رواية الكتاب الأسود الفصل الأول 1 بقلم مصطفى شاهين

رواية الكتاب الأسود الجزء الأول

رواية الكتاب الأسود البارت الأول

رواية الكتاب الأسود الحلقة الأولى

انا آحمد كاتب صحفي في جريدة صغيرة مش مشهورة اوي كان حلمي اشتغل في جريدة مشهورة
والناس كلها تسمع عني بس لإن بلدنا ماشية بالوسايط جيت الجريدة هنا
مكتبي في ركن صغير زي اي موظف عادي يدوبك اللي جي علي قد اللي رايح مش متزوج لان ظروفي متسمحليش
قاعد مع والدتي علشان انا اللي برعاها لانها ملهاش غيري
كنت دايما بدور علي حدث الناس كلها تشوفه في الجريدة واسمي ينور عليه
علشان اتنقل لجريدة افضل واحقق احلامي اللي حاسس انها بتضيع مع العمر اللي بيضيع مني
وفي يوم اتصل بيا صديق ليا ملهوش اي علاقة بالصحافة
قالي جبتلك الحدث الي هيرفعك لفوق
قولتلة طب اي هو.. ؟
قالي تعالي شوف بنفسك وجيب معاك كاميرا التصوير بتاعتك
طيب هات العنوان ؟
¤حضر ورقة وقلم واكتب
تمام قول ؟
العنوان شارع محمد علي….
وبعد ما آخدت العنوان نزلت من البيت كان الوقت متاخر الساعه تقريبا واحدة بعد منتصف اليل
آخدت تاكسي وطلعت علي مكان الجريمة
تخيلو معايا كدة كمية ناس كتير جدا
وصحافة كتير وتصوير ومكنتش عارف اخد اي حاجة
لان الشرطة كانت بتمشينا
حاولت اصور لكني معرفتش
سمعت واحد واقف مع الظابط وعمال بيتكلم وبيحكي
روحت بخباثة شديدة عشان محدش ياخد باله من الصحافين اللي كل همهم يدخلوا الشقه اللي حصل فيها الجريمة
بعد مالظابط اخد اقوال البواب (عم احمد)
قاله اتفضل اركب معانا عشان نكمل الاقوال في قسم الشرطة
عم احمد كان كل اللي علي لسانه والله يابيه كل حاجه قولتهالك انا راجل عندي 60 سنه يابيه ومش حمل المرمطة دي
هو فعلا راجل كبير وكمان شكله صعب علي الظابط
الظابط قاله خلاص يا عم احمد بس لو في اي حاجة هبعتلك ؟؟
قاله حاضر يابيه
الشرطة كانت مركبة واحد في العربية ومكلبشين أيده
وكان منظره مرعب عمال بيضحك ضحك هستيري وهو بيبص ناحيتي ملامحه مش باينه من الضلمة
الشرطة مشيت والاسعاف خرجت من البيت بالجثة
الي ملفوفه في ملاية بيضة متغرقة دم
وبعد ساعه تقريبا الجو بدا يهدا وناس كتير مشيت
وعم احمد قاعد قدام البيت هو وشوية ناس من الجيران بتتكلم
مشيت ناحيتهم وقولتلهم السلام عليكم
عليكم السلام
قولتلهم انا صحفي وبقالي 3 ساعات مش عارف اجمع معلومة صح
والناس كلامها مختلف ممكن اتكلم معاك ياعم احمد شوية انا سمعتك وانت بتكلم الظابط واكيد هتقدر تدلني علي الصح
قالي يا استاذ كل حاجة قولتها للظابط مش كل شوية يجيلي واحد شكل ويقولي احكيلي وفهمني
هو احنا في اي ولا في اي ياناس
الناس بدات تثور علي كلام عم احمد وقالو كلهم اتفضل يا استاذ من هنا مش وقته الكلام دة
ومعرفتش اخد ولا حق ولا باطل
روحت البيت تعبان من المشوار الي مستفدتش منه بآي حاجة
يظهر اني مستاهلش ابقي صحفي مشهور لاني اكيد صحفي فاشل
كنت بعيد عن البيت ومكان الجريمة بخطوات
وكل الي عرفته وقدرت اجمعه ان واحد قتل مراته وطلع قدام البيت وقعد وهو في ايده كيس بينقط دم
وعمال بيضحك في وش الناس
والناس طبعا اتصلت بالشرطة والشرطة جت وانا روحت
وجت الحزينه تفرح ملقتلهاش مطرح
امي دخلت عليا وانا مكتئب وعمال بفكر في اللي جي
¤وقالتلي مالك يابني
مفيش ياماما تعبان شويه بس
¤لا انت مش تعبان انت في حاجة مضايقاك
بصراحة مش عجباني عشتنا دي هنفضل لحد امتي كدة
فقرا وبنتفرج علي الدنيا وهي عمالة بتجرح فينا
¤ يابني قول الحمد لله احنا احسن بكتير من غيرنا متتبطرش علي النعمه
هوووف خلاص ياماما مش كل يوم الاسطوانه دي انا زهقت
¤ طيب يابني شكرا
وسابتني وقفلت باب الاوضة ومشيت
زعلت من نفسي اوي وخرجت بوست دماغها وقولتلها معلش انا اسف مش عارف انا قولت ازاي كدة
¤ولا يهمك ياحبيبي ربنا يصلحلك حالك يارب
والنبي متزعلي مني
¤خلاص مش زعلانه
وصالحتها واتغدينا ودخلت نمت
…نمت وانا عمال بفكر اي اللي ممكن يخلي واحد يقتل مراته ومش بس يقتلها لا دة كمان فصل راسها عن جسمها وفضل يضحك وهو حاطتها في كيس اسود
لا انا لازم اروح البيت ده بكرا … بس هروح ازاي وهو متشمع بالشمع الاحمر
بكرة ربنا يسهل يمكن اعرف اخش
ونمت وصحيت تاني يوم والموضوع مش مفارق خيالي
روحت نفس المكان اللي كنت فيه امبارح وسألت علي الشقة بتاعت عم احمد
خبطت عليها فتحلي واول كلمة قالهالي
انت تاني ؟
ولسة هيقفل الباب في وشي قولتله استني بس
وطلعت 200 ج وقولتله اتفضل
قالي اي دة ؟
قولتله اعتبرهاا زي ماتعتبرها
اهم حاجة تحكيلي الي حصل امبارح
بصلي بصة لؤم وقالي بس دول قليلين يا استاذ
قولتله والله ماهزعلك
خد ال 100 جنية دي كمان ومتقوليش هات تاني
هما اخر فلوس معايا
قالي طب اتفضل تعالي نقعد جوة
دخلت البيت قديم وشكله كمان قاعد لوحده محدش بيرعاه
سآلته انت قاعد لوحدك ياعم احمد
قالي من ساعه مالمرحومة والعيال اتجوزت وانا لوحدي يابني
تشرب شاي؟؟
ماشي ياعم احمد اشرب
دخل عمل شاي وجي
وبدا كلامه وقالي عاوزني ابدا منين ياسيدي
قولتله ابدا من اول مالاحظت حاجات غريبة بتحصل في الشقة اللي حصل فيها الجريمة.
قالي بص ياسيدي الشقه اللي قصادنا دي اللي حصل فيها الجريمة كانت بتاع دجال من 15 سنه وكانت ناس كتير بتيجي عنده من اغني اغنياء مصر لحد الفقرا اللي مش لاقين ياكلوا
وبعد 10 سنين من ممارسته للدجل والشعوذه
وفي يوم كدا شمينا ريحة وحشة جايه من الشقه كانت ساعتها وهيبه مراتي عايشة
قالتلي ياحج في ريحة وحشة اوي بقالها كام يوم
قولتلها احنا مالنا ؟؟
ملناش دعوة دة راجل شراني وبتاع سحر واكيد بيعمل حاجة جوة هي اللي مطلعه الريحة دي
عدا يومين ومحدش سمعله صوت وكل الي يخبط علي بابه يجري من الريحة الوحشه اللي طالعه من الشقة
اهل المنطقة اتجمعت بعد ماطبعا وهيبه نشرت الخبر في الشارع كله الله يرحمها مكانش بيتبل في بوقها فوله
جينا قدام الباب انا واهل المنطقه كسرنا الباب لقيناه شبة محروق وبطنة منفوخة والريحة يابني قبر
الشرطة جت والاسعاف وطبعا محدش عرف لحد دلوقتي ايه سبب موته
بس كل الي عرفناه انه مات مخنوق اهو طراطيش كلام بيتقال
بعد سنتين من قفل الشقة صاحب البيت كان بيدور علي حد يسكنها والناس بتتهرب منها لما بيسمعوا اللي حصل فيها
لحد ماجالنا استاذ مجدي هو ومراته كانوا عرسان جداد.
وكانت حياتهم مفيهاش مشاكل رغم انهم مبيخلفوش
لحد من سنه تقريبا بدانا نسمع صوت مرات استاذ مجدي وهي بتصرخ كان كل يوم يضربها
واللي كان بيتكلم معاه كان بيبرقله ويقوله ملكش دعوة دي مراتي وانا حر فيها ..
بيقولوا انه بقي مريض نفسي ومراته المسكينه بالرغم من دة كله بتحبه وفضلت معاه عشان يتعالج
لحد ماماتت علي ايده
امممم بس مش غريبة ياعم احمد الحكاية دي
الله اعلم يابني اللي اعرفه قولتهولك
طيب ياعم احمد تاخد كام وتدخلني الشقة ؟؟
شقة ايه يابني لاااا انت زودتها اوي اتفضل يا استاذ
انت مش خدت اللي عاوزه يلا بعد اذنك عشان رايح اصلي
فضلت اقنعه لكن مقتنعش شكله كان باين علية اللبخة والخوف اللي ماليين عينه ساعتها عرفت ان الموضوع اكبر من كدة بكتير ..
قررت اخش الشقة بس ازاي…
ازاي والباب الشرطة مشمعاة بالشمع الاحمر
خرجت من بيت عم احمد وانا في دماغي افكار كتير
بصيت وانا جوة الشقة قبل مامشي وتلفت ورايا لمحت شباك… اة بس !
اكيد الشقة اللي حصل فيها الجريمة فيها شباك
دة الي هخش منة روحت البيت وانا عمال بفكر وبخطط هخش ازاي من غير ماحد يشوفني
قعدت علي سريري وولعت سيجارة وفكرت كويس وخططت
وقررت اني هروح في وقت متاخر بعد نص الليل عشان تكون الناس نامت ومحدش يشوفني
حضرت نفسي وقومت لبست كانت الساعة 12 بالليل امي شافتني وانا بفتح الباب
خير يابني رايح فين السعادي
مفيش يا ماما هنزل اتمشي شوية اشم هوا
¤طيب يابني بس خلي بالك من نفسك انا هسيبك براحتك ومش هسآلك حتي مالك عشان متضايقش مني
لا ياماما عمري مضايق منك كل الحكاية اني محتاج اشم هوا بس شوية وجي مش هتاخر
¤طيب ياحبييي روح ربنا معاك ويسترها عليك ويرجعك بالسلامة
خرجت وقفلت الباب ورايا ونزلت علي السلم وآنا نصي خوف ورعب من افكاري المجنونة بس لازم اعمل كدة ا
اللي عاوز ينجح في شغلنتي دي لازم يكون مجنون اة مجنون ومبيخافش
ركبت تاكسي ووصلني المنطقة اللي فيها الشقة اللي حصلت فيها الجريمة
بدات اتلفت زي الحرامية رجل بتقدم ورجل بتآخر
روحت ناحيه الشباك مكنش في حد في الشارع خالص
كان معايا مفك بدات افتح بيه الشباك …
لحد مافتح معايا فعلا نطيت جوة الشقة
الشقة مضلمة وريحتها مكتومة فيها ريحة مش قادر اوصفها. فتحت كشاف الموبايل بتاعي وبدات ادور علي مفتاح النور عشان انور الشقة واشوف اي اللي حصل فيها
روحت ناحيه مفتاح النور بعد ماشوفته وفتحتة
اي دة اي كمية الدم دي دم ناشف علي الارض والسجاد
الي خوفني اكتر بصمات الايد الي مليانة دم علي الحيطان
والرموز اللي مش مفهومة فعلا شكل الموضوع كبير بدات ادور علي حاجة انا مش عارفها وبتلفت زي الحرامية
وكلي خوف رجلي دخلتني اوضة النوم وفتحت النور وعيني في نفس الوقت علي الصالة اللي حصل فيها الجريمة
والدم محاوطها من كل مكان فتحت الدولاب
وبدات ادور علي حاجة غريبة يمكن الاقي حاجة تكون خيط يدلني علي اللي حصل
ملقيتش حاجة بعد ماقلبت الهدوم كلها جيت ارتب كل حاجة زي ماكانت وانا بوطي وبشيل الهدوم
ببص لقيت صندوق مستخبي تحت السرير فتحته لقيتة مليان حاجات غريبة بتاعت شعوذة وحجاب وبخور
وسلاسل اي ده كتاب
ايدي مسكت كتاب غريب شكله قديم جدا مكتوب عليه من برا كيف تقوم بتحضير الارواح ..؟؟