رواية تخلت عن كبريائها من أجله الفصل الثاني 2 بقلم رونا
رواية تخلت عن كبريائها من أجله الجزء الثاني
رواية تخلت عن كبريائها من أجله البارت الثاني
رواية تخلت عن كبريائها من أجله الحلقة الثانية
صباح يوم جديد وكالعاده بتصحي شذي علي صوت المنبه وبتجهز عشان تروح الشغل نزلت من اوضتها لقت شيري بتفطر
شذي: صباح الخير
شيري: صباح النور مش هتفطري
شذي: ماليش نفس عايزه حاجه
شيري: لا عايزه سلامتك
في منزل حمزه
والده حمزه: اصحي ياحمزه عشان الشغل
حمزه: حاضر ياماما
وبيتصل ب”تامر”
تامر: نعم يا حمزه
حمزه: صحيت ولا لسه
تامر: يدوبك لسه صاحي
حمزه: طب عدي عليا نفطر ونروح الشغل سوا
تامر: اوك
ـــــــــــــــــــــــــــــــــ|بقلمي رونا|ــــــــــــــــــــ
وبيوصل تامر عند حمزه وبيفطرو وينزلو يروحو الشغل بعربيه حمزه وفي نفس الطريق اللي ماشيين فيه شذي سايقه عربيتها في طريقها للشركه وبتكلم نيره عشان تروح الشركه ونيره مابتردش ماشي يازفته وماخدتش بالها من الطريق وكانت هتخبط عربيه حمزه بس فرمل ونزل
حمزه بزعيق: انتي حماره لما مبتعرفيش تسوقي راكبه عربيه ليه
نزلت شذي من العربية
شذي بانفعال: انا بعرف اسوق كويس اوي وبعدين ماحصلش حاجه لده كله عربيتك سليمه وانت سليم يبقي خلاص
حمزه كان لسه هيرد عليها ويزعق بس تامر لحقه وقال خلاص ياحمزه حصل خير يلا عشان منتاخرش حمزه فسكت حمزه وركب عربيته ومشي
“طبعا كل اللي حصل ده حمزه ميعرفش انها صاحبه الشركه اللي شغال فيها لان كان شغال في فرع دبي وتامر رغم ان شغال في فرع مصر اللي ماسكاه شذي لكن برضه ميعرفهاش شكلا وشذي بردو متعرفش تامر وحمزه لكن تعرف ان في موظف هينقل من فرع دبي لفرع مصر”
عند شيري فالاتيليه
بتوصل شيري وتلفونها بيرن
شيري:ازيك يا دينا
دينا: تمام كنت عايزكي في موضوع
شيري: قولي
دينا: عايزه تنزلي معايا بليل اشتري هديه لخطيبي
شيري: اوك
ـــــــــــــــــــــــــــــــــ|بقلمي رونا|ـــــــــــــــــــ
{في بيت نيره}
بتصحى من النوم تاخد شاور وتفطر وتجري في جينيه الفيلا وبتطلع تاخد شاور وتجهز عشان تروح الشركه
في الشركه وصلت شذي ودخلت مكتبه بتضغط علي الزار وبتيجي سلمي
سلمي: تحت امرك يا شذي هانم
شذي: اطلبيلي القهوه بتاعتي
سلمي: حاضر يافندم
بتخرج سلمي وبتوصل نيره
نيره: شذي هانم موجود
سلمي: اه يافندم
نيره:تمام
بتدخل نيره من غير ماتخبط وشذي بتعرف انها نيره لان محدش بيعمل الحركه دي غيرها
شذي بانفعال: اهلا بالهانم اللي بتيجي بمزاجها هي وكاله من غير بواب تروحي وتيجي زي ما انتي عايزه دي شركه يعني صفقات وعقود لازم امضتك وبعدين انتي ازاي تدخلي من غير ماتخبطي مش هتبطلي هبل بقا
نيره ببرود واستفزاز: اول حاجه اهدي علي نفسك واكلمي كويس انا مبحبش الاسلوب ده وانتي عارفه تاني حاجه اه هانم واجي بمزاجي عشان انا شريكه مش موظفه تالت حاجه انا عامله ليكي توكيل يعني معطلتش الصفقه ومحصلش حاجه تستاهل اسلوبك ده
شذي: هتفضلي مستهتره كده لحد امتا وبعدين بما انك شريكه زي ماقلتي فلازم تكوني موجوده وعارفه كل حاجه
نيره: اوف بقا انا رايحه مكتبي وهاقعد ساعتين وامشي لو في حاجه فالشغل وصلهالي مع السكرتيره
ـــــــــــــــــــــــــــــــــ|بقلمي رونا|ـــــــــــــــــــ
بتخرج نيره من المكتب وبيوصل حمزه عند مكتب شذي ويسال سلمي
حمزه: انا حمزه قاسم كنت شغال في فرع دبي ونقلت ومديري اللي هناك قالي لما اوصل اروح علي مكتب شذي هانم علطول
سلمي:تمام اتفضل اقعد عقبال ما اديها خبر
بيقعد حمزه وسلمي بتبلغ شذي وقالتها دخليه
سلمي: اتفضل حضرتك
شذي بتعمل شغل علي اللاب وبيدخل حمزه ويتفاجا ان البنت اللي اتخانق معاها هي صاحبه الشغل وسرح في شكلها بالذات عينها
شذي استغربت ان مفيش صوت رغم انها قالت ل سلمي خليه يدخل بترفع عينها من اللاب ولسه هتتكلم بتتفاجا انه الشاب اللي اتخانق معاها بس وحست ان في حاجه جواها اتشدت ليه بس ماطولتش في تفكيرها واتكلمت بنبره حاده وملامحها جامده
شذي: انت اللي جابك هنا
فاق حمزه من سرحانه واتكلم بهدوء
حمزه: انا حمزه قاسم المهندس اللي نقل من فرع دبي
شذي: تمام لولا ان شغلك الفتره الاخيره كويس جدا وحقق للشركه ارباح كبيره كان زماني رفدك بسبب اللي حصل بس من هنا ورايح تعرف ازاي تتكلم مع مديرتك فالشغل وعلي فكرة اهم حاجه عندي مواعيد الشغل تكون موجود الساعه 10 بصت فالساعه مش11 بس هعديهالك عشان اول يوم ليك ومكنتش تعرف لكن بعد كده لو اتاخرت هيتخصم منك وممكن توصل للرفد
حمزه: تمام يافندم
شذي: تقدر تستلم شغلك من دلوقتي سلمي هتعرفك مكتبك
حمزه: تمام
شذي لنفسها:انا اي اللي حصلي لما شفته ده انا طول عمري بشوف رجاله اشكال والوان وعمري ما اتهزيت مينفعش اتهز لازم افضل جامده ولازم اقلل التعامل معاه علي قد ما اقدر
حمزه: بيوصل مكتبه وبيستغرب من نفسه
وبيسال نفسه اي اللي حصلي ده واشمعنا دلوقتي وليه هي بالذات ده حتي شكله مسترجله وشعرها قصير ده انا شفت بنات احلي بكتير هي اه حلوه بس مش زي اللي شفتهم
وبيعدي اليوم وشيري خلصت شغلها واتصلت بدينا عشان تقابلها وتوصل شيري المول وبتقابل دينا
ـــــــــــــــــــــــــــــــــ|بقلمي رونا|ـــــــــــــــــــ
دينا: وحشتيني ياشيري
شيري: يا بكاشه ده احنا بنتقابل كل يوم
دينا: وايه يعني بردو بتوحشيني
شيري: طب يلا ياختي هتشتري اي لحبيب القلب
دينا: بفكر اشتري برفيوم
شيري: اوك
{عند نيره}
بتخرج من الشركه وراكبه عربيتها حست انها زودتها مع شذي بتتصل تصالحها
شذي: نعم عايزة اي
نيره: سوري علي اللي حصل النهارده مكنش قصدي ازعلك
شذي: حصل خير انا بس خايفه عليكي يعني افرضي حاصلي حاجه وشيري مالهاش في شغل الشركه وانتي شريكه بالاسم نسيب تعب اهالينا يضيع
نيره: بعد الشر عليكي متقليش كده و اوعدك ان هحاول التزم فالشغل
شذي: الموت مش شر وانتي عارفه ان اعدائي كتير عموما لما نشوف
نيره: هما هددوكي تاني ولا اي
شذي: تقريبا
نيره:هو في حاجه اسمها تقريبا يبقا هددوكي ومش عايزه تقولي شذي بليز خلي بالك من نفسك لو مش عشانك عشان انا واختك محتاجينلك انا مش فهماكي ليه مش عايزه تبلغي البوليس
شذي: حاضر متقلقيش سلام بقا عشان مشغوله
نيره: سلام
شذي حست انها تعبت فقررت انها تمشي بدري وتروح تعمل جلسه مساچ
حمزه بيخلص شغله ويقابل تامر ويروحو
{في عربيه حمزه}
تامر: مالك ياحمزه
حمزه: مالي
تامر: مش عارف حاسس انك مش طبيعي في حاجه ضيقتك
حمزه: لا مفيش هو انت تعرف صاحبه الشركه شكلها اي
تامر: لا بس بتسال ليه
حمزه: انا قلت كده بردو فاكر البنت بتاعت خناقه الصبح
تامر: اه مالها
حمزه: طلعت هي صاحبه الشركه
تامر: باندهاش وانت عرفت ازاي
حمزه: مفيش مديري هناك كان قايللي ان لازم لما اوصل اقابل صاحبه الشركه فعملت كده واتفاجات انها هي واستغربت لان افتكرت انك تعرفها ومنبهتينش ساعه الخناقه
تامر: لا انا اعرف ان اسمها شذي لكن معرفش شكلها الحمدلله انها مرفدتكش
“شذي بتخلص جلسه المساچ وقررت انها تجيب بيتزا وتاكل هي وشيري وبتروح وبتنادي على شيري لكن ملاقتهاش بتنادي علي الخدامه ميار”
شذي: ميار
ميار: ايوه يا هانم
شذي:شيري هانم لسه مرجعتش
ميار: لا ياهانم
شذي استغربت لان شيري مش عوايدها تتاخر ولو هتتاخر بتبلغها بتتصل علي شيري تلفونها مغلق وقلقت ومش عارفه تتصرف
ـــــــــــــــــــــــــــــــــ|بقلمي رونا|ــــــــــــــــــــ
{في المول}
شيري: كفايه يادينا لف بقا انا تعبت ومفيش حاجه عجباكي
دينا: معلش اخر محل
شيري: طب يلا
بيدخلو المحل وبتشتري دينا وخرجو
دينا: يلا ناكل بقا
شيري: لا انا اتاخرت ونسيت اقول ل شذي ان خارجه اصلا
دينا: طب كلميها
شيري: فكره بتطلع تلفونها عشان تكلم شذي بتتفاجا ان تلفونها فصل شحن
شيري برعب: يانهار اسوح
دينا:مالك يبت في اي
شيري: تلفوني فصل شحن زمان شذي قالبه الدنيا انا لازم اروح بسرعه باي
دينا: اي الجنان ده
في بيت شذي
بتفتح شيري باب الفيلا بالمفتاح وبتدخل وهي بتتسحب براحه عشان خايفه من شذي في الوقت ده بتنزل شذي من علي السلم وتتكلم بغضب وانفعال
شذي:كنتي فين لحد دلوقتي يا هانم
شيري بتتكلم بسرعه وخوف: كنت مع دينا فالمول بتشتري هديه لخطيبها ونسيت اقلك ده حتي كانت عايزه نتغدي سوا وكنت هتصل اقلك اتفاجات ان الفون فاصل ومتتغدش وجيت بسرعه
شذي بانفعال: اول واخر مره يحصل كده تخلي بالك من تلفونك ومفيش حاجه اسمها نسيت ده اخر تحذير ليكي والا هاعين حراسه عليكي مفهوم
“شذي كانت عايزه تعين حراسه علي شيري من بدري لان اعدائها كتير بس شيري رفضت لان بتحس بخنقه وشذي رغم جمودها لكن محبتش تضايقها فاتفقت شذي مع شيري ان تبقي معاها علي الفون علطول وتبلغها بتحركاتها اول باول”
شيري: مفهوم بدموع بس متزعليش مني
شذي: طب خلاص متعيطيش بتاخدها في حضنها انا مش زعلانه انا قلقت عليكي عشان بحبك اوي انتي متزعليش من عصيبتي عليكي
شيري: انا عمري ما ازعل منك
شذي: طب اطلعي غيري هدومك وانزلي بسرعه عشان نتغدي سوا انا مستنياكي من بدري
شيري: بس كده طياره
“شذي رغم قوتها وقسوتها وجمودها مع الكل لكن مع بتبقي حاجه تانيه بتبقي الاخت الحنينه اللي بتحب اختها ومش بتحب تزعلها ولا تشوف دموعها ومبتسمحش لحد يضايقها”
تفتكروا اي اللي مخلي شذى وقويه وجامده؟
ويا ترى مين الناس اللي بتهدد شذي وبتهددها بايه وعايزين منها اي؟
وليه نيره عايشه لوحدها ومش عايشه مع بنات عمها رغم ان يعتبر مالهاش غيرهم في مصر؟
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية تخلت عن كبريائها من أجله)
