رواية انتقام جارح الفصل الرابع 4 بقلم أميرة محمد

رواية انتقام جارح الجزء الرابع

رواية انتقام جارح البارت الرابع

رواية انتقام جارح الحلقة الرابعة

انتقام جارح “الجزء الرابع”
اولا انا اسفه للتاخير ده بس والله امتحانات ادعولى وهحاول انتظم كل يوم
نبدأ
ريان بعصبيه : انتي ازاى تيجي هنا اطلعي بره
فرح: انت ازاى تكلم امك كده
ريان: انا امي ماتت من زمان ومعرفكيش
خالد: ريان
ريان سابهم وخرج اخد العربيه وساق بأعلى سرعه
اسر: خالد الحق اخوك قبل ما يحصله حاجه
خالد جري ورا ريان بالعربيه
اسر : نعم يا فرح هانم جايه ليه
فرح: جايه بيتي
اسر: وده مش بيتك.. هو في اي هو هههه الى اتجوزتيه طردك ولا اتجوز عليكي
فرح : اسر الزم حدودك انا امك
اسر: وانا امي ماتت من ساعت ما سابتنا وراحت لغيرنا عشان الفلوس
فرح : يعني بتطردني
اسر: هتقعدي هنا زيك زي اي حد ومتخرجيش من اوضتك طول ما ريان هنا لانه بصراحه مبقاش يطيق المكان الى انتي فيه
اسر سابهم وراح الشركه
قعدت فرح وحطت ايده على جبينها بخيبه امل
قربت منها اسيل بعد ما الكل مشي ومكنش في حد غير اسيل وفرح
اسيل: انتي كويسه يا طنط
فرح: لا مش كويسه خالص
اسيل بهدوء وابتسامه : معلش هما بردو مش هيتقبلوكي بعد الى حصل انتي عارفه ان غصب عنهم
فرح : طب اعمل ايه انا بحبهم وعمري ما كرهت حد فيهم بس الفلوس اغرتني وانا دلوقتي راجعه ندمانه
اسيل: هقولك تعملى ايه بس عايزين وقت
فرح وهي بتمسح دموعها: بجد يعني فيه امل
اسيل : دول اولادك انا متاكده ان ولا واحد فيهم بيكرهك دول بيمثلوا مش اكتر
فرح : والله يابنتي كلامك ريحني صحيح انتي مين واسمك ايه اول مره اشوفك
اسيل: احم انا اسيل ابقي مرات اسر
فرح: ايه هو اسر اتجوز للدرجادي حتي فرحه معزمنيش
اسيل: لا لا ده الموضوع جه بسرعه وكمان معملناش فرح ولا حاجه
فرح: على قد زعلي على اولادي على قد فرحتني ان ابني اتجوزك
اسيل: طب تعالى مش عاوزه تشوفي مرات ريان
فرح: وكمان ريان .. هو اتجوز مين
اسيل: اتجوز ريم اختي التوأم
فرح : طب عرفيني عليها
قبل ما يمشوا جات سما
سما: ازيك يا مرات عمي
فرح: اهلا
سما قعدت جمبها: كنت عاوزاكي في موضوع
فرح : اتكلمي
سما: لوحدنا
اسيل : همشي انا سلام
فرح: استني يا اسيل انا جايه معاكي اشوف ريم مرات ابني وانتي يا سما استني لما اخلص
ومشيت مع اسيل
سما بحقد: والله لأوريكي يابت الخدامين
________________________________________________
في كافيه عالنيل
_ متهدي بقا الله يخربيتك
ريان: غور من وشي يا خالد انا مش عاوز اشوف حد
خالد: يا ريان بطل دي امك ياخي
ريان : انا امي ماتت من ساعت ما ابويا مات
خالد: بس يا ريان انا متاكد انها راجعه ندمانه
ريان بعصبيه: دي كدابه رجعت بس عشان جوزها سابها ولما ملقتش فلوس قالت اروح اضحك على عيالي ما هما مفيش اهبل منهم
خالد : متظلمهاش
ريان : هي الى ظلمتنا من لما سابتنا ومشيت
اسر دخل : هتفضل تنفخ وتزعق كده كتير
ريان: ملكش دعوه
اسر: انا يتقلي ملكش دعوه
ريان: سوبوني بقا انتو الاتنين مش كنتو عايزين تطمنو اطمنو بقا
اسر: انت غبي ياض
خالد: ياض؟ مش عارف لي حاسس اني انا عقلت واسر اتهبل
اسر مسكو من ودنو : انا اتهبلت
خالد: ودني يعم
ريان: بااس الله يخربيت كدا
اسر: يلا نروح
ريان : روحو انتو
اسر: عليا الطلاق هنروح كلنا
خالد : يلا يا ريان عايزو يطلق البت الى لسه متجوزها
ريان: ما انا وانتا عارفين الى فيها وبصراحه كل ما ابص في خلقتك يا اسر افتكر والبنت بتصعب عليا مش ذنبها حاجه
اسر: طب بقولكم ايه اقفلو الموضوع ويلا
خالد : مبلاش يا اسر مينفعش كدا
اسر: انا قلت خلاص
________________________________________________
ريم : هههههه لا بجد طلعتي قمر اوي يا طنط والله
فرح: مبلاش طنط دي انتي وهي قولولي ماما انا مخلفتش بنات ف انتو بناتي
اسيل وريم : حاضر ي ماما ربنا يخليكي لينا
ريم: هي خلود اتاخرت ليه يلا عايزين نخطط
اسيل :بس يا مصيبه بتحسسيني اننا عصابه
ريم : هههههه محنا كدا فعلا
خلود دخلت: بخ
فرح في نفسها: لخالد ان شاء الله
خلود: ها يلا نبدا نخطط وننفذ
فرح: ههههه يلا نكون عصابتنا
اسيل: حتا انتي يماما
وبدأو يتكلمو
اسيل: ابداااا مستحييييل بتحلمو
ريم: بطلي بقا يا اسيل والله تبقي بارده لو موافقتيش
اسيل: يجدعان افهموا والله جوازي من اسر مش حقيقي
فرح : نعم ؟؟ وانتي يا ريم
ريم باحراج: احم لأ حقيقي
فرح: اسيل مينفعش كده يا حبيبتي ده جوزك ايه عاوزاه يبص بره
اسيل: وانا مالى يبص بره ولا جوه براحته
فرح: يخيبتك ده جوزك يابت
اسيل: مش مهم مش مهم غيرو الخطه يلا
خلود: دا انتم فاضيين بقولكم ايه هي الخطه دي يعني دي ملناش فيه
اسيل بعياط : والله حراااام
ضحكوا عليها كلهم
________________________________________________
بالليل علي العشا كان قاعد على السفره هنا وسما واسر وريان وخالد واسيل وريم وخلود بعد ما سافر والد ووالده سما
اسيل: هروح انادي ماما
اسر: ماما ؟
اسيل: اه ماما فرح
وقامت والكل بيبصلها ، جت فرح وريم حضنتها وقالت
ريم: والله يماما الاكل ملهوش طعم من غيرك
فرح : ربنا يخليكي ليا يا رورو
خلود : كنتي فين يماما مجتيش من بدري ليه
فرح: كنت بشوف الاوضه الى هقعد فيها
اسيل : طيب يا حبيبتي كلي وبعدين هنساعدك
اكلو كلهم وهما في حاله صدمه
________________________________________________
في اوضه اسر
اسر: ايه الى حصل تحت ده
اسيل بغباء: ايه؟
اسر: متستعبطيش عليا
اسيل: ممكن.. .ا.. .. ا قصدي
اسر: هتفضلي تتهتهي كدا كتير
اسيل: ممكن تنزل وتطلع بعد عشر دقايق
اسر: نعم؟!
اسيل: ارجوك من غير استفسار
اسر : يعني اخرج من اوضتي وكمان من غير ماعرف ليه
اسيل: يلا بس
نزل اسر وبعدين عشر دقايق طلع فتح الباب واتصدم