رواية العاشق والبريئة الفصل السادس عشر 16 بقلم الملاك الصامت

رواية العاشق والبريئة الجزء السادس عشر

رواية العاشق والبريئة البارت السادس عشر

رواية العاشق والبريئة الحلقة السادسة عشر

تذكير
حسام راح مكتبه لما شاف تليفونه بيرن برقم هو يعرفه كويس رد عليه وهو بيتمنى انه يكون كل تفكيره غلط ومش يكون حد من احفاده هو الشيطا*ن
حسام بقلق بعض الشيء وبرود حاد / هاا عرفت هو مين
الشخص /…………….
حسام بصدمه ومعالم الاندهاش ظهرت على وجهه / لأ مستحيل يكون يكون هو أنت متأكد من اللي بتقولو ده عارف لو كلامك طلع غلط أنا همسحك من على وش الدنيا
الشخص بخوف قال /……………..
حسام بعصبيه / طيب اقفل دلوقتي وانا هاشوف لو كلامك مظبوط او لا وقفل من غير ما يسمع رده وهو متعصب جدا ومش مصدق ان ممكن واحد من احفاده يكون كده او شغال في الما*فيا وقال
حسام / لازم اعرف انت عملت كده ليه وايه هو السبب اللي خلاك تعمل كده..
♡♕♡♕♡♕♡♕♡♕♡♕♡♕♡♕♡♕♡♕♡♕♡♕♡•
تحت فى غرفة الطعام كان الجميع ينتظر نزول حسام الى الاسفل وكان كل منهم ملهي مع معشوقته حيث كان يجلس ادم وملاك بجانب بعضهم وسيلا وسيف ايضا وكذالك زين وسيليا وسليم ومايا وبعد قليل نزل الجد وجلس في مقدمة الطاوله وينظر الى ادم نظرة جمود وبرود عكس ما بداخله ولاحظ ادم هذا وتأكد ان هناك شيء ما يخفيه الجد ولكن ماهو هذا الشيء الذي يخفيه ولكن لا بأس سأعرف بطريقتي فلا شيء يخفى عني هذا ما قاله في داخله.
وشرعو في تناول طعامهم واثناء تناولهم للطعام قال زين / ايه رأيك يا بابا لو نطلع كلنا اجازة اسبوع ولا حاجه نفك عن نفسنا شويه وأنا اتفقت مع سليم وجهزنا كل حاجه ومستنين رأيكم
ملاك برقه / بس يا بابي الدراسه لسه بدأه ومينفعش ما اروحش الجامعه ولازم احضر.
زين / متقلقيش ياحبيبة بابي أنا مجهز كل حاجه وكمان كلمت رئيس الجامعه وقولتله يعني مافيش مشكله.
حسام / تمام أنا موافق فعلا كلنا محتاجين تغير وقت.
ادم / وانا كمان موافق بس هروح الشركه اخلص شوية شغل وارجع تاني.
زين / تمام وانت ياسيف
سيف بمرح / أنا عن نفسي مش ورايا حاجه ف اكيد راشق معاكم
حسام بقرف / راشق بقى ده منظر واحد عايش طول عمره في ايطاليا ولسه جاي مصر مش بقالو تلات شهور او اربعه
سيف بدموع مزيفه / اكل العيش مر بقى ياحج اعمل ايه يلا ربنا يتوب عليا من سماع الافلام المصريه
زين / افلام مصريه قوم ياسيف اجهز الله يهديك يابني
مايا / سبحان الله الطيور على اشكلها ما جمع الا ماوفق سيلا وسيف الاتنين اجن من بعض مش عارفه والله دول هيخلفو ازاي.
سيف وسيلا في صوت واحد / الله يخليكي لينا ياحجه
وبصو لبعض هما الاتنين وضحكو اوي والكل ضحك معاهم معادا حسام الذي كان في دنيا اخرى يفكر المستقبل المجهول الذي ينتظرهم ويفكر لماذا فعل ادم هذا ما الشيء الذي يخطط له.
بعد ما خلصو غدا سيف وسيلا طلعو يرتاحو شويه وادم راح الشركه او هذا مايعتقده الجميع فهو ذهب الى هذ المخزن الضخم الذي يغطيه اللون الاسود دلف الى الداخل ووجد هذا المعتو*ه الذي يسمي معتز يجلس على كرسي حديدي ومربوط بسلاسل حديديه قويه ويبان عليه الالم الشديد والضعف ولكنه لا يزال يريد ان يعترف بي مكان الزعيم ولكن لن يخفى شيء حتى الان فقد اتى له الشيطا*ن كاب*وسه الم*هلك والمخي*ف.
ادم ببرود ثلجي / ايه مش عاوز تريح نفسك وتعترف ولا الاقامه هنا عجباك.
معتز بغل وحقد / انا هطلع من هنا بمزاجك او غصب عنك أنت متقدرش تعمل فيا حاجه وأنا عارف كده كويس ومش هنكر انك كنت دايما متفوق عليا بس ده كان زمان وحتى لما اتفقت مع شرطة المخابرات علشان توقعوني انا والزعيم وعارف كمان انت دخلت عالم الما*فيا ليه وكمان ايه هو السبب اللي خلاك تدخل العالم ده وكمان تبقى اكبر زعيم ما*في في العالم بلقب الشيطا*ن بعد مادخلت وسطينا وخليت الزعماء التانين يثقو فيك بس أنا هطلع من هنا وهكشف حقيقتك دي قدامهم كلهم.
ادم ببرود / خلصت.. اسمع مني بقى كل الهري ده ميهمنيش وبعد ما بقى اللعب على المكشوف احب اعرفك على شخص انته بتحبه اوي دخل شخص بنيته قويه وكانت كل ملابسه باللون الاسود وكان يرتدي قناع ولا تظهر سوا عيناه فقط فكانت باللون الاسود ومخيفه للغايه
معتز باستغراب / مين ده
ادم بخبث / متستعجلش هتعرف دلوقتي
وقام بنزع القناع عن الاخر وظهر شخص هو يعرفه جيدا وكانت الصدمة حليفته
معتز بصدمه / مش معقول أنت ازاي
♡♡♡♡♡♡♡♡♡♡♡♡♡♡♡♡♡♡♡•
عند ملاك كانت تجلس بمفردها في حديقة القصر وتراجع محاضراتها ولكن قاطعها رنين هاتفها من رقم غير معروف استغربت كثيرا لان هذه اول مره يرن هاتفها برقم غير معروف ولكن قررت ان ترد عليه لتعرف هوية من يتصل وقالت
ملاك برقه / الوو
ندى بحب ومرح / ملاكي عامله ايه ياروحي وحشتيني من تلات ساعات بس
ملاك بضحك / اديكي قولتي تلات ساعات لحقت اوحشك
ندى بضحك / طبعا يابنتي هو حد يبقى عارف ملاك زيك ومش يكلمو كل شويه ولا حتى يوحشه دي تبقى عيبه فى حقي والله
ملاك برقه وحب / والله أنتي اللي قمر ومتعرفيش أنا حبيتك قد ايه وكمان عايزه اعرفك على سيلا اخت ادم اكيد هتحبيها اوي وهي كمان هتحبك أنا متأكده
وم
ندى / اكيد هتعرف عليها قريب إن شاءلله يلا بقى هسيبك تشوفي كنت بتعملي ايه علشان رعد اخويا عايزني
ملاك / تمام ياحبيبتي مع السلامه
وقفلت معاها وهي فرحانه جدا لان اخيرا بقى ليها صحاب من سنها تتكلم معاهم دايما ويحبوها وهي تحبهم وحمدت ربنا انها حصلت على صحاب طيبين زي ندى وسيلا.
وطلعت الجناح تستنى ادم على ما يجي وعدى يجي اكتر من ساعتين وهو لسه مجاش وهي قلقت عليه جدا وحاولت ترن عليه لكن تليفونه مقفول ومش عارفه هو مجاش ليه بس قالت اكيد وراه شغل علشان كده اتأخر بس عدى وقت كتير وهو لسه مجاش وبرضو لسه بتحاول ترن عليه بس مش بيرد خالص وبعد عدة محاولات اخيرا رد عليه بس اتفاجأت من نبرة صوته
ادم بعصبيه / عايزه ايه كل شويه ترني مردتش تعرفي اني مشغول مش ترني تاني
ملاك باستغراب / بس
ادم بغضب / بس ايه ورايا شغل هخلص واجي علطول
وقفل حتى من غير مايفهمها او يسمع هي بتقول ايه.
ملاك اتفاجأت منه اوي وازاي هو كلمها كده وكانت خايفه جدا لان مش متعوده حد يزعقلها بالطريقه وقعدت تعيط جامد وهي زعلانه منه جدا ونامت وهي قاعده على الكرسي من غير ماتحس بنفسها
وبعد ساعتين كان ادم وصل القصر وطلع بسرعة البرق علشان يشوفها لانه مش مصدق هو ازاي اصلا كلمها كده او بالطريقه وظل يشتم ويسب فى نفسه. دخل الجناح مالقهاش على السرير وبيدور عليها بعنيه لقاها نايمه على الكرسي ودموعها على خدها قلبه اتقطع لما شافها بالمنظر ده ولعن نفسه الف مره على غبائه وازاي هو كلمها كده قرب منها وشالها وحطها على السرير وقال بنبره تحمل الندم
ادم بحزن / أنا اسف ياملاكي مش عارف أنا عملت كده ازاي ولا كلمتك بالطريقه دي ازاي أنا عارف اني غلط غلط كبير اوي لما زعقتلك سامحيني ياحبيبتي ارجوكي سامحيني ومتزعليش مني..
واخدها في حضنه وهو مش عارف ازاي هيصالحها ولا هيعمل ايه.
تاني يوم الصبح صحى ادم بس ملاك مكانتش جنبه بس سمع صوت في الحمام عرف ان هي جوا وبعد ربع ساعه كانت خرجت وهي لبسه هدومها وشافته وما اتكلمتش
ادم بحب / صباح الورد ياروحي
ملاك / صباح النور
وراحت نشفت شعرها وسرحته ونزلت من غير ما تكلمه وهو زعل جدا لانه مش بيعرف يكمل يومه غير لما يشوف ضحكتها واتنهد بضيق وقام دخل الحمام واده فرضه ولبس ونزل لقاها قاعده مع سيلا وبيتكلمو بس كان باين عليها الحزن راح باتجاههم بس هي اتجانبته خالص.
سيلا بمرح / صباح الفل ياعسل
ادم بابتسامه / صباح الورد ياحبيبتي اومال فين بابا وعمي والباقي
سيلا / بابي وعمو زين بيخلصو شوية شغل في الشركه قبل مانطلع الرحله بتاعتنا ومعاهمسيف وجدو في الكتب بتاعو ومامي وطنط سيليا في المطبخ مش عارفه بيعملو ايه ومش راضين كمان يدخلونا معاهم فقولنا نقعد هنا على مايخلصو وسيف ر
ادم وهو ينظر الى ملاك / امم تمام أنا بقى خلصت شغلي كله امبارح فاتسمحولي ياقمرات اقعد معاكم
سيلا بمرح / طبعا واحنا نطول البشمهندس ادم مز المزاميز يقعد معانا اكيد طبعا اتفضل اقعد
قعد ادم وهو بيضحك على الجنان اخته اللى عمره مايفارقها
بس ملاك مكانتش مركزه معاهم خالص وكانت بتفكر في كلامه بتاع امبارح وهو لاحظ عليها كده وزعل جدا من نفسه لانه السبب في حزنها ده وقرر انه لازم يصالحها قبل مايسافرو وفعلا خطرت على باله فكره حلوه جدا علشان يقدر يساعدها وقام متكلم بصوت عالي لسيلا علشان هي تاخد بالها منه.
ادم بخبث / قوليلي ياسيلا هو لو حد غالي عليكي جدا وبتحبيه اوي وعملتي حاجه من غير قصدك وزعلتيه منك تعملي ايه علشان تصالحيه
سيلا بحيره / مش عارفه يا ابيه اصل أنا عمري ماحصل معايا الموقف ده اسأل ملاك
ادم / قوليلي ياملاكي هتعملي ايه
ملاك / والله أنا لو بحب الشخص ده مستحيل ازعله مني بأي طريقه بس لو زعلته يبقى مش بحبه أو معدتش بحبه ولا يهمني او يفرق معايا
ادم باندفاع وسرعه / بس أنا بحبك والله ومكنتش اقصد اتعصب او اعلي صوتي عليكي
سيلا فهمت ان هما زعلانين من بعض وقررت تسيبهم يحلو مشاكلهم مع بعض وقامت طلعت الجنينه من غير ماهما يحسو بيها
ملاك وقد ترتقرقت الدموع في عينيها وتحدثت بصوت مختنق / لو فعلا كنت بتحبني مكنتش زعقتلي كده وانا كنت هموت من خوفي عليك وانت محستش بيا حتى لو فعلا كنت بتحبني مكنتش هتكلمني بطريقه دي أنا بعتبرك دايما اماني وحمايتي من بعد بابا وسيف بس امبارح خوفتني جدا منك وحسيت انك بقيت بتكرهني ومش بتحبني.
وسابته طلعت بسرعه على الجناح وهو طلع وراها بسرعه وقبل ماتقفل الباب كان هو دخل وشدها من دراعها وحضنها جامد وهي كانت بتقاومه بكل ماتقدر عليه بس طبعا قوتها ماتجيش واحد في المية من قوته فاستسلمت ليه
ادم بحزن ووجع / عارف اني غلط وعارف إن من حقك كمان تزعلي مني بس ماتقوليش اني مش بحبك اوبكرهك علشان بحبك حتى اكتر من نفسي أنا من غيرك مقدرش اعيش والله أنا حتى مش عارف قولت كده ازاي بس لما رنيتي عليا كنت مشغول جدا والله وكمان كان فيه مشكله عندي في الشركه علشان كده كنت متعصب شوية وطلعت كل عصبيتي فيكي بس ارجوكي سامحيني وأنا والله عمري ماهزعلك تاني
ملاك بنظرات عتاب / دايما بتقول كده وبرضو بتزعلني وبتخوفني منك
ادم بحب / وعد مني عمري ماهزعلك تاني والله بس سامحيني المره دي وأنا والله ما هعمل حاجه تزعلك مني او تخوفك بس متزعليش لو خاطر عندك
ملاك بدموع / ماهي دي المشكله بقى اني مش بقدر ازعل منك وقت طويل
ادم وهو بيمسح دموعها / والله خلاص معدتش اعمل حاجه تزعل ملاكي مني قومي بقى جهزي الشنط علشان نلحق نسافر وكمان فيه مفاجأة محضرهالك علشان اصالحك بيها
ملاك بفرح / بجد ايه هي
ادم وهو يضربها على رأسها بخفه / اومال هتبقى مفاجأة ازاي يعني لو قولتهالك
ملاك بغباء / تصدق صح
ادم بضحك / طب قومي يلا نجهز الشنط مع بعض علشان عايزه اقولك كلمه سر
ملاك / طيب ماتقول هنا فيها
ادم بخبث / تعالي بس وانا هقولك جوا
وبعدين……….. ( ملناش دعوه خلينا احنا سناجل بائسين 😂)
♦♣♦♠♦♣♦♣♦♣♦♣♦♣♦
تحت كان سليم وزين وسيف وصلو القصر بس مش لاقو حد غير مايا هي اللي قاعده لوحدها سليم سألها باستغراب
سليم / اومال فين الباقي يامايا
مايا / بابا في مكتبه من الصبح ومانع حد يدخله وسيلا في الجنينه وادم وملاك في غرفتهم وسيليا تعبت شويه وطلعت ترتاح في اوضتها
زين بقلق شديد / مالها سيليا حصلها حاجه وتعبانه ليه
مايا / متقلقش يازين هي بس كانت مصدعه شويه وطلعت ترتاح فوق
زين / تمام أنا هطلع اشوفها وطلع بسرعه عشان يشوفها
اما تحت عند سليم ومايا
وسليم وهو يقترب منها بخبث / اومال ايه الجمال ده هو اللي بيكبر بيحلو كده
مايا بخجل / سليم الله بقى حد يسمعك
سليم بحب / روح وقلب سليم وبعدين محدش ليه حاجه عندنا اللي يسمع يسمع أنا مالي وبعدين انتي لسه بتتكسفي مني بعد العمر ده كله
مايا بغيظ / اسكت بقى والله ازعل منك
سليم / ماتقدريش تزعلي مني عارفه ليه علشان انا عارف انك بتحبيني زي مابحبك بالظبط وماتقدريش تزعلي مني
مايا بخجل / اووف بقى انت مش هتسكت خالص انا طالعه فوق وقامت وسابته وطلعت اوضتها بسرعه من كتر خجلها اما فضحك عليها بشده وعلى خجلها هذا الذي لم يفارقها طوال سنواتهم الماضيه.
༺༺༺༺༺༺༻༻༻༻༻༻༺༺༻༻
عند زين طلع الجناح بتاعو شاف سيليا قاعده على السرير وعلامات الارهاق والالم على وجهها واتجه اليها والقلق ينهش في قلبه.
زين بقلق / حبيبتي مالك مايا قالتلي انك تعبانه
سيليا / مافيش ياحبيبي بس شوية دوخه بسيطه كده
زين / دوخه ايه اللي بسيطه انتي مش شايفه نفسك عامله ازاي وشك اصفر خالص أنا هطلبلك الدكتورة
سيليا / مافيش داعي يازين يمكن علشان ما اكلتش النهارده بس تعبت شويه
زين بعتاب / وما اكلتيش ليه لحد دلوقتي افرضي حصلك حاجه
سيليا بحب / ما انت عارف ياحبيبي اني مش بعرف اكل من غيرك خالص وأنت طلعت الصبح بدري واكيد مافطرتش صح
زين / طيب ياحبيبتي ما اكلتيش اي حاجه خالص ليه
سيليا / خلاص بقى يازين هناكل دلوقتي مع بعض واتحلت اهي
زين بحب / ولو برضو ماتسبيش نفسك بعد كده أنا مش هقدر استحمل اشوفك تعبانه بشكل ده
سيليا بحب / بعد العمر ده كله ولسه بتخاف عليا
زين بعشق / أنا ماحبتش ولاهحب حد غيرك في حياتي علشان اخاف عليه قد ما بخاف عليكي أنتي واولادنا ربنا يخليكي ليا وميحرمنيش منك ابدا ياقلبي
سيليا بحب / ويخليك ليا يارب ولا يحرمني منك ابدا ياروحي. ادخل بقى غير هدومك اكيد جاي تعبان وأنا هنزل اجيب اكل لينا
زين معترض / تنزلي فين انتي هتفضلي قاعده هنا وأنا هبعت لحد يجيب وبعدين أنا عاوزك في موضوع مهم اوي وقال اخر جمله وهو يغمز لها
سيلا بخجل / انت مش هتبطل قلة ادب بقى احنا كبرنا على الكلام ده
زين بخبث / طب تعالي اما اشوفك كبرتي ولا لا
سيليا / استنى بس يازين ماين..
زين معترض/ ده فى احلامك قال استنى قال
واخدها معه الى عالم مليئ فقط بعشقهم الذي دام لسنوات كثيره
♡♡♡♡♡♡♡♡♡♡♡♡♡♡♡♡♡♡♡•
في مخزن ادم يجلس معتز على الارضيه وهو مكبل بسلاسل حديديه ويتذكر ماحدث عندما جاء هذا الشخص الذي يعرفه جيدا
Flash back
معتز بصدمه / مستحيل انت ازاي هنا وازاي هو وصلك
ادم بخبث / احب اعرفك جون شريكي الاجنبي وكان متعاون معايا علشان نقدر نكشف حقيقتك وننتق*م منك وأنا اللي اتفقت معاه انه يشتغل معاك بصفته دراعك اليمين وناقل الاخبار لكن هو كان معايا أنا مش انت
معتز بصدمه / ياولاد الك** انتو مش هتقدرو تعملولي حاجه أنا هدمر*كم انتو الاتنين ومش هسيب حقي أنا اللي المفروض اكون مكانك يا ادم في كل حاجه كان المفروض أنا اللى ابقى الرئيس مكانك اوعدك اول ما اطلع من هنا هاخد كل حاجه تملكها ليا أنا الاملاك واللقب وكل ده حتى ملاك هاخدها منك
الى هذه النقطه ولم يعد يتحمل وانقض عليه بالضربات المبرحه وكان سوف يقت*له ولكن منعه رنين الهاتف المتكرر
end flash back
معتز بكره وحقد / اوعدك يا ادم اني هخرج من هنا وهدم*رك وهاخد كل حاجه منك وهحرمك من ملاك وده هيكون قريب اوي بس اصبر عليا.
~~~~~~~~~~~~~~~~~~~~~~~.
عدا يومين وكانت العيلا كلها سافرو شرم الشيخ لتغير جو
ومزال معتز يحاول الهروب من ادم ولكن لاشيء ينفع فهو يلعب مع الشيطا*ن اما عن ادم فهو يحاول معرفة مكان الزعيم ولكنه عندما يصل اليه كان يهرب من جديد ولكن لابأس سيجدها اينما كان اما الان فهو يستمتع مع محبوبته الجميله التي يزداد عشقه وهوسه بيها يوما عن الاخر
اما عن ملاك فهي في عالم اخر عالم يملاءه السعاده بعد دخول ادم اليه فهي كانت طفله بريئه برغم سنها لاتعرف شيء عن الحياة الخارجية ولا عن مفاهيم الحب والعشق وعرفت معنى العشق على يد ادم هي لا تزال طفله بريئه ولكن ما من مانع من ان تصبح انثى جميله تعلم كل شيء ولكن مع الشخص الوحيد الذي دق قلبها له ويزداد حبها وعشقها له يوما عن يوم.
اما عن سيف وسيلا فهم يعيشون حياة مليئه بالجنون والحب وايضا العشق ولكن معهم هما الاثنان لا يوجد شيء اسمه عقل فهما الاثنين يحملان نفس درجة الجنون والمرح وهذا شيء جميل في علاقتهم.
اما عن فارس هذا الدكتور الذي اعجب بطالبته من اول نظره ولكن يخشى ان يفاتحها في هذا الموضوع لانه اكبر منها بي اكثر من عشرة اعوام ولكن هذا الغبي لا يعرف انها تنتظره فهي ايضا اعجبت به من اول نظره بل احبته لا تعرف كيف ولاكن احبته تشعر بسعاده عندما يتحدث معها او يسألها فى شيء خاص بها.
~~~~~~~~~~~~~~~~~~~~~~~~~~
في اليوم التالي في كلية الطب
كانت تسير ندى بسرعه لانها قد تأخرت على محاضرتها ولكن اصطدمت بشخص ما نظرت اليه وجدته زميل لها في الكليه
ندى وهي تنظر ارضا / انا اسفة ما اخدتش بالي
وكادت ان تذهب ولكن هو امسكها من يدها وقال
زميلها واسمه حازم / محصلش حاجه ياقمر بس خلي بالك المره الجايه
ندى وهي تجذب يدها بعنف / أنت اتجننت ازاي تمسك ايدي بالطريقه دي
حازم بخبث / لا والله عملالنا فيها الخضره الشريفه ما انتي بتقفي كل يوم مع الدكتور فارس وتضحكي وعادي وهي جات عليا أنا ده أنا اصغر منه وهبسطك اوي
كانت ندى لسه رايحه ترد عليه ولكن وجدته ينتفض على الارض بشده بسبب ضربه قويه من شخص ما نظرت اليه وجدته فارس وكانت عيناه حمراء بشده وعرقه بارزه من شدة الغضب وقال له
فارس بغضب جحيمي / ازاي تسمح لنفسك يا**** انك تتكلم عليها بالطريقه الو*** اللي زيك دي قوم يار**** معايا على مكتب رئيس الجامعه
حازم بخوف / أنا ماليش دعوه هي اللي كانت عايزه ترتبط بيا من زمان بس أنا اللى كنت برفض بس هي اللى كانت مصره
فارس بغضب / وكمان بتكدب يابن ال*** أنا هوريك ازاي بعد كده تتعرض لبنت وتكلمها بالطريقة الو*** دي بس الاول مش هسيبك إلا لما تاخد فصل من الكليه يلا قدامي على مكتب رئيس الجامعه وانتي كمان يا انسه ندى تعالى معانا
ندى بخوف / اجي ليه أنا معملتش حاجه وحضرتك سمعت
فارس بهدوء /متخافيش انتي هتيجي بس تقولي هو قالك ايه وتنتهي الحكايه
ندى / تمام
ذهبوا الى مكتب العميد وقالت ندى مالذي قاله لها حازم وبالفعل مع اصرار فارس اخذ فصل من الكليه وظل حازم يتوعد لهم كثيرا وذهبت ندى الى بيتها دون ان تتحدث إلى فارس وهي حزينه لما قاله حازم فا بالتأكيد الجميع يفكرون بها بالسوء وبالاخص فارس دخلت الى البيت ومن ثم الى غرفتها دون ان تتحدث لى احد
چيلان باستغراب / مالها ندى يارعد وكمان رجعت بدري النهارده وشكلها مش طبيعي اكيد حصل معاها حاجه النهارده
رعد باستغراب / مش عارف ياچيلان تعالي نطلع نشوف فيها
وبالفعل ذهبو الى غرفتها ودخلو وجدوها تجلس ويبدو عليها الحزن
رعد بحنان / مالك ياحبيبتي شكلك زعلانه ليه
ندى بنبرة حزن واضحه / مافيش يا ابيه أنا تعبانه بس شويه
چيلان بمرح / بت اندوش قولي ايه حصلك النهارده والا والله انتي عارفه أنا ممكن اعمل ايه فيكي
ندى بهدوء / خلاص هقول وقصت عليهم كل ماحدث معها اليوم ومدافعة الدكتور فارس عنها وكانت دموعها تنزل
رعد بحنان وهو يحتضنها / شششش خلاص ياحبيبتي مش كل حاجه اتحلت وأنا اوعدك اني هعمل كل اللى اقدر عليه علشان الك** ده ميدخلش في اي كليه في مصر وانا ممنون جدا لى فارس انه ساعدك وهتصل بيه شخصيا علشان اشكره
بس اهدي انتي دلوقتي وقومي خدي شاور علشان اخدك انتي والهبله چيلان ونروح الملاهي
صرخت الفتاتين بسعاده كبيره وطفوليه
چيلان وندى بصوت واحده / هيييه ياعيش رعد ياعيش رعد
رعد بغيظ /لو كنت اعرف اني هفقد سمعي ماكنتش اتكلمت خالص
ضحكو الفتاتين عليه وذهبو اليه وضموه وهو ضمهم اليه بحب وحنان واخذهم وذهبو الى مدينة الملاهي وكانت معظمها فارغه بأمر من رعد لعبت الفتاتين بجميع الالعاب وهما يصرخون بسعاده وظلو اليوم كله يلعبون وبعدها رجعو الى القصر وهما متعابين كثيرا وذهب رعد وچيلان الى غرفتهم وايضا ندى وذهبوا جميعهم فى نوم عميق
كفايه كده 😂…………
ياترى حكاية فارس وندى هتستمر ولا للقدر رأي اخر؟
وليه حسام ساكت لحد دلوقتي ومش واجه ادم بالحقيقه؟
(ملحوظه)
رعد وچيلان قصة حبهم فريده جدا من نوعها وليهم رواية هكتبها إن شاءلله لما دي تخلص واسمها ( رعد والمجنونه) ــــــــــــــــــــــــــــــــــــــــــــــــــــــــــــــ