رواية القاسي الحنين الفصل الثالث 3 بقلم بسنت جمال

رواية القاسي الحنين الجزء الثالث

رواية القاسي الحنين البارت الثالث

رواية القاسي الحنين الحلقة الثالثة

يجلس حد فاخر يطل على النيل ،هذا المطعم هو المفضل للأصدقاء الثلاثة ، وكما توقع حازم أن يجده في هذا المكان .
يجلس كريم ناظرا متأملا في جمال النيل ، جلس بجانبه حازم ثم بدأ يتحدث.
حازم : زى ما توقعت ألاقيك هنا.
كريم : مكان كله ذكرياتنا .
حازم مبتسما : لسه فاكر؟
كريم : طبعا.
حازم : حقك عليا يا كيمو ، متزعلش منى.
كريم : عيب عليك ، متقولش كده ، عمرى ما أزعل منك أبدا .
حازم : ده العشم يا صاحبي.
بعد فترة من الحوارات عن ذكرياتهم ، وصل فارس وانضم لأصدقائه .
فارس : خلاص كده صافي يا لبن.
كريم : مفيش زعل ما بين الأخوات .
حازم : أكيد طبعا .
فارس : طيب كويس ، نتكلم في الشغل بقى .
كريم : بص يا حازم وجهة نظرى …….
حازم مقاطعا : خلاص أنا اقتنعت اعمل الإعلان زى ما أنت عاوز ، بس ساعة الاختيار أنا عاوز كله رجالة حتى السكرتارية.
فارس : نعم يا أخويا ، وأنا مالى يا لمبى، أنت حر في نفسك ، ملكش دعوة بينا.
حازم : من فضلك يا فارس عشان ابقى مرتاح.
استسلم فارس وكريم لرغبة حازم ، فحازم هو حازم مهما اختلفت الأزمان ومهما مرت الأيام ومهما عاش من تجارب.
في يوم الأيام ،عند فرح في الشركة ، نسمع أصواتا من داخل غرفة الاجتماعات، صوت صراخ، صوت أشياء تتحطم بالداخل ، جرى كل من سمع هذه الأصوات ناحية الغرفة ، تفاجأ الكل مما يجرى بالداخل ، فكل شئ ليس في مكانه ، أدوات المكتب مبعثرة ، كل شئ محطم داخل هذه الغرفة ، تسائل الجميع عما حدث .
نجد فرح تقف وعلى وجهها علامات الذعر والغضب معا ، ونجد على جانب آخر رئيسها أمجد يقف وعلى وجهه آثار دماء تنزل من رأسه وأنفه.
كانت تقف سارة زميلة فرح مع الجميع ، تفاجأت من هيئة فرح ، جرت عليها وأخذتها بداخل أحضانها .
سارة بقلق : في إيه ، إيه إللى حصل ؟
فرح بهيستريا : الحيوان ده كان بيتهجم عليا .
أمجد بتوتر : أأأأنا؟؟ أنا مقربتش ليك أصلا ، أنت من هتفترى عليا بكلام محصلش ؟
“طيب إيه سبب بهدلة الدنيا كده ؟!!”
التفت الجميع لمصدر هذا الصوت ، حيث كان لصاحب الشركة.
أمجد بتلعثم: ولا حاجة يا مستر محمد.
( محمد ناجى صاحب الشركة ، فى أواخر الثلاثينات، جاد في عمله ولا يقبل التهاون أبدا ، متزوج ولديه بنتان)
محمد بهدوء شديد: اتفضل معايا على مكتبى وحضرتك يا آنسة معانا برضه ، والكل يتفضل على شغله.
وصل محمد مكتبه وخلفه أمجد وفرح .
محمد لسكرتيرة مكتبه : نسرين خلى تلات عمال يروحوا أوضة الاجتماعات ينضفوها.
نسرين : أمرك يا فندم.
دخل محمد وأغلق الباب خلفه.
محمد : آنسة فرح في حمام هنا ممكن تدخلى واغسلى وشك وأنا منتظرك هنا.
أمجد: أنا إللى محتاج أغسل وشي مش هى .
نظر له محمد نظرة حارقة أخرسته ، فهو فهم ما حدث أو توقع ما جرى لأنه يعلم طباع أمجد جيدا .
بعد فترة قصيرة خرجت فرح وشكلها أفضل مما كانت عليه .
محمد : أحسن دلوقت؟
لم تستطع فرح الرد واكتفت بعت رأسها.
محمد : ممكن بهدوء كده تحكى لى إللى حصل .
فرح بصوت مجروح يشوبه البكاء : كنا قاعدين بناقش تنظيم الحفلة السنوية للشركة وفجأة بدأ يتحرش بيا .
قاطعها أمجد منفعلا: كدابة ده هى إللى…..
محمد بحدة ضاربا المكتب بيده : اسكت خالص مسمعلكش صوت.
صمت أمجد مرتعدا من هيئته.
محمد بهدوء: كملى يا فرح.
بدأت تقص له فرح ما حدث ، وكيف قاومته وضربته على رأسه وفي وجهه بكل ما يقابلها في طريقها حتى أصبح المكتب رأسا على عقب.
محمد : طيب اهدى ، خدى اشربي العصير ده .
فرح : شكرا لحضرتك.
محمد : إيه إللى يرضيكي وأنا هعمله.
فرح ببكاء: مش عارفة.
توتر أمجد بشدة فأحس من طريقة كلام محمد أنه ينوى فعل شئ به.
محمد : من غير عياط لو سمحت ، تحبي نعمل له محضر ؟
أمجد بعصبية : نعم ، محضر إيه ؟ ده هى إللى أخلاقها زفت.
فرح بانفعال: أنا ؟ حسبي الله ونعم الوكيل فيك.
محمد : مش أنا قلتلك تخرس خالص .
أمجد بخوف : يا مستر محمد أصل الكلام إللى بتقوله ده يعنى…….
محمد بحدة: قلت تخرس خااااااااالص ، وأنت يا آنسة عاوزة تاخدى حقك إزاى ؟
فرح بقوة : حقى أنا أخدته بإيدى، وعلمت عليه خلاص.
محمد بإعجاب : يعنى مش عاوزة تعملى محضر ؟؟
فرح : لا .
محمد : إللى يريحك، وأنت يا متحرش قرار فصلك هيتمضي النهاردة ، جهز حاجتك واتفضل ماشوفش وشك تانى.
صدم أمجد صدمة كبيرة من هذا القرار ، لقد توقع خصم من مرتبه أو لفت نظر واعتذار لها وينتهى الموضوع ، لقد صدم بالفعل .
أما فرح فلقد شعرت بالسعادة والعدل لهذا القرار .
فرح بامتنان: متشكرة جدا لحضرتك .
محمد : ده واجبي هنا ، خدى أجازة لنهاية الأسبوع عشان أعصابك ترتاح.
فرح : حاضر ، وشكرا مرة تانية ، عن إذن حضرتك.
رجعت فرح المنزل وهى تفكر ماذا ستقول لوالدتها عن سبب يجمعها مبكرا ، وبالفعل تفاجأت أمل بعودتها.
أمل : في إيه ؟ رجعنا بدرى ليه ؟
فرح : متقلقيش يا ماما ، حسيت بشوية تعب فقلت أرجع أرتاح في البيت أحسن.
أمل بخوف: تعبانة مالك؟ حاسة بإيه؟ تعالى نروح لدكتور.
فرح بابتسامة: اهدى بس ، ده دور برد عادى هنام شوية وابقى كويسة ، اطمنى.
أمل: بجد ولا بطمنيني وخلاص؟
فرح بمشاكسة: يا أمولتى اطمنى والله ، وبعدين أنا بخاف على نفسي برده لو تعبانة أوى هروح لدكتور ، اطمنى بس .
أمل بتنهيدة : أمرك لله ، ادخلى نامى شوية .
دخلت فرح لترتاح قليلا فهى حقا مجهدة .
بعد فترة من تحضير أمل لطعام الغذاء ، ذهبت لتوقظ فرح ولكنها رأتها ذاهبة في سبات عميق ، رق قلبها على ابنتها فهى تشعر بوجود شئ ما ولكن هى تعلم ابنتها جيدا لن تتحدث ولن تشتكى.
أمل : ربنا يطمنى عليك ، مش عارفة رد فعلك هيبقى إيه على الموضوع إللى هكلمك فيه ؟؟؟
يا ترى موضوع إيه إللى أمل خايفة تتكلم فيه مع فرح ؟؟