رواية حب خاطئ الفصل العشرون 20 بقلم شهد سيد
رواية حب خاطئ الجزء العشرون
رواية حب خاطئ البارت العشرون
رواية حب خاطئ الحلقة العشرون
السما ضلمت..مبقتش صافية
اسلام وشهد بيجرو والبحر موجو عالي والرجالة بيجروو وراهم مفيش حد يلحقهم..المكان فاضي
الرجالة مسكو اسلام كتفوه ومسكو شهد فضلو يضر*بوها ف بطنها
ومن كتر الا*لم مش قادرة تطلع صوت
اسلام بصراخ:لااا هتم*وتوها يا ولاد الك*لب يا شهههدد..ااه
…بيتفرج عليهم من بعيد وبيرمي اخر حتة ف السيجارة وبيركب العربية ويقول:طالما محدش هيساعدني يبقا مفيش حد هيخلف
بعد ساعتين ف المستشفي……
بيجرو اسمهان وجميلة وياسمين بيلاقو محمد واقف قدام غرفة العمليات
اسمهان:حصل اي يا محمد حصلهم ايه
ياسمين:طمنا الاول عليهم هما كويسين
محمد:اسلام كويس لكن شهد هي اللي اتعرضت للض*رب وخ*سرت الطفل
اسمهان بشك:طب م تقول ازاي اتعرضت لكدا
محمدببرود:مش عارف لسة لما اسلام يفوق يقول اي اللي حصل
قربت جميلة حضنت مامتها وقالت:متقلقيش يا ماما هيبقو بخير ان شاء الله
اسمهان: يارب
جميلة: انا هروح اجيب مية واجي
نزلت جميلة الكافيتريا اللي ف المستشفي ولقت يوسف قاعد ف راحتلو:
يوسف..انت عرفت اللي حصل
يوسف بسرحان:دا حد مستقصدهم او مستقصد شهد بالخصوص
قعدت جميلة جمبو وقالت: طب تفتكر مين يعمل كدا وكمان شهد ملهاش قرايب غيرنا ولا اعداء
يوسف:مش عارف بس مسيرنا نعرف
طبطبت جميلة علي كتفو وقالت:انت كويس؟
يوسف:لا يا جميلة مش كويس خالص واكيد زعلان علي زعل اسلام
جميلة:ربنا يصبرهم
يوسف:ويعوضهم
____________________________
..ليك أعداء؟
اسلام بسرحان:لا
الظابط:تفتكر مين ممكن يعمل كدا او شاكك ف مين
اسلام:مش شاكك ف حد انا معرفش حد هنا اصلا ولا حد كان يعرف اننا ف المكان دا وقتها
الظابط:اكيد حد مراقبك من ساعت م طلعت م البيت..احنا هنفضي الكاميرات ونشوف ولو في اي جديد هيوصلك وانت لو شكيت ف حد تقدر تيجي ف اي وقت تقول..وحمدالله علي سلامتكو
اسلام: شكراً لحضرتك الله يسلمك.
خرج الظابط ودخل يوسف
يوسف اول م دخل حضن اسلام:
الحمدلله انك كويس يا كبير
اسلام:وحشني اللقب دا اوي
يوسف بضحك:شكلنا هنرجع ل ايام زمان
اسلام:شكلو كدا فعلاً
يوسف:تفتكر مين ممكن يعمل كدا
اسلام:حاسس انو حد قريب مننا
يوسف:زي مين؟
اسلام:مش عارف..اهم حاجة شهد كويسة؟
يوسف:خرجت م العمليات من شوية وهي دلوقتي نايمة من اثر الب*نج
قام اسلام وقال:هروحلها
سندو يوسف وقال:استني شوية انت راسك لسة مفتوحة لما هي تفوق هبقا اقولك تروحلها
اسلام بحزن:تمام
____________________________
“…:لتاني مرة متحافظيش علي بنتك
لفيت وشي وانا بشبه ع الصوت دا:
ماما..انتي عايشة!
جريت عليها فرحانة والدموع علي خدي وحضنتها:
وحشني حضنك اوي يا ماما
….:مش قولتلك بلاش مسمعتيش كلامي
_بلاش علي ايه
…:حبك يا شهد دا حب خاطئ
_ليه يا ماما بتقولي كدا
….:دخلتي ف دوامة ملهاش اخر ولتاني مرة تخ*سري طفلك
_بس انا حاولت كتييير والله
…:حبك حب خاطئ يا شهد
_استني يا ماما متمشيش ..ماما استني ”
_ماماا
صحيت شهد لقت نفسها ف اوضة ف المستشفي وضغطت الجرس عشان الممرضة تجيلها:
في حد من اهلي برا
الممرضة:حاضر هندهملك
بعد شوية…
دخلت اسمهان وحضنت شهد وقالت:
حمدالله ع السلامة
شهد:انا تعبت اوي يا خالتو عايزة ارجع بيتي وبلدي
اسمهان:حاضر يا حبيبتي هخليكي تروحي المهم هدي نفسك وربنا هيعوضك بإذن الله
شهد:ونعم بالله يا خالتو
دخل اسلام وقال بصوت مبحوح:
حبيبي
شهد اول م شافتو عيطت جامد:
بنتنا راحت يا اسلام انا تعبت اوي
حضنها اسلام:هجيبلكو حقكو يا حبيبي متعيطيش والله م هسكت غير لما اعرف مين عمل كدا
شهد:عايزة امشي من هنا وعايزة امشي م البلد دي عايزة ارجع بلدي
اسلام:حاضر يومين بالكتير ونمشي..مناخيرك صغرت تاني اهو
مسحت شهد دموعها وقالت:بجد يا اسو
اسلام باس راسها وقال:اه ياقلب اسو
ف المساء…..
…اتفضلو ف الاوضة دي ارتاحو يا اسلام انا كنت مخلياها للضيوف بس ظبطها وخليتها اوضة نوم عشانكو
اسلام: شكراً لحضرتك..يلا يا شهد
دخلو شهد واسلام اوضتهم ونامو
____________________________
وصل محمد الفيلا وراح ل اوضة ياسمين :
اتفضل
محمد:عاملة ايه دلوقتي
ياسمين:الحمدلله كويسة.. النهاردة روحت للدكتورة وادتني رقم الدكتور اللي هتابع معاه
محمد باستغراب:تتابعي معاه ايه؟
ياسمين:قالتلي دا دكتور من برا وهيعالجني بدوا جديد وفي امل ابقا كويسة
محمد:وريني الكرت دا كدا
شاف محمد الكرت ولقا اسم الدكتور اللي سقط شهد ودا رقمو برق بعنيه واتعصب وقطع الكرت :
انتي متأكدة ان هو دا اللي ادتهولك
ياسمين باستغراب:ايوا في ايه
محمد:دا دكتور حم*ار انا عارفه انا هوديكي للدكتور احسن منو اعرفو
افتكرت ياسمين انها لما ردت علي حد ف تليفون الدكتورة ف الصبح كان صوت يشبه صوت محمد ف قالت:
هو انت تعرف دكاترة ستات هنا او علي تواصل معاهم
محمد بتوتر:لا ليه
ياسمين بشك:لا عادي بسأل اصل انا عايزة اتابع مع وحدة ست هكون مرتاحة اكتر
محمد:تمام.. تصبحي علي خير
ياسمين استنت محمد يخرج ويقفل الباب ومسكت الفون تكمل كلامها شات
_قولتلي اجي اقابل حضرتك الساعة كام
-بكرا الساعة 9 الصبح
_تمام هستني حضرتك ف الكافيه اللي جمب عيادة الدكتورة
-تمام
قفلت ياسمين الموبايل ولسة هتنام الكهربا قطعت :
يووه بقا دا الجو حر حتي
دخل عليها محمد ونده عليها
ياسمين:انا هنا ف البلكونة
محمد:كويس انك صاحية كنت عايزك تمضي ع الورقة دي
لمت ياسمين شعرها بتوكة ومسكت الورقة وقالت:ورقة اي دي انا مش شايفة حاجة
محمد:دي ورقة حجز عند دكتورة هنروحلها بعد اسبوع
ياسمين:حجز بورقة؟اول مرة اسمع بكدا!
محمد: هي عشان دكتورة مشهورة جدا ف بتبقا زحمة ف الحجز بورق
ياسمين:تمام
مسكت ياسمين القلم ومضت وهي بتمضي حست برعشة بس مهتمتش
بعدها اخد محمد الورقة ومشي
ف الصباح…..
…:اتأخرت عليكي؟
ياسمين:هو انت؟
الدكتور:ايوا كويس انك لسة فاكراني
ياسمين:ازاي هو انت جي من برا؟
الدكتور:دا حوار عليكي
ياسمين:حوار عليا ازاي!
الدكتور: الدكتورة اللي كنت عندها دي اختي هي قصدت توصلك ليا عشان هي سافرت خلاص وانا كمان طيارتي بعد ساعتين ومسافر
ياسمين:انا مش فاهمة حاجة
اخد الدكتور نفس عميق وابتدا يتكلم:
محمد هو سبب الدوامة اللي احنا كلنا فيها دي
انتي كويسة مش تعبانة وتقدري تتجوزي وتخلفي الوج*ع اللي كان عندك دي لخبطة هرمونات وبتتعالج عادي
انما محمد لما عرف انك رايحة لدكتورة نسا استغل الحتة دي عشان يقنعك انو انتي اللي تع*بانة ومش بتخلفي واصلا هو اللي كدا
وع الحظ طلعت الدكتورة اختي ف هو ور*طني يوم م سقطت شهد وور*ط اختي معاكي هو كان بيهد*دنا اصلا انسان مر*يض ..متعيطيش امسكي اعصابك للتقيلة اللي جية
ياسمين بدموع:فهمتك محمد هو اللي عمل كدا ف اسلام وشهد عشان مش عايز حد يخلف زيو….
الدكتور:للاسف..انا مضطر امشي دلوقتي لان لو عرف اللي بيحصل دا مش بعيد يقت*لنا
ياسمين:وانا ماشية معاك
…:علي فين يا مراتي
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حب خاطئ)
