رواية حكاية دعاء الفصل الاول 1 بقلم ندى أحمد
رواية حكاية دعاء البارت الاول
رواية حكاية دعاء الجزء الاول
رواية حكاية دعاء الحلقة الاولى
احمد فى التلفون : انا اسف يا دعاء مش هقدر اكمل
دعاء بعياط : ايه … يا احمد طب ليه ده احنا فرحنا بعد شهرين انا عملت ايه زعلك منى ده احنا كنا خلاص بننقل العفش و نفرش الشقة
احمد : انا اسف مضطر اقفل دلوقتى
دعاء : احمد طب ثانية واحدة طب انا اسفة لو حاجة ضيقتك منى و انا ممكن اكون مقصدش طب انا عملت ايه طيب
احمد قفل السكة
دعاء روحت البيت منهارة
دعاء دخلت اوضتها منغير ولا كلمة
وقعدت تفتكر كل اللى حصل و افتكرت موقف قبل ما يخطبها
( ملحوظة احمد ابن خالة دعاء )
فلاش باك
دعاء ببكاء : انا بحب احمد اوى يا ماما انا خايفة يروح يخطب تانى ولا يتجوز
كريمة : اهدى يا دعاء و ان شاء الله ربنا يقدم اللى فيه الخير و بعدين انا سمعت انه بيدور على عروسة بعد ما فركش مع البت الاولانية و انا كلمت خالتك هدى تكلم خالتك ليلى تشوف كده ابنها
دعاء : ليه يا ماما عملتى كده انا غلطانة انى بفضفض معاكى
كريمة : اسكتي انتى يا بنتى انا شايفة احمد برده ميال ليكى بس متردد
دعاء : ليه يا ماما هو صغير انا عايزة هو اللى يكون عايزنى مش انا اللى بجرى وراه
كريمة : ملكيش دعوة و بعدين بتجرى وراه فين ما هو اللى هيجى يتقدم مش انتى … انا بليل خالتك هدى هتكلمنى
باااااك
دعاء لنفسها بعياط : هو مكنش عايزنى من الاول ده اول خطوة حتى مش هو اللى اخدها
كريمة بتخبط على الباب
كريمة : افتحى يا دعاء فى ايه
دعاء فتحت الباب و بعياط : احمد فسخ الخطوبة
كريمة : ايه ازاى ده حصل ده انتو مخطوبين بقالكم سنة و نص و فرحكم بعد شهرين
دعاء حولت تبعتله بس كان عاملها بلوك على كل حاجة
دعاء : ده عملى بلوك انا مش عارفة فيه ايه انا عملت ايه
كريمة : خالتك ليلى بيتصل
دعاء : ردى
ليلى : الو .. ازيك يا كريمة .. انا بكلمك علشان اقولك ان النصيب لحد كده وقف و انا بكلمك علشان عايزين الشبكة و حاجات احمد
كريمة : هو ايه اللى حصل يا ليلى لكل ده
ليلى : ابنى مش مرتاح مع بنتك مش بالعافية و رجعى الحاجة علشان نفضل حبايب و قرايب احسن
كريمة : انا بنتى الف واحد يتمناها و انا هرجعلك حاجتك و ياختى مش عايزة نكون حبايب ولا عايزة اكلمكم تانى و هو انا بنتى رمى نفسها عليه
دعاء قاعدة سامعة كلام مامتها و هى مصدومة مش مصدقة ان كل حاجة انتهت فى ثانية ديه حتى كانت خلاص حجزت فستان الفرح
دعاء : ماما انا مش فاهمة هو بيعمل كده ليه انا عملت ايه ده انا كنت بعمل كل حاجة علشان يكون مبسوط منى و مزعلوش منى
و فجأة جت لدعاء رسالة من نورا ( حبيبة احمد الاولانية و هى اللى سابته فى الاول و صاحب احمد اتجوزها و أطلقوا )
الرسالة
صورت احمد و نورا و كتبه تحتها (سابك علشان يرجعلى )
دعاء اغمى عليها اول ما شافت الرسالة
ليلى جت اخدت حاجات ابنها و الشبكة و دعاء كان قلبها بيتقطع من القهر
و فات أسبوع و كان صعب على دعاء و منزلتش الشغل
و كان فى واحد زميلها فى الشغل اسمه مازن كان كل يوم بيسأل عليها و عرف انها فسخت خطوبتها من الفيسبوك و من البوستات اللى بتنزلها الحزينة و قرر انه لازم يصارحة بمشاعره اللى بقالها ٣ سنين مخبيها و خايف ليترفض زى اللى قبله و تبعد عنه ساعتها
عند دعاء فى البيت
دعاء كانت ماسكة الموبيل بتقلب فى الصور القديمة و الشات اللى ما بينهم و هى بتقلب فى التليفون لاقت ان نورا منزلة انهم كتبوا كتابهم و منزلة صور مع احمد
دعاء حست بنار فى قلبها
دعاء : ازاى قدر ينسانى بسرعة ديه و اتجوز بعد ما سبنى بأسبوع و انا كان يقعد يقولى ربنا يسهل كل ما اجبله سيرة الفرح …. بعياط فعلا اللى عايز حاجة هيوصلها و هو مكنش عايزنى و قعدت تعيط
باب الشقة خبط
دعاء فتحت بصدمة : انت
احمد : ….
و شافت حاجة صدمتها
نورا كانت معاه
سيت اعرفكم
دعاء : شابة طيبة عندها ٢٥ سنة جميلة عندها غمازات عنيها عسلى و شعرها بنى فاتح طويل جدا بس هى محجبة و هى تحب احمد ابن خالتها من وهى صغيرة بس هو عمره ما شافها و لا كانت بتيجى فى باله كانت بترفض عرسان كتير علشانه على أمل انه ممكن فيوم يحس بيها و ملحوظة دعاء عايشة مع مامتها بس لان والدها اتجوز على مامتها و عايش مع مراته التانية اغلب الوقت
احمد (مخترتش الاسم من فراغ طبعا 😂) : شاب لديه ٣٢ سنة مغرور و بتاع بنات و كان مصاحب نورا بس هى سابته و اتجوزت صاحبه و ده طبعا اللى خلى احمد عايز نورا و بشدة بسبب انه حس بالرفض هو شاب طويل عنيه خضراء و شعره بنى و لديه و يعمل مدير فى شركة استثمارية كبيرة
ادم : شاب ٢٧ سنة زميل دعاء فى الشغل عنيه بنى و شعره بنى غامق و طويل و بعضلات والدته متوفية من زمان و والده لسه عايش بس تعبان جدا
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حكاية دعاء)
تعليق واحد