى هبدا ازاى بس انا عايزة منك تساعدنى اظبطها
– ده مش وقت تجربة يا هبة احنا اوله بكل جنيه وانتى عارفة
= ممكن اسالك سؤال ؟
– اه طبعا
= هو انت ليه مطلبتش الشبكه ؟
ابتسم
– علشان دى حاجاتك انتى …
خلعت كل دهبى وادتهمله… واحنا في المطبخ
= سدد منهم الديون إلى علينا وتعال ندرس مشروعنا ونشيل ليه فلوس على جنب وادينى بحاول القى نفسي واعمل حاجة بحبها
ابتسم … وحضنى… – يارتنى كنت حكتلك يارتنى مخلتش لحظه تعدى غير وانتى فيها انا كنت غبى ده فكرة انك عارفة مهونه عليا كل حاجة …
= هجبلك كراسة وقلم ونعمل خطه لمشروعنا
ايه رايك؟
– بعد العشا علشان جعان …
= ماشي وهنقعد نسمع فيلم سوا !
– أساسيات الفيلم موجودة ؟
= عيب عليك، فى كولا وفشار وترمس
– من ال ٧٠٠ج ؟
= لا طبعا شلت منهم ٣٠٠ج وصرفت ٤٠٠ج
– كدا انا مطمن على المشروع بتاعنا