رواية حب قيد المراجعه الفصل الحادي عشر 11 بقلم دودو محمد
رواية حب قيد المراجعه الجزء الحادي عشر
رواية حب قيد المراجعه البارت الحادي عشر
رواية حب قيد المراجعه الحلقة الحادية عشر
جلس اكرم على مقعده بأرهاق شديد امسك سماعة الهاتف وتكلم به بنبره جاده وقال بأمر
-هات الملفات اللى محتاجه تتمضى وبلغ الامن يجيب اللاب توب علشان اراجع الكاميرات وفى سكتك هات القهوه بتاعتى
وضع سماعة الهاتف وظل ينظر أمامه على الورق وبعد وقت جاء الجهاز وبدأ يتابع الكاميرات يوم تسليم البضائع حتى يشاهد من الفاعل فى محاولة قتل فريده فى هذا اليوم وبالفعل وجد أحد الأشخاص يدفع الصناديق بأتجاه فريده قرب الصوره حتى يرى وجه هذا الرجل لكنه لم يتعرف عليه زفر بضيق عندما لم يصل لشئ مفيد ارجع ظهره للخلف وقال بصوت مختنق
-للاسف مش ظاهر وشه فى الكاميرا اللى عمل كده حافظ مكان الكاميرا كويس وخافى وشه عنها بس برضه هوصله بأى طريقه
وارتشف رشفه من القهوه وبدأ يتابع عمله.
…………………………………………………………..
اعتدلت فريده على السرير بضيق وبدأ الطبيب يفحص الجرح ويطمئن عليه تألمت قليلا ثم قالت
-لو سمحت يا دكتور أنا عايزه أخرج النهارده
نظر لها بأستغراب وحرك رأسه بالرفض وقال
-لا طبعا مستحيل لازم تفضلى موجوده هنا يومين تانى لحد ما نطمن أن الجرح بقى كويس ومافيش اى مضاعفات
تكلمت سريعا وقالت
فريده :-انا كويسه يا دكتور متقلقش لازم أخرج النهارده عندى شغل مينفعش يتأخر اكتر من كده وانا لو حسيت بأى الم هتصل بيك على طول
زفر بضيق وقال
-انا بقولك مينفعش بس لو حابه تخرجى تمضى تعهد على نفسك انك خارجه من المستشفى بأرداتك و على مسؤوليتك الشخصيه
اومأت رأسها بالموافقه وقالت
فريده :-ماشى موافقه بس بسرعه لو سمحت
نظر لها بعدم اقتناع وخرج حتى يتمم الإجراءات اللازمة وقالت افادتها بالتحقيق وبعد وقت خرجت فريده من المشفى ومعها الجميع
نظر لها بضيق وقال بتساؤل
حاتم :-انتى رايحه فين كده
إجابته بأستغراب وقالت
فريده :-رايحه الشركه يا بابا
تنهد بضيق وقال بنفاذ صبر
حاتم :-هتروحى الشركه ازاى وانتى كده روحى على الفيلا ارتاحى شويه وبكره ابقى انزلى الشركه براحتك ومتقلقيش هند من بدرى هناك وهتاخد بالها منها
حركت رأسها بالرفض وقالت
فريده :- لا يا بابا مش هينفع فيه أوراق مهمه لازم اراجعها وتخلص النهارده وهند مش هتعرف تتصرف لوحدها
تكلم بنبره هادئه وقال
جلال :-يا حبيبتى هتسوقى العربيه ازاى بس وانتى كده
إجابته بتوضيح وقالت
فريده :-متقلقش هعرف اسوق
تكلم سريعا وقال
فريد:-انا هروح اوصلها بالعربيه متقلقوش انتوا عليها أنا معاها
نظرت له بضيق وقالت
فريده :-والله ما انا عارفه مين هياخد باله من التانى
فتح لها باب السياره وقال بطريقه مرحه
فريد :-برنسس فريده اتفضلى
زفرت بضيق وصعدت على المقعد الامامى
اغلق فريد الباب وصعد امام المقود ونظر لها بثقه وقال
-يارب الخدمه تعجب سيادتك يا هانم
حركت رأسها بضيق وقالت
فريده :-تعرف تسكت خالص واتفضل اتحرك بقى بسرعه مش فاضيه لتفاهتك دى
ابتسم لها بأستفزاز وقال
فريد :-حاضر يا قلب ف ر ي د
زفرت بضيق وقالت
فريده:- اللهم طولك يا روح امشى بقى متعصبنيش
تعالت ضحكاته وادار السياره وتحرك بها سريعا إلى الشركه
نظر جلال إلى حاتم وقال بسعاده
-مش ملاحظ أن الاولاد بدأوا يخدوا على بعض
اومأ رأسه بالتأكيد وقال
حاتم :-ايوه بس متنساش أنهم واخدين على بعض من زمان وان اللى بيعملوا ده طبيعى بحكم معرفتهم ببعض من الطفوله
تكلم سريعا وقال بتوضيح
جلال :-عارف بس ده هيسهل علينا كتير اندمجهم مع بعض حتى لو بالخناق هيقربهم من بعض اكتر
زفر بضيق وقال بنفاذ صبر
حاتم :-قولتلك مليون مره فريده مش هتيجى بالطريقه دى خالص بنتى مبتحبش تتحط قدام الأمر الواقع بتبقى عناديه لأبعد الحدود وده هيجيب نتيجه عكسيه معاها
تكلم سريعا وقال
جلال :-اتكل على الله بس وربنا يسهل يلا بينا نروح بدل واقفتنا دى
ودفع المقعد المتحرك بحاتم اتجاه السياره ووضعه داخلها وتحركت به اتجاه الفيلا الخاصه به وصعد جلال ومعه حنان وتحركت السياره الخاصه بهم إلى الفيلا .
……………………………………………………………….
مر عدة ايام وتحسنت حالة فريده وبدأت تتعافى من الجرح وبيوم الاجازه خرجت حتى تستنشق بعض هواء النقي وتمارس قليلا من الرياضه أمسكت الهاتف الخاص بها وأجرت اتصالا وانتظرت الرد
إجابة عليها هند بصوت متوتر وقالت
-ا ا ايوه يا فريده خير
تكلمت وهى تلهث من الركض وقالت
فريده :-بتعملى ايه
ابتلعت ريقها ونظرت أمامها بتوتر وقالت
هند :-ها و و ولا حاجه بتسألى ليه
ردت عليها سريعا وقالت
فريده :-طيب تعالى أنا مستنياكى فى النادى نلعب شوية تنس
اجابه عليها بالموافقه قالت
هند :-حاضر مسافة السكه باى
أغلقت الخط معها واستمرت بالركض حتى شعرت بأنفاسها تتعالى من شدة الإرهاق جلست على المقعد حتى تستريح قليلا وفى ذلك الوقت سمعت صوت فريد يقول لها
-انا دلوقتى بس عرفت الكرش والخدود راحوا فين
ثم جلس بجوارها على المقعد
زفرت بضيق وقالت بصوت مختنق
فريده :-انت ايه اللى جابك هنا !؟
اشار بأصابعه ونظر خلفها وقال
فريد :-دى
نظرت خلفها وجدت هند تقف بتوتر
تكلمت بعدم فهم وقالت
فريده :-هند !! انتوا كنتوا مع بعض!؟
اومأت رأسها بالتأكيد وقالت
هند :-ا ا ايوه فريد اتصل بيا وطلب منى أن أفطر معاه بره البيت
نظرت لها بضيق وقالت
فريده :-انا لو اعرف ان هو معاكى مكنتش اتصلت بيكى
ونهضت سريعا وبدأت تركض بعيد عنهم
تكلمت بضيق وقالت
هند:-شكل فريده زعلت علشان جيت معايا قولتلك بلاش يا فريد صممت تيجى معايا
حرك رأسه بالنفى وقال
فريده :-فريده مزعلتش علشان كده انا عارف هى زعلت ليه استنى هنا انا هروح ليها
وركض سريعا خلفها حتى اقترب منها وتكلم وهو يلهث قائلا
فريد :-الجميل زعلان ليه بس
زفرت بضيق وقالت بصوت غاضب
فريده :-انا لا زعلانه ولا نيله حل عن سمايا بقى
تكلم سريعا وقال
فريد :-ما تيجى نلعب تنس زى زمان
نظرت له وقالت بتهكم
فريده :-علشان تخسر زى كل مره
حرك رأسه بالرفض وقال
فريد :-لااااا ده كان زمان أنا دلوقتى بقيت حريف فيها
رفعت إحدى حاجبيها وقالت بعدم تصديق
فريده :-والله!! اوك يلا بينا
وتحركوا إلى المكان المحدد وأمسك كل واحد منهما مضرب تنس وبدأت فريده اللعبه
ظلوا يلعبوا بحماس شديد حتى شعروا الاثنين بالارهاق وكانت النتيجه لصالح فريده جلسوا على الأرض وهم يلهثون بشدة تكلمت فريده بتهكم وقالت
-واضح اوى انك بقيت حريف فى اللعبه يا ابنى ده أنا سحقتك
حرك رأسه بضيق وقال
فريد :-على فكره ان سيبتك تفوزى بمزاجى علشان متعيطيش لما تخسرى
ابتسمت له بعدم اهتمام وقالت
فريده :-لا والله!! صدقتك أنا كده ؟؟
نهض سريعا وقال
فريد :-طيب تعالوا ناكلوا بقى احسن هموت من الجوع
حركت رأسها بالرفض وقالت
فريده :-لا أنا تعبت خلاص وعايزه اروح
وفى ذلك الوقت وصل اكرم وقال بأستغراب
-انتوا رايحين فين كده
تكلمت بأستغراب وقالت بتساؤل
فريده :-اكرم !! بتعمل ايه هنا انت كمان
أجابها بتوضيح وقال
اكرم :-هند قالتلى انكم كلكم هنا قولت اجى اقضى اليوم معاكم النهارده
نظرت إلى الخلف على هند وقالت بغضب
فريده :-فيه حد تانى هتقوليله ولا كده خلاص
حركت رأسها بتوتر وقالت
هند :-خ خ خلاص كده مافيش حد تانى
تكلم سريعا وقال
فريد :-خلاص بقى بما أن اكرم جه خليكى ونتغدا احنا الاربعه مع بعض
زفرت بضيق وقالت
فريده :-ماشى يلا بينا
امسك يد هند وقال بصوت هامس
اكرم :-عايزك
نظرت إلى يده بتوتر وقالت
هند :-ب ب بس مش هينفع نسيبهم ونقعد لوحدنا
تكلم بصوت مرتفع وقال
اكرم :-فريد فريده روحوا انتوا انا عايز هند فى موضوع
نظرت لهم بأستغراب وقالت
فريده :-انت وهند فيه ما بينكم مواضيع
امسك يدها سريعا وقال
فريد :-تعالى بس انا هفهمك
نظرت إلى يده بضيق وقالت بغضب
فريده:-سيب ايدى احسن ما اكسرهالك
ترك يدها وقال بغضب
فريد :-اهى يا اختى يعنى همسك ايد السفيره عزيزه امشى يلا
زفرت بضيق وتحركت معه إلى مطعم
ابتلعت ريقها بتوتر وقالت
هند :-ا ا انت عايز منى ايه
ابتلع ريقه بتوتر وقال
اكرم :-طيب تعالى نقعد بس الاول
ابعدت يدها سريعا وتحركوا إلى إحدى المقاعد وجلسوا عليها وظلت تنظر إلى الأرض بتوتر
تكلم بصوت هادئ وقال بتساؤل
-انا جاى اكمل معاكى الكلام بتاع المستشفى
نظرت له بتوتر وقالت بتساؤل
هند :-ك ك كلام ايه مش فاهمه
امسك يدها ونظر بعينيها وقال بصوت هامس
اكرم :-اللى فريد قاله ليكى، انا بحبك يا هند
الكلام وقف بحلقها ابتلعت ريقها بصعوبه وقالت
هند :-ب ب بتحبنى ازاى يعنى !؟
ابتسم لها وقال بتوضيح
اكرم :-هو ايه اللى ازاى !؟ بحبك يا هند بحبك من زمان اوى الفتره الكبيره اللى احنا بعدنا فيها عن بعض مكنتش قادر اشوف حد غيرك مسألتيش نفسك أنا ليه لحد دلوقتى متجوزتش ؟ علشان مش قادر احب ولا اكون مع واحده غيرك
ردت عليه بصوت مختنق وقالت
هند :-بس انت عمرك ما قولتلى حاجه زى كده وافرض يعنى مكناش اتقابلنا تانى صدفه كنت هتعمل ايه
أجابها بتوضيح وقال
اكرم :-عمرى ما قولتلك علشان كنت خايف لتكونى بتحبى فريد يا هند لأنك طول عمرك مقربه منه وانا مقدرش اخد واحده بتحب ابن عمى اللى هو فى مقام اخويا الصغير ولما سافر وبعدنا كلنا عن بعض احتفظت بحبك فى قلبى ورفض فكرت الجواز ولما اتقابلنا من تانى حبك زاد فى قلبى و اخد الخطوه دى وجيت اعترفلك بحبى
ابتسمت له بأستغراب وقالت
هند :-انا فعلا بحب فريد بس زى اخويا لانه طول عمره حنين عليا بحب ضحكه وهزاره ودمه الخفيف كأخ مش اكتر
ابتسم لها بسعاده وقال
اكرم :-يعنى افهم من كده أن مافيش اى حد فى قلبك
حركت رأسها بالنفي وقالت
هند :-ل ل لا مافيش
تكلم بعدم فهم وقال بتساؤل
اكرم:-طيب ايه رأيك فى الكلام اللى قولته ليكى ده
اومأت رأسها بتوتر وقالت
هند :-ا ا انا مش بكرهك ولا بحبك يعنى انت عادى بالنسبالى بس موضوع العصبيه بتاعتك عليا طول الوقت بتخلينى اخاف منك وانا طول ما انا خايفه منك مش هعرف احبك
ابتسم لها بحب واومأ رأسه بالموافقه وقال
اكرم :-وانا يا ستى بوعدك أن مش هتعصب عليكى تانى
نظرت له بخجل وقالت
هند :-م م ممكن بقى نروح عند فريده وفريد
حرك رأسه بالرفض وقال
اكرم:-لا بلاش خليهم لوحدهم شويه انتى زهقتى منى ولا ايه
تكلمت بتوتر وقالت
هند :-ل ل لا مش حكاية زهقت منك بس انا جعانه اوى
نهض وقال سريعا
اكرم :-تعالى نتغدا فى مكان تانى امشى يلا
ابتسمت له بخجل واومأت رأسها بالموافقه وتحركت معه إلى السياره .
……………………………………………………………..
جلست فريده على المقعد بغضب وزفرت بضيق أمسكت قائمة الطعام حتى تختار طعام لها
اخذه منها سريعا وحرك رأسه بالرفض وقال
فريد :-لا سبينى أنا هختارك
تكلمت بغضب وقالت
فريده :-وانت تختار ليا ليه أن شاءالله هات المنيو اخلص
ابتسم لها ونظر بالقائمه وقال
فريد :-مكرونه نجرسكو ولحمه ستيك بالصوص مش دى أكلتك المفضله
نظرت له بأستغراب وقالت
فريده :-انت لسه فاكر اكلتى المفضله
اومأ رأسه بالتأكيد وقال
فريد :-اممم لسه فاكر
وأشار بيده إلى العامل حتى يحضر لهم الطعام
ظلت تنظر له بأستغراب حتى انتبه لها وأشار لها بعينيه وقال بتساؤل
-ايه لدرجاتى عجبك
نظرت الاتجاه الآخر بضيق وقالت
فريده :-مغرور
ابتسم لها وقال بمرح
فريد :-من حقى اتغر مافيش بنت شافتنى الا لما وقعت فى غرامى على طول
ثم اقترب اكثر منها وقال
-واولهم انت يا جميل
زفرت بضيق وقالت بصوت مختنق
فريده :-والله العظيم لو مبطلتش طريقتك معايا دى همشى وابقى كل انت الاكل كله
تعالت ضحكاته وقال
فريد :-خلاص خلاص هسكت اهو
وجاء الطعام بدأوا يتناولوا فى صمت تام
كانت فريده مستمتعه بالواجبه المفضله لديها وتأكل بشهيه
وظل فريد يتابعها بنظراته المعجبه.
…………………………………………………….
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية حب قيد المراجعه)
