رواية حب غير مشروط الفصل الأربعون 40 بقلم لولا
رواية حب غير مشروط الجزء الأربعون
رواية حب غير مشروط البارت الأربعون
رواية حب غير مشروط الحلقة الأربعون
البت اتغيرت جيسي اهي غيرو نظرتكم عنها بقي 😂😂♥️♥️♥️
في المساء في اوضه مالك
مالك دخل واتصدم من اللي شافه كانت جيسي مزينه الاوضه بطريقه رائعه وحاطه ورد وهديه علي السرير وشموع فكل مكان وزينه وبلالين ولكن الصدمه الاكبر ان جيسي كانت واقفه بتبتسم ليه بفرح وهي لابسه دريس بيبي بلوي بكم ماسك من الصدر وواسع لتحت وحجاب نفس اللون
مالك بصدمه ممزوجه بفرح اكمل ايه ده !!!!!!!
جيسي بحب هابي بيرث داي يا ابو سولي
مالك ضحك واكمل لا استني بس استني ايه ده
جيسي بضحك ايه هتفضل مصدوم كده كتير
مالك قفل الباب واتقدم ناحيتها حضنها واكمل بدموع فرح انتي عارفه انا اتمنيت اليوم ده قد ايه ??? كنت كل يوم بقف ادعي ربنا يهديكي وتلبسي الحجاب انا بجد مش قادر اصدق نفسي ودموعه زادت
جيسي دموعها نزلت واكملت بحب وهي بتطبطب علي ضهره. من اول يوم اتجوزتك فيه كونتلي العوض والسند والهدايه يا مالك اتاري الدنيا فيها جميل وحلو عكس ما اتقالي وحظي الحلو مش ضايع وكان وياك متشالي ربنا رتب كل الاسباب اللي تخليني ليك علشان ارجعله علشان افوق واعرف اني غلط
مالك وهو حاضنها اكمل بدموع فرح والله ده انتي اللي حظي ونصيبي الحلو وكل دنيتي انتي دخلتي نورتي حياتي وجبتيلي احلي سولي ووقفتي جمبي في ظروف صعبه وضحك بدموع واكمل حتي انه جيه عليكي يوم اكلتك اكل مش بتحبيه ولا متعوده عليه وسكتي لحد مااتعلمتي الرضا وتاكلي كل حاجه في اي وقت وبقيتي البنت المتواضعه الطيبه الجميله اللي كنت مراهن اني هخليكي هي … اانا مش عارف ادي فرحتي لمين بجد اللهم لك الحمد اشكرك واحمد فضلك يارب اخيرا استجاب وحققت وعدي ليه لما قولتله هحاول بكل طاقتي ارجعلك جيسي وباس جبينها واكمل بدموع فرح والله العظيم مش مصدق ربنا يباركلي فيكي يا ست البنات ويثبتك يارب
جيسي بدموع فرح بجد بحمد ربنا انك دخلت حياتي يا مالك ربنا جعلك سبب لكل اللي انا بقيت فيه دلوقتي وجيسي الشريف المغروره واللي مش بيعجبها العجب بقيت راضيه بكل حاجه مهما كانت هي ايه وبقي اهم حاجه عندي وجودك انت وسولي في حياتي
مالك باس جبينها وايديها واكمل بحب ربنا يخليكي ليا يارب يا نورعيني وميحرمينش منك ابداا بجد اللي انتي عملتيه اجمل هديه في حياتي كلها
جيسي بحب ويخليك ليا يا رب وابتسمت بفرح واكملت ها ايه رايك بشكلي في الحجاب ??
مالك ابتسم بحب واعجاب واكمل هتصدقيني لو قولتلك مش رومانسيه مني بس حرفيا مفيش كلمه عارف اقولها توصف القمر والجمال والعفه والملاك اللي قدامي .. شكلك مختلف عن اي مره شوفتك فيها ويمكن دي اجمل مره اشوفك فيها
جيسي حضنته واكملت بحب برغم كلامك القمر الا اني زعلانه منك يعني انا كنت وحشه يا مالك
مالك باس راسها بحب واكمل انتي قمر فكل وقت بس انا بتكلم لو مثلا انك هتنزلي فا دي اجمل مره وغمزلها واكمل بضحك انما لو في اوضتنا عادي البسي اكتر حاجه مش محترمه مش هقولك لا
جيسي ضربته في صدره واكملت بضحك اتلم هاا وبصتله بحب واكملت انا عارفه اني ظلمالك معايا اوي بس انا والله منا ما اتعالجت وبقيت مهيئه اكمل حياتي طبيعي كنت حامل وحملي صعب بعدين ولدت وبنزف فتعبانه اوي انت عارف
مالك باس جبينها واكمل بس يا عبيطه متقوليش كده انا وجودك جمبي بلدنيا كلها واهم من اي حاجه وابتسم واكمل اي رايك وانتي قمر كده اخدك نتعشا برا في المكان اللي يعجبك
جيسي بفرح والنبي بجد
مالك بابتسامه وحب اكمل اه والله يلا انتي كده كده جاهزه وانا بردو جاهز لبسي سولي بس ويلا
جيسي حضنته بفرح واكملت ربنا يخليك ليا بجد ثواني هلبسه بسرعه
مالك حاسبي بس تصحيه يا جيسي خليه نايم ليصحي يفضحك برا عايز يرضع
جيسي بضحك وهي بتلبسه اكملت ربنا يستر بجد احنا غلطنا اننا جاين نعيش جو المخطوبين ومعانا القرد ده
مالك وطي باس خده واكمل بحب ده مفيش حاجه حلوه علمناها قد اننا جبنا سولي والله
جيسي لبسته ولفته في البطانيه واكملت بحب طب والله فعلا عندك حق نورعيني ده وباسته واكملت يلا
مالك هاتيه عنك وشاله منها وطلعوا
ساميه بتفاجئ وفرح ايه ده انتي اتحجبتي ???
جيسي بضحك شوفتي قولت مفيش اجمل من الهديه دي لمالك في يوم عيد ميلاده
ساميه بحب وفرح فعلا والله وطالعه زي القمر كده احسن 100 مره ربنا يثبتك يا حبيبتي وبصت للساعه واكملت عدت 12 وحضنت مالك واكملت كل سنه وانت طيب يا نورعيني والسنه الجايه تخاوي سليم وتفرح بيه
مالك باس ايديها بحب واكمل ربنا يخليكي ليا يا ست الكل .. بقولك هنروح نتعشا برا وجايين ها نامي انتي متسهريش
ساميه بحب ربنا يسعدكم يا حبيبي وروح انت بس وملكش دعوه بيا انا هنام لما ترجعوا
مالك يا امي نامي وملكيش دعوه انتي علشان لو اتاخرنا
ساميه طب يلا يا واد روح اجري بس شوف رايح فين
جيسي ضحكت فاكمل مالك بضحك واد !! تشكري ياست الكل
ساميه بضحك اومال هتكبر عليا ولا ايه مهما اتجوزت وخلفت ابني الصغير بردو
مالك بحب طبعا يا غاليه مقدرش اقول غير كده وبص لجيسي واكمل بحب يلا
جيسي مسكت ايده واكملت بابتسامه وحب يلا
———————————-
في بيت منه
ريهام بحزن طب هتفضلي متاكليش كده لحد امتي يعني مينفعش علي فكره علشان ادويتك
منه وهي بترضع ساره اكلمت بحزن والله ماليا نفس وبصت علي صورتهم اللي واخده كل الحيطه ودموعها نزلت بحزن
ريهام بحزن ربنا يرده بالف خير يا حبيبتي
منه بعياط انتي عارفه ان انهارده قبل ما الدنيا تليل كده كان عيد ميلاده واليوم ده تحديدا بيفضل اليوم كله معايا بس السنه دي اول مره يسبني لوحدي وتكون اول سنه محتجاه بلشكل ده انا قلبي واجعني اوي يا ريهام يعني ايه كله يكون جمبي انهارده وانا بولد الا جوزي ودموعها نزلت بوجع واكملت عمري ماتخيلت نوصل لكده ابدا بجد
ريهام بحزن حضنتها واكملت ياحبيبتي اهدي لو مش علشانك قولتلك علشان بنتك ومينفعش متاكليش وتتعبي بلشكل ده غلط انتي بترضعي
منه بصت لساره واكملت بدموع هقول لساره ايه يا ريهام لما تقولي فين بابا وغمضت عنيها واكملت تفتكري كرار اجهاضي كان هو الصح
ريهام بحزن لا طبعا مش الصح ده تهور وغلط اه صعبه عليكي وشويه بس موضوع ساره هيتحل ومنا ماتوعي يكون يارب ادم رجع بالف خير
منه بدموع تفتكري هيفضل يحبني ?
ريهام بحب هو مبطلش يحبك اصلا علشان يفضل وبعدين ده بكره يجي يشوف السكر دي وحياتكم تتحسن وهتشوفي
منه بدموع يارب ياريهام يارب
ريهام بحب هقوم انا بقي احضر الاكل وهتاكلي وغلاوه ادم وساره عندك يا شيخه
منه هزت راسها بتمام وسكتت فقامت ريهام تحضرلها الاكل
منه هي بتمشي ايديها علي شعر ساره اكملت بحب ودموع بجد انتي الحاجه الوحيده اللي مهونه عليا وجعي وباست خدها واكملت بموت فيكي اييه السكر ده ياربي علي القمر هو العسل ده كله بنتي انا يا ناس بنتي انا وفضلت تبوس في خدها وتلعب معاها وبعد شويه جات ريهام لقيتها بتضحك وبتتكلم مع ساره فاكملت بحب ايوه كده حلوه الضحكه دي
منه بحب وضحك ده علشان بلاعب ست البنات والقمر بتاعتي وكل دنيتي دي
ريهام بضحك لا ده كده ساره خدت مكانه بقي
منه بحب وابتسامه هو طبيعي الام بتعشق عيالها وانا شوفت في ساره مرار ومن غير جوزي كمان بس هتصدقيني لو قولتلك بحبها اضعاف حبي ليها علشان دي حته من ادم وابتسمت واكملت مش قادره اصدق ان حلمي اني اشيل حته منه واشوف نسخته التانيه في الدنيا بيتحقق قدامي اهو وباست خدها واكلمت ساره دي نتاج تعب وحب كبير اوي يا ريهام وعندها اجمل اب في الدنيا كلها وبكره هي كمان تفتخر بيه وضحكت واكملت وعيد ميلادهم سوا اهو يعني هيغيظوني بعد كده هما الاتنين
ريهام ابتسمت بحب واكملت ربنا يجمعكم يا حبيبت قلبي بجد واشوفك فرحانه ومرتاحه البال ..يلا بقي علشان تاكلي علشان سوسا ينزلها اللبن ممكن
منه ابتسمت واكملت ممكن وابتدت تاكل وعنيها جات علي صوره ليها هي وادم فاكملت بحب في سرها السنه دي هديتك كانت مختلفه بس انت اللي مش موجود كل سنه وانت طيب يا حبيبي وربنا يجمعنا بيك علي الف خير واشوفك محقق حلمك واحسن واحد في الدنيا
——————————————-
في امريكا في الجنينه ادم قاعد مخنوق وبيرسم لوحه لمنه
سالي من وراه اعتقد دي المره ال 1000 صح وضحكت
ادم وهو بيرسم اكمل اتريقي اتريقي
سالي قعدت قدامه واكملت بحب مش بتريق بس عارفه انك كداب. قال مش هرجعلها قاال يابني انت مش شايف شكلك انت كل يوم تقعد لوحدك وترسم صوره مختلفه لمنه انت بتموت فيها
ادم بصلها واكمل بدموع واحشتني اوي يا سالي اوي
سالي حضنته ودموعها نزلت واكملت ربنا يجمعكم ويهديكم يا حبيبي اهدي علشان خاطري وطبطبت عليه
ادم بوجع مكنتش بعدي يوم من غيرها مش قادر اصدق اننا بعدنا كل ده ازاي انا وهي يوصل بينا الحال لكده وازاي اصلا منه قدرت توجعني كده ونفخ بضيق واكمل حاسس كأن في وجع وتقل وحمل كبير اوي علي قلبي ومش عارف اخرجه بجد تعبت يا سالي
سالي بحزن انت سافرت ومفيش حاجه هتتغير بس رايي لما ترجع تحاول تسمعلها يمكن
ادم بماقطعه وحزن هشوف يا سالي هشوف
سالي هزت راسها بيأس واكملت ربنا يهديكم يا ادم
ادم روحي انتي شوفي جوزك وسبيني اكمل الرسمه
سالي بضحك جوزي نام يا خويا عنده شغل الصبح بدري وانا زهقانه فسبته ونزلت
ادم ومروان نام صح
سالي اممم من بدري وابتسمت واكملت انا هروح اعمل اتنين قهوه واجي اقرفك
ادم بضحك تنوري يا حبيبتي روحي اعملي وتعالي
سالي بحب عنيا
—————————–
في بيت حاتم
حاتم قاعد بيتفرج علي الشاشه وشهد جمبه
حاتم بضحك شهد غيري المسلسل ده شوفتيه 100 مره انتي مبتزهقيش
شهد —-
حاتم بصلها واكمل شهد شافها نايمه ومرجعه راسها لورا وماسكه الببرونه بترضع ملك فابتسم واكمل بحب ربنا يقويكي بجد يا حبيبتي وقام خد منها الببرونه وحط ملك علي الكنبه واكمل بحب جايلك استني بس انيم ماما وجاي ووطي شالها بين ايديه
ودخل اوضته وحطها علي السرير بهدوء
شهد فتحت بنوم واكملت حاتم .. ملك بترضع لسه
حاتم طبطب عليها واكمل بحب نامي انتي هنيمها انا انهارد وباس جبينها وطبطب عليها
شهد وهي بتغمض اكملت بنوم ربنا يخليك ليا يارب يا حبيبي
حاتم باس خدها واكمل بحب ويخليكي ليا يارب وغطاها ومشي ايديه علي شعرها بحنان لحد مانامت خالص
وطلع لقي ملك عماله تعيط فاكمل بضحك بس بس ايه ياروحي بابا جيه اهو يا قلبي انتي وشالها ومسك الببرونه وبقي ياكلها وهي مفتحه عنيها وبصاله
حاتم بضحك ايه القمر ده ايه ياناس البنت الجميله ديي وباس خدها واكمل بحب عارفه يا ملك انتي اللي جيتي غيرتي بابا خالص وخلتيه واحد تاني ومسك ايديها باسها واكمل بحب ربنا يخليكي ليا يارب انتي وماما
وبعد شويه ملك سابت الببرونه فحاتم فهم انها شبعت وشالها ففضلت تعيط رجعها تاني مرضيتش تشرب فاكمل بضحك طب اعمل ايه طب ده انتي بنت كلب صحيح مش عاجبك العجب وقام وقف بيها وفضل يهزها فسكتت
حاتم بضحك لا ياروح امك عايزاني افضل واقف ولا ايه
راح قعد فعيطت تاني فاكمل بضحك طب اقول ايه علي امك اللي عودتك علي الوقفه دي ادعي عليها طب وانا بحبها
ملك عيطت اكتر فقام وقف واكمل بضحك خلاص يخربيتك طلعالها مجنونه
ملك ابتسمتله فاكمل بضحك انتي بتضحكي علشان بشتمك فعلا صدقت طالعه ليها في جنانها وتقريبا بتعاقبيني علي كل اغلاطي دلوقتي وابتسم بحب واكمل يمكن مجنونه شويه زيها بس طالعه لبابي فكل حاجه صح وباسها بحب في خدها كتير واكمل ايه يا خواتي السكررر ده وفضل طول الليل سهران يلعب معاها وبيحاول ينيمها
———————————————
في المطعم
مالك وهو بياكل بص علي جيسي وهي بتهز سليم اللي بيعيط فاكمل طب هاتي الواد علشان تعرفي تاكلي
جيسي لالا كل انت هو مش هيبطل زن كده كده
مالك ليه تعبان ولا ايه
جيسي بضحك لا ياروحي نايم من الصبح ومرضعش
مالك بصدمه يانهار ابوكي اسود يا جيسي الواد من الصبح نايم ومرضعش فعلا
جيسي طب اعمله اي يا مالك هو نايم اجيب لنفسي المرار واصحيه مثلا وعامله تهزه واكملت بضحك يا حبيبي بس يخربيت ابوك في ايه
مالك يخربيت ابوه اااه ده ابوه ده هيوريكي في االبيت قومي يلا
جيسي بحزن مالك متنكدش بالله عليك خلينا شويه انا اول مره اجي مطعم علي البحر
مالك ياجيسي الواد جعان كلي بسرعه ويلا علشان نروح واجيبك يوم تاني
جيسي بضيق لالا علشان خاطري خلينا وانا هرضعه هنا وهحط الطرحه
مالك بحده ترضعيه هنا ازاي يعني انتي عبيطه ولا ايه يلا ياا جيسي
جيسي بضيق خد بالك انت بتحب سليم اكتر مني
مالك اهي هي دي صح هرمونات الهبل اللي بسمع عنها
جيسي بضحك بجد مبهزرش انا مش عايزه امشي دلوقتي
مالك طب نعمل ايه يعني نسيب الواد جعان
جيسي بضيق خليك هدخل ارضعه في الحمام
مالك فتح عنيه بصدمه واكمل بضحك بت انتي عبيطه ولا هبله والناس مش هتدخل الحمام علشان حضرتك بترضعي
جيسي وانا بظبط الميكاب شوفت كان في كذا حمام وقامت واكملت اخرج انت براها كده انا هرضعه وجيالك
مالك بضحك وعزه وجلال الله مجنونه
ومشيت راحت ترضع سليم بعد شويه فونه رن
مالك بحب اي يا دوما
ادم بحب كل سنه وانت طيب يا حبيبي والسنه الجايه تخاوي سولي
مالك بحب وانت طيب يا حبيبي وعقباال ما اشوفك مع مراتك وب وسكت بصدمه واكمل بتوتر وفي بيتك وسعيد
ادم بتنهيده حزينه قول يارب .. المهم كلكم عاملين اي وجيسي لسه مطلعه عينك ولا ربنا هداها
مالك ضحك واكمل الحمدلله يا حبيبي كلنا تمام وجيسي نشكر ربنا فاجئتني انهارده واتحجبت
ادم بفرح لا يا جدع
مالك بحب اه والله هي من ساعه موضوع ميرا ده وهي الحمدلله اتعدلت
ادم بحب متعرفش فرحتني ازاي بجد
جيسي جات واكملت بضيق ابنك بيدلع وكنت عايز تروحني يادوبك خمس دقايق ومرضيش يرضع تاني
ادم بضحك ده سليم هيوريها الويل بس قولها ان الاطفال مش بتاكل مره واحده بيفضل يقطع كتير كده
مالك ضحك واكمل ادم بيقولك الاطفال مش بتاكل مره وبتقطع كتير يعني خمس دقايق كمان ياروحي وقومي بيه تاني
ادم بضحك ليه هي بتروح فين
مالك ده احنا بنتعشا برا والباشا بقي هاتك ياعياط قولتلها نروح صممت ترضعه في الحمام فسليم حرق دمها ومكالش كتير
ادم فضل يضحك واكمل مش متخيل جيسي ام بجد شايفها كيوت خالص ومتنفعش للدور ده
مالك بضحك لا هو انت صدقت هي فعلا متنفعش للدور ده ..ده مره سهرت معاه ل 9 الصبح وبيعيط ومجاش في بالها ان بطنه واجعاه فمراتي دي علي الله حكايتها
ادم ضحك واكمل ربنا يخليهولكم يا حبيبي وواحده واحده هتتعود باذن الله هي بس علشان متعودتش تشيل مسئوليه فملهاش فيها بس هتتعود يعني مع الوقت
جيسي بحب هات اسلم عليه
مالك بضحك اه هو سليم هيعودها ويربيها و امسك يا حبيبي عايزاك
ادم اي يا حبيبتي عامله ايه طمنيني عنك ومليون مبروك الحجاب متعرفيش فرحت قد ايه لما مالك قالي
جيسي ابتسمت بحب واكملت الله يبارك فيك يا دوما بجد وانا الحمدلله بخير انت عامل ايه طمني عنك
ادم بحزن اكدب عليكي لو قولتلك كويس ده انا بتمني ارجع انهارده قبل بكره
جيسي بحزن علي فكره انت واحشتنا اوي ودموعها نزلت واكملت انت مشوفتش سليم ولا مره غير لما بنتكلم كول وهتفضل متشوفوش حتي لما يدخل الحضانه
ادم دمع بصمت واكمل متوجعيش قلبي والله انا مقهور اصلا وفكرت في الموضوع ده مع نفسي اوي قولت مش هشوف ابن اخويا حتي وهو اول يوم حضانه فا الفكره لوحدها بتقهرني
جيسي بدموع ندمت يا ادم
ادم بوجع مندمتش علي السفر علشان هحقق حلمي بس مش قادر ابعد عنكم بصراحه
جيسي بوجع ربنا يردك لينا بالف خير يا ادم وتبقي احسن واحد في الدنيا
ادم بحزن اللهم امين يارب وبوسيلي سليم وخلي بالك من نفسك ومن مالك
جيسي بحب عنيا حاضر
ادم تسلم عينيكي يا حبيبتي يلا باي اقعدي مع جوزك واتبسطوا
جيسي ابتسمت بحب واكملت باي
وقفلت
مالك بتنيهده كنت هعمل مصيبه ورايح اقوله واشوفك مع مراتك وبنتك روحت غيرت كلامي وقولت اشوفك مع مراتك وفي بيتك
جيسي بدموع مالك انت عارف انه قالي انه مقهور علشان مش مع سليم ومش بيشوفه وهو بيكبر وهيدخل الحضانه من غيره
مالك تنهد بحزن فاكملت جيسي بوجع ودموع اومال لما يعرف ان حته منه جات الدنيا وهيجي يلاقيها هي كمان في حضانه هيعمل ايه
مالك بحزن ووجع منه استغبت في كرارها ده بس بسبب غباء ادم الاول وخلاص المصيبه اتعملت عرف دلوقتي صدمه عرف بعدين صدمه
جيسي بوجع بس كل ما الوقت يزيد وبنته تكبر هتوجع اكتر يا مالك
مالك ساره مش هنحسسها باي حاجه منه قالتلي هتقول قدامها لما توعي وتسأل بابا مسافر علشان يجبلك حااجات حلوه والعاب وهو دكتور وبيساعد المرضي .. منة اصيله يا جيسي ومش هتكره ساره في ابوها لان منه نفسها متقدرش تكرهو
جيسي بدموع هي الصدمه كلها هتبقي علي ادم
مالك بحزن ربنا يهديهم يارب وهاتي الواد عنك وكملي اكلك ..وقام مالك خد منها سليم وهداها وقعدت كلت بعدين قعدوا سوا علي البحر وفضلو يتكلموا شويه
في امريكا
سالي بحزن طب ممكن اعرف سرحت في ايه
ادم بدموع في منه بفكر لو كنت سبت حملها مش كان زمانها بقيت ام هي كمان واكمل بوجع اكيد صعبان عليها ان جيسي تخلف وهي لا ودي اختها الصغيره
سالي بحزن بصراحه انت غلطت اوي ووجعت منه يعني انا لو مكانها ورامز خلاني اجهض مش هسامحه ابداا
ادم بوجع وانتي عمرك تقدري تعملي اللي منه عملته فيا في رامز يا سالي
سالي حبيبي افهم انا عملت ووجعته بس مش زيها وانا كنت مضطره فامنه بردو وارد تكون مضطره انت مسمعتهاش ومش كل حاجه تشوفها عنينا او تسمعها ودننا هي صح متقنعنيش واحده كانت بتحبك واستحملت علشانك الذل وساعه لما عمو ابراهيم تعب جاتلك تجري ووقفت جمبك دلوقتي تكرهك علشان الفلوس
ادم ضحك بدموع واكمل انتي ليه مش مقتنعه ان فعلا احنا في زمن لو مفيش فلوس بيوت بتخرب وستات بتتطلق وناس بتموت من المرض واطفال مش بتتعلم وناس بتنام جعانه حبيبتي الفلوس مهمه بس معاكي مينفعش تكون المحور الاساسي لأي علاقه بس مهمه انتي بس علشان الله واكبر معاكي فمش حاسه بمعناه اللي مش معاهم لانك مشاكلك في حاجه تانيه خالص انتي ورامز مشاكلكم كانت في قصتكم نفسها بس معاكم فلوس انما انا ومنه حب فوق ماتتخيلي اختفي بسبب قله الفلوس يمكن متخيلتش ان منه تعمل فيا كده بس مش هلومها هي صح دي بنت كمال الشريف اكبر راجل اعمال في مصر هتاخدني انا ازاي وهعيشها ازاي انا يا سالي اللي غلطت من الاول مش هي وكرار اجهاضها يمكن ندمت عليه بس هو الصح منه سابت بيت ابوها كانت هتربي ابني منين ومن غيري ازاي لا كده اريح لحد مانشوف هترسي علي ايه عن اذنك يا سالي وطلع وهي بصت عليه بحزن
—————————————-
تاني يوم الصبح في بيت حاتم
شهد صحيت استغربت ان حاتم مش جمبها هو وملك فدعقت في عنيها بنوم وقامت غسلت وشها وخدت شاور ولبست دريس بيتي قصير وطلعت الصالون فاتفاجئت ان حاتم قاعد علي الارض وساند ضهره علي الكنبه ونايم وملك نايمه علي صدره فضحكت واكملت بحب ياحبيبي تلاقيها غلبتك
شهد راحت جمبه وهزته واكملت بحب حاتم ..حبيبي ..وهزته جامد واكملت يا حبيبي اصحي
حااتم اتنفض واكمل بنوم ايه يا شهد حرام عليكي يا حبيبتي ماصدقت عيني غمضت
شهد باست جبينه واكملت بحب حقك عليا يا حبيبي بس ايه اللي نيمك كده ماكنت تيجي تنام جمبي جوه تلاقي ضهرك واجعك من القاعده دي
حاتم رجع راسه لورا واكمل بتعب بنتك نيمتني سته الصبح شغااله تزن وتعيط ولما اقف بيها تسكت فين وفين لما نامت وانا من التعب راحت عليا نومه وانا قاعد
شهد بحزن يا حبيبي … حقك عليا هاتها وقوم انت ريح جوه شويه متنزلش انهارده
حاتم بحب بس يا هبله متقوليش كده هي مش بنتي زيك ولا ايه بعدين انا كل يوم بنام وبسبهالك وانتي امبارح كنتي تعبانه مفيهاش حاجه يعني لما خدتها منك يوم ده انتي كتر خيرك بجد ملك زنانه اوي
شهد بحب بجد ربنا يخليك ليا يا حبيبي تعبتك معايا اوي
حاتم بحب المهم نمتي حلو ?
شهد بحب اه الحمدلله هات ملك وادخل ريح انت شويه لحد ما اروق البيت واعمل الفطار
حاتم بحب باس خد ملك و اكمل سمي وخديها
شهد بسم الله وخدتها من علي صدر حاتم وقامت وقفت واكملت بحب يلا قوم
حاتم قام واكمل وهو بيتاوب لو مصحتش افطر سبيني ها
شهد بضحك لا يا حاتم هتصحي متندمنيش اني سبتها معاك بجد
حاتم بحب دي قلب ابوها دي تعيش وتسهرني .. بس فعلا لو مصحتش سبيني
شهد بضحك ادخل بس نام يا حبيبي وهنشوف منا ما اخلص هتصحي ولا لا
حاتم بغمز خدي بالك انا مش نازل انهارده ها
شهد بضحك احترم نفسك وادخل نام
حاتم بضحك طب ماتسيبك من النوم وسيبك من الفطار وتعالي اقولك كلمتين قبل ما ملك تصحي وتزن
شهد بضحك اتربي شويه يا حاتم وادخل ناام يلا
حاتم بضحك اخر كلام ?
شهد بضحك اه اخر كلام ?
حاتم بضحك فكري يا بنت الحلال
شهد بضحك يا حاتم امشي واتلم
حاتم بضحك فكرتي ?
شهد بضحك اه فكرت امشي
حاتم بضحك طب عادي فكري تاني
شهد بضحك يا حاتم روح نام واخلص
ملك صحيت وفضلت تعيط
حاتم بضحك لا انا كده هنام فعلا ربنا معاكي يا حبيبتي سلام ودخل اوضته
شهد بضحك اه يا ندل انت وفضلت تطبطب علي ملك واكملت بضحك لا نامي حرام عليكي لسه معملتش اي حاجه وقعدت ترضعها وفونها رن
شهد الو يا جوجو عامله ايه
جيسي بحب بخير يا قلبي وانتي عامله ايه
شهد بحب الحمدلله يا حبيبتي
جيسي بقولك يا شوش معلش ينفع تصوريلي الدوا بتاع المغز اللي جبتيه لملك علشان اللي انا جيباه لسليم معملش معاه حاجه خالص
شهد بحب عنيا يا قلبي حاضر هقوم دلوقتي هجبهولك واصوره وابعتهولك
جيسي بحب هتعبك بجد يا قلبي
شهد بس يا عبيطه واحد المهم طمنيني عامله اي دلوقتي مع مالك
جيسي بحب الحمدلله يا قلبي فاجئته زي ماقولتلك وفرح اوي ونزلنا اتعشينا برا كمان
شهد بحب الحمدلله بجد ربنا يثبتك ويسعدكم يا حبيبتي
جيسي بحب تسلميلي يا غااليه
شهد بضحك المهم بطلي نكد ها
جيسي بضحك فين النكد بس انتي ظلماني
شهد بضحك انتي فاهمه قصدي شهر ولا حاجه وشدي حيلك وخفي نكد علي الراجل
جيسي بضحك طب والله انا قولت ان في نيتي فعلا اعوضه بس اقوم بلسلامه مالك المره الوحيده اللي كنا سوا فيها مش فاكرها وفضلت تضحك
شهد بضحك والله انتي مهزقه بتضحكي علي ايه بس
جيسي ضحكت واكملت علي االهم والحظ الهباب اللي انا فيه ياختي …سيبك مني المهم طمنيني عنك انتي وحاتم وملوكه
شهد بضحك ملوكه مطلعه عيني انا وهو والله امبارح يعيني نيمته علي نفسه هو بيحاول ينميها بدالي
جيسي بضحك والله ملك دي عسل عقبال ماتخاويها يا قلبي وتفرحي بيها
شهد بحب وتفرحي بسولي يا غاليه وضحكت واكملت وتحني علي ابوه شويه
جيسي بضحك قولي يارب وابتسمت واكملت بحب بجد يا شهد عمري ماندمت في يوم اني كلمتك في كل حاجه ضايقتني برتاح معاكي اوي ونصحتيني كتير وكنتي واقفه جمبي لحد مافعلا غيرت من نفسي
شهد بحب والله انتي قلبي وربنا يعلم بعزك قد ايه يا جوجو وانا كمان بعتبرك اختي واكتر وبحكيلك كل حاجه وانا مطمنه
جيسي بحب يخليكي ليا يا مرات اخويا يا غاليه
شهد بحب ويخليكي ليا ياروحي
سليم ابتدي يعيط فاكملت جيسي طب الزنان بتاعي صحي هروحله انا بقي
شهد ضحكت واكملت بحب ربنا يقويكي يا حبيبتي روحي باي
جيسي بحب باي
وقفلت
جيسي شالت سليم واكملت بحب بس يا حبيبي بس يا قلبي في ايه كل ده عياط يا سولي وقامت بيه وفضلت تسكته بعدين غيرت هدومها ولبست دريس بيتي بكم ولفت الحجاب وطلعت بيه وهو بيعيط واكملت صباح الخير
ساميه بحب صباح النور يا حبيبتي ماله سليم بيعيط ليه
جيسي عايز يرضع وبصت حواليها واكملت هو بابا هنا
مالك لا نزل من بدري
جيسي بضحك طب كويس وفكت الحجاب نزلته علي كتفها وقعدت ربعت علي الكنبه وابتدت ترضع سليم
مالك تعالي طيب افطري يا حبيبتي
جيسي لالا هو ارضع بس سليم علشان هو بيعيط اانا بتعب نفسيا
ساميه بضحك ربنا يقويكي يا بنتي بجد
جيسي بتعب يارب يا ماما بجد
مالك قام وشال الاكل و قعد جمبها واكمل بحب وهو بيمد ايده طب كلي مني وانتي بترضعيه
جيسي ابتسمت بحب واكلت منه واكملت بحب ربنا يخليك ليا يارب بس كل انت يا مالك علشان متتاخرش علي الشغل
مالك لا انا مش نازل انهارده خدت اجازه مش هتودي سولي لعمر ?
جيسي منا كلمت شهد وخدت منها اسم الدوا وفتحت الفون واكملت بعتته اهو وبتقول ملك بتاخده بتنام علطول وبيريحها
مالك شافه عرف انه فعلا كويس فاكمل طب اديله منه اتحسن ماشي تعب ننزل لعمر
جيسي بحب ماشي بس كويس انك خدت اجازه خليك معانا يوم بقي
مالك وهو بياكلها اكمل بضحك منا خدت ياختي وقاعد
جيسي كلت منه واكملت برفعه حاجب وانت مش عايز تقعد معانا ولا ايه
مالك بحب ازاي بقي هو انا اطول افضل مع سولي اليوم كله كده وقرب باس خده
جيسي سولي !!!!
مالك بصلها وضحك واكمل بحب وام سولي بردو عيب عليكي
جيسي بحب ايوه كده اتعدل
ساميه بحب ربنا يخليكم لبعض يارب وتنهدت بحزن واكملت واشوف ادم ومراته وبنته زيكم
مالك بحزن اللهم امين يارب
——————————————-
في بيت منه
منه قامت وجهزت ولبست دريس بيبي بلو وحجاب نفس اللون واكملت ها يا ريهام خلصتي
ريهام بصتلها بستغراب واكملت انتي لسه تعبانه رايحه فين
منه بحب هروح لحماتي شويه منا مانتي تخلصي شغلك علشان مزهقش
ريهام يابت انتي لسه تعبانه يخربيتك مينفعش تتحركي كتير
منه بحب وهي بتشيل ساره اكملت يلا بس انا مبحبش القاعده في السرير هروح علشان اوريهم سوسا كمان خدتها منهم بسرعه امبارح وبصت لساره واكملت بحب مش كده يا روحي انتي عايزه تشوفي تيته وجدو صح وباستها بحب
ريهام بضحك والله انتي مجنونه طب ماكنتي تخليكي عندهم
منه بحب لا ياريهام البيت ده ادم تعب فيه اوي وكل تفصيله عملها لاجل تعجبني فهفضل فيه لان كل ركن فيه مليان صور لينا بأماكن وذكريات مختلفه حاسه كانه معايا فيه
ريهام ابتسمت بحب واكملت طب يلا يا قلبي
منه بحب يلا
ونزلوا
———————————
في شركه الادويه
حسام انسه صافي
صافي بستغراب افندم خير يا دكتور
حسام هو ممكن تيجي عند مكتبي بس اقول لحضرتك حاجه علشان العمال ومش حابب حد ياخد باله
صافي بصت حواليها واكملت بعتذر بس مش هقدر
حسام مش هأخرك خالص والله عايز اقولك حاجه ضروريه تخص الشغل ارجوكي اقولك وارجعي
صافي تنهدت واكملت طب ممكن نخلص
حسام بخبث اتفضلي
صافي مشيت قدامه وطلعت للدور واكملت ها اتفضل خير وانجز لاني واحده مخطوبه واللي انت بتعملوا كل يوم ده ميصحش انت طلبت ايدي وقولتلك كل شئ قسمه ونصيب لكن مينفعش كل شويه تنطلي وانا بشتغل كده يا حسام
حسام بتمثيل انا اسف انا فهمت حضرتك في موضوع الجواز ده وفعلا كل شئ قسمه ونصيب انا بس كنت جاي اطلب منك طلب تاني خالص يخص الشغل
صافي بحده اخلص
حسام بتمثيل انا اتاخرت انهارده والمدير قاعد في مكتبي مستني ادخل ويبدا مرشح التهزيق انتي عارفاه
صافي اه وانا مالي يعني
حسام احم انا عارف ان هو بيعزك جداا لانك شاطره ومجتهده … واكمل بوقاحه وجامده
صافي بحده نعم انت بتقول ايه انت اتجننت
حسام بضحك مالك مش بتهزري انا اقصد في شغلك يعني بتعملي شغل جامد فا المهم عايزك تقوليله ان يسامحني المره دي وميخصمش من مرتبي واكمل بحزن انا اللي خلاني اتاخرت ان والدتي كانت تعبانه اوي ووديتها المستشفي بس هو مش هيصدقني فارجوكي يا انسه صافي قوليله يسامحني المره دي بس
صافي بحده دكتور حسام دي مشاكلك وحلها مع نفسك انا مليش علاقه بيها مش معني ان علاقتي مع المدير حلوه ده يديني حق ادخل في شغله ولما حد يتاخر اروح انا ادافع عن اذنك رايحه تمشي حسام بص حواليه ملقاش حد راح مسك ايديها واكمل استني بس احنا لسه مخلصناش كلامنا وشدها لمكتبه وقفل الباب
صافي اترعبت واكملت بعصبيه انت ازاي يا حيوان تدخلني مكتبك وتزقني بلطريقه دي انت اتجننت والله اصوت والم عليك الدنيا
حسام بضحك صوتي يا قلبي انا مكتبي في اخر دور في الشركه والدور كله فاضي مفيهوش غير اوضه الاجتماع يعني من هنا للسنه الجايه محدش هيسمعك ولو سمعوكي واحده في اوضه مكتب واحد هتكون بتعمل ايه وهو بلمنظر ده ….وقلع البالطو وفتح زراير القميص
صافي برعب وعياط الله يخليك يا حسام اعتبرني اختك ومتأذنيش انا مخطوبه
حسام وهو بيقرب عليها اكمل بوقاحه صراحه من اول ماشوفتك وانتي دخلتي دماغي جتلك حلال مرضتيش فا الحرام هو اللي هينفع بقي وبصلها من فوق لتحت واكمل بوقاحه اصلك جامده بصراحه جامده اوي
صافي بعياط وصراخ ابعد عني يا حيوان بقولك ابعد وبتحاول تزقه وهو بيقرب منها
تحت في الدور بتاع صافي
ذياد جيه ودور عليها واكمل بستغراب لواحده من الموجودين هي صافي فين
البنت دكتور حسام جيه وكان بيتكلم معاها معرفش قالها ايه بعدين شوفهتم طالعين فوق تقريبا بتعمل شغل
ذياد اتصدم واكمل ايه مع حسام وطلع جري علي فوق
—————————————–
في بيت ساميه الباب خبط
فتح مالك واكمل بحب وفرح اهلا اهلا حبيبت عمو نورت ياا ناااس وشالها من منه
منه بتعب حبيبت عمو اخص عليك وانا اللي فكرتك فرحت اني جيت اشوفكم
مالك بضحك عيب عليكي ده انتي الاساس يا ام ساره
ساميه بقلق مالك يابنتي وبصت لمالك واكملت هات ساره واسند مرات اخوك
مالك راح ناحيتها واكمل بقلق مالك في ايه وسندها قعدها
منه بتعب مفيش بس السلم تعبني اوي
ساميه بعتاب يابنتي قولتلك خليكي هنا حرام عليكي نفسك وبعدين ماكنتي تكلمي مالك ينزل يسندك
منه بتعب والله يا ماما فكراه في الشغل وبلنسبه لبياتي هنا اتفقنا انا بقعد في بيتي ليه فسبوني علي راحتي
مالك تنهد واكمل سيبيها يا ماما وبص لمنه واكمل هطلب منك طلب بس عايزك متبينيش حاجه
منه خير يا مالك في ايه
مالك بتنهيده ادم قلقان عليكي من امبارح وراسه والف سيف انك مش بخير مسكتيش غير لما قولتله هسمعك صوتها علشان تطمن فانا هكلمك علي اني جاي ازورك اشوفك محتاجه حاجه ولالا ونرغي شويه واسمعه صوتك
منه بدموع فرح يعني حس اني مش كويسه اهو
مالك مسح دموعها واكمل ممكن تهدي ها موافقه ولا هيبان عليكي
منه بحب ودموع موافقه وسمعني صوته لما يرد عليك والنبي يا مالك
مالك بحب عنيا
ساميه خدت ساره واكملت هدخل بيها اوضتي ها
منه هزت راسها بتمام
ساميه بحب قلب تيته يا ناس وروح تيته وباست خدها ودخلت
ادم ايه يا لوكا عامل ايه
مالك فتح الاسبيكر واكمل بخير يا حبيبي بقولك اانا طالع لمنه اهو خليك معايا بقي
ادم بلهفه تمام تمام معاك
منه دموعها نزلت فبصلها مالك فمسحت دموعها وخدت نفسها
وطلع مالك وخبط علي باب بيتهم وكأن منه فتحت فاكمل صباح الخير
منه صباح النور يا مالك اتفضل
مالك دخل واكمل عامله ايه انهارده
منه بحزن زي الفل متقلقش عليا
ادم كان بيسمعها وبيحاول يهون علي نفسه بصوتها اللي كان واحشه اوي وقلبه وجعه
مالك طب محتاجه اي حاجه في حاجه نقصاكي
منه دموعها نزلت واكملت لالا تسلم يا مالك كل حاجه موجوده
مالك طب همشي انا واي حاجه تعوزيها كلميني
منه حاضر تسلم يا ابو سليم
مالك لا يا حبيبتي ده واجبي ولا يهمك يلا عايزه حاجه
منه كانت قاصده توريه انها بتحبه فاكملت اه عايزه اسالك سؤال
مالك استغرب بس اكمل اتفضلي
منه دموعها نزلت فخدت نفس واكملت ادم بتكلمه ?
ادم قلبه دق جامد لما قالت اسمه ودموعه نزلت
مالك بحزن اه بكلمه كويس وماشي حلو ودرجاته حلوه جداا وبيتكرم كمان
منه ربنا معاه ويقويه امانه عليك لما تكمله يا مالك قوله منه بتقولك انك واحشتها اوي وامبارح تحديدا وهو هيفهم ليه وكل سنه وهو طيب وبخير ويارب ينجح ويكون زي مابيتمني
ادم قلبه وجعه اوي ودموعه نزلت بغزاره
مالك بحزن حاضر يا منه هقوله عايزه حاجه تاني
منه بوجع سلامتك
وعمل نفسه نزل فاكمل بعد دقايق ها يا ادم اطمنت
ادم بدموع ياريتني ماسمعت صوتها يا مالك انا قلبي واجعني اوي بجد قلبي وعقلي مش قادرين يصدقوا ان منه تعمل فيا كده بس اللي انا عشته مش قليل بجد مش قليل خالص وبرغم كل ده حبها بيزيد مش بيقل ياريت اقولها ادم بيموت من غيرك ياريت اقولها حضنك واحشني اوي ومش عارف اعيش ومن يوم ماجيت هنا عمرك مابعدتي عن خيالي ورسمت ليكي فوق 100 صوره من ساعه ماجيت وتنهد بوجع واكمل انا مبقتش عارف انا صح ولا غلط يا مالك بس كلمتها بتاعت علي الاقل يكون زي حاتم دي واجعاني ضحكها وهي بتلبس دبلته مش مفارقه خيالي وهي مش هتحس بيا لانها معاشتش الموقف ده
منه كانت واقفه منهاره عياط وكاتمه بوقها بلعافيه
مالك بحزن ادم انت بتحب مراتك وهي بتحبك يمكن معاك غلطت بس لما ترجع هتعرف اسبابها وساعتها كرر بقي
ادم بوجع مهما يكون يا مالك مهما يكون متعملش ومتقولش كل اللي قالته وعملته دي هانت ابويا اللي قد ابوها ومحترمتش فرق السن وقبلها ابوها يهيني ويذلني انت مشوفتش حاجه من اللي شوفتها يا مالك انا وقفت قدام ابوها وحاتم وقولت اضربوا دماغكم في الحيط وهي جاات من ضهري اللي مديهولها بكل ثقه وطعنتني وقالت هما اللي صح ده كفاايه كسرتي قدام حاتم وابوها يا مالك
منه انهارت عياط ورايحه تتكلم قاطعها ادم لما قال
ادم بدموع ووجع حتي لما ندمت ان اجهضتها وحرام ده ابني وفعلا قلبي واجعني اوي ساعتها جيت بعد كده قولت هو ده الصح واحسن اني عملت كده منه مش هتعرف تربي عيل لوحدها واصلا تخلف ليه من ابن بواب فكويس انه راح علشان ميتظلمش بينا وتنهد واكمل بقولك ايه يا مالك اناا اطمنت عليها خلاص ومتجبلهاش سيره ان انا بسأل عليها والكلام ده خليها تنساني احسن ده لو فكراني فعلا
مالك كان باصص علي منه اللي وشها مصدوم بمعني الكلمه ودموعها بتنزل بصمت فغمض عنيه واكمل بوجع تمام يا ادم
ادم سلام دلوقتي ورايا كذا حاجه
مالك بحزن سلام
منه لما قفل انهارت عياط واكملت لا واضح فعلا انه بيحبني وواحشته للدرجه دي هاين عليه بنته وصرخت بعياط واكلمت ادم مالوش حق في ساره ادم قسي اوي يا مالك اوي وخساره فيه بنته
مالك بدموع ممكن تهدي هي مش قسوه هو بيتكلم علي انك لوحدك فعلا صعب تربي عيل انما هو بيحبك يا منه مانتي عارفه
منه بدموع بيحبني اه منا عارفه ماهو واضح فعلا واكملت بوجع ادم ظلمني يا مالك انا فعلا وجعته اوي وبسببي بعد عنكم كلكم بس هو عاقبني من غير مايسمعني معاك ان حقه واللي شافه وسمعه لو انا مكانه هصدق بس فرصه واحده بس كان يديني فرصه واحده واكملت بوجع حتي اما حنيت بسبب كلامه وقلبي وجعني عليه كنت رايحه اقوله وانا كمان بموت من غيرك يا حبيبي وكل ده مش حقيقي اتصدمت من كلامه عن بنته بس فعلا هو صح ده احسن كرار خليه يعتبر ساره مجتش ولا حتي انا يعتبرني مراته
مالك بحزن ممكن تهدي انتي بتقولي كده علشان متعصبه
ساميه طلعت واكملت في ايه يا بنتي بتعيطي وبتزعقي ليه
منه بوجع اسألي ابنك قوليله ابو بنتي قال ايه وبصت لساره واكملت بدموع والله يابنتي انتي خساره فيه ياريتني فعلا ماجبتك ولا انك تحسي في يوم ان ابوكي مش عايزك وفضلت تعيط واكملت انا عايزه اقعد مع اختي هي فين
مالك بحزن كانت بتاخد شاور شوفيها
منه بحزن تمام واتجهت تروح لجيسي
ساميه بحزن هو اخوك هبب ايه تاني
مالك بحزن هقولك
عند منه رايحه تدخل لجيسي سمعتها بتتكلم مع دكتورتها
جيسي بصي يا دكتوره انا قولتلك اني تخطيت الموضوع ده تماما اه انا زعلانه بسبب علشان اللي حصل بيني انا ومالك كان صعب بس ده اتخطيته واتعالجت منه انا اللي واجعني دلوقتي احساسي بلذمب واني مخبيه حاجه صعبه زي دي مالك لحد دلوقتي ميعرفش اني علشان كنت فكراه ادم اخوه فانا اللي حطيتله حبوب في القهوه علشان يتعب كده ويغلط مع اختي وكنت هصوره معاها منا فكراه ادم واوريه لحاتم ابن عمي فيكره منة وانا اتجوزه لاني بحبه بس فا الموضوع ده انا مش عارفه لحد دلوقتي اتصرف فيه
منه اتصدمت بشده وقلبها واجعها اوي ودموعها نزلت بصمت وكانت واقفه مش قادره تتكلم من الصدمه
فتتحت الباب فاجيسي اتخضت لما شافتها واكملت سلام انتي يا حبيبتي اكلمك شويه كده
جيسي بخوف ان تكون سمعتها ابتسمت واكملت ايه يا منه عامله ايه دلوقتي يا حبيبتي
منه دخلت وقفلت الباب واكملت بدموع ووجع ليه يا جيسي
جيسي بتوتر وخوف ليه ايه
منه بدموع ليه تأذيني كده انا عملتلك ايه علشان كنتي عايزه تخلي مالك يعتدي عليا وعياطها زاد واكملت ليييه يا جيسييي ليييه ده اانا كنت بموووت من وجعي عليكي وبهدلت مااالك وفضلت اعيط واصرخ علي وجعك ليه انا اكتر واحده بحبك تأذيني كده
جيسي بدموع منه انا مكنتش اعرف انه مالك والله انا فكراه ادم
منه بعياط ادم ساعتها كان جوزي بس حتي لو ادم هو عادي انك تصوريني معاه في وضع زي ده وتوريه لحاااتم واكملت بوجع وهي لسه مصدومه بتحبي حاتم فتكرري تفضحيني وتوريه منظري في الوضع ده عادي علشان يكرهني وانتي تتجوزيه واكملت بحده وعياط يا شيخه انا اختكككك اختكككك فاهمه يعني اييه اختككك يعني دم واحد شرررف واحد احنا المفروض واحد بقولك اختككك ده لما بتعزي واحده صاحبتك اوي بتقوليلها انتي زي اختي وعياطها زاد واكملت انما اختك الحقيقه عادي كده
جيسي بعياط منه والله انا قولت ان كده كده انتي بتحبي ادم فلما يحصل بينكم كده هتتجوزوا زي ماعايزين وانا اخد حاتم
منه بعياط ووجع انا مش قادره اصدق انك بتقولي كده مش قادره اصدق ان اختي اللي تعمل كده ادم عنده حق كسره الثقه والغدر وحشين اوي ده طلعوا بيموتوا بلحيااا اهو انا لو توقعت من اي حد يعمل فيا كده اه انما انتي لا وعلشان كده غدرتي بيااا وهتخليني اتوقع اي حاجه من اي حد زي منا حسست ادم هو معلش اللي انتي بتقوليه ده مبرر ?? يعني هفترض معاكي ياستي ان ادم مكنش جوزي كان حبيبي زي ماهو وانتي خطتك نجحت عادي تخلي ادم يعتدي عليا وشرفي يضيع واتعب نفسيااا وكمان فوق كل ده تصوريني وتوري منظري كده لحاااتم انتي اتجننننتي يا جيسي اتجننتي انتي بجد انسانه مقرفه اوي وخساره فيكي كلمه اخت وحب مالك ليكي لاوشهد اللي بتعتبرك اختها ايه احساسها لما تعرف انك بتحبي جوزها .. اااه صح كده انا فهمت وهو علشان كده بقي مخليتيش جوزك يقربلك صح تفكيرك لسه مع حاتم اللي بيقولك اختي الصغيره مش كددده يا شيخه ابو تربيتك اللي وصلتك انك تغدري باختك وتكسري جوزك بلشكل ده مالك مش هيعديها لما يعرف
جيسي بعياط منه انتي بتقولي ايه انا دلوقتي اتغيرت خالص شهد فعلا زي اختي وبقينا صحاب ومش بحب جوزها حاتم فعلا بقي زي اخويا وحطت عنيها في الارض واكملت بوجع وعياط انا ندمت واتغيررت وفكرت غلط بس دفعت تمن اغلاطي و
منه بوجع وحده لا يا جيسي لااا مدفعتيش تمن اغلاطك مش معني ان مالك اعتدي عليكي ووقعتي في حفرتك يبقي دفعتي تمن اغلاطك تبقي دفعتيها صح لو واحد شمام عملها انما انتي ربنا رحيم بيكي وبيحبك ان برغم كل اغلاطك وقعك مع واحد في جمال واخلاق وحب مالك ليكي اللي انتي متستاهليهوش واحده زيك كان يحصلها كده عقابا عن اللي عملته وتترفض من المجتمع انما ربنا رحيم بيكي ادالك اسرة جميله وزوج بيموت فيكي وعيل انما انتي خساره فيكي كل ده اللي انا عااايزه اعرفه انااا عملتلك اييه يا جيسي علشان تأذيني بلطريقه دي
ساميه بستغراب هو منه بتعلي صوتها ولا هما مشغلين حاجه
مالك مش عارف امسكي ساره اقوم اشوفهم
ساميه ماشي هاتها ومسكتها منه وقعدت تتفرج علي الشاشه
عند الاوضه مالك رايح يدخل سمع اللي صدمه
جيسي بعياط وبحده من ناحيه عملتي فانتي عملتي كتير وشوفت بسببك كتير انا من يوم ماتولدت وانا محدش بيحبني زيك واولهم بابا اللي بيحبك اكتر مني وبيفرق في المعامله
منه بسخريه ودموع لا ما واضح باماره انه رميني بقالي 7 شهور ومرفعش حتي سماعه تليفون
جيسي بحده ودموع ده علشان مش بيحب جوزك وانتي اختارتي ادم ثااانيا بقي حتي جوازك كان كتب كتاب وفستان زي اي عروسه انما انا اتجوزت وانا حامل بسبب غلطه
منه بعصبيه ودموع الغلطه دي انتي السبب فيها هو لولا انك حطيتي لمالك الحبوب في القهوه علشان فكراه ادم يا حيوانه وعايزاه يغلط معاايا كان حصل كل ده وكنتي وقعتي بدالي في حفرتك ?
مالك اتصدم ودموعه نزلت
جيسي بحده ودموع عارفه اني السبب فكل ده بس عملت كده ليه ما بسبب كل حاجه يفضلوكي عليااا انتي بابا بيحبك اكتر مني حتي لو في خناق عمره ماحضني قدك وجوزك دكتور وراح يكبر اكتر انما انا جوزي نجار انتي اتجوزتي اللي بتحبيه انما انا اتجوزت حد معرفهوش انتي كله شايفك ملاك بريئ ومحتشمه انما انا اللي بتغري الشباب بلبسها واتعصبت واكملت ده حتي حاتم الوحيد الي حبيته حبك انتي واناا لااا مع اني عملت كل حاجه ترضيه وعلشان كده قولت اخلي ادم يغلط معاكي واصورك واوريه لحاتم فيبعد عنك ويتجوزني انا بس حتي دي الحظ حالفك ومكنش ادم كان مالك واعتدي عليا انا فاضطريت ساعتها اني اتجوزه
مالك اتصدم بشده وقلبه واجعه وكأن سكينه غرزت في قلبه ودموعه نزلت بوجع
منه ضربتها بلقلم واكملت بعياط انتي رخيصه وحيوانه وخساره فيكي مالك اللي بتقولي عنه نجاار ده ومع ان اي شغل حلال مش عيب بس انتي اللي عينك فارغه النجار بقي يا قلبي دكتور صييدلي قد الدنياااا وشغال في شركه ادويه محترمه والمفاجاه بقي اللي محدش يعرفها فتح صيدليه باسمه في المهندسين مشغل فيها ناس وقالي انه هياخدلك شقه جديده في المهندسين حلوه اوي تنقلوا فيها وكان عايز يفرحك بيها في عيد ميلادك بس انتي حيوانه
جيسي اتصدمت بشده وافتكرت انه عرف ادويتها بتاعت الحمل بتاعت ايه من نفسه وكمان كان بينزل يجيب لسليم ادويه كتير وبيرتاح عليها ولما كانت بتساله كان بيقولها سالت صاحبي فاكملت بصدمه ودموع ووجع انتي بتقولي ايه مالك دكتور صيدلي ازاي يعني هو قالي ان
منه بدموع كان عايزك تحبيه بطبيعته ومن غير شروط فقالك كده انما هو دكتور بس فعليا انتي لسه وحشه فكرتك اتغيرتي انا عايزه اعرف بس بتحسديني علي اييييه عايزه اعرف علي بابا اللي مش معبرني زيك بلظبط ولا علي كلام الناس الحلو علي لبسي اللي طبيعي انك تلبسيه زيي عادي وتتغيري ولا علي حاتم اللي بسبب طيشه خرب حياتي انا وادم وعيطت واكملت ولا علي جوزي اللي عملي احلي كتب كتاب بس بعد عني انا وبنته ومكنش معايا يوم ولادتي لا والانقح بقي لسه قايل لمالك كويس منه اجهضت ردي يا جيسي ردي قوليلي بتحسديني علي ايه وانا مكروهه من ابويا وجوزي بعد عني وسافر وسابني لوحدي لا مني متجوزه ولا مني مطلقه وشايفني طماعه ولا بنتي اللي ابوها مش عايزها وجبتها وهربيها لوحدي واتعصبت واكملت ردددي بتحسديني علي اييييه وانا الوحيده اللي اتظلمت فيكم اصلا
مالك كان مش قادر يصدق ومشتت اوي ومصدوم ومنع نفسه عن اي يدخل يضرب جيسي بلقلم بلعافيه فطلع الصالون واكمل لامه ذياد اتصل عايزني انا نازل ونزل بسرعه
ساميه بستغراب ماله ده
في الاوضه
جيسي بعياط منه انا كنت بحب حاتم واللي بيحب بيتصرف بطيش المهم ان يكون مع اللي بيحبه وغصب عني غيرت منك حسيت ان كله بيرفضني حتي بعد ماتجوزت جوزي بيقارني بيكي
منه بدموع جوزك ده خساره فيكي وانا اللي من انهارده بقولهالك مش انتي اللي هتقوليها اختك ماتت يا جيسي وطلعت
جيسي بعياط من ارجوكي استني انا والله اتغيرت وبقيت احب مالك ومش عايزه غيره هو وسليم والمصحف بقيت بعشقه وقولت لشهد اني اتحجبت واتغيرت واشد حيلي كمان وهعوض مالك كل اللي فاته وعن معملتي معاه انا فعلا بحبه اوي ومقدرش اعيش من غيره حب حاتم كان تعود وطيش مني علشان كان نفسي احب واتحب وملقتش غيره انما مالك لا مالك جيه عوضني وعرفني الحب الغير مشروط صح حبني ووافق بيا رغم عيوبي وعرفت ان ربنا فعلا كان عايزلي الخير ورحيم بيا اني جعل كل الوحش اللي عملته خير ليا وجعل مالك نصيبي انا معرفتش الحب غير معاه وحياتنا اتغيرت ارجوكي سامحيني علشان ارتاح
منه بدموع ياريت تكوني متاخرتيش
جيسي بدموع قصدك ايه
منه شاورتلها علي ساعه مالك اللي علي الارض واكملت بوجع جوزك اكيد كان واقف والله واعلم سمع ايه دوري علي كلام مناسب بقي
جيسي شافت الساعه اتصدمت وعيطت وخدت الممر جري وطلعت لساميه واكملت مالك .. مالك وبصتلها واكملت بعياط مالك فين يا مااما راح فين
ساميه بستغراب اهدي بتعيطي ليه معرفش قالي نزل يشوف صاحبه
منه هو دخل جوه لينا ?
ساميه بستغراب ليه هو مجالكوش ولا ايه قالي هروح اشوفهم
جيسي اتصدمت وعيطت اكتر
منه بصتلها بوجع واكملت حلي مشكلتك بقي هاتي يا ماما ساره
ساميه بستغراب هو في ايه يا منه وخليكي يا بنتي شويه
منه بدموع ارجوكي يا ماما حابه اكون لوحدي وشالت ساره
ساميه يابنتي طب استني مالك يوصلك
منه بدموع لا وابقي سلميلي علي بابا لما يجي من الشغل سلام
ونزلت
علي البحر مالك قاعد قلبه واجعه اوي وبيتردد في باله كلام جيسي
جيسي بدموع وعصبيه حتي حاتم الوحيد اللي حبيته حبك انتي وانا لااا
مالك هو انا لو سالتك علاقتك بحاتم واصله لحد فين هتردي ?
جيسي يعني ايه واصله لحد فين ده ابن عمي واخويا الكبير بس مش اكتر
وافتكر لما شافها في حضنه وغمض عنيه بوجع
منه بدموع ده حقيقي بس هو ندم وفاق لنفسه وبقي عايش لمراته وبنته
جيسي اييه مراته وبنته
باااااك
مالك تنهد بوجع واكمل بدموع فعلا زي ما ادم قال كسر الثقه وحشه اوي ازاي جيسي تعمل كده في اختها اهي دي اخر حاجه كنت اتوقعها وعلشان مين حاتم ?? وابتسم بسخريه واكمل بوجع ودموع انا مش قادر اصدق ان مراتي وام ابني واكتر بنت حبيتها وعملتلها كل حاجه علشان تحبني طلعت بتحب حاتم طب ازاي بتعملها ?? ازاي علي ذمتي وتفكيرها مع غيري ازااي ودمع واكمل غبي غبي وانت كنت فاكرها هتحبك انت ولا اييه بس ماشي يا جيسي مااشي
وراح البيت ودخل وعنيه حمره من الدموع جيسي لما شافته خافت واتوترت وراحت حضنته واكملت بعياط والله هقولك كل حاجه بس
قاطعها مالك لما قال بجمود جيسي انتي ط
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية حب غير مشروط)
