رواية الم الرحيق الفصل الثالث والعشرون 23 بقلم سمية عبدالسلام

رواية الم الرحيق البارت الثالث والعشرون

رواية الم الرحيق الجزء الثالث والعشرون

رواية الم الرحيق الحلقة الثالثة والعشرون

شهد بعياط_متزعليش مني على معاملتي الوحشة ليك يارحيق.
رحيق=ياعبيطة انتي اختي الصغيرة، حد يزعل من اخته الصغيرة برضو؟
شهد_عمرك ما حسستيني اني اختك من الاب بس.
رحيق =لأن مفيش فرق اصلا.
شهد_بحبك.
رحيق وهيا بتحضنها=وانا بموت فيك.
_خيااااانة.
الاتنين اتفزعو من الصوت، بصو نحية الباب كانت ندى.
رحيق وهيا بترمي المخدة في وشها=حرام عليكي قطعتيلي الخلف.
ندى_اعملك ايه ياما؟ اتأخرنا وانتي مش عايزة تنزلي قلت اما اطلع اشوف البت بتعمل ايه؟
رحيق بتريقة=ال يشوفك يقول بتطلعي الاولى على الدفعة وانتي بتنجحي بالعافية، بس يا ام مقبول.
ندى بدعاء_ربنا يجعلنا من المقبولين في الارض،هوا انا اطول.
رحيق=انا جتلك لقيتك نايمة مصحتيش من بدري ليه ياختي؟
ندى_ الواحد بينام عشان يهرب من مشاكله يصحى يلاقيها واخداه بالحضن.
رحيق حست ان فيه حاجة هيا متعرفهاش وبعدين بصت لشهد وقالت=وانتي ياحبيبي ركزي في مذكرتك انا مش هقبل بمجموع اقل من الطب عشان ابقا اخت الدكتورة شهد مصطفي.
شهد_متقلقيش ثقة في الله نجاح.
رحيق بهزار=لأ انا كده اطمنت عليك.
ندى بملل_يارب مسلسل العشق الممنوع ده يخلص.
رحيق=في ايه يابومة؟
ندى_ياست ورايا امتحان.
رحيق بصت وراها وقالت=انا ورايا الدولاب.
ندى_حسبي الله، موتي هيبقا علي ايدك.
رحيق=قولي ان شاء الله مطقتعيش الحاجات دي بتتحسد.
ندى_اشوف فيك يوم يارحيق يابنت ام رحيق.
_______________~_________________~
في الشركة
آدم =ياحجة نعمة بقالك ساعة بتشكريني وبرضو مش عارف حضرتك عايزة ايه؟
نعمة_عايزة اقلك انك راجل، حد لو مكانك وغلطت الغلطة دي كان قتلني، لكن انت لأ، انت دخلتني وعلجتني في احسن مستشفي مكنتش احلم اني ادخلها حتى مش اتعالج فيها وكمان جبتلي شقة كبيرة اعيش فيها.
آدم =لو علي الغلطة ال حصلت فنا بشكرك عليها لأنك السبب اني اتعرف علي احسن واجمل شخص في حياتي وده غير انها غلطة مش مقصودة منك، ولو على ال عملته معاك، حضرتك زي والدتي وانا بقف جمب المحتاج وعلي حسب معلوماتي انك ملكيش حد.
نعمة_مهو ده الطلب اللي كنت عشمانة في حضرتك تنفذهولي.
آدم =طلب ايه؟
نعمة طلعت صورة من شنطتها وعطتها ل آدم.
نعمة ببتسامة_بنتي ياسمين، ضاعت مني زهيا صغيرة انا بس عايزة اعرف هيا عايشة ولا…. ولا…
مقدرتش تكملها و آدم قال=عايشة ولا لأ؟
نعمة_عايزة ارتاح
آدم وهوا باصص في الصورة =تمام هشوف اقدر اعمل ايه وهعمله.
نعمة_مغلطتش لما قلت عليك راجل ابن راجل.
آدم ببتسامة=كتب كتاب اختي الصغيرة بعد، 3ايام في القصر عندى اتمنى ان حضرتك تيجي.
نعمة ببتسامة_ربنا يتمم بخير، ان شاء الله جاية.
آدم =تمام هبقا ابعتلك عربية لحد البيت تجيبك لحد القصر وتبقا تروحك تاني.
نعمة_كتر خيرك يابني.
_________________~_______________~
في الكلية.
رحيق =يااه كل ده حصل وانا معرفش.
ندى_منتي مكنش معاك فون اتصل بيك وبعدين كفاية ال انتي فيه.
رحيق=وانتي عاملة ايه دلوقت؟
ندى_الحمدلله بقيت احسن من الاول بكتير.
رحيق=حبيبي ربنا يصبرك.
ندى_ها؟
رحيق=ايه؟
ندى بخبث_حصل؟
رحيق=هوا ايه ال حصل ياقليلة الادب؟
ندى_يسلام ياختي طالما فهمتي يبقا انتي كمان قليلة الادب.
رحيق=لأ ياختي محصلش.
ندى_تصدقي بالله انتي بت هبلة وخايبة كمان.
رحيق=يعني عايزاني اعمل ايه وبعدين هوا متكلمش معايا في الموضوع.
ندى_ياعبيطة ال زي آدم ده مبيتكلمش ويقول ال جواه بسهولة، وبعدين آدم حاسس بالرفض من نحيتك وهوا مش عايز يجبرك علي حاجة.
رحيق=طب قليلي اعمل ايه؟
ندى بخبث _انا هقلك تعملي ايه؟
كانت لسه هتكمل بس حد نده عليها.
_انسة ندى، انسة ندى؟
ندى ورحيق بصو وراهم كان دكتور علي.
دكتور علي_كنت عايز حضرتك في المكتب دقيقة.
رحيق=طب انا هستناك عند المدرج متتأخريش عشان الامتحان.
~~~~~~~~~~~~~~~~~~~~~~~~
في المكتب
ندى_خير يا دكتور؟
علي_انتي هتعملي نفسك عبيطة كتير؟
ندى_مش فاهمة حضرتك تقصد ايه؟
علي وهوا بيبص علي ندى بشهوان*ية_عايزك.
ندى بقلق_حضرتك عايز ايه؟ انا مش فاهمة
علي قرب من ندى وقال_انا افهمك
ومسكها من دراعها وقرب عليها جامد.
ندى زقته بأيدها وكانت لسه هتخرج شدها ليه تاني، وكان خلاص هيبوس*ها، بس ندى خبطته برجلها في منطقة تحت الحزام وسبته وجريت على برا.
~~~~~~~~~~~~~~~~~~~~~~~~
عند رحيق
رحيق=ايه ياندى كان عايز ا……. اي ده عيونك؟
ندى وهيا بتنهج_مالها؟
رحيق=العدسات وقعت.
ندى بصت في شاشة الفون بتاعها، وحكت لرحيق ال حصل.
رحيق بعصبية=الكل*ب طب تعالي نحضر الامتحان وبعدين نطلع علي مكتب العميد.
ندى_انا اعصابي سايبة مش عارفة هعرف افتكر المعلومات ولا لأ.
رحيق بجدية=هسألك سؤال لو جوابتي يبقا تخشي الامتحان وانتي مطمنة.
ندى_قولي.
رحيق=احمد السقا عايش فين؟
ندى مردتش
رحيق=في سقا تمليك هههههه
رحيق =مالك ياندى انتي هتشلي ولا ايه؟
ندى_قولي لماما اني بحبها اوي.
رحيق=متقللها انتي؟
ندى_لأ اصل انا هنتح*ر عقبالك.
رحيق بهزار=طب نمتحن الاول وبعدين نشوف الموضوع ده.
~~~~~~~~~~~~~~~~~~~~~~~~
في المدرج
ندى مكنتش مركزة ومخدتش بالها من ال بيرمي ورقة تحت رجلها.
دكتور علي بصوت عالي_ايه ده؟
وميل جاب الورقة_وكمان بتغشي قدامي علي مكتب العميد
ندى_دي مش ورقتي انا مش بغش.
رحيق=ندى مابتغشش انت ال رميت الورقة وانا شفتك.
علي_تعالولوي انتو الاتنين بقا علي مكتب العميد يلا ياحلوين.
_______________~_________________~
في الشركة
آدم بيتكلم في الفون=متتأخرش بقا ياحمزه
…….. ايوة في القصر عندي بعد 3 ايام، عقبالك
، سلام
آدم قفل السكة وبص علي الفون لقى الحرس ال مع رحيق اتصلو اكتر من مرة.
آدم =ايوة في ايه؟
الحارس_باين كده في مشكلة مع حرم سياتك وهيا دلوقت في مكتب العميد
آدم =ايه ال حصل؟
الحارس_معرفش حاجة احنا واقفين برا ياباشا.
آدم =طب اقفل انت وانا هتصرف ولو حصل اي حاجة بلغني وانا مسافة الطريق وهكون عندك.
آدم قفل السكة مع الحارس ورن علي عمر.
عمر_الو
آدم =انت فين؟
عمر_لسه واصل الكلية اهوا
آدم =في مشكلة حصلت مع رحيق وهيا دلوقت في مكتب العميد روح هناك وشوف الموضوع ومتخليش حد يضايقها بكلمة لحد ما اجاي.
عمر_تمام.
________________~________________~
في مكتب العميد
العميد_انا هكتفي بفصلك 3 ايام يا انسة ندى.
علي_وكمان الاستاذة التانية لازم تتعاقب عشان تخليها في حالها بعد كده.
عمر خبط علي الباب ودخل اتفاجأ لما شاف ندى لانه متوقع انها رحيق بس.
عمر_ممكن اعرف ايه ال بيحصل هنا.
علي وهوا بيشاور علي ندى_دي واحدة غشاشة كانت بتغش ولما شفتها انكرت.
ندى_دي مش ورقتي والله العظيم انا مغشتش
عمر_الانسة ندى من الطلاب المجتهدين عندي وشاطرة جداً ومعتقدش انها ممكن تكون غشت ده سوء تفاهم مش اكتر.
ندى ابتسمت علي كلام عمر بس كشرت لما علي قال_لو سمحت يابشمهندس عمر متدخلش انت، اصل انا عارف الاشكاب دي كويس وبعرف اتعامل معاهم.
ندى بعصبية_اشكال مين؟!!!! انت ال دكتور مش محترم وحاولت تتهجم عليا في مكتبك وانت بتعمل كده عشان ضربت حضرتك وخرجت قلت تعمل كده عشان لما ابلغ العميد محدش يصدقني.
عمر اتعصب اوي_علي انت عملت كده؟ اقسم بالله ادفنك مكانك لو ده حصل.
علي بتوتر_انت هتصدقها؟ دي واحدة بتقول اي كلام عشان تداري علي عملتها وهيا اصلا ال بتحاول تقرب مني بقالها فترة وانا ال مش برضى.
رحيق بعصبية=اخرس انت كداب ندى اشرف من 100 واحد زيك يا زبال*ة
علي اتعصب من رحيق ورفع ايده عشان يضربها و……….
…. لسه الحكاية مخلصتش….
آدم هيعرف يلاقي ياسمين بنت نعمة؟
ايه ال ممكن يحصل في كتب كتاب اية ويوسف؟
عمر هيعمل ايه مع علي لما يتأكد ان كلام ندى صح؟ وممكن الخناقات ال بين ندى وعمر تخلص؟
ايه ال هيحصل مع رحيق في مكتب العميد؟