رواية حبي الفاخر الفصل التاسع عشر 19 بقلم أسماء عبدالموجود

رواية حبي الفاخر البارت التاسع عشر

رواية حبي الفاخر الجزء التاسع عشر

رواية حبي الفاخر الحلقة التاسعة عشر

بعد وقت وصل ‘عمر’ مطعم جميل وكان المطعم بالطابقه العلوي
«ندخل المطعم ده لانه قريب» قالها عمر وهو يهبط من السياره هبطت ‘ميرا ‘ بعد ان فتح لها ‘عمر’ الباب قائله: وأنا كمان مش هقدر اصبر على الاكل
فتح العامل الباب بترحيب قائلا: اهلا بيكم في كافيه الكابلز والعائلات فقط
«cables» قالها عمر باستعجاب
وضعت ميرا يدها بيد ‘عمر’ وابتسمت قائله: ما هو احنا كابلز
نظر لها ‘عمر’ بعدم استيعاب قائلا؛ ميرا احنا،، قطعته ميرا قائله: حياتي احنا لازم ندخل،، ثم جزت على اسنانها واكملت قائله: عشان ناكل
ابتسم عمر قائلا: طبعا يا روحي
كان ينظر لهم الندل بعدم تصديق قائلا؛ بس شكلكم ما يقولش مرتبطين مفيش خاتم خطوبه
«في صابع رجلي» قالت ميرا وهي مبتسمه بضيق ثم نظرت الى عمر واكملت قائله؛ مش كده يا حياتي
قهقه عمر ثم نظر الى الندل قائلا: اصل حبيبتي بتحب تهزر كتير وعندها حساسيه من الذهب
« طيب ممكن اخذ صوره صغيره عشان الكافيه جديد وكل كابلز بيدخل لازم ناخذ لهم صوره عشان نحطها مع مجموعه الصور اللي جوه» قالها الندل مبتسم لهم
ابتسم بضيق عمر ثم نظر إلى ميرا قائلا بهمس: ها يا حياتي
تركت ميرا يد عمر ثم صفقت قائله بتفكير ؛ اصل خطيبي لسه كاشف على عيونه الدكتور قال له بعد عن فلاش الكاميرا
«الف سلامه عليك يا فندم طيب هناخد الصوره بدون فلاش» قالها الندل ومازالت نفس الابتسامه السمجه
«كيف يعني انا وحياتي مش بنحب نتصور من دون فلاش» قالتها ميرا بغضب من هذا الندل
اشار الندل إلى اللافته بداخل المطعم قائلا: شايف في صور وفي ناس موقعه وقع أنت والانسه معلش دي شروط للكابلز او العائله
دلفت ميرا وعمر واتجهوا الى اللافته وقع عمر ثم وقعت ميرا قائله وهي تجز على اسنانها؛ حلو كده
ابتسم الندل قائلا: اتفضل يا فندم ان شاء الله يعجبكم
صعدوا وجاء لهم ندل اخر اخذهم الى طاوله متفرغه
سحب عمر إلي ميرا المقعد وهو يبتسم ثم جلس امامها وجاء ندل اخر قائلا؛ تحت امركم يا فندم
«لسه هنشوف وبعدين هنطلب» قالها عمر وهو يفتح المنيو
ذهب الندل ثم امسكت ميرا المنيو قائله’ اختار لك انا ولا تختار لنفسك
«تمام اختاري لي» قالها عمر وهو يضع المنيو علي الطاولة وبعد أن حددت الوجبات اشارت الى الندل وجاء مسرعا
« أنا هطلب من وجبات العائله الاول» قالتها وهي تنظر الى عمر اخرج الندل القلم والدفتر الصغير قائلا؛ اللي تحبيه يا فندم
« ايه يا حياتي احنا اتنين ليه وجبات العائله» قالها عمر ثم ارتشق الماء
«جعانه يا روحي» قالتها ميرا وهي تحول بان تكون لطيفه
هز عمر راسه بالموافقه ثم قالت؛ ميرا اكتب معايا .. 2طاجن مكرونه باللحمه – 2بيتزا الخضار الحجم المتوسط – 2ونص كيلو كباب وكفته – 1 تشيكن عائلي اوراك والبطاطس والكولا وسندوتشات البرجر ثم صمتت
ابتلع النادل ريقه قائلا: حاجه تاني يا فندم
«الحلو بعد الاكل بقي» قالتها ميرا وهي مبتسمه ببساطه ولم ترى عمر الذي انصعق من كميات الطعام
نظرت في المنيو مره اخرى قائله؛ 2 ايس كريم واحد مانجا وواحد فراوله – 2 فطيره تفاح
ثم إشارات للندل بالذهاب ثم ذهب
« يا ترى هتكفيكي الكميه دي» قالها عمر بسخريه
وضعت المنيو على الطاوله قائله: يلا هروح اكمل اكل بالبيت،، ثم انتبهت قائله؛ انت بتتريق صح
اتسعت اعين عمر قائلا: أنا كنت بهزر أنتي بتتكلمي جد
«طبعا انت لما جيت عندنا شفت انا باكل قد ايه» قالتها ميرا ببساطه
«على كده بتخلص التلاجه بيوم» قالها عمر مازحا
ابتسمت ميرا بضيق قائله: ليه شايفني بقره
«العفو مين قال كده مستغرب كميه الاكل دي بتروح فين» قالها عمر باستعجاب
ارتشقت ميرا الماء ثم وضعت الكوب قائله: بلعب رياضه
———————————————————
“مليكه”
حطيت ‘فارس’ بغرفتي على السرير بعد ما اكلته خرجت من غرفتي نزلت قعدت في بغرفه الصالون شردت في ذكرياتي انا والثانوية وكنت حابه ادخل *طب بشري*
قطعت شرودي ماما وهي بتقعد جنبي
ماما: خير مالك..!
-: مافيش حاجه
ماما: اكيد عرفتي باباكي عمل نقل وجه هنا شغله
-: ما هو انا جيت عشان نتكلم في الموضوع ده
ماما: باباكي قال مش هنسافر اي مكان ويسيبك وحدك
-: يا ماما افهموا هنا الخطر هيبقى قريب عليكم اقنعي بابا وسافروا ارجوكي
ماما: حاولت امبارح وحلف برحمتها انه مش مسافر وهيفضل جنبك
-: أنا حذرته وقلت له يسافر علشان ما حدش منهم يعرف طريقكم وهو مصمم يفضل هنا
ماما: انا لما نقل استقلت من شغلي وخالتك طلبت نقل يعني كلنا هنفضل هنا
وقفت ضربت الأرض برجلي وقلت بضيف: اوف اوف يا رب ليه يعني انا لو حد حصل له حاجه منكم مش هقدر استحمل
ماما: ما تقلقيش ربنا معنا
سبت ماما وخرجت روحت غرفتي لقيت التليفون بيرن
-: الو.. ادخل لحد ما البس لو طلبت ماما منك تقعد علشان ناكل ارفض .. تمام سلام
لقيت لابسي اللي جيت بيه بقي مش نضيف فتحت دولابي واخدت منه فستان« قصير باللون الاسود بأكمام بشريط شبكه لتحت الركبه» حطيته علي السرير
روحت شقة ‘حسام’ اللي فيها حمام واخدت شاور وخرجت روحت غرفتي نشفت شعري بالاستشواروحطيت له كريم مرطب لبست الفستان ولبست الهاف بوت الاسود حطيت كريم مرطب على بشرتي وحطيت روج خفيف باللون الاحمر بصيت لنفسي نظره اخيره في المرايه وانا بقول في سري؛ بيظهر بس جمالي لكن حزني بيفضل في قلبي
فقت من شرودي على صوت ماما وهي بتنادي اخدت فارس من على السرير وخرجت من غرفتي نزلت وكان قاعد يضحك مع ماما
ماما: كنت لسه هطلع لك اتاخرتي على جوزك
-: معلش اخدت شاور يلا بينا يا علي
ماما: مالك في ايه اصبري ياخد نفسه وناكل وبعدين تمشوا
لقيته بيبص لي ومبرق عنيه ومش بيتكلم قلت:
معلش يا ماما ‘علي’ عنده شغل مش هيقدر يقعد
وكانه كان شارد وقطعت شروده بذكر اسمه وقف وقال: مره تانيه يا ماما إن شاء الله
خرجت وهو جاء ورايا فتح لي باب العربيه شلت ‘فارس’ من العربيه الصغيره بتاعته وركبت الكرسي الامامي وفارس نايم على رجلي
لف وحط العربيه بتاعت فارس بشنطت العربيه وركب شغل العربيه وقال: أنتي متضايقه من حاجه
-:لا
علي: طيب انا حابب ناكل في مطعم ممكن
هزيت راسي وقلت: تمام
كانه قرا افكاري اني حابه اخرج مسكت ‘فارس’ من علي رجلي و شلته بين ايديا وهو نايم
_____________________________________________