رواية تجاهلني فأحببته الفصل الثاني 2 بقلم ميادة محمود
رواية تجاهلني فأحببته الجزء الثاني
رواية تجاهلني فأحببته البارت الثاني
رواية تجاهلني فأحببته الحلقة الثانية
هشاام!!!
بتهزرو صح يعني ابو عيالي معايا ف نفس التييم
طب احضنه طيب ولا اعمل اي دلوقتي بحلاوته دي….
=انا هشام وهبقي معاكو ف التييم
واتمني يبقي فيه تعاون بينا وو… انتي بتبصيلي كدا ليه؟
_ها
=هههه مفيش حاجه ي هشام اصل عندها صرع
ولما الحاله بتجيلها بتنح
_مين دي اللي عندها صرع ي ممممم
اوعي كدا شيلي ايدك انتي بتبعديني عن الواد ليه
دلوقتي علا الحربايه تتكلم معاه وكمان بتشوهي
سمعتي قدامه يقول عليا اي دلوقتي مراتي مجنونه وعندها صرع؟
=يعني انتي خايفه يشوفك مجنونه عشان عندك صرع
ومش خايفه يقول مجنونه من بصتك ليه؟
حبيبتي الواد كان هيجري شويه كمان وبعدين اي مراته دي ده ميعرفش اسمك حتا…
_ايتا هو انا تنحت اوي
=تنحتي بس دنتي كان شويه وهتجري تحضنيه
_هييييح ياريت سبتيني
=انا هسيبك فعلا ورايحه المحاضره التانيه
وانتي خليكي هنا
_طب هروح اجيب اكل واجي وراكي
لو لقيت الباب مقفول هستناكي تحت ولو مفتوح
هستناكي تحت برضو مش حوار يعني
=امشي امشي ي روسيل جننتي امي
“نزلت اجيب اكل وطبعا اتأخرت واكيد باب المدرج قفل … “
=روسيل عامله اي
“يووووه ارخم خلق الله واحد فاكر نفسه جان الجامعه
والبنات كلها بتحبه تووم كروز المنطقه
جرب يتكلم معايا كتير بس طبعا كل ما كنت اصده
كل ما كانت عزيمته بتزيد ف انه يكلمني
معرفش ليه دايما بنحب اللي بيتجاهلنا ومش معبرنا
زي الاخ اللي انا بحبه ده كدا بس مش مهم كفايه كاريزمته “
_نعم ي يوسف عايز اي
هو انا مش قولتلك متحاولش تتكلم معايا تاني؟
=انا عملت اي يعني لكل ده يا روسيل
انا بس نفسي نبقي صحاب
_انا مبصاحبش حد وياريت تخليك بعيد عني عشان موصلش الحوار لعميد الكليه
سبته ومشيت وبجد حاجه قمه ف الاستفزاز
معرفش ليه نجري ع البنت اللي مش عايزا تكلم ولاد
ويبقو هيموته ويكلموها منتا عندك اللي من نوعك ي اخي دنت غريب جدا…..
بس وانا ماشيه حسيت ان حد مسك ايدي….
_انت بتعمل اي وازاي تمسك ايدي بالطريقه دي انت اتجننت؟
= روسيل لو سمحتي اسمعيني بس مش ممكن نتعرف ونحب بعض؟
قولتلك اوعي انت مش بتفهم
= اظن قالتلك اوعي يبقا توعي
فجاءه لقيت يوسف بيتشال من مكانه من ضرب اي ده!!!
ده هشام ده بيدافع عني انا كنت حاسه انك جان وبتفهم
والله بس بتتقل عليا
_انتي كويسه؟
انا طبعا كنت زي القرده بس قولت اعمل اي لقطه
يمكن يقولي تعالي نقعد ف مكان تهدي
واجبلك عصير مانجا زي الروايات…
_ااه لاء مش كويسه خالص شكل ايدي اتكسرت
بصلي كدا برفعه حاجب. اللي هو وحياه يور مازر؟
= تستاهلي عشان تقفي تاخدي وتدي معاه ف الكلام
لاء احنا ابننا دبش بقا وبعدين وييييت
دقيقه ي جماعه نفهم
كلام اي اللي اخد وادي فيه ده مجنون ده
_انت مجنون انا معملتش كدا طبعا ومستحيل اقف اتكلم مع الاشكال دي
= مهو كلكو بتقولو كدا
بصتلو بصه اللي هو انت خذلتني هو اينعم ميعرفنيش
ولا يعرف اني بحبه بس ليه يشوفني بالطريقه دي….
_مهو عشان كلنا بنقول كدا فيه حاجات تاني
ممكن ارد عليك بيها دلوقتي بس انا محترمه ومش هرد عليك
و سبته وطلعت لحنين كانت المحاضره خلصت
وروحنا وانا طبعا هاتك يا عياط لما تعبت …
_ازاي يفكر فيا كدا ي حنين ازاي؟
=معلش ي حبيبتي هو حلوف ومش بيشوف والله
_ازاي مش عارف اني مش بتاعه حوارات البنات دي؟
حنين جت حضنتني وفضلت تهدي فيا…
= معلش ي عمري والله ده حمار اصلا
وميستاهلكيش وانتي احسن بنت ف الدنيا
غصبن عن عين اي حد وووو انتي بتعملي اي ي روسيل؟
_بدوق دموعي
=طب غوري يبت بقا من هنا ابو شكلك
وانا اللي عماله احايل فيكي وانتي متخلفه
_عارفه ي حنين انا اكتشفت حاجه مهمه جدا من كل الليله اللي حصلت دي
بصتلي بكل انتباه عايزا تعرف
وانا بكل جديه مطلقه قولتلها…..
_اكتشفت ان الدموع بطول الرموش
بصي بصي رموشي طولت ازاي
عاااا استني بس استني وحياه خالتك ي شيخه
خلاص بهزر بهزر ي رمضان اي مبتهزرش
= ده انا هعلقك من رموشك دلوقتي
اللي انتي قرفاني بيهم دول وانا اللي بواسيكي ي متخز. وقه
_يعيني ع الصاحب لما يعاير صاحبه
لاء يتعافي المرء باصدقائه بجد مش كلام
= طب يلا ياختي نحاول نعمل اي حاجه ف البحث ده
_لاء الغو رحلتي انا مش جايه
=روسيل اخلصي
_حاضر متبقيش قفوشه كدا
هقعد ارتاح شويه صغننه واقوم
بعد خمس ساعات ضوئية….
اروح لمين ي زمان قولي خالي محمد كل ورث امي ااااه
اي يبت كنتي هتفقعيلي عيني بتحدفيني بالكشكول
=اه عشان انا جضيت منك خلاص
ورث مين اللي كلو عليكي وانتي معندكيش
غير خاله واحده اللي هي امي
_ايتا بيجااااد اومال محدش قالي ليه لاء بجد سبحانه
=حسبي الله ونعم الوكيل
_نينينينيني مش هرد عليكي
“طبعا سبتها ومسكت الفون اقلب فيه لحد ما جاتلي مسدج في رسايل الاذر اللي بنشوفها ونقعد نضحك دي فتحتها و يلهوي اي ده انا بحلم ده هشااام!!!!
_حنييييين الحقيني هشام باعتلي مسدج
=بجد وريني بسرعه باعتلك اي
_اكيد يبنتي هيتأسف عشان ضميره ارنبه
=ارنبه؟
او مثلا هيقولي تعالي اعزمك ع ايس كوفي
واعتذرلك برضو وانا اقوله لاء انت جرحتني
واشوحله بأيدي كدا
=طبعا طبعا اومال يلا اخلصي وريني بعت اي
__يارب بس الاعتذار يعجبني
“انتي اللي كنتي عامله الاك الفييك وكلمتيني صح؟
كنت حاسس والله ان الغباء والهبل ده ميطلعش غير منك انتي…”
_هولي شييييت
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية تجاهلني فأحببته)
تعليق واحد