رواية بين برجل ونبوت الصعيد الفصل الرابع عشر 14 بقلم أسماء حبيب
رواية بين برجل ونبوت الصعيد الجزء الرابع عشر
رواية بين برجل ونبوت الصعيد البارت الرابع عشر
رواية بين برجل ونبوت الصعيد الفصل الحلقة الرابعة عشر
حازم… عايزك في عمليه جديده….. ريم!… رييييم! الووو..
مرفت قابت بخضه لما شافتها نامت علي السفره فجاه…. بتتتتت ريييم يااالهوي البت راحت مني.
ريم فتحت عنيها وردت علي الموبيل…. يا حضره الباشه الدكتور ما تخف عني عمليات حد قالك اني ممرضه.
حازم… لا دي سهله هي زي عمليه عايزه حقنه بس.
ريم… والمره دي عضل ولا وريد.
حازم… هههه لا وريد عايزك تسحبيلي معلومات بخفه ومش هتاهد وقت.
ريم… ومين المريض الي ف علينا المره دي!
حازم… البنت الي قابلتها بالليل امبارح.
ريم وقفت بعصبيه…. مييين دي اوي تكون قصدك فرح بنت عميييي.
حازم… الله ينور عليكي.
ريم… لااا انا بعتذر عن العمليه دي شفلك ممرضه غيري انا مبطقهاش اصلا وبمعني اصح مش مستلطفين بعض بنا مشاكل منفسنه بعيد عنك.
حازم…. احممم مش تنسي انك هتخدي الامتياز.
ريم… يعني انت بتمسكني من ايدي الي بتوجعني!
حازم… فهمتيني صح.
ريم… وهي طالعت بتشم كلونيه ولا بتورد عصير قصب مضروب البت برجل دي.!
حازم… لاء طلعت بتحب وعايز اتأكد.
ريم…. بتحب ههههه دي اخرها تحب صنيه المكرونه بالبشمل انت هتهزر معايه يا باشاااا.
حازم اتكلم بعصبيه …. رييييم.
ريم اتكلمت بسرعه … شوف حضرتك عايز اطلعها ازاي وانا تحت الاوامر.
حازم… ايوه كدااا اتعدلي بدل حركاتك الي محتاجه ظبط زوايه.
ريم… الله يسمحك مش هرد مش خوف منك مع اني ممكن ادوسك بقونيني بس علشان درجات النجاح عن اذنك هطر اقفل والتفاصيل ابعتها وتساب.
حازم… ريم ا… الوووو ينهارهااااا ازرق دي قفلت في وشي.
امير… خبر اي!
حازم… لا متاخدش قي بالك كله تحت السيطره ادها ريح وانا هعمل حاجه كدا وهنام اصل منمتش من امبارح.
امير…. حازم اني معارفش اتصرف كيف مع ابوك دلوك.!
حازم… بالله عليك تناااام علشان انا شويه وهتلقيني نعست وانت بتتكلم يلا يا نجم.
امير… بس اني مجيليش نوم دا احنا وش الصبحيه.
حازم.. امير حبيب اخوك الشقه واسعه الاكل في التلاجه والي انت عاايز تعمله اعمله سلااام بقي.
امير… طيب.
امير فضل قاعد يقلب في الموبيل وأبتسم لما شاف صوره مع فرح والفريق ….. يارب انت العالم ايه الي في قلبي اجبرني وسهلها علي.
اما في بيت فرح…
كانت فرح قعده بتشرب قهوه في البلكونه وحطه الهاند فري بتسمع عزف امير….
عبدلله بكلم امه وهو بياكل سندوتش…. هي بنتك مالها هاديه ليه كدا مشبتسير الشغب او بتكسرلها طبقين وهي بتخترع طريقه جديده لغسل الموعين بطريقه امنه انا شاكك في البت دي.
احسان وهي بتلم صحون الفطار…. والله ما انا عرفه اتشقلب حالها وبقت عاقله! يكونش حد عمللها عمل.
عبدلله… هو في حد بتقرفه غيرنا يا ماما.
احسان… والله معاك حق بس اهو احسن من الاول برضو يلا بقي روح الشغل لتتأخر.
عبدلله اتسحب ودخل ضرب فرح بلأفا وطلع يجري.
فرح بصت بغيظ…. لو سمحت اتلم بقي انت مش عيل اي الحركات دي.
عبدلله… ينهااارك ازرق انتي بتقوليلي لو سمحت انتييي ازاي بتحترميني كدااا اماااه الحقي بنتك بتحترمني.
فرح رجعت تشرب القهوه ولا اكن حاجه حصلت….
عبدلله اتعصب… ايييي دا بقي اناااا عايز فرررح القديمه فرح الجديده مش عجباني.
احسان… امشي يا ابن المجنونه علي الشغل هتتاخر.
عبدلله اخد الشنطه عيب يا امي تشتمي نفسك.
احسان… عبدلـــــــــلــــــــه.
عبدلله نزل بسرعه ومشي….
احسان دخلت البلكونه تلم الهدوم والباب كان بيخبك… قومي يا فرح شوفي مين.
فرح… حاضر.
فرح خرجت وفتحت الباب… ريم اي الي جابك.
ريم بتكلم نفسها… اهدييي يا بت كله فدا الامتياز… احمم جيت اعتذر ونعقد صفقه سلام ما بنا.
فرح.. هو حد خابطك علي نفوخك يا ريم.
ريم… هدني واقفه علي الباب كدا الايس كريم الي انا جيبهولك هيسيح.
فرح… دااا بطعم الاناناس ومش بحبه.
ريم… ما انا عارفه علشان كدا جبته هااا هدخل ولا هدني واقفه.
فرح… لا دنك واقفه.
فرح سدت الباب في وشها…
ريم… اه يااا بنت ال…. اوووف..
فرح كانت هتقعد الباب خبط تاني وراحت تفتح…. نعممممم.
ريم… علي فكره انتي بتسدي الباب في وشي بطريقه مش كويسه وانا ممكن ادوسك بقونينييي علي فكره.
فرح.. صح معاكي حق.
راحت فرح سده الباب في وشها تاني… اتمني بقي المره دي تكون كويسه.
ريم… فراااااح بقيييي كداااا يا مرات عمااااي افتحيلي الباااب.
بعد دقايق كانت ريم بتاكل الايس كريم في البلكونه وقعده مع فرح الي هو كيد النساء وكدا…
ريم…. تعرفي يا فرح انا جايه ليه…
فرح… استغفر الله العظيم يا رب.
ريم… مش علشان مصلحه ولا علشان بتخيل اني مسكه ايد المقشه ونزله فيكي تنفيض مثلا.
فرح… لا إله ألا الله.
ريم… والا مثلا علشان انكد عليكي ابسلولتي.
فرح… استغفرر الله العظيم.
ريم…اي يا اختي ماالك! هو انا جايه افكرك بالاذكااار ولا اي.
فرح… بقولك اي هاتي اخرك ولخصي جايه لي!
ريم…. شفتك كدا متغيره والكل شاكك فيكي قولت اجي اقعد معاكي لو حبه تفضفضي واهو نتصالح بالمره.
فرح… لا يا سفيره النوايه الحسنه متشكره اتفضلي.
ريم… انتي بتطرديني.
فرح… ياااه اخيراً حسيتي اني بطردك.
ريم… انتي مفكره همشي تؤ تؤ تؤ دا بيت عمي وقعده علي قلبك ومش همشي غير لما نتصالح.
فرح…. اووووف ريم انا مش طايقه نفسي.
ريم… لي ما الدنيا ربيع والجو بديع ولا يكش بس انا الي طبقه علي نفسك.
فرح… اه والله كلك نظر.
ريم… ها بقي مالك.
فرح…. مش هريحك.
ريم… حلو انا كدا كدا مش ورايه حاجه وقعده علي قلبك… يااا مرات عمي ايس كوفي الي يا رب اشوفك عروسه.
فرح… يااالهوي.
عدت خمس ساعات وكان حازم فاق علي صوت عزف امير خىج من الاوضه وشاف امير قاعد في الصالون …. صباح الخير يا نجم.
امير… قصدك مساء الخير بقي…
حازم.. جعان.
امير… كلك نظر يعني.
حازم… هأكلك احلا سندوتش جبنا بالخياار مشدقته في حياتك.
امير… فيه فول!
حازم… في علبه جوه بقالها شهر بيني وبينك مبعرفش اعمله!
امير.. وانت منويتش تتجوز!
حازم… بيني وبينك الستات دول عايزه الدماغ الريقه وانا اصلا مش بطيق المنهده وخلقي اديق من خرم الابره ومكبر دماغي.
امير دخل معاه المطبخ وبدا يعمل الفول… محبتش يعني.
حازم.. يا امير انا فاضي احب الحاجه المؤنثه في حياتي هي الكلبشات هههه.
امير… حازم هتكلم ابوك امتي!
حازم…. اهدي كدا هو زمانه بيخلص شغل ساعه كدا وهرن عليه.
امير… هتعرف تتصرف.
حازم… عيب عليك تقول كدا.
امير…. ما اني خابر انه بيحبك اكتر مني وهيسمع كلامك.
حازم.. والله يا امير بابا بيحبك بس هو حوار العزف دا مركب دماغ ابوك العفريت وانت كمان رايح تعمل شغل في المخزن دا عمل زي انك طفيت سجاره علي جردل بنزين.
امير… يعني هتكلمه.
حازم.. ركز بس مع فرح وملكش دعوه بحوار ابوك سيبه عليا.
امير…. اول مره احس اني خايف مش لاقي حد اتسند عليه.
حازم… دا علي اساس اني طفايه اخزانك مثلا.
امير… مقصدش بس انت مش فاهمني.
حازم…. الله ريحه الفول حلوه استني ادوق.
حازم قعد ياكل فيه وامير شاركو الاكل وبعد ما خلصو امير مسك علبه الفول.. حلوه قوي علب الفول دي ابقي ه… ينهار ازرق.
حازم.. اي!
امير… ده منتي الصلاحيه ده يبقي فاسد
حازم… مش تقلق معدتنا هتربيه متخدش في بالك.
في بيت فرح….
فرح نيمه علي السرير ومغطيه وشها بالمخده وريم قعده جمبها علي السرير….
ريم… يقوم بقي الظابط يجري وراااه جامد ولسعه قفاااا طرقع ولا تقوليش قفا سراميك… فرررح انتي نمتي اصحييييي.
فرح اتعصبت جامد…. اطلعيييييييي برااااااه براااااااااااااه.
ريم… انا ليه حسه انك متعصبه سيكا!
ريم سحبت الموبيل بخفه ودخلته في جبها…. خلاااص هطلع نامي بقي ولا اكن حصل ايي حاجه.
ريم خرجت بسرعه… ياااا ساتر اي الاشكال دي عيله ترفع الضغط وتجيب المرض ارحمنااا يا رب.
ريم طلعت تجري علي السطح…. اخرتها بقيت حرميه موبيلات.
ريم فتحت الموبيل وقعده تقلب فيه… هاااهاااي الله عليكي يا ريم لما دماغك بتشتغل اممم ندخل بقي علي المذكرات ونشوف كتبا اي!
ريم قعدت تقرا شويه تضحك وشويه تعيط…. هي البت دي وهي بتكتب كانت شربا كحول مضروب ولا اي ما تستقر علي حاله..
فرح من وراها…..دا انااا الي هشرب من دمك.
ريم اتصدمت…. فرح والله انا نيتي حسنه.
فرح… اخدت الموبيل بسرعه… حسنه دي تبقي بياعت الخضار يا روح مرات عمي انطقي اي الي خلاكي تعملي كدا.
ريم…. علي فكره انتي فهماني غلط انا كنت بس بطمن علي الموبيل ليكون في حاجه كدا ولا كدا.
فرح…. لقيتيه سخن ولا عنده دور برد يااا عنيه!
ريم… لا مغص قرص انتينال وهيبقي زي الفل.
فرح… اممممم طيب انا هعديها المره دي بما يرضي الله و بمزاجي المره الجايه هتعامل بطريقه تخليكي تنسي اسمك.
ريم… وليه بس الدخله دي خلااص يا ستي وسعي كدااا عالم تسد النفس.
فرح… من بعض مااا عندكم.
فرح نزلت وريم اتأكدت انها مشيت واتصلت علي حازم…. الوووو.
حازم وكان بيشتغل علي الاب….. هااااا وصلتي لحاجه تطرب الاذن.
ريم…. دا لحن المره دي هيعجبك اوييي.
حازم… طيب قسمي وسمعيني.
كانت فرح لبسه لبس كله اسود في اسود….
احسان… يا حول الله تعزي في مين.
فرح… لا انا خارجه اشم هوا.
احسنا…. علي اساس هنا بتشمي بدره!
فرح… يا ماما مخنوقه وعايزه اتمشي.
احسان… غيري لاسود دا.
فرح.. هجبلك معايه عيش.
احسان… اذا كان كدا روحي.
فرح خرجت وراحت تتمشي علي الكورنيش موبيلها رن…. اي دا امير!!… احمم الو ازيك يا امير.
امير… اخبارك ايه.
فرح… لا انا زي الفل والدنيا جميله اوي.
امير… مبسوطه.
فرح… ياااه دا انا الانبساط واخدني بالحضن وبتفرج علي فيلم اكشن جامد والفشار بقي الجو جامد جموده.
امير… اول مره اعرف انك كدابه.
فرح.. انت بتقول ايي بس ا….
امير…. بس متكمليش كدب كفايه.
فرح…. امير هو في ايه!
امير… في اني فاكرك مبتخافيش وقد كلامك الي بتقوليه.
فرح… علي اساس اني طلعت اقصر منه هههه بطل بقي يا امير وقولي انت اخبارك اي.
امير… اخباري هه اخباري متفتحش النفس وانتي مبسوطه كمان دلوقتي.
فرح… اوعي يكون حصل حاجه في التصوير.
امير… لاه ما هو مبقاش فيه تصوير من اساسه كله راح لما بعدتي عني
فرح… راح ازاي بس!
امير… عايز اسالك سؤال اكده بس اتجوبيني يا فرح.
فرح… قول!
امير… انتي مرتاحه وانتي بعيد عني.
فرح سكتت….
امير… ايه السؤال معجبكيش!
فرح…. لاء بس هو سؤال غريب شويه حسه ان وراه حاجه!
امير…. قولي الي حساه عايز اعرفه.
فرح… المشكله ان في حجات نفسنا نعرفها بس للاسف هي مينفعش حتي لسنا ينطقها.
امير…. هو السؤال صعب قوي اكده.
فرح… طيب قول سؤال تاني وانا هعوض فيه.
امير… بتحبيني يا فرح.؟!
فرح وقفت مصدومه من السؤال وهنا امير جه من وراها ووقف قدامعا وهنا فرح حست ان الكون كله وقف والدم هرب من عروقها…
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية بين برجل ونبوت الصعيد)
