رواية تورط بها الفصل الرابع 4 بقلم إيمان
رواية تورط بها البارت الرابع
رواية تورط بها الجزء الرابع
رواية تورط بها الحلقة الرابعة
أكرم أنت جيت يا حبيبى
مساء الخير يا ماما
مساء النور مين الامورة اللى معاك
فنظر لها متذكرا
فسارعت هى بأدب جم تقول : هادية أسمى هادية يا طنط
فنظر لها متعجبا : ياسبحان الله
الام : ايه يا اكرم مالك
اكرم : لا ابدا يا ماما مستغرب بس ازاى نسيت اسمها المهم هادية تبقه أخت عامر أصله سافر فشغل كده خاص بالشركة وحيغيب فترة وكان خايف يسبها لوحدها فقولتله يجبها تقعد معاك انتى وعنان هى فين صحيح
الام : لسه طلعه اوضتها حبعت حد يندها عشان تتعرف على هادية وكمان تتعشى حروح بقه اشوف اخبار العشا واخليهم يعملوا حساب هادية معانا خدى رحتك يا حببتى البيت بيتك حبعتلك حاجة تشربيها على ما نجهز العشا
ميرسى يا طنط
وبمجرد ان اختفت والدته عن أنظارهم حتى قال محدثا اياها : يسلااام ع الادب
أيه أقلب
صوتك عالله يعلى
أبيه أكرم انت وصلت
ازيك يا عنان عاملة ايه
الحمد لله مين القمر دى
دى هادية اخت عامر حتقعد معانا كام يوم
بجد حلو أخيرا حد فالبيت ده من سنى انا مبسوطة اوى انك حتقعدى معانا
هادية : ميرسى ليك شكلك حبوبة اوى
عنان : وانتى قمر اوى
هادية : ربنا يخليك
فى هءه الاثناء عادت والدتهم لتخبرهم بأنها جهزت العشاء فتفاجأ أكرم بهاتفه يرن فأخرجه ليجيب عليه دون ان يشعر قائلا : ايوة يا عامر
لتقول والدته : أكيد عاوز يطمن على أخته
لينتبه أكرم لخطئه فقال متداركا خطئه : ايوة ياسيدى هادية معانا هنا فى البيت مع ماما وعنان ما تقلقش عليها خالص
عامر : هادية ! هادية مين يابنى انا بقولك عوزك ضرورى فى مشكلة فالصفقة الاخيرة
اكرم : ما قولتلك يابنى ما تقلقش عليها
عامر بغضب : هى مين دى اللى مقلقش عليها
طب انا حدهالك تقولك هى بنفسها انها مبسوطة هنا وناولها الهاتف : خدى طمنيه بنفسك اصله مش مصدقنى
فتناولت منه الهاتف بارتباك ثم استجمعت شجاعتها سريعا قائلة بأدب جم : أيوة يا أبيه
عامر بدهشه : ابيه ! ابيه مين انتى مين انتى
فأكملت : ما تقلقش عليا خالص الناس هنا حبوبين اوى وانا ارتحتلهم
عامر : يابنتى انتى مين
هادية : لالل يا أبيه مش محتاجة غير سلامتك يارب ترحعلى بالسلامه سلام
واغلقت الهاتف على الفور وناولته اياه لتفاجأ بالانبهار الشديد باديا على وجهه لذكائها و حسن تصرفها
اثناء تناولهم العشاء قالت عنان : ماما خلى هادية تقعد فى الاوضة اللى جنب اوضتى
الام : خلاص حخلى سهيلة تجهزهالها
عنان بفرح ايوة كده عشان نبقه قريبين من بعض ونرغى سوى وقت ما نحب ليك فى الرغى يا هادية ولا هادية زى اسمك
فنظرت لها مبتسمه بهدوء : ايوة طبعا دى اكتر حاجة بتحبها البنات كلها
عنان : حلو أوى كده احنا بقينا اصحاب
أكرم : طب يا ماما معلش مضطر امشى افتكرت مشوار مهم
الام : طب يا حبيبى بس ياريت ما تتأخرش
حاضر
وما ان وصل لباب الفيلا حتى تصنع أنه تذكر شىء ما
اه صحيح هادية ممكن ثانية بس
وما ان ذهبت اليه حتى جذبها الى الخارج وجذب الباب قليلا خلفها ليتحدث معها بعيدا عن اخته ووالدته
بقولك ايه انا ماشى ياريت لما ترغى مع عنان او حتى امى محدش يعرف اى حاجة عن حكايتك لحد لما اشوف حتصرف فيها ازاى مفهوم
دى حاجة مفهومه لوحدها من غير جو الغموض اللى عملته ده يعنى انت قديم اوى على فكرة
طيب يا ست الناصحة
أكرم كويس انك جيت ايه يابنى الهبل اللى عملته ده ومين هادية دى كمان اللى بتقولى يا أبيه
طب خلينى اقعد ارتاح الاول وبعدين اقولك على كل حاجة
ماشى ياخويا اتفضل ارتاح
وبعد ان استراخ قليلا قال له : بص يا سيدى
واخذ يقص عليه حكاية هادية معه
يسلااام طب وانت تعرف ان اللى قالته ده حقيقى ولا لا انت اى حد يصعب عليك تاخده تقعده فبيتك
لا ما هو حضرتك بقه اللى حتقولى ان كانت صادقة ولا كدابة
انا ازاى مش فاهم
خد دى ورقة فيها عنونها اللى كانت عايشه فيه واسمها وكمان اسم ممدوح وشوية تفاصيل بسيطة عنه انت بقه اللى حتكملهالى اه وكمان بالنسبة لعنونها فى ست هناك اسمها أنوار عايشة مع بنتها اسمها فيفى عاوز اعرف عنهم كل حاجة
هى أيه الحكاية هادية وفيفى وانوار أكرم انت نويت تنحرف
انت عارف انى مليش فالعك طول عمرى
امال ايه ماسورة الحريم اللى ضربت فى حياتك فجأة كده وبعدين مقولتليش اساسا انت روحت العمارة دى ليه
حقولك بعد ما تجيب لى المعلومات اللى طلبتها منك عن الناس دى كلها ماشى سلام
سلام أيه احنا لسه متكلمناش فالشغل
بكرة انا دماغى دلوقت مش مركزة البنت المصيبة دى لغبطت دماغى
ايه وقعت ولا ايه يا أكرم باشا
ياشيخ اتنيل وقعت ايه
امال لغبطت دماغك يعنى ايه وغمز له بعينه
يابنى دى مصيبة مسيحة بتتكلم خمستلاف كلمه فى الدقيقة وتطلع من موضوع تدخل فى التانى وبطريقة تجننك شوفتها ردت عليك ازاى فى التليفون
دى تخوف بقه لتكون لعبه
انت اللى حتقولى دا غير انها حتكون تحت عينى فى البيت انا ماشى بقه
صحيح انت قولت لولدتك انى مسافر طب افرد عنان جت الشركة وشافتنى
لا ما انت حتاخد اجازة مفتوحة لحد لما تجبلى كل المعلومات اللى طلبتها منك
خلاص ماشى
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية تورط بها)
