رواية بريئه غيرت حياتي الفصل الرابع 4 بقلم مارينا عبود
رواية بريئه غيرت حياتي الجزء الرابع
رواية بريئه غيرت حياتي البارت الرابع
رواية بريئه غيرت حياتي الحلقة الرابعة
-يا بنت المجانين اهدى
ريان مسك ايدها وزقها من عليه وهو بيبصلها بغضب:
– أنتِ اتجننتى ايه الهبل ده؟
قامت وزقته باند*فاع:
– يعنى عاوزنى اتفرج عليك وأنتَ بتحاول تقر*ب منى
ضر*ب كف بكف وبصلها بيأس:
– الله يخرب بيت جنانكِ أنتِ اكيد مش طبيعيه
بصتله بغضب:
– انا عاوزه امشى من هنااا ودلوقتى
ابتسم بسخريه:
– انسى مفيش خروج من هنااا أنتِ خلاص وقعتى معايا واوعى بقاا من وشى علشان بوظتيلى اليوم كله
زقها واخد هدوم من الدولاب ودخل ياخد شاور
ودقايق وطلع وهو بيبصلها بتحذير:
– انا رايح الشركه أياكِ تفكرى تطلعى من هناا هيكون فى حرس على الباب وشويه وهخليهم يطلعولكِ الأكل ومش عاوز مشاكل
مردتش عليه ولفت وشها الناحيه التأنيه
بصلها بسخريه واخد الجاكت بتاعه وطلع وبمجرد ما قفل الباب حطت وشها فى المخده وفضلت تعيط وهى مقهوره واحساس الوحده بيق*تلها
وكل تفكيرها انه لو كان عندها اهل مكانتش زمانه فى الوضع ده وكانت لقت حد يدافع عنها
اما ريان فا طلع من الفندق وطلب من الحارس بتاعه يجبله كل المعلومات عن نازلى
كان قاعد فى مكتبه وهو مرجع رأسه لوراء وبيفكر فيها….ازاى بدرت بسهوله كده تخطف قلبه
ازاى مقدرش يعاقبها على رفضها ليه رغم انه مفيش حد فى يوم قدر يرفضله طلب
ملامح وشها مش بتفارق ذاكرته، عيونها السماوى وضحكتها إللى خطفت قلبه من اول يوم شافها فيه…
قاطع تفكيره رزع الباب وصوت صديقه
– أنتَ عملت فى البنت ايه يا ريان
اردف ببرود وهو مازال على وضعه:
– ولا أى حاجه اهى موجوده فى الجناح
وبعدين أنتَ مضايق عليها كده ليه أنتَ مالك ومالها؟
كريم خبط بايده على المكتب وهو بيبصله بغضب:
– ريان متنساش انه نازلى كانت من افضل الموظفين عندنا فى الشركه وانه كلنا بنحترمها انا معرفش أنتَ ليه مصمم تأذ*يها
ريان عدل نفسه وبصلها بهدوء:
– بس انا معملتلهاش حاجه يا كريم وبالله عليك بلاش صداع علشان انا مش ناقص
الباب خبط والسكرتيره دخلت:
– مستر تميم جدك حاول كتيررر يكلمك وتليفونك مقفول وهو طلب منى ابلغك انه تكلمه بسرعه
هز رأسه وشاورلها تطلع
السكرتيره طلعت والحارس دخل
– يا فندم انا جبتلك كل المعلومات إللى أنت طلبتها
ريان بهدوء:
– كريم روح أنتَ على شغلك ولما ييجى عمرو اعملوا انتوا الاتنين الاجتماع مكانى لانى عندى مشوار مهم
كريم هز رأسه بهدوء وطلع على مكتبه
ريان شاور للحارس يتكلم
– يا فندم البنت اسمها نازلى ولكن ده مش اسمها الحقيقى كل اللى قدرنا نعرفه عنها انها كانت عايشه فى ميتم ولما كبرت طلعت منه وبخصوص أهلها فا صاحبه الميتم فهمتها انه اهلها متوفيين وانه هى إللى سمتها نازلى غير كده مقدرناش نعرف منها اى حاجه تانى
ريان بهدوء:
– طيب عاوزك تراقبلى كل تحركات الست ديه مش عاوزه تغيب عن عينك ولو عرفت حاجه جديده تقولى علطول
– تميم يا فندم بعد اذنك
ريان شاورله يطلع ولبس جاكت بدلته وطلع علشان يرجع الفندق وهو ناوى على حاجه فى دماغه
ريان رجع الجناح بتاعه وكانت نازلى قاعده قدام الشاشه
ابتسم ووقف قدامها:
– نازلى جهزى نفسك علشان هاخدكِ على البيت عندى
قامت وبصتله بغضب:
– نعممم !
اتنهد:
هوديك تعيشى مع اهلى
ابتسمت بسخريه:
بصفتى ايه انشالله البنت إللى خا*طفها
ابتسم :
لا مراتى انا خلاص قررت فرحنا هيكون خلال يومين
وقفت قدامه وهى بتبصله بصدمه وثوانى وكان نز*ل قلم قوى على وشه
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية بريئه غيرت حياتي)
2 تعليقات