رواية حكاية نسب الفصل الثاني 2 بقلم بسنت حسين

رواية حكاية نسب الفصل الثاني 2 بقلم بسنت حسين

رواية حكاية نسب الجزء الثاني

رواية حكاية نسب البارت الثاني

رواية حكاية نسب الحلقة الثانية

طبعا فاكرين امي اغمي عليها بقي ووقعت غر قانة في دمها، بس لا امي عليها لفة حجاب ولا عمامة الصعايدة، يادوب دماغها ورمت شوية وداخت بس وقامت تدعي علي ابويا بكل اللي جه في نفسها. سندتها لحد اوضتها وقعدت جنبها.
جسور: قوليلي يا امي ابويا عمل ايه
مرجانة: عمله اسود وم. نيل يا بني، اللي عمله لا يتقال ولا يتحكي
جسور: لا احكي انا عايز اعرف في ايه
مرجانة: هقولك يابني، سحر متبقاش اختك، سحر بنت اخو حاتم بيه وجايبها من استغفر الله من غير جواز، ومراته ست شرانية محدش يقدر عليها لما عرفت انه خانها وخلف من وراها اجبرته ياخد البت يرميها، هي مراته مكانتش شافت البت قبل كده، فابوها جابها لابوك وعطاه شئ وشويات وقاله تربيها زي بنتك ولو عرفت انك قصرت معاها هد مرك انا عيني عليك دايما، فابوك دلوقت ميقدرش يفرط في الفرخه اللي بتجبله بيض دهب كل شوية وماسك في البت بايده وسنانه ومش عايز يفرط فيها، لو البت اتجوزت ابن حاتم بيه هيتعرف هي مين وابوك مش هيطول مليم.
جسور: انتي بتقولي ايه انتي اكيد بتهزري

مرجانة: هات احلفلك لو مش مصدق بس هي دي الحقيقه
جسور: سحر لو عرفت هتتق هر، طب ازاي ابويا عنده فلوس ومش باين عليه
مرجانة: انت عايز ابو لملوم الجلدة ده يبان عليه عز؟
جسور: وطلع حبه لسحر مش لوجه الله، انا دلوقت فهمت
مرجانة: هنعمل ايه يابني هنتصرف ازاي
جسور: مش عارف يا امي الموضوع كبير ومش سهل، ده حياة ناس هتتغير، اصبري يومين نفكر وربنا يهدينا
مرجانة: اختك لو اتجوزت هيبقي جوازها با طل يابني اساسا
جسور: عشان شهادة الميلاد مز يفة، دي مش سحر مرعي الشافعي، دي سحر سامح النويري صح؟
مرجانة: ايوا يابني الله ينور عليك، انا بحب البت قوي كأنها بنتي، انت عارف الام هي اللي بتربي مش اللي بتولد
جسور: وانا والله يا امي مقدرش اشوفها زعلانة ابدا، انا لازم اقابل سامح بيه يمكن نوصل لحل
مرجانة: ياريت يابني تعرف توصله، ده مسافر
جسور: ربك يدبرها يا امي
…….

في بيت مهجور قريب من الصحرا
قاعد مرعي بيعد في فلوسه وبيضحك ويكلم نفسه
مرعي: هما فاكرين انهم يقدروا يبعدوني عن العز ده كله، ده بعدهم، لازم ارتب واخد سحر منهم واهر ب بيها ومعرفش ابوها اي حاجة من اللي حصل هو كده كده مسافر مش هيحس ولا يدري، انا هأجر حد يخ طفهالي.
…….
حاتم قاعد مع ابنه في مكتبه بيفكروا في اللي حصل
حاتم: الراجل ده وراه حاجة كبيرة انا لازم ابعت حد وراه يشوفه بيعمل ايه
جواد: انا مش فاهم اتج نن كده ليه لما طلبت بنته ليا، واحد غيره كان باس ايده وش وضهر وقال هلاقي لبنتي فرصة زي دي فين، لكن ده حسسني اننا جرب هيدخل عليه يخيله مش طايق نفسه
حاتم: اسمع يابني عايزك تخلي بالك من سحر تروحوا الجامعة سوا وتيجوا سوا، عشان اكيد الراجل ده هيحاول ياخدها
جواد: حاضر يا بابا مش هغفل عنها ابدا..
وهما قاعدين سمعوا خبط علي الباب زي الطبل

حاتم: انت جايب الزفة بدري ولا ايه يا ولد في ايه
جواد: زفة ايه يا بابا انت مش عارف دي خبطة مين يعني
والباب اتفتح فجأة

يتبع…

لقراءة الفصل التالي : اضغط هنا

لقراءة الرواية كاملة اضغط على : (رواية حكاية نسب)