رواية الم الرحيق الفصل السادس والعشرون 26 بقلم سمية عبدالسلام

رواية الم الرحيق البارت السادس والعشرون

رواية الم الرحيق الجزء السادس والعشرون

رواية الم الرحيق الحلقة السادسة والعشرون

في الحمام
نعمة الدموع في عنيها وهيا بتكلم الصورة_لو كنتي عايشة كان زماني بجهزك لعريسك دلوقتي ياقلب امك، وحشتيني اوي يا ياسمين.
رحيق خبطت على الباب ومحدش رد قلقت ففتحت الباب.
رحيق=اي ده انتي بتعيطي؟
نعمة وهيا بتمسح دموعها_لأ حاجة بس دخلت عيني.
“” “” “” “” “” “” “” “” “” “” “” “” “” “” “” “” “” “” “” “”
_مالك يابومبا؟
=مفيش يا تيمون دي حاجة دخلت عيني طرفت قلبي.
“” “” “” “” “” “” “” “” “” “” “” “” “” “” “” “” “” “” “” “”
رحيق=صورة مين دي؟
نعمة ببتسامة وهيا بتبص لصورة_صورة بنتي، ياسمين.
رحيق=ممكن اشوفها؟
نعمة ادتها الصورة.
رحيق ببتسامة كبيرة =الله جميلة اوي.
وبعدين ركزت في الصورة وقالت=اي ده؟ ده عيونها زي عيون ندى واحدة خضرة والتانية زرقة.
نعمة_مين ندى دي؟ انا مشفتهاش.
رحيق=ندى صحبتي كانت بتلف الخمار ونزلت دلوقت.
نعمة خدت الصورة وجريت علي برا.
~~~~~~~~~~~~~~~~~~~~~~~~
في الخارج
ابراهيم_مش 3 شهور قليل اوي علي كتب كتاب والفرح مع بعض؟
عمر_ولا قليل ولا حاجة وخير البر عاجله، وبعدين بص لندى ال كانت مكسوفة وفرحانة في نفس الوقت.
ابراهيم وهوا باصص لندى_وانا موافق.
نعمة خرجت ليهم برا واول ما شافت ندى قالت_ياسمين بنتي.
ندى_ياسمين مين؟ انا اسمي ندى.
نعمة_لأ انتي بنتي ياسمين.
وخدتها في حضنها.
مفيش حد كان فاهم حاجة واولهم رحيق صح تعرف ان عم ابراهيم ووردة مش اهل ندى الحقيقين بس اتفاجأت من تصرف نعمة.
الجد_في اي هيا المرا (الست) دي رجعت تخرف تاني؟
آدم وهوا باصص في الملف=لأ ياجدي ندى تبقا بنت الحجة نعمة.
الكل في صوت واحد_ايه؟
آدم =انتي ياحجة نعمة طلبتي مني اعرف بنتك عايشة ولا لأ عشان ترتاحي وانا عند كلمتي، لما شفت صورة بنتك لفت نظري لون عنيها، وبعدين لما حصل المشكلة في الكلية وعدسات ندى ال كانت مركباها وقعت، شفت لون عيونها الحقيقي.
واتأكدت لما سألت رحيق وقالت ان ندى عندها عين خضرة والتانية زرقة، وخليت رجالتي يجمعولي شوية معلومات عنها وعرفت ان ندى مش بنت عم ابراهيم، حاولت اربط المواضيع مع بعض وعشان اتأكد طلبت من رحيق تروح عند ندى وتجبلي عينة من شعرها وطلبت من الست نعمة برضو وعملت تحليل DNA
والنتيجة طلعت اهي والتطابق بنهم بنسبة ٪99،يعني ندى بنت الحجة نعمة.
ندى وهيا مصدومة_يعني ايه؟ يعني انتي امي؟
وردة قلبها وجعها لما ندى قالت كلمة امي لحد غيرها.
نعمة_ايوة ياحببتي ايوة يا ياسمين.
ندى وهيا منهارة_امال رمتيني ليه وانا صغيرة؟ امي ازاي وانتي حتى محولتيش تدوري عليا؟
نعمة بعياط_مرمنكش يا نور عيني مرمنكش.
ندى_امال كنتي فين طول السنين دي؟ وجيا تفتكري دلوقت ان عندك بنت؟
نعمة _انا عمري منسيتك لحظة، من حوالي 18 كان عندك سنتين كنا راكبين العربية انا وابوك قدام وانتي ورا، وعلي فكرة ابوك ليه نفس لون عنيك، ابوك كان بيبصلك في المرايا وانا كنت بلعب معاك، بس ابوك مخدش باله من العربية ال قدامه وعملنا حادثة،
ابوك اتوفى في الحادثة وانا اغمى عليا بس قبل ما يغمى عليا شفتك وانتي بتخرجي من العربية وبتعيطي، وبعدين مفقتش غير في المستشفي.
إبراهيم _فعلآ انا لقيت ندى كانت ماشية علي الطريق وبتعيط، ودورنا كتير علي اهلها موصلناش لحاجة.
نعمة_لاني دخلت في غيبوبة مقتدرش استحمل الصدمة كنت بهرب من الواقع ودخلت في غيبوبة استمرت 6 شهور كانت معجزة اني ارجع للحياة تاني، صحيح كنت عايشة بس عايشة من غير روح، لانك انتي روحي يا ياسمين، كنت عايشة علي امل لاقيك حتى لو كان مستحيل ده يحصل، بس الحمدلله ارادة ربنا فوق كل شيء وجعل آدم سبب عشان يجمعني بيك.
ندى_يعني انتي امي؟ دانتي اتعذبتي اوي يا……. يا…. ماما
نعمة خدتها تاني في حضنها بس المرة دي ندى كمان حضنتها.
نعمة بعياط_وحشتني كلمة ماما دي اوي،قليها تاني.
ندى بعياط هيا كمان_حاضر ياماما.
الكل تقريباً كان بيعيط.
يوسف بهزار_ايه يا جدعان قلبتو كتب الكتاب لعزا عايزين نفرح.
حمزه_معاك حق يا چو، عم فوزي انا بطلب ايد بنت حضرتك الانسة ايمان.
ايمان اتكسفت ودخلت اوضتها.
فوزي_استنا يومين عشان نشوف رأي العروسة وهرد عليك يابني.
آدم =طب يلا يا جماعة، الرجالة تطلع في الجنينه والستات تقعد هنا مع بعض يغنو ويعملو ال عايزينه.
يوسف_لأ انا عندي اقتراح احلى الرجالة تطلع في الجنينة والستات هنا وانا اخد مراتي وافسحها.
آدم =اطلع برا يلا، انت هتصدق نفسك انتو هتفضلو زي المخطوبين لحد اما تخلص تالتة ثانوي وبعد الفرح اعمل ال انت عايزه.
حمزه بهمس ليوسف_حماك وحماتك الله يرحمهم بس ربنا رزقك بالي هيطلع عينك.
عمر بهمس ليوسف_الحمدلله ان ندى ملهاش اخوات زي آدم والا كنت انتح*رت.
آدم =طب يلا ياخويا انت وهوا بدل مخليك تعملها بجد.
كلهم خرجوا برا و آدم بص لرحيق بمعني اياك متنفذيش كلامي.
~~~~~~~~~~~~~~~~~~~~~~~~
رحيق دخلت عند ايمان في اوضتها.
رحيق بهزار=ايه؟ العروسة مكسوفة؟
ايمان بحزن_مش عارفة يا رحيق.
رحيق =احم…. ايمان انتي لسه بتفكري في آدم؟
ايمان بسرعة_لأ طبعاً انا خلاص شلت الموضوع من دماغي.
رحيق=امال زعلانة ليه؟
ايمان بتنهيدة _حمزه باين عليه شب محترم بس خايفة اوافق واظلمه معايا، انا برضو عايزة اخد واقتي وادي فرصة لقلبي انه يحبه.
رحيق=اقولك حاجة ومتزعليش مني؟
ايمان _لأ قولي انا لا يمكن ازعل منك.
رحيق=بصراحة كده انتي محبتيش آدم، ده كان حب مراهقة او اعجاب مش اكتر، الحب ده حاجة تانية.
ايمان _انا قلتلك اني شلت موضوع آدم من دماغي ليه بقا بتكلمي فيه تاني؟
رحيق=عشان لازم تعرفي الفرق.
ايمان _ الفرق بين ايه؟
رحيق=الفرق بين انك تحبي شخص او تعجبي بيه.
ايمان_هوا فيه فرق اصلا ما الاعجاب بييجي الاول وبعدين الحب.
رحيق=طبعآ فيه فرق ولازم تكوني عرفاه عشان لما يجيلك الحب ال بجد متضعيهوش من ايدك او متخديش بالك منه اصلا وصدقيني مش كل الناس محظوظة ان الحب ال بجد يتكرر في حياتها مرتين.
ايمان_طب ايه الفرق؟
رحيق =انا بحب اسمي الاعجاب ده بأسم الانبهار، بتبقي منبهرة بكل حاجة في الشخص ده، شكله، لبسه، طريقة كلامه بس مع الوقت والعشرة الانبهار ده بيروح، منكرش ان الاعجاب ممكن يكون درجة من درجات الحب بس بتبقا اقل درجة لو فضلتي واقفة عليها كتير هتزهقي وبيبقا سهل انك ترجعي تاني عن الدرجة دي.
ايمان_طب والحب؟
رحيق بهيام=الحب بقا انك تتصرفي بطبيعتك قدام الشخص ال بتحبيه من غير تكليف او تصنع، وكمان تعرفي تشاركيه اهتماماتك من غير ما تكوني خايفة يقول عليها تفاهات،
الحب انك تحسي بالامان لمجرد بس ذكر اسمه قدامك، الحب يخليك تطيري في السما من غير جناحات لأن الحب بيبقا الجناحات دي،
بيقولو مراية الحب عميا عشان بتبقا شايفة الشخص ده ملاك من السما بس ده مش حب بالنسبالي،
الحب انك تعرفي عيوبه قبل مميزاته وبرضو تختاريه وتحاولي تتعايشي معاها او تغيرها،
الحب شيء جميل بس احنا ال بنختار الاشخاص الغلط ونحبهم ونرمي اللوم كله علي الخب وعلى فكرة كل الناس ممكن تحب وتوصل لاقصى درجة من درجات الحب، بس مش كله بيقدر يحافظ علي الحب.
3حاجات الاحترام، المودة، الاهتمام هما ال بيحددوا الحب ده، اذا كان هيكمل او…. ينتهي
الحب شيء عظيم بس الحب الحلال طبعاً بس لاسف الحاجات ال بتتعمل اليومين دول بأسم الحب هيا ال غلط،
الحب عبارة عن تركبية غربية كده من المشاعر المختلطة، مبسوطة على غيرانة على تايها على مكسوفة من الاخر الحب تركيبة غربية بس……………تركيبة حلوة.
ايمان_حاسبي يا رحيق القلوب ال بتطلع من عنيك.
رحيق=والله انك رزلة انا غلطانة اني بتكلم معاك، انا ماشية.
ايمان_لأ استني بجد، انتي باين عليك بتقولي كلام كبير وانا اصلا حكايتي علي الله.
رحيق=لأ متقليش، يعني بعد كل الهري ده مفهمتيش قصدي؟
ايمان بتوتر_ها لأ ازاي فهمت طبعآ بس عايزة ملخص لشرح ده كله انا دلوقت اعمل ايه؟
رحيق=بسيطة صلي استخارة وشوفي لو حسيتي بقول وافقي واديله فرصة وربنا بيختار الصح لينا.
ايمان_طب لو محستش بقبول يبقا ايه؟
رحيق=يبقا انتي فقر.
ايمان_ايه؟
رحيق ببتسامة =يا ايمي احنا ليه نسبق الاحداث لما تصلي نبقا نشوف وبعدين انتي مش هتتجوزيه بكرا لسه في فترة خطوبة هتقدري تحكمي براحتك وتدي فرصة لقلبك.
ايمان_رحيق انتي مع الجواز عن حب ولا الجواز التقليدي؟
رحيق=لأ انا مع جواز السفر بس
ايمان_امشي يا رحيق الله يرضى عنك،انتي متعرفيش تتكلمي جد شوية من غير هزار؟
رحيق=طب خلاص هقلك حاجة، الحب ليس خيار.
إيمان _امال ايه؟
رحيق=بل جرجير هههههههه
ايمان_اممممم
رحيق=لأ انا بقول نروح عند البنات احسن لتاكليني.
“” “” “” “” “” “” “” “” “” “” “” “” “” “” “” “” “” “” “” “”
فلانتين اى وقلة ادب ايه
احنا كا مصريين ومسلمين ما عندناش غير
عيد الفطر وعيد الأضحى
وعيد ميلادى آخر الشهر
“”””””””””””””””””””””””””””””””””””””””””””””””””””””””””””
~~~~~~~~~~~~~~~~~~~~~~~~
عند البنات
كانو مشغلين اغاني اسلامية وبيرقصو عليها،ندى جريت علي رحيق وشدتها عشان ترقص ورحيق كانت رافضة بس مع اصرار الكل نزلت رقص ونسيت نفسها وبعد كده خلت فاطمة ووردة وسنية وام ايمان ونعمة يرقصو معاهم وندى كانت بتصفر واية وايمان مبسوطين اوي.
~~~~~~~~~~~~~~~~~~~~~~~~
في الجنينة
الرجالة الكبيرة قاعدين مع بعض والشباي مع بعض
عند الشباب
يوسف_احم
عمر_احم
آدم=مالكم؟
حمزه_حلوة قعدة المطلقين دي.
آدم=مش عاجبكم؟
عمر_هوا حد يقدر يتكلم.
يوسف بخبث_فاكر يا عمر لما كنا في تالتة ثانوي كان معانا بنت كانت سايبة شعرها شقرة هيا كده وعيونها زرقة زي عيوني.
(يوسف اد عمر و آدم في السن بس آدم بيعتبره اخوه الصغير)
عمر بخبث_طبعاً فاكر،مش دي البنت ال كان آدم معجب بيها.
آدم ببتسامة خبيثة=طب فاكر انت ياعمر لما انا جيت من الصعيد ورسمت عليا ان مفيش حد قدك وجامد وقلتلي تعالى اوريك ازاي تشقط بنات،ورحت تتكلم مع البنت قامت ضربتك بالقلم.
يوسف_هههههههه
آدم=طب فاكر انت يا چو يوم ما ابوك لقى السيجارة ال صحبك نسيها في كتاب الكميا وعم حسن شافها وافتكرها بتاعتك وساعتها رنك علقة محترمة.
يوسف_احم
حمزه بضحك_ههههه مش قادر ابطل ضحك.
آدم بخبث=وانت ياحمزه متقلهم في اخر عملية ليك خدت طلقة في انهي مكان بظبط.
حمزه وهوا بيكح_كح كح ياعم بتجيب الحاجات دي منين؟
يوسف وعمر_فين يا آدم؟
حمزه_مخلاص ياخويا انت وهوا مش فرح ابوك هنا.
آدم=لأ خلاص ان الله حليم ستار.
عمر ليوسف_منك لله مكنا قاعدين بكرامتنا عاجبك كده؟
آدم=ال متعرفهوش بقا اني مكنتش معجب بيها ولا حاجة بالرغم انكو بتوصوفو جمالها بس ملفتش نظري اصلا،كل الحكاية ان البنت دي ابوها اكبر مدرس فيزيا في البلد وعشان تحضر معاه كان لازم تحجز قبلها بشهرين وانا مكنش بقالي كام يوم، فعمل ايه؟
عمر_كنت بتزاكر كويس في درس الكميا وبتجاوب مع المستر وتلفت الانظار ليك وكنت مستحيل تتكلم مع بنت وانك تروحلها وتطلب منها ده معناه انك معجب بيها فتساعدك على طول، ده غير ان البنات كلها كانت معجبة بيك وانت ولا هنا.
حمزه_لأ صايع.
آدم بجدية=عملت ال قلتلك عليه ياعمر؟
عمر_حصل،اتبرعت بكل فلوس ياسر ال خدته منه.
حمزه_آدم انت ليه دخلت ياسر اكبر مستشفي في البلد؟
آدم=لاني عايزه يتعذب كل يوم وده هيحصل ازاي وهوا مجنون لازم يتعالج عشان ادوقه من نفس الكاس.
عمر_طب هقوم اشرب واجاي.
آدم=سلامة عنيك يا عمر ما الميه اهي.
عمر_اي ده هيا دي ميه انا افتكرتها حاجة ساقعة.
يوسف_ه..هروح الحمام.
حمزه_اعملها هنا ده حتى البراح حلو.
عمر_اصل الجو حلو وهوا.
يوسف_انا بقلكم هنشر الغسيل
آدم=اقعد يلا.
بعد شوية
الكل في صوت واحد_هعمل مكالمة تلفون.
بصو لبعض شوية ونزلو ضحك
~~~~~~~~~~~~~~~~~~~~~~~~
بعد ساعتين
ابراهيم _طب نستأذن احنا بقا
مصطفي_انده علي سنية وشهد يا آدم يابني عشان نروح
ابراهيم بحزن_وانده علي وردة معاك.
آدم=طب وندى؟
ابراهيم_ندى خلاص لقيت امها كفاية انها محرومة من بنتها السنين دي كلها.
ندى من وراهم_وانا مش هسبكم يا بابا.
وردة_لأ ياندى انتي لازم تعيشي مع ا…ام…امك
ندى وخلاص دقيقة وهتعيط_بس…..انتي امي.
نعمة بحزن_ياسمين انا فرحانة انك طلعتي عايشة بس صدقيني انا مظهرتش في حياتك عشان ابوظها او احاول اغيرها،المكان ال تختاري تعيشي فيه انا موافقة عليه.
ندى_انتو ليه بتحطوني في الموقف ده؟مقدرش اختار حد واسيب التاني.
رحيق=وانا عندي الحل.
…لسه الحكاية مخلصتش….
ايمان ممكن تحب حمزه؟
ايه الحل ال عند رحيق وياترى هيعجب الكل؟
آدم هيعمل ايه مع رحيق لما يعرف انها منفذتش كلامه؟
ممكن تكون كل الاسرار اتكشفت ولا لسه في حاجة تاني؟