رواية العهد القديم الفصل الأول 1 بقلم هي جنته
رواية العهد القديم الجزء الأول
رواية العهد القديم البارت الأول
رواية العهد القديم الحلقة الأولى
اولا نتعرف علي شخصيات القصه
البطل عادل 26 سنه بيشتغل مع اخوه يوسف في شركته
البطله هدي بنت 20 جامعيه جميله ورقيقه ومنقبه
يوسف.. اخو عادل الكبير وصاحب الشركه
محمود دكتور واخو هدي
مديحه ام عادل ويوسف
نعمه ام هدى ومحمود
مي بنت جامعيه وبتشتغل مع د! محمود وكمان منتقبه
نبدأ بقي قصتنا
في اوضه النور فيها خفيف قاعد شاب وشه منور ولحيه جميله
بيلمس وش زوجته وبيصحيها برقه لصلاة الفجر
يوسف …هدي حبيبتي ..وباس راسها وبيبعد شعرها عن
وشها ..اصحي ياحبي يلا الفجر هيأذن عايز انزل المسجد
هدي ..حبيبي صباح الخير احلي حاجه ف الدنيا لما تصحي من
النوم علي صوت بياخد عقلك ووش يعطيك تفاؤل وأمل في بكرا
يااااااااااااااااااااااارب السعاده اللي انا فيها دي تدوم .
.يوسف.. يارب ياحبي يجعل ايامك كلها سعاده وهنا
يﻻ بقي اصحي وصلي وانا رايح المسجد ادعيلي ف صلاتك
وباس راسها ونزل
هدي..يارب متحرمش منك ياحبيبي ياااه بقالنا 3 سنين
متجوزين واكني لسه متجوزه انبارح اكني عروسه فطار
لحد عندي وحب وغرام حتي البيت بيساعدني فيه مش
عارفه انا من غيره اعمل ايه الله المستعان اروح اصلي بقي
..صلت وقعدت تقرأ وردها وتقول اﻻذكار ومش منتبهه
ان يوسف رجع من الصلاه بصت لقت الفطار جنبها
هدي.. بردو يا يوسف ليه كدا ياحبيبي طب انا كنت هخلص
واجهزه وكمان انت كل يوم بتعملو ليا بس وانت مبتفطرش
أﻻ اما نرجع من المشي
يوسف …حبيبتي انا عارف انك مش بتتعشي وبتجوعي بدري
وعشان كدا عملتلك الساندوتش اللي بتحبيه وكوباية اللبن
وكما انتي ناسيه حديث الرسول صل الله عليه وسلم
قال(ولست بنافق نفقه تبتغي بها وجه الله اﻻ أجرك الله بها حتي اللقمه تجعلها في في امرأتك)
هدي ..عليه الصلاة والسلام ماشي يا سيدي انا هفطر
وهلبس ونطلع نتمشي
يوسف ..بالهنا والشفا وانا كمان هلبس
لبست هدي ملحفتا و نقابها وجوانتيها واستعدت وطلعو
من الشقه واتمشو
وهما ماشين يوسف قال..ايه رأيك عندي فكره حلو نعملها
واحنا بنتمشي ومنها يبقي رياضه ومنها يبقي ذكر لله وجبال حسنات
هدي ..قول والله شوقتني للفكره
يوسف ..بصي ياستي احنانعلم الشوارع ونسميها بأسم ذكر
معين ولما نوصل لكل شارع نقول الذكر بتاعه لحد ميخلص
الشارع والشارع التاني نقول الذكر التاني
يعني الشارع دا نسميه شارع الحمد ونحمد الله فيه ﻻخره
والشارع التاني نسميه شارع التسيبح نسبح فيه من
اوله ﻻخره وكدا فهمتي
هدي..بصراحه فكره اكتر من رائعه حبيبي صاحب افكار
الحسنات ربنا يجعلها في ميزان حسناتك
ومشو لمدة ساعه رياضه وذكر وبعدها رجعو علي الشقه
هدي ..حبيبي البس وخلص وانا هعمل الفطار
يوسف ..ماشي ياحبيبتي ربنا مايحرمني منك
خلص يوسف لبس وجهزت هدي الفطار وقعدو يفطرو
هما الاتنين
هدي ..حبيبي اعمل ايه علي الغدا النهاردا
يوسف ..اي حاجه من ايدك انا بحبها وﻻ اقولك ايه رايك
نعزم امي وامك علي الغدا
هدي ..وانا موافقه وهعمل صنية المكرونه اللي بالبشامل
اللي ماما مديحه بتحبها ( ام يوسف ) وهعمل صنية الرقاق
اللي ماما نعمه بتحبها (ام هدي) ونقول لعادل اخوك ومحمود
اخويا ونتغدا كلنا سوا
يوسف …ماشي ياحبيبتي براحتك اللي تعمليه بس متنسيش
الفراخ المشويه اللي بحبها
هدي ..ودي تتنسي ﻻ طبعا هعملك احلي فراخ مشويه
يوسف… يﻻ بقي انا اتأخرت علي الشركه استودعكم الله
هدي ..في رعايه الله وحفظه ياحبيبي ….هتصل بقي
علي الجماعه واعزمهم هتصل علي ماما مديحه اﻻول
هدي ..السﻻم عليكم ورحمة الله وبركاته ماما ديحه عامله ايه
وحشتيني كدا متساليش علي بنتك
مديحه ..هدي حبيبتي عامله ايه وحشتيني والله غصب عني
ياقلبي انتي اللي عامله ايه ويوسف عامل ايه اوعي
يكون مزعلك وﻻ حاجه اقرصلك ودنه
هدي. . يوسف ينهاري ياماما دا انا عمري مازعل من
يوسف ابدا دا نعمه ربنا بعتهالي وبدعيله يحفظهالي
مديحه ..ربنا يحفظكم بحفظه انتو اﻻتنين
هدي. . صحيح ياماما كنت هنسي انتي معزومه انتي وعادل
عندنا علي الغدا النهارده
مديحه ..بس انا ليا رأي تاني ايه رأيك نجيب غدامن برا
ونتغدا مع بعض وبﻻش نتعبك وكمان نتصل علي نعمه
تيجي تتغدا معانا اصلها وحشاني مشفتهاش من زمان
هدى..! ﻻياماما منا هعمل اﻻكل هنا وبﻻش مصاريف كتيره
مديحه ،،عيب عليكي ياهدي مصاريف ايه كله خير يوسف
انتي عارفه انه هو اللي متكفل بينا بعد الحاج ما مات وانتي
عارفه انه هو اللي مجوز مروه والحمد لله عايشه مبسوطه
مع جوزها ف الكويت وهو اللي مكمل لعادل كليته وهو
اللي مربيهم والحمد لله طالعين عارفين ربنا واهو ساب
نفسه من غير جواز لحد ما خلص مهمته معاهم
هدي …ربنا مايحرمكم من بعض ياماما وﻻ يح مني منكم
مديحه ..يارب ياحبيبتي ويعطيكي الخلف الصالح يﻻ بقي
علشان تتصلي علي نعمه
هدي ..السﻻم عليكم ورحمة الله وبركاته ازيك يانعمتي
وحشتيني قوى ياست الكل
نعمه..هدي حبيبتي عامله ايه عملتي ايه في الموضوع
اللي كلمتيني فيه يارب يكون خير يابنتي
هدى..ان شاء الله خير لما تيجي تتغدي معانا انتي ومحمود
هتعرفي كل حاجه
نعمه..بﻻش النهارده علشان عايزه ازور قبر ابوكي
هدي ..تعيشى وتفتكري ياماما بس ماما ديحه جايه
وهتجيب اكل من برا وهي اللي عزماكي
نعمه ..خﻻص ياهدي هاجي علشان مديحه وحشاني خالص
خلصت هدي المكالمه وراحت تروق الشقه وهي بتروق
افتكرت هي اتجوزت يوسف ازاي
فﻻش باك …….
هدي كانت طالعه من الكليه وكان عندها امتحان وكان صعب
ماشيه مدايقه وسرحانه وفجأه ظهرت عربيه ونزل شاب وقعد يزعق
الشاب.. انتي انتي ياختي في ايه انتي عايزه تنتحري
هدي ..في ايه بتزعق ليه كنت هتموتني وبتزعق صحيح بارد
الشاب ..بقالي ساعه بزمر لك وانت مش موجوده انتي
شاربه حاجه
هدي انا اسفه (وقعدت تعيط )
الشاب خﻻص يأنسه متعيطيش طب انا زعلتك في حاجه
هدي ..ﻻ ابدا بس الامتحان كان صعب
الشاب ..خلاص خير ان شاءالله انا يوسف شوقي لو مفيهاش
حاجه ممكن اوصلك للبيت
هدي ..لا شكرا ياستاذ يوسف وانا اسفه علي اللي حصل
بعدها بيومين
نعمه ..ياهدي بت ياهدي انتي فين يابت
هدي ..ايوا ياماما انا هنا
نعمه ..انتي تعرفي واحد اسمه يوسف
هدي ..يوسف ! يوسف مين معرفش ياماما ليه
نعمه.. اصله جاي الليله يخطبك يﻻ علشان تجهزي
هدي .رجعت بذاكرتها ايه يمكن يمكن يكون اللي كان هيخبطني بالعربيه لا بجد مش مصدقه يارب يكون هو هروح اجهز بس ياتري هطلع بالنقاب وﻻ بالطرحه
وجا وقت المقابله ودخلت بالعصير
هدي… السﻻم عليكم ورحمة الله وبركاته
يوسف ..وعليكم السﻻم ورحمة الله وبركاته
ام يوسف..وعليكم السﻻم ماشاء الله تبارك الله عروسه
زي القمر بس مقلتليش يايوسف انها حلوه كدا
يوسف ..انا اول مره اشوفها ياماما اصلها منتقبه ودا
اللي عاجبني فيها
ام يوسف ..بصي ياحاجه نعمه احنا جاين علشان نطلب ايد
هدي بنتكم علي يوسف ابني
نعمه.. والله انا اتشرف بيكم بس مقدرش اقول رايي الا لما
هما يقعدو مع بعض ويقولو رأيهم الاول
مديحه ..عين العقل طب ممكن بقي يوسف يقعد
مع هدي دلوقتي
نعمه ..معنديش مانع
قعدو اﻻتنين مع بعض واتعرفو علي بعض وبعدها وارتاحو لبعض
يوسف قال ..بصي ياستي انا عصبي
هدي …همتص غضبك
يوسف..بحب الاكل
هدي..هتفنن ف عمايله
يوسف …بسهر برا كتير
هدي ..هخليك تحب البيت
يوسف…بحب الست الدلوعه في البيت
هدي ..هتعلمه
يوسف ..بحب الست تقعد في البيت
هدي …وانا مبحبش الخروج
يوسف ..انتي موافقه
هدي ..ان شاءالله
يوسف ..ليه وافقتي
هدي ..لما تبقي جوزى هقولك
يوسف…تعرفي انا مستنيكي من سنين
هدي وانا مش هرد اﻻ لما تبقي جوزي
طلع وعرف الجماعه انها موافقه واتفقو علي الفرح بعد شهر
وبعد شهر اتفقو انها تلبس فستأن بدون ميكب وكانت
اجمل عروسه بفستانها اﻻبيض والنقاب الابيض
وبعد الفرح وصلو البيت
.. يوسف..نورتي بيتك ياحبيبتي
هدي……………
يوسف ..في ايه خايفه مني …مسك ايدها وباسها
هدي بتبكي
يوسف ..ليه بتبكي المفروض تفرحي انتي زعﻻنه علشان اتجوزنا
هدي …ﻻابدا انت عارف ببكي ليه علشان من يوم ما شوفتك
وانا بدعي ربنا انك تكون ليا ومن نصيبي حسيت انك
اﻻنسان اللي ممكن استأمنه على حياتي وقلبي
وانت اول انسان يمس ايدي
يوسف …مش مستغرب اللي بتقوليه ﻻني اليوم اللي
شوفتك فيه مشيت وراكي وعرفت انتي مين وساكنه فين
صليت ودعيت انك تكوني ليا وطبعا انا حفظت نفسي وحافظت علي بنات الناس فحفظلي مراتي
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية العهد القديم)
تعليق واحد