رواية بنت يتيمة الفصل السادس 6 بقلم مرام

رواية بنت يتيمة الجزء السادس

رواية بنت يتيمة البارت السادس

رواية بنت يتيمة الحلقة السادسة

نتصفح ع تيك توك فيديو وراء فيديو جي فيديو قدامي لي شخص لقنه سمح بكل اول مره بعد عبدو نحط عيني ع شخص هكي بجد معنه من كلمه حب من نضره اوله هيا هادي لمهم قعدت انشوف في فيديو ممكن خمسه مرات نعاود فيه درتله متابعه وخلاص ما فكرت نخشله خاص ولا نبعتله رساله مشي يوم مشي اسبوع واكتر وانا نتفرج ع تيك توك لقيته فاتح بث مباشر خشيت نتفرج ع بث متعه
انا. سلام عليكم
كل. وعليكم سلام
انا. كيف حالك عمو
علي. حمد الله بنوتي كيف حالك انتي
طبعا اول مره نخشله وهوا اسمه علي مصراتي من مصراته لكن من ساكن مدينه تانيه مش مصراته بجد من اول ما خشيت لي بث احترام وتقدير وحتي كلامه معي سمح حسيت فيه حنيه بجد تعلقت بيه من اول مره وكلمه بنوتي هادي الله لما سمعتها رجعتني لي ماضي لما بابا يقولي فيها
انا. دوم والله حمد الله
علي. شنو اسمك ولا بنقولك ابنيت مصراته
انا. اسمي عيب نقوله في بث 😂😂
علي. بلهي عليك شيخه مشاء الله عليك
انا. اي اكيده 😂😂
علي. وربي انتي ماليك حل بكل 😂
جنيه. هي انتي لي اسمك ابنيت مصراته شنو عجبك جو معه خلي راجل في حاله وانتي تدحنسي عليه
انا. لما ندحنس ع خوك تكلمي وبعدين انا نهدرز في بث عادي انتي شن واجعك في موضوع
نجميه. ماهو يا ابنيت مصراته جنيه وعلي يحبو بعض
علي. غير شنو تقولي انتي وهيا خلو بنت في حالها جايه جديده ع بث لبستوها وانا مش حبيب حد ولا انحب حد وكان ع جنيه نحن اصدقاء بس
يعني بعد كلام هدا قدام ناس انه هوا ما يحبها خلاص صح مشيت عادي وطلعت من بث وانا نزل في في فيديوهات ونصمم في فيديوهات ونحب نصمم ونزل هوا رد متابعه ليا وقعد ايشوف في فيديوهاتي ويتفاعل في يوم فتح بث وانا في عزاء متع عمي يومها في عزاء نازل عليا ضحك بس عمتي قتلي عدي لي دار وجهك معش انشوفه حشمتيني من ضحك خشيت نكسد معاهم في بث قالي نوتي بنوتي طبعا من يومها يقولي فيها لكن ما عمري بعتله رساله ولا هوا هكي طبعا من قالي نورتي بنوتي لي اسمها جنيه بتموت من غيره
علي. كيف حالك بنوتي يعني انا منعرف اسمك بنقولك هكي وخلاص
انا. عادي سمحه منك بجد
علي. وين شن ديري ولا كساد بس
انا. والله مكسده في دار عندي عزاء وعمتي لازتني في دار 😂
علي. عزاء منو 🤔
انا. عزاء عمي
كل. الله يرحمه ويغفرله ويسامحه
انا. الله يسلمكم
علي. وليش عمتك قتلك عدي لي دار
انا. ماهو لي جاني جاني ع ضحك مش قادره نمسك روحي 😂😂😂
علي غبر فيك تضحكي في عزاء
انا. الله غالب ما قدرت نمسك روحي 😂
علي. دوم ضحكه يا حنه
جنيه. وانتي معندك اهل يربوك
انا. جيبيهم توا نخليهم يربوني وبعدين خليتها ليك ولي اهلك تربايه
علي. هي هي جنيه اسكتي بنت شوري ديري بالك تغلطي معها تحملي ما يجيك مني بعدها
جنيه. توا توقف مع بنت عمرك ما عرفتها وانا تقولي هكي
علي. اي لنه بنت ما غلطت معاك أما انتي طول غلطي فيها وبعدها شن دخل اهلها ف الموضوع وبنت محترمه من اول ما جت ع بث انتي لي غلطي فيها
انا. علي عادي نرقا معاك قست شويا
علي. عادي ابعتي توا نرقيك
انا بعت قست وطلعت لي جنان في حوش عمي طبعا عزاء وداخل زحمه طلعت جنان خلفي في ولاد عمتي زوز موليد 2006 يلعبو في ببجي جيت جيه تانيه رقيت قست وقعدنا نهدرزو
علي. هدا صوتك هكي ولا تدلعي
انا. اي صوتي وليش مندلع معندي جو هدا
جنيه واضح عليها دلع شكله متع دحنسه
انا بعد سمعت كلامها فصلت عليها علي يضحك ويقولي خلاص كافي بنت معش عندها شن تقول من كلامي طلعت هيا من بث وبعدها هدرزت شويا لنه تلفوني بيفصل شحن نزلت وصكرت تلفوني ودرته في شاحن بعدها في ليل جو ساعه 2 لقيته بعتلي ع تيك توك سلام عليكم توا فيديوهات لي في صفحتك انتي تصممي فيهم ولا رديت عليه
انا. وعليكم سلام اي انا نصمم فيهم بس اسفا كان تلفوني مصكر هدا وين فتحت نت
علي. لا عادي حتي انا كيف صكرت بث وجيت بنرقد انتي بعتي ليا باهي مدام انتي تصممي فيهم عادي تصممي ليا لو مافي احراج
انا. عادي تفضل في اي وقت
علي. بس تيك توك ما يبعت لا صور ولا فيديو
انا. اي صح كيف حل
علي. عندك فيس
انا. اي عندي
علي. خلاص نعطيك اسم حسابي ابعتيلي طلب ع فيس
انا. تمام ع طول
علي. اسم حسابي &&&&&&&
انا. تم هي دقايق ونبعتلك وانا اسم حسابي &&&&&&
علي. تم وصحيتي وتاخدي عليهم في فلوس ولا
انا. عيب عليك مجرد فيديو هوا ليش فلوس
علي. والله بنت اصل
انا تسلم كلك دوق
علي. ولو
مشيت بعتلك طلب ع فيس وبعتلي صور وصممتله فيديو وقعد مره مره يبعتلي في صور ويقولي صمملي فيديو لن تلفونه تعبه صور ليه وهوا يكلم في جنيه هادي جنيه يكون اسمها حقيقي عائشة من مدينه ترهونه لكن سكان طرابلس موليد 2003 كان تعشق علي تموت ع حاجه اسمها علي كل شي علي علي لما خشيت انا ع بث علي وقعد علي اغلب وقته معي ومرات يقولي كان فاضيه اتصلي بيا ونتصل بيه ولما نخش لي بث متعه نلقاء اهتمام منه خشتلي نجميه خاص ع تيك توك وتهدرز معي وكأنه صاحبتي وبعدين جت بنت تانيه اسمها ابرار نفس شي ع اساس صحبات ضفتهم ع انستا ونهدرزو في مكالمه مره مع نجميه ومره مع ابرار لكن ما كنت نحسابهم صحاب جنيه اتصلت بيا ابرار 🤳🤳🤳🤳
أنا. الو
ابرار. حبي شن جوك
انا. حمد الله شن جوك انتي
ابرار. حمد الله بعد سمع صوتك
انا. دوم
ابرار. سمعتي بي جنيه وعلي
انا. لا ليش
ابرار. مش علي يحب جنيه
انا. باهي وانا شن دخلي فيهم
طبعا لما قتلي هكي نار شاطت فيا وعصبت عليها وهيا بعتتها جنيه باش تقولي هكي عصبت عليها وصكرت مكالمه وصكرت نت ومنعرف ليش تعصب وقعد جوي هكي وعلي فاتو يومين ما بعتله بكل ولا دورته انشغل وفتح بث جو اسبوع مصكر لا فتحت نت ولا جيت شوره هوا ما عنده رقمي سأل في بث قالهم من يكلم في مرام ولا عندها رقمها غريبه مش من عاداتها نفتح بث وما تجي
نجميه. مرام مصكره نت من اسبوع مش عرفا ليش
جنيه. وانته ليش مشغول عليها تصكر نت ولا تنحرق
ابرار. في مره هدرزت انا وهيا عصبت عليا وصكرت خط ومن يومها مصكره نت
علي. وانتي شن قتيلها عشان تصكر نت وتتعصب
ابرار. كلام بنات عادي هوا قصدي منقدر نقولك
جنيه بلكي قتيلها انك تبي علي ولا كلام ع علي هدا ليش عصبت وصكرت وصكرت نت بلكي غارت منك
ابرار. لالا
علي. شنو تقولو انتم زوز وشن قلتو لي بنت وربي لو نعرف في كلام من هدا تحملو ما يجيكم
هما يتكلم فتحت نت انا لقيت رساله من علي وكاتب فيها وينك انشلغت عليك خشيت لقيته فاتح بث بعتله رساله ع خاص قتله كنت مضايقه شويا صكرت نت باش نرتاح هدا ليش
هوا مجرد ما قري رساله صكر بث واتصل بيا ع ماسنجر قعد يسأل فيا شن قتلك ابرار ومن كلام هدا
انا. وانته شن عرفك انه ابرار قتلي حاجه
علي. هيا قتلي قلت لي مرام عصبت مني غير لما بعتيلي انتي صكرت بث وجيتك
انا. يعني كانت ابرار بتقولك لي قتلي عليه
علي بي كدب .اي كانت بتقول بس نبي نسمع منك انتي
انا حكيتله كلام كله لي صار قعد يقولي وربي ما انحبها ولا عمري حسيت بي حاجه ونحكي معها ك اصدقاء بس وربي هما يديرو هكي باش ايشوفو تحكي معي ولا بس معش ديري هكي لما يقولولك حاجه تعالي طول قوليلي بس وانا نقولك شن تردي عليهم معش تصكري نت وتبعدي
انا. بس انته شن عرفك انه هما يبو هكي
علي. انا نعرفهم اكتر منك ونعرفهم لا وين يبو يوصلو
انا. باهي انا شن دخلي باش يقولو هكي ويعصبوني تبي تحبها ولا شن دخلي انا
علي. مدوريهمش وربي انا منحب ولا بنت بكل كان نحب وربي منحكي مع غيرها لنه بنت لي انحبها انصونها انا راجل مش عيل باش انشوف غيرها لي انحبها نكتفي بيها
بعد كلامه هدا كبر في عيني بجد ولي زاد فرحني كيف قعد بحكيلي في كل شي ويبرر ويبعتلي في اسكرينات عشان نصدق حسيت بيه وقع في حب كيف يبرر وبجد قلبي بيطير من فرحه وكيف هوا يحلف ونبرت صوته لما يحلف ويبرر بجد حبيته وقعدنا كل مره نزيدو في مكالمات ومحدثات هوا كل مره ينقص متابعين قعدو خواته بنات وخوه ولد عمته وانا وجنيه جي شهر رمضان هوا معي مقصر معي في حاجه في رمضان من ساعه 3 لا ساعه 12 ضهر وبعدها نرقدو ونخلو مكالمه مفتوح لي ينوض يصكر مكالمه وهدا كله مافي حد اعترف بي حبه لي تاني هوا كان حد كلمني منحكيلك كيف يتعصب ويزعل مني ويتصل بيا مش هاين عليه يرقد وما يكلمني يتصل بيا نرد عليه ويقعد طول مكالمه ساكت وانا نتوتر معش نعرف شن نحكي نقعد نعصب فيه لن يحكي يقولي انا ما نحكي نقعد ساكت باش ما نزعلك بي كلامي لنه نعرف كلامي انتي بدات منبي نزعلك بي كلامي لنه نموت ولا نزعلك وانا نسمع في كلامه ونضحك
انا. وليش متعصب هكي انته هوا فرخ انا مش مدوراته بكل
علي. قولي وحق ربي لا انتي وقت تجي بنت شوري تقعدي تبكي وتزعلي مني اما انا ان شاء الله ننحرق واصلن شن دخلي بيك وليش نغار عليك خودي راحتك لي تعرفيه يصلح بيك ديره
انا. غبر فيك يا علي كنك تزعل بسرعه والله موضوع مش مستاهل
علي. 😡😡😡😡
انا 🥲🥲🥲🥲
جنيه 😏😏😏