رواية حب كبير الفصل الثاني 2 بقلم رنا سليمان

رواية حب كبير الجزء الثاني

رواية حب كبير البارت الثاني

رواية حب كبير الحلقة الثانية

_انا جوازي منك كان غصب عني وانا مكنتش موافقة علي الجوازة دي
_معتقدش ان دا يهمني في حاجة
_يعني اية ميهمكش بقولك انا لا بحبك ولا كُنت عايزة اتجوزك من الاساس
_وانا قولتلك ميهمنيش اذا كُنتي راضية عن جوازك مني ولا اذا كُنتي بتحبيني ولا لا…….انا اتجوزتك علشان حاجة تانية خالص…….ولا ليها علاقة بحُبي ليكي ولا بكُرهي ليكي حتي
_حاجة اية دي اللي اتجوزتني علشانها
_مش مهم انك تعرفي ……..احنا هنفضل متجوزين فترة لحد ما اللي انا عايزه يتم وبعدها هطلقك وهديكي الفلوس اللي اتفقت عليها مع حماتي
_فلوس!…….فلوس اية انا مش فاهمة حاجة
_لا هي حماتي متكلمتش معاكي علي اي حاجة ولا حتي قالتلك اني اتفقت معاها اني هدفع مُوخر ليكي خمسة مليون جنية لما اجي اطلقك
_خمسة مليون……..هو انت فاكر انك هتشتري الناس كمان بفلوسك……….حتي لو هتقدر تعمل كدة مع امي ف انت مش هتقدر تعمل كدة معايا انا……..انا مش عايزة اكمل في الجوازة دي انا عايزة اطلق
_لية هو حد قالك ان الموضوع بمزاجك……انا مش هطلقك غير لما اللي انا عايزه يحصل يا رنا وانتي بمزاجك او غصب عنك هتفضلي هنا لحد ما اطلقك انا
_بس انا مش لعبة في ايدك علشان تلعب بيها زي ما انت عايز وترميها وقت ما تحب……..انا مش هعرف اعيش معاك بعد ما عرفت انك اشتريتني واشتريت امي بالفلوس……..انا عايزة اطلق يا يونس
_وانا قولت مش هطلقك غير بمزاجي انا
سيبتها وخرجت من الاوضة……..كانت بتتكلم وهي بتعيط……..انا كُنت فاكر انها عارفة بالاتفاق اللي حصل بيني وبين والدتها…….مكنتش متخيل ان والدتها تخبي عنها حاجة زي دي ……..كُنت فاكرها زي والدتها وانها هتوافق مش هترفض وتكون عاملة كدة……..يمكن اكون غلطت ب اني حتي مسألتهاش عن رايها في الموضوع بس انا مكنتش اعرف ان والدتها هتخبي عليها وفي نفس الوقت انا مش هينفع اطلقها غير لما اعمل اللي انا عايزه……..نمت علي السرير وفضلت باصص فوق وساكت
فوقت من سرحاني علي صوت التليفون وهو بيرن مسكته بسرعه علي امل انها تكون هي اللي بترن بس مطلعتش هي……..بصيت للتلفون بحُزن قفلته ورميته علي السرير بتعب……..فضلت باصص قدامي ودموعي مغرقة وشي وانا بفكر فيها……..انا للاسف عرفت قيمتها بعد ما خسرتها وضيعتها من ايدي ………كُنت فاكر اني هتجوزها يومين لحد ما اخلي لميس تعرف اني ممكن اضيع من ايديها وترجعلي وبعدين اطلقها ولا كانت هتفرق معايا بس لا……..انا حبيتها ومكنتش متخيل ان دا هيحصل في يوم………مش عارف دا حصل امتي وازاي بس حبيتها وفي وقت قليل…….وانا معاها بنسي كل حاجة ومبقاش عايز اسيبها ولا ابعد عنها……..لما كُنت بخرج من البيت كُنت بحاول اخلص اي حاجة ورايا علشان ارجع البيت واشوفها واقعد معاها بس……بس بالرغم من حُبي ليها انا عُمري ما اعترفتلها ب دا ولا حتي باينت ليها بالعكس……..انا دايما كُنت بعاملها وحش وبقلل منها في اي حاجة كانت بتعملها انا اذيتها جامد وانا مش حاسس ب دا……..بس انا فعلا ندمان ونفسي انها تديني ولو فرصة واحدة بس علشان اصلح كل دا واثبتلها قد اية انا بحبها بجد و هتغير علشانها………بس هي تديني ولو فرصة واحدة بس
“رنا”
_اتمني تكوني مبسوطة بالحالة اللي انا فيها دلوقتي
_اكيد هكون مبسوطة………دا الاتفاق اللي اتفقنا من قبل ما تتجوزوا انا يتجوزك سنة ويطلقك ويدينا الفلوس اللي اتفقنا عليها
_يديكي انتي والاتفاق اللي اتفق معاكي عليه مش معايا انا يا ماما……….انا مكنتش اعرف حاجة عن الاتفاق دا وانتي عارفة كويس اوي اني لو كُنت اعرف مكنتش هوافق اني اتجوزه من الاساس……..انتي اللي روحتي واتفقتي معاه وخلتيني لعبة في ايديكم انتو الاتنين تلعبوا بيها زي ما انتو عايزين هو علشان يغيظ حبيبته بيا وانتي علشان الفلوس……..طيب هو ومكنش يعرفني وكان بيعمل كل دا علشان حبيبته ومهتمش بيا انا لانه اصلا ميعرفنيش ويمكن يكون غلطه اقل من غلطك بشوية لكن………لكن انتي يا ماما لية عملتي كدة……..دا انا بنتك لية مفكرتيش فيا وفي مشاعري واللي ممكن يحصلي من ورا اللي عملتيه دا
_كُنتي عايزاني اعمل اية يا رنا……..عايزاني اعمل اية وابوكي في المستشفى بين الحياة والموت ومحتاج يعمل عملية وفلوسها مش معانا……..عايزاني اعمل اية وانا شايفة ان حياتك انتي واخواتك بتدمر ومش لاقين فلوس مصاريف الكليات بتاعتكم حتي ووقفت الدراسة لحد ما ربنا يسهل ونقدر نعمل عملية ابوكم وبعدها نبقي نشوف هنعمل اية في دراستكم انتو………انا اول ما جوزك جالي وعرض عليا الموضوع وافقت من غير حتي ما افكر لان المبلغ اللي عرضه عليا دا عُمرنا ما كُنا نحلم ان يكون عندنا جزء منه حتي ……..وافقت علشان ساعتها كُنت بفكر في مستقبلك انتي واخواتك يا رنا…….وافقت علشان ابوكي يعمل العملية ويرجع وسطنا من تاني……..انا معملتش حاجة غلط ولو رجع بيا الزمن تاني كُنت هوافق بردو ومكنتش هقولك لاني عارفة انك هترفضي ومش هتوافقي انك تعملي حاجة زي دي……..وبعدين انا نفسي افهم اي اللي مدايقك في الموضوع……..هو مش انتي رافضة الجوازة دي ومش حابة انك تتجوزيه………اية اللي اتغير دلوقتي
_اللي اتغير اني حبيته يا ماما
_حبتيه!…….طب ازاي وامتي
_معرفش حصل امتي وازاي………كل اللي اعرفه اني حبيته……..حبيته في الوقت اللي كُنت بحاول فيه اني ابعد عنه واحاول مقعدش معاه حبيته بالرغم من كل اللي كان بيعمله معايا وتقليله ليا في كل حاجة وكرهه ليا حبيته وانا واثقة انه مع اول مرة يكون قدامه انه يختار بيني وبينه ه يختارها وينساني انا……..رغم كل دا حبيته وكان نفسي انه هو كمان يحبني بس انا كُنت واثقة ان دا مش هيحصل
بدات اعيط لحد ما اخدتني في حضنها وعياطي زاد……..كانت بتطبطب عليا وبتحاول تهديني……..تلفوني رن…….خرجت من حضنها ومسحت دموعي ومسكت التلفون……اتنهدت ورديت عليه وبدات اتكلم بهدوء
_ايوة يا محمد
_رنا ممكن تيجي علي مكتبي بسرعة
_هو في حاجة يا محمد
_في مشكلة مفيش غيرك هيحلها
_مشكلة اية يا محمد
_مش هقدر احكيلك دلوقتي يا ويت تيجي دلوقتي
_حاضر انا جاية اهو