رواية حبيب أيامي الفصل الرابع 4 بقلم هاجر نور الدين

رواية حبيب أيامي الجزء الرابع

رواية حبيب أيامي البارت الرابع

رواية حبيب أيامي الحلقة الرابعة

لسة هتكلم إتكلم محمد وقال:
_يلا بينا يا نِرمين
إتكلمت وأنا مش فاهمة حاجة وباصة لـ هدير اللي بتعيط وقولت:
=هو في اي
إتكلمت هدير بعصبية مرة واحدة وقالت:
_إنتي صاحبة إنتي!
تعرفي إني بحبه فـ تاخديه مني وأعرف أن خطوبتكم بعد الثانوي
أتكلمت بهدوء عكس اللي جوايا وقولت:
=محمد يبقي إبن عمي ياهدير ومن زمان وهما بيتكلموا علينا إننا لبعض، أنا مخدتش حد من حد
_بس إنتي عارفة إني بحبه، المفروض كنتي تتخلي عنه ليا
فقدت هدوئي في اللحظة دي وأتكلمت بعصبية:
=أتخلي عن مين وعن إي ياهدير فوقي بقولك خطيبي
_أنا مش عايزة اعرفك تاني سامعة ولا لأ
قبل ما أتكلم مسك محمد إيدي وركبنا العربية ومشينا، طول الطريق محدش فينا بيتكلم لحد ماحسيت أني هنفجر وقولت:
_هي اي اللي وقفها معاك اصلا

إتكلم محمد وهو لسة باين علي ملامحه الديق وقال:
=معرفش، جت تسلم عليا لما شافتني وسألتها عليكي قالتلي لسة فوق وهتنزل ،سكتت ف قالتلي بعد شوية سكوت مش فاهم هي واقفة ليه اصلا وقالت انها معجبة بيا، إتدايقت منها وقولتلها إني خطيب صاحبتك ومينفعش تفكري فيا كدا، هي فعلا قالتلك انها معجبة بيا قبل كدا?
بصيتله بشئ من الغيرة وقولت:
_أيوا، ثم أن إنت ليه مقولتش إنك جيت وبعتلي رسالة زي كل مرة
=حبيت أعملهالك مفاجأة وتنزلي تلاقيني
_اممم
كملنا الطريق من غير كلام نزلنا سلمت علي جدي وعمامي وطلعت علي طول غيرت وسمعت ماما بتنادي عليا عشان انزل نزلت وقعدت جنبها وأنا ببُص لـ محمد بغضب بصلي جدي وقال وهو بيضحك:
_عملك أي الواد دا وأنا أكسرلك رقبته
إتكلم محمد وقال:
=طبعًا ماهي حفيدتك وانا مش حفيدك أنا من الاول اصلًا كنت شاكك في موضوع القرابة اللي بيني وبين العيلة دي
إتكلم بابا وقال وهو بيضحك:
_جدك بيحبكم كلكم، بس نِرمين كل حياته معروفة يعني إن هو اللي باباها مش أنا
إتكلم محمد وهو بيتصنع الزعل وقال:
=مانا وحداني وماليش حد يدافع عني
قالها وهو بيبُوص لـ عمي فإتكلم عمي وهو بيضحك وقال:
_لأ انا موجود أهو، قولي مين زعلك بس
=جدي بيفرق بيني وبين المفعوصة اللي هناك دي
رديت وقولت:
_مفعوصة ف عينك
=شايف بترد إزاي هقوم أعلمها الأدب
إتكلم جدي وقال:
_ولد لم نفسك هي متعلمة الأدب احسن منك
ضحك عمي وقال:
=جدك مش بيفرق بينكم بس زي ماعمك قال هو مش جدها بس دا أبوها
_حتي إنت ياوالدي بقيت بشك في أنك والدي
ضحكنا كلنا والجو كان تمام لحد مانزلت مروة الحرباية وأمها، قعدت مروة جنب جدي من الناحية التانية وقالت:
_إزيك ياجدي عامل اي

إتكلم جدي سريعًا وقال:
=كويس
_مش هتسألني عاملة إي ولا إي
=مانتي زي القرد أهو زي أمك
إتكلم مرات عمي وقالت:
_دا إي اصله دا هو أنا إتكلمت دلوقتي ياحمايا
إتكلم جدي وهو مش باصصلها وقال:
=حامتك عقربة
كتمت ضحكتي اللي كانت هتطلع وبصيت لـ محمد اللي كان كاتم ضحكته هو كمان وباصصلي، قطعت الصمت دا مروة وهي بتقول بمياعة:
_ألا قولي يامحمد مش ناوي تخطب بقي ولا اي
قاطعته أنا قبل مايرد بنظرات كيد محدش يفهمها غيرنا وقولت:
=أه ياحبيبتي هيخطب فعلًا، أنا عزماكي علي خطوبتي من محمد بعد 4 شهور مانتي بنت عمنا برضوا
إتكلمت مروة وباين عليها القهرة والغل وقالت:
_بجد!!
مبروك
بصيتلها بإستفزاز وإبتسمت وقولت:
=الله يبارك فيكي عقبالك ياحبيبتي
مردتش عليا وقامت وسابتنا، إتكلمت مرات عمي وقالت:
_الف مبروك يانِرمين ياحبيبتي، عن إذنكم أنا بقي عشان أشوف مروة
طلعت وسابتنا وإحنا مهتمناش اوي وكملنا كلام وهزار مخليش من بعض النظرات من محمد ليا وأنا عاملة نفسي هبلة
*فوق في شقة مروة وأمها*
إتكلمت مروة بعصبية:
_إنتي هتخلي الخطوبة والجواز دا يتم ياماما أنا بحب محمد ومش هستحمل أشوفه مع حد غيري
=ومبن قال إني هخليه يتم إصبري بس وهتشوفي أمك هتعمل إي
_أيوا ياماما ياريت تعملي حاجة عشان أنا مش هستحمل بجد

=وحياتك عندي ماهيتم إهدي بس إنتي مش عارفة أمك ولا إي، بنت إبتهال مفكرة نفسها أحسن منك وإنتصرت عليكي ولا اي
إبتسمت مروة بـ شر وقالت:
_أيوا كدا ياماما، الله عليكي بقي تعجبيني
=هو أنا اي حد ولا اي
وبعدين إبتسموا لبعض وكانت إبتسامة مروة بتتسع أكتر بشر وهي بتسمع خطة أمها
*لنتركهم الأن مع أفكارهم الشيطانية*
بالليل كنت قاعدة في الشقة بتاعتنا عادي وماما قالتلي أقوم أذاكر قومت فعلًا وبمجرد ما قعدت سمعت صوت محمد بينده عليا من الشباك اللي تحتنا من شقتهم قومت أشوفه وكان منظره مضحك وهو نص جسمه برا ولافف ورابع راسه لـ فوق ضحكت علي شكله وقولت:
_مش خايف تقع وتموت فـ يحسبوك علينا بني أدم
=أي دا قصدك إي، بت إتعدلي كدا عشان مطلعش أعدلك
_خلاص خلاص، عايز إي بقي
=عايز كوباية شاي
_ماتقول لأي حد تحت يعملك بقي هو أنا القهوجي بتاعك?
=مفيش حد تحت خالص حتي مروة اللي بتبتر عليها مش هنا
إتكلمت بغيرة وقولت:
_علي اساس انها لو تحت هتقولها تعملك ولا اي والله انزل ادلقه عليك وعليها
إبتسم وغمز وأنا قلبي دق وقال:
=بتغيري ولا اي
_أغير بتاع اي يعني، انت بس بقيت في مقام خطيبي فـ بعرفك بس
إبتسم أكتر وقال:
=وماله مانا خطيبك فعلًا وبكرة أبقي جوزك
رديت بخجل وقولت:
_أنا داخلة أكمل مذاكرة
=تعالي طيب إعمليلي شاي وأذاكرلك