رواية جبروت أنثى الفهد الفصل الأول 1 بقلم هدير بدر

رواية جبروت أنثى الفهد الجزء الأول

رواية جبروت أنثى الفهد البارت الأول

رواية جبروت أنثى الفهد الحلقة الأولى

تدخل بطلتنا بهيبتها المعهوده المديريه
تخبط برفق علي باب اللواء
فا يسمح لها بالدخول
كيان بابتسامه وهي تادي التحيه: صباح الخير يافندم
اللواء بادلها الابتسامه: صباح النور ياكيان ها عملتي ايه في آخر قضيه
كيان بعمليه : خلاص يافندم وصلنا للراس الكبيره وقدرت اقفل القضيه ماتقلقشي
اللواء بفخر : وانا واثق فيكي يا كيان وفي قدراتك وعارف انك هترجعي زي زمان واقوي كمان
كيان وهي بتداري وجعها بحرفيه : اكيد يافندم بس ممكن طلب
اللواء بحنان : اكيد طبعا
كيان بتوتر خفي وبتبصله بقوه محاوله ان تخرج حروفها بثقه : انا عايزه ادرب مع فهد في المعسكر اللي معمول بكرا
اللواء بخضه : فهد ازاى انتي عارفه فهد مابيشتغلشي مع ستات نهائي وعارفه برضو اللي بيطلع معاه بيجي ازاى
كيان بنبره هادئه: حضرتك انا هدخل بصفتي راجل مش بصفتي بنت لو سمحت انا عايزه ادرب علي ايده علشان انا لازم اجيب حق ابويا من اللى اغتالوه مهما كلفني الأمر
اللواء محاول تغيير تفكيرها : ياكيان انتي زي بنتي وانتي عارفه غلاوتك عندي ماقدرشي احطك مع فهد دي هتبقا كارثه وعلي حق ابوكي انا هجيبه وانتي عارفه اني عمري ماضيع حقه
كيان وهي بتشد علي ايدها بقوه : حضرتك انت عارف اني مش هاخلى حد ياخد طار ابويا غيري وياريت تقتنع اني هروح وثق فيا انت عارف اني قويه بس محتاجه ابقا اقوي اكتر اتمني توافق وياريت محدش يعرف اني بنت غيري انا وانت بس
اللواء بياس : خلاص اللي تشوفيه بس لو حصل حاجه انا هاكشف هوايتك الاصليه
كيان بثقه: وان شاء الله مش هيحصل حاجه وهرجع اقوي
اللواء بثقه وفخر : ان شاء الله يالا روحي جهزي نفسك وانا هفضل في ضهرك
كيان وهي بتقوم تادي التحيه قبل ماتغادر: تمام يافندم وتطلع
اللواء سند ضهره بخوف وفضل يفكر هيعمل ايه مع المجنونه دي بس برضو عارف لو رفض هاتعاند وتعمل كدا من وراه وبعدين ردد : يارب احميها
عند بطلنا يصحي علي اشعه الشمس يقوم بكل همه ونشاط ياخد دش وبعدين يلف منشفه حول خصره ولسه بيسرح شعره
مراد : ياصباح الأناناس
فهد بضيق : انت ازاى تدخل كدا ياحيوان مش قلتلك ميت مره خبط قبل ماتدخل افرض بقا قالع
مراد بضحك علي صديقه اللي مش بيتغير: افرض ايه مانت قالع فعلا وفضل يضحك عليه
فهد بحده وعصبيه: بجد طب تعالي بقا وظلوا يركضو حول بعض
مراد بضحك: ربنا يوعدك بواحده تطلع عينك وتفضل تشد في شعرك منها وتاخدلى حقي منك ياظالم يامتوحش (رددها بصوت انثوي)
فهد بصدمه: متوحش وكمان ظالم شكلك كدا مش عايز تروح المعسكر غير ووشك مطبق وبعدين ماتقلقشي ماعاش ولا كان اللي يخليني أشد في شعري وغمزله بثقه
مراد بثقه: بكرا تقع علي بوزك
فهد بصله بغيظ: اتصدق شكلك عايزني اديك بوكس تعالي ياحبيبي مش هاحرمك منه
مراد شاف نظره الخبث اللي في عين فهد جري من ادامه بخوف: ياللهوي ياني ياما عايز تموتني قلبك ابيض انا زي اخوك ايه ماعندكش اخوات
فهد بضحك علي صديقه : ماشي يامراد يالا اجهز علشان نخلص شغلنا انهارده علشان عندنا معسكر بكرا
مراد بتوسل: مابلاش اجي معاك بكرا
فهد بسخريه: ليه يابيضه صغيره والا صغيره
مراد بصله بقرف: ظالم دايما مش بيجي من وراك غير وجع القلب امشي امشي روح استر نفسك
فهد بصله بغيظ وراح يلبس
وقف أدام دولابه الضخم وطلع بدله كلاسيكيه وصفف شعره ولبس نضارته ونزل
فهد نده علي الداده بلطف : يا داده
الداده اماني طلعت بحنيه : نعم يابني
فهد بابتسامه :انا ورايا شغل ومش هرجع غير كمان شهر تقدروا تاخدوا اجازه وتيجو كل أسبوع مره تظبطوا الفيلا بس
الداده بفرحه : ربنا يكرمك يابني ومشيت
مراد نزل وبصله : يالا ياخويا ادامي ماعرفش معسكر ايه اللي جاي عليا بوجع القلب دا يالا ياخويا يالا
فهد بصله بغيظ ومشي علشان عارف انه مش هيبطل كلام لو رد عليه
وركبوا العربيه
مراد شغل اغنيه
فهد بقرف: ايه الزفت اللي بتسمعه دا وقفل الاغنيه
مراد بعصبيه: عديم اللذات والمشاعر كتك البلا في وشك
فهد بحده: سمعني كدا قلت ايه
مراد بابتسامه: بقول ربنا يخليك ليا
فهد ضحك ضحكه جانبيه وكمل طريقه
وأثناء سيره فاجاه عربيه ظهرت في وشه حاول يتفاداها للأسف ماعرفش علشان كانت قريبه منه جدا
نزلت كيان بعصبيه: انت ازاى تدخل فيا يا كائن انت
فهد حاول يتمالك اعصابه قلع النضاره ونزلها لقي بنت قصيره نسبيا ولابسه بدله سودا وعيونها زارقه زي لون البحر وشعرها يتطاير سرح شويه في جمالها وبعدين رد عليها ببرود: والله انتي اللي عاميه مش زنبي انك مش شايفه اشارتك ايه
كيان بحده وعصبيه اكتر : اتصدق انك مش محترم وشكلك عايز تتربي ورفعت المسدس أدام راسه
مراد اتخض ونزل جري وهو بيردد في نفسه : ياوقعتك السودا دا انتي اللي مش هتترحمي منه يالا ربنا يرحمك
مراد محاول تهدئه الوضع : خلاص يا باشا اركب وانتي يا انسه احنا اسفين ياريت تنزلى مسدسك
كيان بغضب : انت ماتدخلشي في الكلام تمام وانت ادامي يا حيلتها هاعرفك بقا انا مين
فهد بحركه سريعه كان موقع المسدس ولوي ايدها لورا وبقيت قريبه منه جدا
فهد بغضب : ماعاش ولا كان اللي يرفع مسدسه عليا
كيان لسه هتخبطه من رجله علشان توقعه قام مسدد خبطتها وقام موقعها
كيان بصتله بغيظ وحده : انت اد اللي عملته دا
فهد بثقه : اكيد طبعا
كيان قامت نفضت هدومها ادامي علي قسم الشرطه بقا اعرفك انا مين
فهد بضحكه سخريه: يالا ياشاطره من هنا ايه هتجبيلي بابي من هناك
كيان عيونها دمعت بمجرد ذكر سيره والدها ماحستشي غير وهي بتضربه تحت الحزام
فهد كان سرح في عيونها وحزنها وماعرفشي يفسر النظره واتفاجئ بالخبطه
مراد بصدمه : يالهوي يالهوي يالهوي بيحاول يبعد فهد عنها وبيبص لكيان بحده امشي يخربيتك هتموتي في ايده
كيان بثقه وحده : مايقدرشي يعملي حاجه فهد بعد مراد من طريقه وبصلها بغضب : لولا انك ست كنت عرفتك مقامك
كيان ربعت ايدها وبصتله بقوه : ولا تقدر تلمسني علشان ساعتها هتكون ايدك مقطوعه اتمني ماشوفشي خلقتك تاني ادامي وركبت عربيتها بثقه ومشيت
فهد فضل باصص لاثرها بصدمه
مراد محاول تلطيف الجو : ماخلاص ياباشا دي عيله هاتعمل راسك بعيله
فهد بعصبيه: والله لاوريها
مراد محاول تلطيف الجو علشان يعلم أن صديقه لو حط حد في دماغه كدا نقول يارحمان يارحيم : ماخلاص بقا قلبك ابيض ياعم خلينا نخلص اللي ورانا بكرا يومنا طويل
فهد وهو يزفر بضيق : تمام
كيان دخلت بيتها كان في منطقه راقيه جدا دخلت باست ايد مامتها وابتسملتها بحب : وحشتيني اوي يا مامتي
سناء بحنان: انتي اكتر قلب مامتك ها ياحبيبتي عملتي ايه النهارده في شغلك وبعدين كملت بخوف خلى بالك من نفسك يابنتي انتي عارفه ان ماليش غيرك بعد ربنا وبدأت تدمع
كيان بصتلها بحزن وغضب من اللي كان السبب في هدم سعادتهم وشردت في لحظات مع ابيها تود لو كان يرجع الماضي لكي تعانقه وبعدين حاولت تستجمع قوتها : ماتقلقيش عليا ياست الكل وبعدين ايه مش يالا ناكل عصافير بطني بتصوص يا سنسن
سناء ضحكت علي بنتها المشاكسه بالرغم انها بتحاول تبين القوه ولكن هي هتفضل ذات الطفله المدلله من نظرها
سناء بابتسامه: يالا ياقلب سنسن
وبداو ياكلوا في جو مرح بسبب مشاكسات كيان
كيان بحب : ماما حبيبتي انا هاغيب عنك شهر عندي مأمورية وغصب عني هاخدك اوديكي عند دندن (خالتها) علشان اكون مطمنه عليكي
سناء برجفه : ليه ليه يابنتي تغيبي دا كله عليا
كيان بحنان باست ايدها ومحاولة طمأنينة والدتها: انتي مخلفه راجل ماتقلقيش عليا ادعيلي بس
سناء بحب : بدعيلك ياحبيبتي من كل قلبي ربنا يرزقك بابن الحلال اللي يريح بالك
كيان بصدمه : ابن حلال وانا طالعه مأمورية يا سنسن اه ياخيبتي ياني ياما الطم منك ياماما ياختاااااي
سناء ماقدرتشي تمسك نفسها من الضحك : مانا زي اي ام اصيله عايزه اشوف بنتي عروسه
كيان ضحكة : ماشي ياماما بس انا رايحه مأمورية ها مأمورية مش رايحه اتخطب وفضلوا يضحكو
كيان خدت مامتها وراحوا عند خالتها
ناديه بفرحه : اخيرا جيتو الواحد ماقعدش القاعده دي من زمان
كيان بتسرع : ماشي يا ست دندن لينا قاعده صباحي بس لما اخلص ماموريتي خلى بالك من ماما ها وودعتهم
دخلت مركز الشرطه وهي مغيره من نفسها الي حد ما
خبطت علي اللواء ودخلت
اللواء بص باستغراب: انت مين
كيان بضحكه : انا ياسيادة اللوا أنفع صح
اللواء ضحك عليها بنفاذ صبر : برضو عملتي اللي في دماغك وايه الشنب دا وفضلوا يضحكو
اللواء بجديه : كيان حافظي علي نفسك وافتكري ان كلهم رجاله
كيان بودود: ثق فيا
اللواء : واثق فيكي لو مش واثق عمري مارضي يالا يابنتي نشوف الاجتماع
اول مادخلوا
اتصدمت لما شافت فهد