رواية تزوجت اختها الفصل التاسع 9 بقلم همس حسن
رواية تزوجت اختها الجزء التاسع
رواية تزوجت اختها البارت التاسع
رواية تزوجت اختها الحلقة التاسعة
بدر واقع في الأرض ماسك رجله اللي سا””حت د””م وزهرة واقفة بتصوت .. شريف حاطط ايده علي دماغه وبالايد التانية راح شد زهرة من دراعها بالعافيه عشان يخرج بيها
وفجأة لقى في وشه …
فريد ومعاه الحكومة داخلين عليهم .. شريف اتسمر مكانه مصدوم .. زهرة بتضحك بفرحة
فريد : ايه فاكرها سايبة ياشيفو ولا ايه ؟ قسماً بالله لولا إن الحكومة معايا كنت سفتتك تراب الزريبة اللي خاطف اختي فيها دي
الظابط : اتفضل معانا
شريف : اتفضل معاكو فين ، ده هما اللي …
الظابط: شششش مش عايزين أي تحوير .. احنا متابعين مع بدر من بدري وسمعنا كل اللي حصل وياريت تتفضل معانا بهدوء
زهرة : ياريت مشوفش وشك تاني
بدر بيقوم يقف بالعافيه وهو بيعرج من رجله اللي وجعاه وبيبص لشريف : كلمة حطها حلقة في ودنك
الحساب بيني وبينك لسة مخلصش ولو حابب تتحاسب على الجديد والقديم فكر تقرب من مراتي تاني ياشريف
شريف بيبصلهم وبيضحك : فاكرني عباية فيسكوز انا عشان اكش لما أسمع الكلمتين دول 😂
اوعوا تفكروها خلصت علي كدا .. انا راجع تاني وهاخدها منك يا بدر
الظابط بصوت عالي : ممكن تنجز و يلاااااا بينا ؟؟؟؟
الحكومة خادوه ومشيوا .. فريد جري حضن زهرة حضنته وفضلت تعيط
فريد بيحط ايده علي وشها : انتي كويسة ياحبيبتي
عملك حاجة الكلب ده ؟؟؟
زهرة : لا لا ملحقش يعمل الحمدلله.. وانا كويسة
بتبص لـ بدر : هو انت لحقت امتى تتفق مع الحكومة وتعمل المسلسل ده كله
بدر بيضحك : بتحسبي اختك بس اللي محامية ولا ايه .. نسيتي ان انا كمان محامي وعندي مكتب كبير واكيد ليا رجل جوا القسم وناس مستنية توجب معايا 😂
المهم .. خدها ياشريف وديها لابوها يشوفها ويتطمن بيها وانا شوية وهعدي عليكو أخدها
زهرة بتبص على بدر وعلي رجله : لا طبعا انا مش هروح في حتة وانت كدا ، نروح المستشفي الأول نشوف رجلك ونعمل اللازم وبعدين اروح لبابا
النهار طلع أهو وزمان الناس فتحت خلاص
بدر : لا يازهرة مفيش الكلام ده .. انا كويس مفيش حاجة وهعدي على اي صيدلية يتصرفوا انتي روحي لابوكي يتطمن ويشوفك ابوكي تعبااان
زهرة : وانا قولت مش هروح في حتة يا بدر اللي حصلك ده حصل بسببي ومش هسيبك كدا
فريد: زهرة عندها حق يا بدر ، يلا بينا
خرجوا ركبوا العربية وراحوا على المستشفي .. كشفوا علي رجله وخيطوا الجرح ولفوه بشاش وبلاستر
خلصوا وخرجوا .. فريد اخد زهرة يوديها البيت تشوف أبوها .. بدر سابهم ومشي من غير ما يقولهم رايح على فين بالظبط
🔥🔥🔥🔥🔥🔥🔥🔥🔥🔥🔥🔥🔥🔥🔥🔥
** بعد ساعة **
عاصم قاعد في الصالة قريب من باب الشقة .. حاطط ايده على دماغه
فجأة لقى فريد بيفتح بالمفتاح وداخل .. نزل ايده بسرعة وقام وقف
عاصم : ايه يا فريد معرفتش اي حاجة عن اختك ؟؟
فريد : ايه ياحج انت لسة منمتش ليه !
عاصم : نوم ااايه اللي بتتكلم فيه بقولك لقيت اختتتتك ولا لسة
زهرة جت من برا .. اه يابابا لقاني 🥺
عاصم باصصلها ودموعه نازلة .. جريت زهرة اترمت في حضنه .. حضنها جامد وهو بيعيط من الفرحة والزعل في نفس الوقت
عاصم : كنتي فين يازهرة .. كنتي فين ياحبيبتي قلبي وقع عليكي
زهرة : سلامة قلبك يا بابا .. أهم حاجة دلوقتي اتطمن علي صحتك وبعدها هحكيلك كل حاجة
🔥🔥🔥🔥🔥🔥🔥🔥🔥🔥🔥🔥🔥🔥🔥🔥
**بدر وقف بالعربية ونزل عند المكان اللي حابس فيه الحيوا””نة ⬅️ مها **
نزل من العربية ودخل على البيت .. فتح باب الأوضة
مها متكتفة ع الكرسي زي ما هي وشبه نامت وهي قاعدة .. اول ما لقت الباب بيتفتح فتحت عينيها وعدلت دماغها بسرعة
مها : جاي تخرجني صح ؟؟
بدر بيشد كرسي وبيحطه قدامها .. فضل باصصلها وساكت خالص
مها : ايه يا بدر مفكتنيش ليه
بدر : كان عندي كام سؤال بس الأول كدا
مها : اتفضل ؟
بدر : اول حاجة .. فين المكان اللي خطفتي فيه زهرة انتي وشريف وعمل فيها اللي عمله
مها : قصدك امبارح يعني .. ماهو ده المكان اهو يابدر وبعدين نقلها علي المكان التان…
بدر بصوت عالي : مش بتكللللم عن امبارح
مها بتبلع ريقها : اومال بتتكلم عن ايه ؟؟
بدر : بتكلم عن الخطف اللي حصل من شهر .. ايه نسيتي ؟
مها : انا مش عارفة انت بتتكلم عن ايه
بدر بيبص في الأرض : اممممم .. طيب لآخر مرة هسألك يا مها
يوم الخطف خطفتوها فين والتسلسل كان ماشي ازاي
مها : هو انت ما صدقت مسكت عليا غلطه فـ هتشيلني كل حاجة بقا ؟؟ قولتلك معرفش حاجة عن اللي بتقوله ومش هتكلم بالعافيه انا
بدر : اه قولتيلي بقى .. طيب اللهم بلغت
قام وقف .. فكها من الاحبال اللي رابطها بيها لحد ما قامت وقفت هي كمان
بدر : تاني سؤال بقى بس ده تعجب مش استفهام
ياترى كان إحساسك ايه وانتي بتدمري أختك اللي من لحمك ودمك بإيدك ؟؟
وقبل ما تلحق مها تنطق كلمة كان رزعها قلم لزقها في الحيطة
بدر : ياترى جبتي الغل ده كله وراثة ولا اكتساب ؟؟؟
مها حاطة ايديها علي وشها راح جايبها من شعرها ورازعها في الشباك
مها بتتوجع : اااااه دراعي .. انت اتجننت يابدر
بدر رايح ناحيتها : انتي لسة شوفتي جنان .. وحياة امي لاطلع علي عينك كل اللي عملتيه فيها مادياً قبل ما يكون معنوياً عشان تعرفي ان الله حق
**مسكها نزل فيها ضرب يمين وشمال بالايد والرجل وشتايم ضربها علقة موووت لما كسر عضمها ومبقتش عارفة تتنفس ولا تتكلم من العياط والصويت **
لحد ما اترمت في الأرض بتعيط وتتوجع وكل حتة في جسمها بتجيب د””م او زرقا وشعرها متقط”ع
بدر بينهج : ده جزء بسيط اووووووي من اللي عملتيه في اختك .. كنت أقدر اكون متحضر بقا ومتفتح واقول لا الراجل ميمدش ايده علي ست اياااااا كانت الظروف بس في حالتك دي بالذااااات الضرب فيكي حلال وانا مش من اوروبا عشان اعاملك بـ رقة بعد اللي عملتيه فيها ودمرتي مستقبلها .. بس اوعي تفتكري إن حسابك خلص يامها
انا هسيبك محبوسة هنا زززززي الكل””بة
عشان تتربي وتتعلمي الادب من جهة وتدوقي كل اللي دوقتيه لأختك.. وعشان احميها من شرك شوية من جهة تانية
خرج وقفل عليها الباب تاني .. وقف سند ع الحيطة عرقان وماسك رجله اللي بقت توجعه اكتر من الاول عشان لسة الجرح صاحي وهو ارهقه زيادة وهو بيضربها
طلع الفون من جيبه واتصل ..
بدر : أيوة يا مصطفى .. انت فين
مصطفى : انا لسة داخل المكتب اهو ، قولت أخلص اللي اقدر عليه في الشغل بسرعة واجيلك نكمل تدوير علي زهرة عشان مينفعش انا وانت نسيب المكتب كدا
بدر : سيب المكتب والشغل وكل حاجة وتعالي ع اللوكيشن اللي هبعتهولك دلوقتي
مصطفى : لوكيشن ايه يا بدر .. زهرة حصلها حاجة ؟؟
بدر : لا انا لقيت زهرة خلاص الحمدلله .. بس تعالي بسرعة وانا هقولك
🔥🔥🔥🔥🔥🔥🔥🔥🔥🔥🔥🔥🔥🔥🔥🔥
**بعد ساعة**
مصطفى داخل عليه : ايه يابني في ايه .. وايه المكان الغريب ده
بدر : انا حكيتلك اللي حصل واني خطفت مها صح
مصطفى : ايوة عملت حاجة تاني ولا ايه
بدر : لا معملتش .. انت اللي هتعمل
مصطفى : هعمل ايه
بدر : مها في البيت اللي واقفين جنبه ده .. وانت الوحيد اللي اقدر اعتمد عليه يفضل هنا مكاني
مصطفى : والمكتب يابدر ؟ مين هيخلي باله م الشغل الكام يوم دول
بدر : انت هتاخد مرتبك كأنك شغال بالظبط وانا هخلي بالي لحد ما نرجع نشتغل زي ما كنا .. أهم حاجة تخليك هنا طول الوقت صاحي لا تهرب
وحاجة كمان .. هقولك كام حاجة تعملها معاها لحد ما نشوف ايه الخطوة الجاية
🔥🔥🔥🔥🔥🔥🔥🔥🔥🔥🔥🔥🔥🔥🔥🔥
**في بيت عاصم**
زهرة وعاصم وفريد قاعدين يتكلموا .. عبير واخدة الشاي وخارجة لقوا الجرس بيرن راحت تفتح الباب
بدر داخل : سلام عليكم
عاصم : عليكم السلام .. أهلا يابدر تعالى اتفضل
بدر بيمسك رجله عشان يعرف يتنيها ويقعد : عامل ايه ياعمي دلوقتي طمني عليك
عاصم : الحمدلله دلوقتي احسن كتير .. ربنا ستر ولحقوا الجلطة في الوقت المناسب
بدر : الف بعد الشر عليك ياحج خد بالك من نفسك ده انت العمود اللي ساندنا كلنا
عاصم : انت اللي شكلك تعبان يا بدر ورجلك وجعاك .. زهرة وفريد حكولي عن اللي عملته عشان زهرة
ربنا يكرمك يابني ويسترها معاك
بدر : انا معملتش غير واجبي ودوري ياحج .. زهرة مراتي ولو اتعرت اغطيها بـ لحمي فمالوش داعي الكلام اللي بتقوله ده
**زهرة بتبص علي رجل بدر اللي باين جدا انها واجعاه**
بدر : زهرة بعد اذنك شوفيلي الحمام فاضي كدا ولا ايه عشان هدخل الحمام دقيقة واخرج تكوني جهزتي نفسك و نروح عشان احنا مطبقين من امبارح ومحتاجين نرتاح وانتي تغيري فستان الفرح اللي اتمرمط معانا ده
زهرة : تمام
دخل بدر الحمام .. وبعدها بدقيقتين خرج واتسحب براحه ناحية اوضة مها .. دخل الأوضة وحط ورقة على السرير وخرج علي الصالة قبل ما حد يشوفه
بدر : يلا يا زهرة
زهرة : استني .. هي فين مها صحيح ؟
عبير : نايمة في اوضتها اكيد
زهرة : ده الساعة بقت 10 ، مها من امتى بتنام لحد دلوقتي !
عاصم : أيوة صحيح .. ادخلي شوفيها يا عبير
عبير داخلة على اوضة مها تشوفها : يا مهاااا .. انتي ايه اللي منيمك لحد دلوقتي صحيح
**بتنور النور وبتبص ع السرير .. ملقتش مها **
عبير بتبص حواليها باستغراب بتبص علي مها مش لقيالها أثر ، وفجأة شافت الورقة ع السرير .. فتحتها لقت مكتوب فيها
“انا كملت لحد دلوقتي وحضرت الفرح والحوار ده كله عشان مزعلش حد ، بس انا آسفة ياجماعة محتاجة ارتاح شوية وابعد .. انا روحتي عند صحبتي في الفيوم اسبوع كدا وهرجع
بجد كنت محتاجة الهدنة دي عشان أعمل ريفريش بعد كل اللي حصلي … سلام ”
عبير بتبص للورقة وبتبرق .. خرجت تجري بيها
عبير: الحق بنتك ياعاصم 😱😱
مسكوا الورقة قروها .. زهرة باصة للورقة بصدمة
زهرة : أروح اجيبها طيب ؟
عاصم : لا محدش يروح ولا ييجي .. خلاص سيبوها براحتها تعمل اللي تعمله هي مش صغيرة
عبير : ازاي يعني ياعاصم دي بنت ، خلي حد يروح يجيبها
عاصم : وانا قولت سيبيها براحتها .. خلصنا يا عبير
**بدر اخد زهرة ونزلوا على تحت .. ركبوا العربية واتحركوا في إتجاه البيت **
🔥🔥🔥🔥🔥🔥🔥🔥🔥🔥🔥🔥🔥🔥🔥🔥
** في البيت اللي مخطوفه فيه مها**
مصطفى بيفتح باب الأوضة وداخل علي مها .. لقاها لسة مرمية في الأرض زي ماهي مش قادرة تتحرك مع ان بقالها كذا ساعة .. بص عليها باحتقار وبعدين بدأ يعدل فيها
مها بتعب : مصط.. مصطفى انت هتروحي صح
مصطفى مش باصصلها ولا بيرد عليها .. شالها وراح حطها ع السرير .. بدأ يظبط في الأوضة اللي اتبهدلت واتكسرت عشان تصلح ان حد يقعد فيها
مها : مصطفى رد عليا انا عمري ما زعلتك وكنت خطيبة صحبك
مصطفى : مبدأياً انا مبردش عليكي لأني مش طايقك ولولا إن صاحبي كلفني بالخدمة دي لا كنت جيت ولا بصيت في وشك .. تاني حاجه انا معنديش اي معلومات هو هيفك حبسك دا امتي ولا عقابك هيخلص امتى بس من هنا لحد ما ده يحصل انا مهمتي اخليكي متموتيش
اتفضلي اتعدلي عشان اصلح اللي أقدر عليه في جسمك اللي اتدشمل ده
بيجيب علبة الإسعافات الأولية وبيطلع الشاش والقطن والمطهر والبلاستر وبيبدأ يعالجلها الجروح
🔥🔥🔥🔥🔥🔥🔥🔥🔥🔥🔥🔥🔥🔥🔥🔥
**بدر وزهرة وصلوا العمارة وطلعوا شقتهم **
بدر بيفتح باب الشقة وداخل .. زهرة واقفة قدام الباب من برا عينيها مدمعة
زهرة بينها وبين نفسها : معنى كدا إني هدخل الدخلة دي وهبقى واحدة متجوزة وهكمل بقيت حياتي جوا بجد !!
بدر : ما تدخلي ياعروسة
زهرة : انا مش عروسة
بدر : طب ادخلي يازهرة
زهرة بتشيل الفستان وبتخطي أول خطوة جوا البيت ..
**بدر بيقرب ناحيتها **
زهرة بترجع بضهرها بخضة : لا بقولك ااااايه .. اوعي تفكرني مراتك بجد ده كله ع الورق وانت فاهم كدا كويس ، وإذا كنت خوفت عليك من شوفت وعاملتك حلو شوية ف ده عشان اتعورت عشاني وانت بتنقذني وبسسسس مش اكتر من كدا انت فاهم
بدر : شششش ايه البلاعة اللي ضربت في وشي دي اهدي على نفسك يا زهرة .. انا بقرب ناحيتك عشان انور النور اللي مفتاحه وراكي يا ماما
** بيمد ايده ينور النور فعلاً **
**زهرة اتكسفت من نفسها وبصت في الارض **
بدر : بصي يازهرة .. خليكي عارفه كويس اوي إني هدفي من الجوازة دي أكبر بكتير من إني المسك او اقربلك غصب عنك ولا حتى برضاكي .. ومن اللحظة دي انا مش هعتبرك مراتي
احنا هنعيش مع بعض في البيت ده “اخوااات ” مش اكتر من كده ، فترة لحد مانشوف هنعمل ايه
زهرة : ولما انت متجوزني عشان نكون اخوات ولفترة كمان امال متجوزني ليييه .. ايه هو هدفك يعني عايزة افهم 😱😱
بدر بيبص لفوق : يوووه .. هنرجع لـ نفس السؤال
يابنتي احنا عدينا بمراحل كتير اوي بعد السؤال ده ومر علينا فرح وخطف ودم وضرب وحكومة ايه كل ده منساكيش السؤال 😂😂
المهم .. تعالي ندخل بقا اوريكي الدنيا هتمشي ازاي في الشقة هنا .. وافرجك علي اوضتنا
**زهرة بتبصله !! **
بدر : اللي هي اوضتك لوحدك ياستي بس هتكون اوضتنا قدام الناس بس
داخلين هما الاتنين على جوا .. بدر بيفتح باب اوضة النوم
بدر : ايه ده ؟؟؟
انتي جيتي هنا ازاي!! وليه ؟
تفتكروا بدر لقى مين في الأوضة 🤔
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية تزوجت اختها)
الروايه جامده جدا ومروقه ومزهله