رواية جنون الحب الفصل الرابع 4 بقلم سحر حسين

رواية جنون الحب البارت الرابع

رواية جنون الحب الجزء الرابع

رواية جنون الحب الحلقة الرابعة

ملك مشيت وهي مضايقه جدا جدا من عز الدين ومن نفسها جدا وحست أن هو فعلا مش بيحبها وحست انها بتجبر نفسها عليه وساعتها قررت انها مش هتعمل اي حاجه تاني عشانه وهتحبس حبها جواها .
تاني يوم :
مامت ملك : ملك عايزه اتكلم معاكي في موضوع .
ملك : نعم يا ماما خير .
الام : يا بنتي العريس اللي جه اخر مره ده جه تاني وعايز علي الاقل يقعد معاكي .
ملك : ماشي يا ماما موافقه اقعد معاه بس بشرط .
الام : هتشرطي عليا انا يا ملك ماشي قولي .
ملك : انا اسفه يا ماما قصدي طلب .
الام : ماشي يا بنتي قولي .
ملك : عايزه عز الدين يحضر القاعدة دي ولزم يحضر .
الام : طيب يا بنتي مش يمكن مشغول .
ملك : خلاص اعرفي هو فاضي امته وحددي معاد العريس علي اساس عز الدين .
الام : هشوفو يا بنتي .
ملك : علي الاقل يبقا معانا راجل يعني عشان مينفعش اتنين ستات لوحدهم مع راجل يعني .
الام : اه معاكي حق برضو يا بنتي طيب انا هرحله وسأله انهارده ماشي .
ملك : خلاص ماشي .
الام سابت ملك ومشيت راحت عند عز الدين وملك كانت قاعده بتفكر في رد فعل عز الدين .
الام : سلام عليكم .
مامت عز الدين : وعليكم السلام ورحمه الله وبركاته اتفضلي يا ام ملك خير .
مامت ملك : ازيك يا مرات اخويا .
مامت عز الدين : الحمدلله بخير شكلك مبسوطه انهارده خير .
مامت ملك : اه اوووي .
مامت عز الدين : طيب خير فرحيني معاكي .
مامت ملك : الحمدلله ملك وفقت انها تشوف العريس واخيرا .
مامت عز الدين : والله اخير طيب الحمدلله بس اي اللي اتغير كده مره واحده .
مامت ملك : والله معرفش مره واحده كده بس معلش بقا لزم عز الدين يحضر القاعدة دي .
مامت عز الدين : اه طبعا اكيد هو مش اخوها .
مامت ملك : اه طبعا وبعدين ده طلب ملك ياستي .
مامت عز الدين تنده علي عز الدين ومنه يسلمو علي عمتهم .
عز الدين : اهلا اهلا يا عمتي عامله اي .
عمته : اهلا يا حبيبي .
عز الدين : ايه امال ملك فين مجتش معاكي يعني .
عمته : قاعده يا سيدي هناك .
مامته : اسمع بس يا عز الدين عمتك عندها خبر حلو .
عز الدين : خير يا عمتي .
عمته : ملك اخيرا وافقت تقعد مع العريس .
عز الدين : بصدمه بجد والله .
عمته : اه والله يا حبيبي انا كمان مش مصدقه .
عز الدين : طيب علي خير ان شاء الله .
منه دخلت علي الخبر على طول .
منه : ايه ملك وفقت .
مامتها : بسم الله الرحمن الرحيم انتي جيتي امته .
منه : ثواني يا ماما بجد يا عمتي .
عمتها : اه والله بجد .
منه : طيب هي ملك فين دلوقتي يا عمتي .
عمتها : في البيت فوق .
منه : طيب انا ريحلها .
عمتها : روحلها يا منه . ….. اه صح يا عز الدين قبل ما انسي .
عز الدين : نعم يا عمتي .
عمته : معلش يا حبيبي فضيلي نفسك يوم كده عشان نتفق مع العريس يجي عشان تقعد معاه .
عز الدين : حاضر يا عمتي حددي انتي اليوم وانا معاكي .
عمته : معلش يا حبيبي بس والله ده طلب ملك .
عز الدين : والله .
عمته : اه والله يا سيدي بتقول انك اخوها ولزم تكون موجود .
عز الدين : طبعا يا عمتي عنيني للعروسه …… بعد اذنكو .
عز الدين سبهم ودخل غرفته وكان حاسس بخنقه كبيره جدا وكان بيكلم نفسه معقوله فعلا وفقت ولا دي كمان خطه لا بس لو فعلا خطه مش معقوله هدخل عمتي فيها والمشكلة أن عمتي فرحانه جدا طيب والعمل ………….
اده وبعدين انا مالي انا مهو من الطبيعي أنها تتجوز امال هتفضل قاعده كده يعني ……
ايوه بس مش بدري اووي علي جوزها ده وبعدين هي كانت رفضه من الاول ايه اللي خلاها توافق بسرعه كده يمكن عشان زعلانه مني وفقت ولا زهقت وعايزه تتجوز …….
طيب هي مش قادره تستنا شويه يعني………….
صحيح هي هتستنا علي اي اساس هو انا اتكلمت ولا حتي لمحت بحاجه لا واللي زاد وغطا اتخنقت معاها اوووووف اعمل ايه طيب اتكلم معاها وقولها ……….
ولا لا وبعدين انا جي دلوقتي واتكلم انا بني ادم غبي …….
عند ملك :
منه بتخبط علي الباب .
ملك : مين .
منه : افتحي يا مصيبه انتي افتحي .
ملك : هههههههههه حاضر يا قلب المصيبه .
منه دخلت الشقه .
منه : لا وكمان ليكي عين تضحكي .
ملك : طيب اهدي بس وانا هحكيلك على كل حاجه .
منه : احكي يا اختي احكي .
ملك : شكلك كده متعرفيش اللي حصل بيني وبين اخوكي امبارح صح .
منه : لا معرفش ايه اللي حصل .
ملك : حكتلها أن هو عرف انها لعبه منها عشان تخليه يغير وكمان طلع المدرس متجوز .
منه : يا نهار ابيض .
ملك : اه والله .
منه : طيب واي فعلا هتتجوزي العريس ده .
ملك : لا طبعا منه انا مش هتجوز غير عز اخوكي .
منه : امال ايه طيب .
ملك : انا مش هتجوزه انا هشوفه بس وهمشي الموضوع علي اني مبسوطه بيه عشان اشوف هيتنيل يغير ولا لا .
منه : يا بنتي الذين اشطا وانا معاكي وهروح اغيظ فيه شويه .
ملك : ايوه كده حبيبتي .
منه : عارفه يا بت انتي لو مكنتيش بتحبيه اوووي كده وربنا مكنتش وقفت جامبك .
ملك : يا بنتي انا مش بحبه انا مجنونه فيه .
منه : ماشي يا مجنونه الحب ….انا همشي بقا وبعد كده عرفين كل حاجه اول باول .
ملك : ماشي يا حبيبتي تمام .
منه سابتها ومشيت .
بعد كام يوم .
جه يوم المقابله وكانت منه ومامتها معاهم من الصبح إنما عز الدين لا كان لسه في شقته .
وقبل ما يجي العريس راحت منه عشان تنده عز الدين ولقيته مخنوق ومش عايز يحضر اصلا .
منه : نعم علي الاقل عشان عمتك .
عز الدين : مهو ده اللي مكتفني ومخليني مش عارف اخد قرار .
منه : هو انت مضايق ليه .
عز الدين : مش عارف بس حاسس اني مش عايز احضر وخلاص .
منه : هو انت بتحبها يا عز .
عز الدين : مش عارف .
منه : طيب اسمع يا اخويا لو فعلا بتحبها لزم تعترف بحاجه زاي دي قبل ما تروح من ايدك وحد تاني خدها منك .
منه قالت الكلمتين دول ومشيت وهو كان قاعد بيفكر في كلمها وبعد شويه راح عندهم واول ما دخل شاف ملك وهي بالفستان فضل بصص عليها ومش عارف يشيل عينه عنها وفي نفس اللحظة فكر في كلام أخته وقال لملك ……..
عز الدين : ملك ممكن اتكلم معاكي شويه .
ملك : دلوقتي .
عز الدين : اه بعد ازنك ممكن .
ملك : طيب تعالي خدته في بالكونه في غرفتها .
نعم عايز تقول ايه .
عز الدين : ما شاء الله عليكي شكلك حلوه اوي .
ملك : شكرا هو ده اللي انت عايز تقوله .
عز الدين : لا كنت عايز اقولك أن انا ……..
لسه هيكمل كلامه دخلت منه وقالتله العريس جه .
ملك : طيب انا جايه .
بصت لعز الدين …..لزم نخرج بعد ازنك .
لسه ماشيه راح عز الدين مسكها من ايديها قالها استني .
ملك : نعم .
عز الدين : متوفقيش علي العريس ده .
ملك : ليه .
عز الدين : كده وخلاص من غير ليه .
ملك : يا اما تقولي ليه يا اما متدخلش في قراري .
عز الدين : عشان عشان …….
ملك : عشان ايه بظبط .
عز الدين : انا مش مرتحله .
ملك : طيب مش يمكن انا ارتحله .
عز الدين : ايوه بس انا …….
ملك : عز الدين شكلك كده مش هتقول حاجه جديده ممكن بقا تخرج عشان تقابل العريس علي انك اخويا لو سمحت .
عز الدين : تمام ماشي .
خرج عز الدين من غرفتها وراح يعقد مع الضيوف وكان بيرخم علي العريس في الأسئلة .