رواية بريئه غيرت حياتي الفصل التاسع 9 بقلم مارينا عبود
رواية بريئه غيرت حياتي الجزء التاسع
رواية بريئه غيرت حياتي البارت التاسع
رواية بريئه غيرت حياتي الحلقة التاسعة
نازلى بخبث: انا عاوزه اروح معاك
ريان بغضب :نعممممم ياختى
اردفت ببراءة: انا مليش دعوة انا هروح معاكَ يعنى هروح وأنتَ عارف انى عنيده اووى ف متحاولش
ريان بصلها وضحك: ولله، وحضرتكِ بقاا عاوزه تروحى البار
نازلى بغيظ: لو أنتَ رايح ف هروح زيكَ
ريان بغضب: لا دنتِ اتجننتى خاالص ومبقاش فيكِ عقل، بار إيه إللى حضرتك عاوزه تروحيله
نازلى بخبث: يعنى اشمعنا أنتَ تروح وانا لا
ريان بغضب: نازلى اقفلى على الموضوع ومش عاوز اسمع صوتكِ خاالص
اردفت بهدوء: طيب انا عندى حل كويس
اتنهد: قولى ياختى
ابتسمت: تسهر معايا بدل صحابك
بصلها بصدمة: اسهر معاكِ ازاى يعنى؟
– عادى تخلص شغلك وترجع البيت تاخُدنى ونطلع نتعشاء فى اى مكان سوا
بصلها وابتسم لانه عارف انها بتعمل الحركات ديه كمحاولة منها انها تغيره وتخليه يبطل إللى بيعمله
اخد تنهيده طويله واخد قراره،
– طيب موافق هخلص شغل وارجع الاقيكِ جاهزه
سقفت بحماس، وفرحه ظهرت على ملامح وشها، هى بتحاول تغيره صحيح مش بتحبه ومفيش جواها مشاعر ليه لكن بتحاول تخليه يعرف الطريق الصحيح ويتغير للاحسن بصِتلهُ وهى بتتمنى من قلبها انها تقدر تغيره للافضل
وبعد وقت وصلوا البيت، بصلها وابتسم:
– انزلى وهخلص شغل وهرجع
بصتله وابتسمت: هستناك متتاخرش
ابتسم وهز رأسه بهدوء
نزلت من العربيه ودخلت البيت وهو فضل متابع طيفها لحد ما دخلت، بقاا مستغرب نفسه، بدأ يسوق وهو جواه أسئله كتيرر بدور فى دماغة
ليه بيضعف قدامها؟ وليه مش بيقدر يرفضلها طلب؟
طيب معقولة يكون حبها؟ بس هو مش بيؤمن بالحب وبيشوفه ضعف، معقولة نازلى تهز كيانه وتقدر تغير حياته
اخد تنهيده طويله يحاول يهدى نفسه والصراعات إللى بتدور فى عقلة
وصل الشركه ودخل مكتبه، قعد على الكرسى بتاعه ورجع بضهره لوراء وهو بيفكر فيها
بدر ويزن وعمرو دخلوا واول ما شافوا شارد بصوا لبعض وابتسموا بخبث
بدر بسخرية : ايه يا عم العاشق مش تقولنا انك خطبت وهتتجوز
ريان بتنهيدة: الموضوع حصل فى يومين وملحقتش اقولكم
عمرو بضحك: لا بس شكلها البنت اخدت عقلك يا ريان باشا
ريان بغضب: عمرو انا مش ناقصك
بدر بهدوء : طيب خلاص اهدأ أنت دائماً متعصب كده
زفر بضيق وبدأ يشوف الورق إللى قدامه د
بدر بخبث : صحيح يا ريان هتيجى تسهر معانا النهاردة زى كل يوم
اردف ببرود وبدون ما يرفع عينه من على الورق : لا عندى مشوار مهم لازم اخلصه
يزن بخبث : طيب ما تقولنا ايه المشوار ده
ريان فهم قصدهم وقفل الملفات إللى قدامه واتنهد :
– مفيش اى حاجه من إللى فى دماغكم هتحصل جوازى من نازلى بس علشان اعلمها درس متنسهوش، واثبتلها انه محدش يقدر يمنع ريان دويدار من انه ياخد إللى عاوزه هى صحيح رفضتنى بس شوفوا فى النهاية هتبقى مراتى وبصراحه الموضوع ده فى صالحى اول حاجه جدى هيبطل يفتح معايا موضوع الجواز مره تانى
وتانى حاجه اتسله شويه وقت ما انا عايز
يزن وعمرو بصوا لبعض بيأس منه اما بدر فضل واقف بيبصله بسخرية لانه عارف صديقه لما بيكدب بيبان عليه
ريان بغيظ:مالك يا بدر بتبصلى كده ليه
بدر بسخرية : مفيش حاجه عاجبنى كلامك
ريان اتنهد واخدهم وطلع علشان الاجتماع
____________________
نازلى رجعت البيت وقالت لجدها كل إللى حصل
منير بصلها بفخر : برافوا عليكِ أنتِ عندكِ حق علشان نقدر نغيره لازم نبعده عن صحابه إللى مش كويسين اطلعى دلوقتى ارتاحى وساعة كده وجهزى نفسكِ وروحى معاه وخلى بالكِ انه خلال اليومين الجايين هيتعمل فرحكُم والموضوع هيبقااا صعب شويه
ابتسمت: متقلقش يا جدى انا هظبط كل حاجه
ابتسم : ماشى يا بنتى اطلعى أوضتكِ دلوقتى
– حاضر
____________________
نازلى طلعت اوضتها وبدأت تجهز نفسها وبعد وقت كانت واقفه فى الجنينه مستنياه
ريان رجع البيت بعد يوم متعب وهو داخل لمحها واقفه وقف متنح شوية من جمالها
قرب منها وابتسم: دنتِ جاهزة بقاا
ضحكت: اه يلاه بينااا
– طيب على الاقل اروح اغير هدومى
مسكت فى دراعه واخدته وطلعت: لا حلو اللبس ده بس يلاه
ابتسم واخدها ودخلوا وطلعوا وبعد ساعة وصلوا كافية بسيط من اختيارها وهو داخل قربت منه بنت وحضنته
– ريان حبيبى وحشتنى اووى
نازلى فتحت بؤقها بصدمة ووو….
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية بريئه غيرت حياتي)
تعليق واحد