رواية حبي المحرم الفصل الثاني 2 بقلم نور محمد

رواية حبي المحرم الجزء الثاني

رواية حبي المحرم البارت الثاني

رواية حبي المحرم الحلقة الثانية

كونت راجع البيت زي العاده في نص الليل زي كل يوم ومريت باوضه يوسف اخويا وليله وسمعتها وهي بتتكلم معاه وبتقول
ليله: يالا ياحبيبي علشان تاكل وبعدها ننام
يوسف بتزمر طفولي: لا مش عاوز يالولا انا عاوز اللعب ليسا
ليله: ناكل الاول وبعدها العلاج وتكمل لعب براحتك
يوسف: حاضر بس بشرط
ليله: نعم عاوز ايه
يوسف: عاوزك تحميني يالولا بعد مانخلص موافقه
ليله بكسوف: مش قولنا الكلام ده عيب يايوسف انت كبير ديلوقتي وتتحمي لوحدك ياحبيبي اوك
يوسف بعند: لا لولا تحمي يوسف لولا تحمي يوسف علشان مبيعرفش
ليله باستسلام: حاضر يايوسف تعال بقى علشان ناكل
يوسف ببسمه: حاضر يالولا
خلصو اكل واخدته تحميه وانا بره الغيره مولعه نار في قلبي لدرجه اني بتنفس بسرعه اوي من الغيره والغضب وبعد عشر دقايق سمعت صوت الباب الحمام ويوسف كان بيضحك وليله كمان وانا بقى في مخي ميه سيناريو عن هما عملو ايه مع بعض وقلبي بينبض بسرعه ونفسي ادخل واشوفهم بيعملو ايه وبعدها سمعت يوسف بيقول
يوسف: لولا تعالي احكيلي حدوته علشان انام لو سمحتي
ليله ببسمه: حاضر ياحبيبي بس تنام علطول مش عاوزين مشاغبه
يوسف ببرائه: حاضر يالولا
قعدت تحكيله حدوته وانا فتحت الباب شويه بس علشان اشوفهم لقيته نايم وهو حاضنها وهي بتحكيله الحدوته وبتبتسم حتي قال يوسف
يوسف ببسمه: لولا
ليله: نعم ياحبيبي
يوسف بحزن : انتي مش حتسيبي يوسف لوحده مش كده يالولا
ليله ببسمه: لا ياحبيبي مش حسيبك ابدا ياقلبي
وبعدها ضمها يوسف قدام عيني اكتر وقال: يوسف بيحب لولا اوي
ليله بكسوف: ولولا بتحب يوسف اوي
انا نار قادت حرفيا في قلبي بعد ماسمعت كلامها ده لحد مالقيت يوسف قرب منها وباسها في خدها
يوسف بطفوله: يوسف للولا ولولا ليوسف علطول
قفلت الباب بهدووء علشان ميحسوش بوجودي بس انا في وقتها كونت في اكبر مراحل غضبي وغيرتي حسيت اني بولع حرفيا من جوه قلبي فمشيت علطول على اوضتي وقفلت الباب بقوه رهيبه وفضلت اكسر في كل حاجه قدامي لاني مش قادر استحمل الي شوفته قدام عنيا قلبه بينزف من الوجع والنار بتاكل فيه مقدرتش استحمل دخلت الحمام
وقعدت تحت الدش وفتح الميه كانت ساقعه اوي بس محستش بيها من نار الي جويا كونت عاوزها تهدي النار دي شويه لحد ماخلصت وطلعت بشورت بس لان دي عادتي بقعد كده كتير اترميت على سريري وانا عقلي بس بيفكر في الي حصل قدامي من شويه ده حاسس نفسي حموت من الغيره كل ماافتكر الي حصل
فضلت الليل كله وانا مش قادر اغمض عيني بحاول انسي واقنع نفسي بالواقع بس مش قادر قلبي رافض ده بعد ماحب وعشق رافض ينسى ويكمل عادي كده تاني يوم قومت واخدت شور سريعا وطلعت قعدت افكر النهاردا يوم اجازتي وحقعد في البيت. وانا بشوفهم سوى ووجعي حيزيد اكتر واكتر قومت بعد ماقررت اخرج بره البيت خالص ومش حرجع غير في معادي الي كل يوم برجع فيه
نزلت تحت لقيت العيله كلها متجمعه. بتفطر عيني وقعت عليها وهي بتأكله غصب عني دمعت عيني بس مسحتها بسرعه قبل ماحد ياخد باله ومشيت للباب علشان اخرج لقيت الباب بيتفتح ودخلت منه هي ايوه بنت عمي نسمه اول مادخلت عنيها اجت على يوسف طبعا لاني عارف انها بتحبه من الطفوله وليسا عاوزاه ونظرتها علي يوسف وليله نظرت غيره وحقد على ليله انا حبيت اقطع النظارت دي فقولت
احمد: عامله ايه يانسمه
نسمه بعد ما لاحظت وجودي اخيرا: كويسه ياحمد وانت عامل ايه
احمد: كويس الحمد لله عن ازنك انا حخرج
مشيت من قدامها وعيني ليسا بتراقب لقيتها رجعت تبص عليهم تاني انا ابتسمت وطلعت علطول وقعدت افكر وهنا الشيطان دخل جوه دماغي وانا بفكر
‘ماانت بتحبها برضو ياحمد زي مانسمه بتحب يوسف’
‘طيب وايه المانع انت كل واحد ياخد الي بيحبه وانت تريح قلبك وهي كمان’
‘ماهو انت مش حتستحمل كتير تشوفهم مع بعض بسبب حبك ليها وانت عارف’
‘طب ارحم نفسك بقى وارحمها هي كمان من العيشه دي وابعدهم وكل واحد يعيش مرتاح مع الي بيحبه’
بعد مافكرت كده كتير حسمت رأيي انا اتظلمت كمان واتعزبت كتير وانا بحاول انسى بس بعد ماشوف نظرت نسمه عرفت ان يوسف حيبقى معاها في امان وكده اقدر انا كمان ارجع حبي الي اتسرق مني ده الي قنعت بيه نفسي علشان ارتاح شويه
رجعت البيت وانا عيني بتدور عليها لقيتها قاعده مع ماما وباين انها بتعيط قربت منهم بشويش وقولت
احمد: السلام عليكم
امي: وعليكم السلام يابني كونت فين ياحبيبي والنهاردا يوم اجازتك
احمد: كونت بره ياماما ليه في حاجه حصل هنا يوسف كويس
خلصت كلامي وانا عيني عليها طبعا نسمه الي لقتها زاد دموعها بعد مازكرت اسمه
امي: اه هو كويس متقلقش يااحمد
احمد: تمام انا حروح ارتاح في اوضتي بقى
بصيت اخر مره عليها وانا بشوف ردت فعلا حتعمل ايه ومشيت دخلت اوضتي وانا بستنى كان جوايا احساس انها حتاجي ورايا لحد اوضتي وده الي حصل سمعت صوت الباب وقولت
احمد: اتفضل
فتحت الباب ودخلت والدموع ليسا ظاهره في عنيها
نسمه بحزن: ممكن نتكلم شويه مع بعض يااحمد
احمد: اكيد يانسمه اتفضلي
اتقدمت وقعدت جنبي وهي بتفكر ايديها من التوتر والحزن
نسمه: انا عاوزه منك المساعده يااحمد ممكن
احمد: اكيد يابنت عمي أمري
نسمه بتوتر: بصراحه انا انا يعني بحب يوسف اخوك
احمد ببسمه: انا عارف يانسمه
نسمه بصدمه: عارف ازاي حد قالك يااحمد ده
احمد: مش محتاج حد يقولي يانسمه عيونك والحزن الي فيهم من اول مادخلتي هما الي بيقولو
نسمه بدموع: انا حاولت كتير ياحمد اقنع نفسي انه اجوز خلاص بس قلبي الغبي رافض ينسى بعد ماحب انا موجوعه اوي ياحمد
احمد في نفسه: الحال من بعضو ياختي وانا اكتر منك كمان
احمد بهدووء: ده مش زنبك يانسمه احنا مش لينا سلطه على القلوب وغصب عننا بنحب لان القلب الي بيختار مش احنا
نسمه: عندك حق ياحمد طيب حنعمل ايه انا مش قادره استحمل اكتر من كده صدقني
احمد بمكر: طيب اهدي الاول وانا حلاقي حل مش انتي ليسا بتحبيه حتي بعد الي حصله ده
هزت رأسها بسرعه: ايوه وبحبه اوي كمان ده حب الطفوله ومستحيل يتغير لو حصل ايه
احمد ببسمه: تمام انا حساعدك انك ترجعي يوسف ليكي انتي بس تسمعي مني في كل حاجه