رواية القاسي والقوية الفصل السابع عشر 17 بقلم مريم هاني
رواية القاسي والقوية الجزء السابع عشر
رواية القاسي والقوية البارت السابع عشر
رواية القاسي والقوية الحلقة السابعة عشر
لمار بصدمة:يخربيتك انتى ازاى تقولى كدة انتى اتجننتى ولا اى انتى اكيد احرجتيه جدااا
اسيل بندم:عارفة عارفة وكمان عارفة انى جرحته لان نبرة صوته كانت فيها انكسار وحزن اوووى
لمار:انتى اصلا لى قولتى كدة
اسيل بضيق:مش عارفة مش عارفة مش قادرة استوعب تغيره المفاجأ دة وكلامه بقى يوترنى جامد مش عارفة حاسة انى ملغبطة ومش فاهمة حاجة
لمار:طب خلاص اللى حصل حصل انتى احسن حاجة دلوقتى تستنى اما نروح نجيب الشبكة وابقى اعتذرى منه وعلى كلامك انه اتغير يبقى اكيد هيسامحك ومش هيشيل ف قلبه منك
اسيل:تفتكرى ممكن اصل بصراحة انا لو مكانه وحد قالى كدة انا مش ممكن اسامحه او ممكن بس هدوخه شوية بصراحة
لمار:بصى هو لو اللى ف دماغى صح ف هو هيسامحك بمجرد انه شاف محاولتك بس انك تعتذرى لمجرد المحاولة هيسامحك من غير اى حاجة اصلا
اسيل بأستفهام:وانتى اى اللى ف دماغك اصلا؟!
لمار:مش لازم تعرفى دلوقتى او لما انا اتأكد هقولك
اسيل:ماتقولى واخلصى بقى
لمار:قولنا لا خلصنا
اسيل:خلاص ماشى بس قوليلى صح هو انتى اعتذرتى لمستر سيف زى ما قولنا
لمار:ههههه بصراحة لا دة انا اتخانقت معاه تانى اساسا😅😹
اسيل:يبنتى لى كدة حرام عليكى انتى اى بتعشقى الخناق وخلاص
لمار:شوفى اما اقولك انا كدة محدش قاله يحتك بيا وبعدين هو انا قولت انى مش هتعذر انا هعتذر بس لما الاقى وقت مناسب الله
اسيل:وامتى بقى الوقت المناسب دة يختى
لمار:ولاهى لما اشوفه ومايضايقنيش
اسيل:انتى بتقولى انك مش هتعتذرى بس بالذوق صح
لمار بضحك:طب ما انتى طلعتى بتفهمى اهو هههههه
كانت على وشك الرد ولكن قاطعها دخول والدتها قائلة:يلهوى انتوا لسة مجهزتوش دى الساعة 3 اخلصوا يلا الله يحرقكوا
اسيل بمرح:الله يا فرى ما انتى بقالك ساعتين برضه بتكلمى صفصف ومحدش اتكلم ولا قولتى اتأخرنا
لمار بمرح ايضا:ايوة ولا هى جات على النص ساعة بتاعة قرمط يعنى😹😹
فريدة بزعل مصطنع:انتوا خلاص اتفقتوا عليا خلاص انا زعلانة اولعوا ف بعض جاتكوا الارف
لمار واسيل فى نفس واحد:ماتزعليش يا فرى
وانقضوا عليها يقبلوها كثيرا على خداها كل واحدة من جه
فريدة بضيق:خلاص خلاص اوعوا يلا روحوا اجهزوا بقى عشان منتأخرش وانتى يا لمار مامتك جاية كمان شوية هى وعمار
لمار:نعم امى جاية طب يلا يا اسيل نجهز عشان منتأخرش يقلبى
اسيل بأستغراب:انتى عاملة مصيبة ولا اى
لمار ببراءة مزيفة:انا لا ولاهى خاااااالص دة انا نسمة
اسيل بسخرية:انتى هتقوليلى ما انا عارفة
فريدة بزعيق:يووووووووة يلا انتى وهياا على الاوضه يلاااااااااااا
فروا الاثنتين هاربين من امامها بينما هى ظلت تضحك عليهم وتقول:وربنا مجانين ربنا يحميكم ويخليكم لبعض يارب
وذهبت هى ايضا كى تجهز كل شئ من أجل اليوم
•~•~•~•~•~•~•~•~•~•~•
اما عند فهد ف الشركة كان ذاك الشخص الغريب مازال واقفا فى مكتب فهد الذى يطالعه ببرود تام
الشخص:اى يا فهد مش هتقولى اتفضل
فهد ببرود:دة على اساس انى طايقك مثلا
سيف بصدمة:انت اى اللى جابك هنا وازاى اصلا سمحولك تدخل
الشخص:تؤتؤتؤ اهدى يا سيف ليطقلك عرق ولا حاجة وانت لسة صغير كدة
كان سيرد عليه لولا مقاطعه فهد:اى اللى جابك يا فريد عايز اى
Stop
فريد العِمَرى شاب ذو شخصية قوية وهادئة كثيرا كان صديق مقرب لفهد وسيف وخصوصا لفهد ف هو كان مقرب له اكثر من سيف حتى ولكن افترقوا لاسباب سنعرفها لاحقا. فريد شخص وسيم فهو ذو جسد رياضى رشيق عيون بندقية وشعر اسود كثيف ولحية خفيفة ذادته وسامة مع بشرته القمحية فى نفس عمر سيف وفهد
Back
فريد بخبث:سمعت انك هتخطب ف قولت اجى ابارلك وكمان اطمن اذا كانت العروسة كويسة ولا…..
قاطعة فهد قائلا ببرود ولكن يرعب فى نفس الوقت:حاجة متخصكش يا فريد خليك بعيد عنى احسنلك فاهم
فريد بضحك:هههههههه واضح انها بدأت تغير حاجات فيك مش كدة وبقت تهمك كمان شكل اللى سمعته صح ولا اى
فهد:اياً كان اللى سمعته ميهمنيش انى اعرف اى هو لكن الحاجة الوحيدة اللى تهمنى انك تبعد عنى خالص ومتقربش لحاجة تخصنى
سيف بضيق من هذا الجو:فهد انا همشى واسبقك على القصر
فهد متفهما:ماشى يا سيف روح انت
رحل سيف وبقى فريد وفهد فقط فقال فهد:فريد قول اللى عندك انا متأكد ان مش دة السبب اللى خلاك تيجى الشركة انهاردة
فريد:طول عمرك ذكى ولماح انت صح انا جاى لحاجة تانية خالص
فهد:واللى هى
فريد:المناقصة اللى انت داخلها
فهد:مالها
فريد:بص يا فهد انت لسة قايل انى مقربش لحاجة تخصك وانت كمان متقربش لحاجة تخصنى
فهد بعدم فهم مصطنع:وانا قربت لاى يخصك
فريد:فهد متستهبلش انت عارف قصدى وعارف كمان ان المناقصة دى بتاعتى وتخصنى
فهد بأستفزاز:لى هو مكتوب عليها اسمك ولا حاجة دى مناقصة يعنى اللى عايز يدخلها يدخل براحته وكل واحد وشطارته بقى
فريد:فهد انت…….
قاطعه فهد:فريد انا عندى شغل وانت عطلتنى زيادة على اللزوم الباب من هنا اتفضل وبخصوص المناقصة انا داخلها وهكسبها يعنى هكسبها
فريد وهو مازال على هدوءه(ديب فريزر يربى😹):تمام يا فهد بس اعرف انك لو دخلت المناقصة دى هتندم جامد لمصلحتك بلاش
فهد:مش انت اللى هتقولى اى اللى لمصلحتى واى اللى يضرنى انا مش عيل واظن انى قولتلك انى عند شغل ومش فاضى وانت معطلنى
فريد:ماشى يا فهد انت حر سلام
ما ان خرج فريد من المكتب حتى احمرت اعين فهد غضبا وظل يفكر كيف علم بموضوع خطوبته وهل يعلم ايضا بموضوع الوصية ظل يفكر الى ان اتاه صوت هاتفه وكان سيف
فهد:ايوة يا سيف
سيف:انت فين يبنى هنتأخر على الناس كدة وفوزى مستنيك هنا كمان
فهد:مافيش عندى كام ملف كدة هخلصهم واجى
سيف:مش مهم يعم خلصهم بعدين وخلاص
فهد:لا مش هينفع بص انا هحاول اخلص بسرعة واجى وبعدين اصلا لسة بدرى الساعة لسة 3
سيف:يبنى مش لازم تجهز نفسك
فهد بضيق:يوووووه وبعدين معاك بقى يا سيف اخلص وبلاش زن انا نص ساعة وجى خلاص كدة
سيف:اة خلاص كدة سلام
فهد:ف داهية
اغلق معه الخط وظل يعمل على ملف واحد فقط وبعدها ذهب من الشركة وتوجه الى قصرة كانت الرابعة فقابله سيف بوجه متهجم
سيف بضيق:بردو اتأخرت يا فهد قولت نص ساعة وبقالك ساعة
فهد:كان فيه ملف مهم ماينفعش يتأخر ويستنى خلصته وجيت على طول
سيف:طيب ماشى اطلع اجهز انت بس بسرعة بس صحيح هو فريد كان عايز اى
فهد:كان بيقولى على الصفقة انى لازم اخرج منها وانها مش لمصلحتى وكلام اهبل كدة
سيف:فهد مابلاش منها الصفقة دى انا اصلا مش مرتحالها من الاول وانت عارف بس انت داخل عند ف فريد مش اكتر
فهد:شوف يا سيف المناقصة هتدخلها هتدخلها ومش هسمح لاى حد انه يتحدانى فيها تمام ونقفل بقى على الموضوع دة…فين فوزى صح
سيف:جاله تليفون مهم من المكتب فقال انه هيروح يشوف فى اى ويحصلنا على هناك
فهد:ماشى…انا طالع اجهز نفسى وانت كمان اطلع جهز نفسك يلا
سيف:اشطا
توجهوا الاثنان الى غرفهم لكى يتجهزوا
•~•~•~•~•~•~•~•~•~•
اما فى منزل اسيل كان الباب يدق فخرجت فريدة حتى تفتح الباب فوجدتها صفاء وعمار معها ايضا
فريدة:اهلا اهلا اتفضلوا اذيك يا صفاء وحشانى ولاهى وانت كمان يا عمار
عمار:وانتى كمان وحشانى ولاهى يافرى
صفاء:قوليلى عاملة اى دلوقتى وازى صحتك
فريدة:الحمدلله احسن دلوقتى
عمار:اومال فين لمار واسيل مش سامعلهم حس ودة شئ غريب وميطمنش الصراحة😹
فريدة:هههه ببجهزوا نفسهم جوة انت عارف البنات بتاخد وقت ازاى
عمار:انتى هتقوليلى يا طنط عارف
صفاء:قوليلى يا فريدة هو العريس جاى امتى
فريدة:قال جاى على الساعة 5
صفاء:واتفقتوا على اى بقى
فريدة:ولا اى حاجة احنا اتفقنا بس ان الاسبوع جاى خطوبة وكتب كتاب سوا
صفاء:طب الفرح وباقى الحاجات دى
فريدة:هنتكلم ف كل حاجة يا صفاء طبعا بس لسة مش دلوقتى وبعدين انا اهم حاجة انه بيحبها وانا متأكدة من دة
صفاء:و اى اللى خلاكى متأكدة اوى كدة
فريدة بأبتسامة:انا مش لسة عيلة يا صفاء انا شوفت حبه لاسيل ف عينه والعين عمرها ماتكذب ابدا
عمار بهزار:اوبااااااا شكلك كنتى رومانسية يا فرى اوى😉😹
فريدة بضحك:هههههه بصراحة اة كنت انا وابو اسيل بنحب بعض اوى الله يرحمه
صفاء/عمار:الله يرحمه
عمار:هى البنات دى اتأخرت كدة لى الساعة 5 الاربع….يا بشر يا اللى جوة انتوا فيييين الراجل هيجى وانتوا لسة مخلصتوش ما يلاااا بقى
خرجت لمار من الغرفة قائلة بغضب:فى اى يا بغل انت عمار تجعر كدة لى وبعدين حتى لو جه واحنا لسة مخلصناش اى المشكلة مايستنى شوية مش بنات لازم ناخد وقت الله
عمار:يخربيتك كلامك مش راكب على شكلك القمر دة خاااااالص
لمار:طب افهم انك بتاعكسنى ولا وبتهزقنى دلوقتى
عمار:الاتنين يقلبى😹😹
لمار:مهزق من يومك اصلا😒
عمار:شكرا يا محترمة على اخلاقك وادبك
لمار بتريقة:لا العفو تعالى كل يوم يا اخويا
فريدة:خلاص بقى انتوا الاتنين يخربيتكوا عاملين زى العيال بالظبط
صفاء:عاملين زى العيال لا هما فعلا عيال وهى دى تصرفات ناس كبيرة بذمتك
فريدة:معاكى حق
لمار:ولا شكل الحفلة هتبقى علينا دلوقتى
عمار:لسة واخدة بالك حضرتك
صفاء:بس اسكتوا وخصوصا انتى يبت وبعدين فين اسيل مخرجتش لى
لمار:يا صفصف مالك بس بتعاملينى كدة لى كأنى بنت ضرتك فى اى يحجة ماتهدى عليا شوية
صفاء:فييييين اسيل
لمار:فى اى يا صفصف انتى قفوشة كدة لى اسيل لسة بتظبط نفسها
عمار:لى كل دة يعنى
ىمار بملل:كام مرة اقولك متدخلش فى اللى ملكش فيه هاااا وبعدين دى بنت وكمان عروووووسة متوقع انها هتقعد قد اى يعنى هاااا
اسيل وهى خارجة من غرفتها:يخربيتك انتى وهو على الصداع اللى عاملينه دة انا دماغى ورمت بسببكوا ولاهى
عمار بأنبهار:اوبااااااااااا اى الموزة دى
اسيل بخجل:ميرسى يا عمار
عمار بصدمة:اى دة مين دى اسيل مستحيل تبقى بالرقة دى
لمار:اى يختى مالك قلبتى كدة وبعدين ميرسى اى دة المفروض تديه فوق دماغه دة بيعاكس
عمار بغيظ:يستى وانتى مالك انتى دة انتى غريبة
اسيل ببرود:بس بس انت وهى انتوا صدقتوا ولا اى دة انا بجرب الرقة عشان زوجى قرة عينى اللى جاى كمان شوية دة😹
عمار:اوبااااااا هى الصنارة غمزت ولا اى
لمار بضحك:ههههههه ضحكتنى ولاهى…وف سرها(كنت تعالى شوفها قالتلوا اى ف الفون كان ناقص تديلوا بالجزمة😹)
اسيل بنظرة حارقة:بتقولى حاجة يا ليمو
لمار:بقولك اى بلاش التبريقة دى ما هو انا مش مصدقة انك هتتجوزى لا وكمان ممكن تحبى
كانت على وشك الرد ولكن قاطعهم صوت الباب كانت فريدة ستفتح الباب ولكن اوقفها عمار:استنى انتى يا طنط انا هفتح
لمار:رااااجل يلا
عمار:اتلهى اسكتى انتى
وذهب يفتح الباب وعندما فتحه وجد سيف وفهد واستغربوا من هو فهم لا يعرفوه
سيف:احم احنا اسفين مش دى شقة اسيل
عمار:هو انت العريس
فهد:لا دة صاحبى انا هو العريس
عمار:اهلا وسهلا بأبو نسب اتفضل اتفضل
فهد بأستغراب:انت مين انت واى مقعدك ف الشقة دى هاااااا
جائت فريدة من الداخل عندما وجدت عمار تأخر وعندما خرجت وجدتهم واقفين على الباب
فريدة:اهلا يا فهد يبنى اذيك يا سيف عامل اى
سيف:الحمدلله بخير يا طنط
فريدة:تستاهل الحمد اتفضلوا يا حبايبى اتفضلوا
دلفوا الى الداخل وتكلم فهد:انا اسف على تدخلى يا طنط بس هو مين الشخص دة
فريدة بأبتسامة:مافيش تدخل ولا حاجة دة عمار متربى من صغره مع اسيل
اومأ فهد برأسه وعندما دلف تفاجأ بأسيل وانبهر بجاملها ف هى كانت ترتدى فستان طويل وطرحة من اللون الكاشمير منقوش الى الخصر وبه حزام لولى فضى وباقى الفستان عادى ولم تضع اى مساحيق جمال ف هى لاتحتاج اصلا كانت بسيطة ولكن كانت جميلة بحق

لاحظ شروده فريدة:اححم فهد انت روحت فين ماتشوف صاحبك يا سيف
ولكن سيف ايضا لم يكن معها فهو انبهر ايضا من لمار وجمالها الجذاب ف كانت ترتدى فستان اسود طبردو
بسيط به حزام دهبى من ااخصر وطرحة بيچ ولم تضع مكياچ ايضا ف هى لا تحتاج لان جمالها الطبيعى يكفى

هنا لاحظ عمار نظرات سيف للمار وتضايق جدااا فقال:انت يا اخ مالك فى اى حاسب عينك بدل ما اشيلهالك من مكانها واريحك
سيف وقد انتبه اخيرا:ااانا اسف مقصدش
عمار ببرود:طب خد بالك بقى
سيف:ففهههههههد انت يبنى
فهد ببرود:كام مرة اقولك بلاش صوتك العالى انا مش اطرش
سيف بضحك:انت فعلا مش اطرش انت مسحور بس😹
فريدة:اومال فين استاذ فوزى يا فهد كان المفروض هو كمان يبقى موجود
فهد:ولتهى يا طنط جاله شغل مهم ف المكتب ف كان لازم يروح على العموم هو هيحصلنا على هناك
فريدة:ماشى تعالى اعرفك دى صفاء مامت لمار ودة عمار انتوا اتعرفتوا عليه خلاص
فهد:اة….اذى حضرتك يا طنط
صفاء:الحمدلله يحبيبى
سيف:ولاهى كنت فاكر حضرتك اخت لمار مش مامتها مش باين عليكى على فكرة
لمار:تعرف انك منافق جدااااااا يا اخ
سيف:هو حد وجهلك كلام يبنتى يخربيتك يا شيخة
لمار بغضب:لا بس بتكلم ماما
صفاء:بس خلاص انتوا هتتخانقوا ولا اى مش يلا بقى نمشى اتأخرنا
فهد:اة اتفضلوا يلا
نزلوا جميعهم الى اسفل فقال فهد:اتفضلى يا طنط انتى واسيل اركبوا معايا وطنط صفاء ولمار وعمار مع سيف ف العربية
سيف فرح لان لمار كانت هتركب معاه ومكنش يعرف السبب لكن تلك الفرحة لم تدم طويلا بسبب عمار الذى قال:لا لمار وصفصف هيركبوا معايا
لمار:وفرى كمان هتركب معانا(لمار كانت بتحاول تخلى اسيل وفهد لوحدهم عشان اسيل تصالح فهد) مش كدة يا طنط…وانهت كلام بوخزة ف جمب فريدة فصرخت فريدة:ااااااااة
لمار:شوفتوا قالت اة اهى يلا روحوا واحنا هنبقى وراكوا بالعربية…..وسحبت فريدة وذهبوا لسيارة عمار وسيف ذهب لسيارته اما فهد فتح باب السيارة لاسيل وقال:اتفضلى اركبى
اسيل:شكرا…وركبوا السيارة وانطلقوا
•~•~•~•~•~•~•~•~•~•~•
عند عمار بالسيارة قالت فريدة وهى تضرب لمار بخفة على رأسها:انتى يا جزمة خلتينى اركب معاكوا لى ينفع كدة سايبنهم وحدهم
لمار:جرى اى يا فرى العيال المفروض يبقوا على راحتهم شوية مالك افردى عايز يقولها حاجة مثلا مش لازم ياخدوا على بعض ويتكلموا وكدة
فريدة:ما كل دة ممكن يتعمل بعد الخطوبة عادى
لمار:وبعدين بقى يا فرى ياحببتى هو مش هايكلها
سكتت فريدة وظلت تتحدث هى وصفاء اما عمار فقال للمار:بقولك اى يبت انا مش مصدقك انتى لى خليتى فرى تركب معانا
لمار بهمس:بص بصراحة اسيل عكت مع فهد شوية وهى حابة تصالحه ومش هتعرف طول ما مامتها معاهم
عمار:هى لحقت تنكد على الراجل صحيح ستات نكد
لمار بغيظ:طب احترم نفسك بدل ما اعملها معاك بقى
عمار:اتكلمى على قدك يا اوزعة انتى
لمار:انا مش اوزعة انت اللى طويل اوڤر
عمار:بس يا كدااابة بس قوليلى هو الجدع اللى اسمه سيف دة كان بيبصلك كدة لى
لمار بعدم مبالاة:معرفش اصلا احنا مش بنطيق بعد وكل مانشوف بعض نتخانق اساسا ممكن تكون انت فهمت غلط
عمار بعدم اقتناع:ممكن بردو
•~•~•~•~•~•~•~•~•~•
اما فى سيارة فهد ف كان الصمت هو سيد الموقف كان فهد يقود بصمت واسيل تفرك يديها بتوتر تود ان تعتذر منه لكن لا تعرف ماذا تقول ولاحظ فهد هذا
فهد:انتى عايزة تقولى حاجة
اسيل بتوتر:للا مش عايزة
فهد بشك:متأكدة
اسيل:اة
فهد:طيب
وساد الصمت للحظات اخرى الى ان قاطعته اسيل قائلة:بصراحة عايزة اقول حاجة
فهد وهو يحاول ان لا يبتسم عليها:قولى طيب
اسيل:ببصراحة كدة كنت حابة اقولك انى اسفة على اللى قولته ف الفون الصبح انا مكنش قصدى ولاهى انى اجرحك او احرجك خالص بس انت بتوترنى اوى فجأة كدة تعاملك اتغير معايا وبقيت لطيف ودى حاجة انا مش متعودة عليها الصراحة وفوق كدة بتقعد تكسفنى بالكلام كل دة خلانى متوترة ومش فاهمة حاجة
فهد بأبتسامة:انا عارف انى اتغيرت كتير وبقيت لطيف ومعاملتى معاكى اتغيرت ودة شئ محيرك اكيد واكيد كمان فى سؤال ف دماغك واللى هو انا اتغيرت معاكى كدة لى بس صدقينى انا نفسى معرفش مالى ولى اتغيرت كدة بس اللى عارفه انى بحب اشوفك مبسوطة وبتضحكى حتى لو هضطر انى اغير نفسي 360 درجة عشان هعملها بس اهم حاجة انك تبقى مبسوطة وفرحانة
انهى كلامة واسيل ناظرة له بصدمة لا تعرف بما تجيب ظلت هكذا فترة لاحظ فهد سكوتها فنظر لها وجدها تنظر له بصدمة ابتسم عليها
فهد:مالك متنحة كدة لى
اسيل ومازلت تحت تأثير الصدمة:اااانا مممش فاهممة حاجة يعنى انت مش مضايق منى
فهد بنفس الابتسامة:مقدرش ازعل منك ابدا
اسيل بخجل:طب كويس انك مش زعلان
فهد بخبث:بس انتى يهمك زعلى اوى كدة لى
اسيل مغيرة الموضوع:هو المكان بعيد
فهد مجاريا لها فهو لا يود احراجها اكثر: لا ابدا احنا وصلنا خلاص
نزلوا من السيارة ونزل ايضا فريدة وصفاء ولمار وعمار وسيف وفوزى ايضا ف كان قد وصل دلفوا جميعهم الى المحل ولكن لمار اوقفت سيف
لمار:انت يا اخ لحظة واحدة
سيف:انتى بنت ولا ولد اى الطريقة اللى انتى بتتكلمى بيها دى هاااا
لمار:بقولك اى انا كدة وانا عجبانى كدة وبعدين هما كلمتين هقولهم وخلاص مش هتسمع صوتى تانى
سيف:اتفضلى قولى
لمار:بببصراحة كنت حابة اعتذر منك على طريقتى اللى اتعاملت معاك بيها قبل كدة بس انا لما بتعصب مش بشوف قدامى ومش بعرف انا بقول اى
سيف بأبتسامة:ولو قولتلك انى مش قابل اعتذارك
لمار:هقولك حاجة واحدة اخبط دماغك ف الحيط
وتركته وكانت ستدخل المحل ولكن سيف امسك يدها وشدها ناحيته قائلا:اهدى بس انا كنت بهزر طبعا قابل اعتذارك هو انا اطول ان لمار هانم بنفسها تعتذر دى معجزة اصلا
لمار بخجل من قربها منها:طب سيب ايدى و ابعد بدل ما اقطعهالك
تركها سيف وقال:سيبتك اهو بس تعرفى شكلك حلو اوى وانتى مكسوفة كدة
هنا جاء عمار ووجدهم واقفين سويا فراح ناحية لمار وسحبها فى حضنه:انتى اى اللى موقفك مع الشخص دة هاااا
لمار:اهدى يا عمار انا بس كنت بكلمه ف موضوع كدة
عمار:واى هو بقى
سيف بغضب:وانت مالك انت وبعدين انت حاضنها كدة لى ابعد ايدك عنها
عمار ببرود:انا حر امسكها زى ما انا عايز انت ملكش دعوة
لمار:خلاص يا جماعة هتفرجوا الناس علينا وانت يا مورى اهدى ويلا ندخل
عمار:ماشى
دخلوا الى الداخل وبقى سيف ينظر فى اثرهم بغضب قائلا:مين البنى ادم اللى طلعلى زى عفريت العلبة دة واى علاقته بيها وازاى سمحاله يحضنها كدة زكمان بتقولوا مورى دة انا بدوب مسكت ايدها كانت هتموتنى…اوووف انا شاغل بالى لى اصلا انا هدخل بقى
•~•~•~•~•~•~•~•~•~•
اما فى الداخل كانت اسيل وفريدة وصفاء لمار كانوا يختاروا شبكة اسيل ولكنها لم يعجبها شئ فتدخل فهد قائلا:فى اى يا اسيل مافيش حاجة عجباكى
اسيل:لا مافيش حاجة عجبانى خالص
فهد:طب استنى…..چورچ هاتلى احدث اقطم عندك…ونظر لاسيل قائلا:انا هتخرلك يمكن يعجبك
اسيل بخجل:ماشى
لمار بهزار:اوباااا طلع عندك دم وبتتكسفى اهو😹
اسيل بغيظ:اخرسى انتى
لمار:خرسنا اهو
اتى چورچ بمجموعة من المجوهرات القيمة واراهم لفهد قائلا:اتفضل يا فهد بيه دى احدث مجموعة من الالماس عندنا
شهقت اسيل وقالت:الماس الماس اى لا هات دهب عادى مش لازم الماس
فهد:لى يا اسيل فى اى مالك
اسيل:غالى اوى بلاش منه
فهد:وفيها اى يعنى ميهمكيش حاجة
فريدة:بس يبنى كدة كتير اوى
فهد بأبتسامة:مافيش حاجة تغلى او تكتر على اسيل انا لو اطول اجبلها الدنيا كلها مش هتأخر
ابتسمت اسيل بخجل وانزلت رأسها ارضا بينما قالت فريدة:بس بردو يبنى….
قاطعها فهد:مافيش بس انتوا مش بتقولوا ان الشبكة تقدير من العريس للعروسة وانا شايف ان اسيل متقدرش ولا بألماس الدنيا كلها حتى
عمار بهزار:خلاص يا فرى الراجل حابب انه يغرم نفسه انتى مضايقة لى يلا يا فهد خليهم بختاروا سيبك منهم
وفعلا اختار فهد لاسيل طقم اسيل بسيط ورائع يتكون من عقد وحلق واختار اسورة الماس رقيقة تحفة بها بعض الفصوص الحمار وخاتم سوليتير رائع



فهد:شوفى كدة يا اسيل عاجبينك ولا لا(سبحان الله ليها نفس ترفض كمان🙂ماتيجى تخطبنى انا طيب انا سنجل ولاهى😹)
نظرت لهم اسيل بأنبهار:جمال جدا
فهد:لو مش عاجبينك قولى اغيرهم عادى
اسيل بأبتسامة تسحر:لا عاجبنى جمال جدااااا
فهد بأبتسامة ايضا:تمام….چورچ هناخد دول ودى كريدت كارد اسحب منها المبلغ
چورچ:امرك يا فهد بيه……اتفضل اخدنا المبلغ خلاص
فهد:تمام…..اتفضلى يا اسيل
اسيل:شكرا
فريدة:بقولك يا فهد بعد كدة اى حاجة تحصل تتصل بيا انا وتقولى ماشى
فهد:حاضر
فوزى:طب مادام فريدة تحبى الفرح يبقى امتى
فريدة:مش لما نعمل الخطوبة الاول
فوزى:اصل بصراحة فهد مستعجل وعايز يعمله بعد شهر يعنى بعد الخطوبة بتلات اسابيع
فريدة بأعتراض:لا طبعا ماينفعش مش هنلحق فى حاجات كتير هتبقى ناقصة زى الجهاز والفستان وحاجة العروسة
فهد:مافيش داعى لكل دة انتى ممكن حضرتك بدل الجهاز تحطى فلوسه وديعة بأسم اسيل لان اصلا الڤيلا جاهزة ولو اسيل حابة تغير اى حاجة انا موافق وهغيرها اما بالنسبة للباقى اظن مش هياخد وقت ولا اى
فريدة:بص سبنى يومين افكر وهرد عليك
صفاء:لى يا فريدة ماتوافقى وبعدين انا شايفة ان الجدع بيتكلم صح هو مش محتاح ياحببتى وبعدين هو شاريها وفلوس جهازها يستى حطيها فعلا وديعة ف البنك وخليلها
فريدة:يعنى انتى شايفة كدة
صفاء:اة
فريدة:خلاص موافقة
فهد:شكرا يا طنط….يلا اتفضلوا عشان اروحكوا
ركبت اسيل وفريدة مع فهد هذة اىمرة ولمار وصفاء مع عمار ف سيارته وسيف وفوزى فى سيارتهم ذهب كل واحد الى بيته وغط فى سبااات عميق.
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية القاسي والقوية)
