رواية توأم من الظلام الفصل العاشر 10 بقلم سهيلة سعيد

رواية توأم من الظلام الجزء العاشر

رواية توأم من الظلام البارت العاشر

رواية توأم من الظلام الحلقة العاشرة

سارة : طب خلي اسر يوصلك
هبة : لا مفيش داعي انا قريبة من بيتكوا
سارة : لا استني اسرررر
( ينزل اسر )
سارة : وصل هبة البيت عشان الوقت اتأخر
اسر : اه اوك
هبة : مش مستاهلة والله انتوا قريبين من بيتي
اسر : لا طبعاً انا كنت فوق بلبس عشان اوصلك يلا
هبة ب ابتسامة : اوك 😊
( تمشي هبة مع اسر يتمشوا )
اسر : هبة
هبة وهي بتبصله : نعم ؟
اسر : عاوز اعرفك .. عاوز اعرفك اكتر
هبة ب ابتسامة : عاوز تعرف ايه ؟
اسر : اعرفك انتي ك هبة .. يعني بتحبي ايه بتكرهي ايه حياتك اهلك
هبة : ايه دة كلوا بدأت تخوفني منك 🤨
اسر : لا طبعاً مش قصدي اخوفك !
هبة : ههههه بهزر 😄
( يبتسم اسر )
هبة : انا ي سيدي والدي متوفي وماليش غير والدتي هي كل حياتي .. واهلنا مقاطعينا من زمان وقت م بابا اتجوز ماما ومتسألنيش عن السبب لان انا شخصياً مش عرفاه لان ماما كان اي حد يتمناها بس الي اعرفه انهم محبوهاش
اسر : ورغم دة بباكي اتجوزها ؟!
هبة : اة بابا كان متعلق بيها اوي
اسر : يمكن دة الي كان مضايقهم منكم
هبة : تقريبا كدة اة .. انا حتى ولا اعرف هما ساكنين فين ولا شفتهم قبل كدة غير ف الصور بس
اسر : شعور وحش انك تفقدي اهلك 💔
هبة : دة لما تكون شفتهم ودوقت حنانهم لكن انا مخدتش دة منهم ف بصراحة انا كل الي يهمني امي وبس ♥️
اسر : ربنا يحفظها ليكي
هبة ب ابتسامة : تسلم 😊
اسر : دة كل حاجة ؟
هبة : اة لأ كمان انا بشتغل ف شركة بتاعة والد رامي الي انت اتخانقت معاه
اسر : مع الحقير دة !!!!!
هبة : ههههههه اة 😄
اسر ب استغراب : ازاي تشتغلي مع واحد زي دة ؟!!
هبة : بص انا ورامي المفروض صحاب ف هو حب يجاملني وجابلي الشغل دة وانا بصراحة كنت محتاجاه لان والدتي مريضة متقدرش تطلع هي تشتغل ولو اتنطت مستحيل الاقي شغل زي دة وانا لسة مخلصتش دراستي .. ف انت بيتهيألك ان رامي حقير هو تصرفاته مستفزة ساعات بس هو قلبه ابيض
اسر : لا مش ابيض !!
هبة : وجهة نظر بردوا .. وانت بقا ؟
اسر : انا ايه ؟!
هبة : احكيلي عنك
اسر ب تردد : ااا .. مفيش حاجة احكيها 😐
هبة : لا اكيد فيه طبعاً قولي يلا
اسر : ممكن اكون زيك .. والدي اتوفى ووالدتي كمان .. اخويا ف مكان وانا وسارة ف مكان .. ماليش غيرها دلوقتي
هبة : طب ليه اخوكم مجاش معاكم ؟!
اسر : تعبان .. هيعمل عملية 💔
هبة : ربنا يقومهولكم ب السلامة يارب
اسر : يارب
هبة : طب وسينا دة الي دايماً معاكم يقربلكم ايه ؟
اسر: سينا ابن عمنا ويمان كمان الي قاعدين ف بيته
هبة : طب معلش لو بتراخم ف اسألتي هو انتوا ليه سيبتوا بلدكم وجيتوا هنا ؟!!!
اسر : تقدري تقولي مشاكل بينا وبين ناس هناك
هبة : تقوموا تسيبلهم البلد كلها وتمشوا !!!
اسر : مشاكل كبيرة .. اتسببت ف موت والدي
هبة ب فهم : اااه .. دة كبيرة اوي ع كدة !!!!
اسر وهو بيبص قدامه : اة 😒
هبة ب ندم : انا اسفة شكلي اتدخلت ذيادة 😬
اسر : ميهمكيش
هبة : ب اذن الله هتكونوا مبسوطين هنا وبردوا ترجعوا بلدكم وتبقوا وسط اهلكم
اسر : ان شاء الله
هبة : دة احنا خلاص وصلنا دة الكلام خادنا 😊
اسر : اة
( يدخلوا شارعها ويقربوا ع العمارة )
هبة : تسلم ي اسر والله مش عارفة اقولك ايه شكراً
اسر : العفو
( يدخلوا العمارة ، يقفوا قصاد بعض )
هبة : تعبتك والله 😅
اسر : لا متعبتش
هبة : هههه اوك 😄
اسر : انااا جبت تليفون
هبة : بجد هو مكانش معاك ؟!
اسر : لا جبتوا من شخص
هبة : طب حلو هيسليك
اسر : اة .. انا عاوز اكلمك .. اكلمك منوا .. جبتوا عشان اكلمك منوا 😐
هبة وهي بتطلع فونها : طب اوك اديني رقمك 🤳🏻
اسر : مش معايا
هبة : مسجلتهوش ؟
اسر : لأ
هبة : طب اديني فونك وانا احطلك الرقم
اسر : مش معايا
هبة ب استغراب : انت ماشي من غيروا ليه ؟!!
اسر : المفروض امشي معاه ؟!
هبة ب ضحك : هههههه اة مش قادرة قصدك تمشي بيه 😆
اسر ب ابتسامة : ايوة 🙂
هبة : ايوة المفروض تمشي بيه تشيلوا معاك ف كل حتة انا مش عارفة بلد ايه الي انت منها الي مفيهاش فون دي !!!
اسر : بلد جاهلة شوية
هبة : مع ان يبان عليكم مثقفين جداً !!
اسر : يمكن
هبة وهي بتفتح شنطتها : طب هكتبهولك ف ورقة وانت لما تروح حطه ع الفون وكلمني
اسر : طيب
( تطلع هبة ورقة وقلم وتكتب رقمها )
هبة : اتفضل
( ياخد منها الورقة )
هبة : اوعا تضيع بقا
اسر : مش هضيعها ♥️
هبة : شطوووور 🥺
( يبتسم اسر )
هبة : تصبح ع خير
اسر : وانتي بخير ♥️
( تطلع هبة البيت ، يفضل اسر باصصلها لحد م تطلع ، تدمع عيونه ويضغط ع ايده الي فيها الورقة ، يسمع صوت باب الشقة بيتقفل ، يعرف انها دخلت ، يتنهد ويمشي ، تدخل هبة اوضتها ، تقعد ع السرير وتتنهد وتبتسم )
هبة : يخربيييييت حلاوتك 😆♥️
( يرن فونها ، تلاقيها ليلى ، تتحمس وتفتح عليها )
هبة : لولييي
ليلى : لولي يبقا في حاجة حلوة هتقوليهالي 🤔
هبة : اة في
ليلى ب فضول : في ايه ؟؟
( بعد شوية ، ف الشارع ، ماشي اسر ، يشوفوه شلة شباب )
…… : بقولكوا ايه دة شكله عيل طري تعالوا نقلبه بدل م احنا واقفين ع الناشف كدة 🤷🏻‍♂️
……. : يلا
( يقربوا يقفوا قدامه )
……. : اقف يلا
( يبصلهم اسر ب استغراب ويقف )
……. : طلع الي ف جيبك ي حيلتها
اسر : مفيش ف جيبي حاجة !
……. : ولااا انا مش فايقلك هتطلعهم ولا نعمل معاك الصح ؟
اسر : لأ اعمل الصح طبعاً
( يبصوله ب غيظ )
……. : انت شكل الزوق مش نافع معاك 😐
( يطلع ماطوة من جيبه 🔪 )
اسر وهو بيبصلها : دة مش الصح ع فكرة !!!
……. : هو دة بقا الصح بتاعنا هتطلع الي ف جيبك ولا اخلي الماطوة تنزل تزغرط ع الخلقة القمر دي 🔪
( يقرب ب الماطوة ع وشه ولسة هتلمس خده ، يمسك اسر ايده يلويها تقع منه الماطوة )
……. : ااااه 😮
( لسة الباقي هيهجموا عليه يتفادا ضربهم ويخلي ضرباتهم تيجي ف بعض ويقعوا ف الارض من غير م يلمسهم ، يعدي من فوقيهم ويمشي ، عند هبة ، بتتكلم ف الفون )
ليلى : بتحبي مين ي هبلة انتي هو انتوا لحقتوا !!!!
هبة : ي بت بهزر مش الحب الي ف بالك ولا حتى لو هو مهو بصراحة ميتحبش ازاي دة طيب ازاااااي 🥺
ليلى : ي ستي يتحب بصراحة بس متدلقيش كدة
هبة : اوكيه اوكيه ماشي
ليلى : بتهاوديني صح 🤨
هبة : ههههه صح 🤭
ليلى : ماشي ي كلبة
( ف بيت اسر ، قاعدة سارة مع يمان بيتكلموا ، يدخل اسر ، يبصوله )
يمان : حمدلله ع السلامة
( ميردش ويطلع ع فوق ، يستغربوا )
يمان : ماله اسر ؟!
سارة ب قلق : مش عارفة .. هشوفه 😕
( تقوم سارة ، يدخل اسر اوضته ، يقلع التيشيرت ويرميه ع السرير ويقعد ع الكنبة ويحط ايده ع وشه ، تدخل سارة )
سارة ب قلق : اسر .. اسر فيك ايه ؟!
( يبصلها ، تقرب تقعد جنبه )
اسر : مش عارف .. مش عارف بجد مش عارفة ابقا بارد كدة وهي قصادي .. انا ببقا قصادها شبه التمثال اخري ابتسامة وانا من جوايا دمي بيغلي .. بيغلي 💔