رواية الحربايه والثعبان الفصل العشرون 20 بقلم منة محمد
رواية الحربايه والثعبان الجزء العشرون
رواية الحربايه والثعبان البارت العشرون
رواية الحربايه والثعبان الحلقة العشرون
في منزل دعائله دعاء ع وجبه العشاء
معمر بصلها: فيه ايه يامه ليه مش بتاكلي
بهيه: مش جعانه يابني
معمر: ليه انتي شبعانه ؟؟!!
ميسر: معمر انت بتسأل ؟؟ وكأنك متعرفش , امك راحت تزور دعاء النهارده, اكيد اكلت هناك اصل اهل آمير بيخدموا كويس اوي
معمر ابتسملها: اه اكيد , نسيت اسألك هي عامله ايه؟؟!!
بهيه: كويسه يابني كان نفسي اجيبها هنا بس حماتها رفضت, ابقي اتصل بيها اسأل عن صحتها
معمر: ما انتي عارفه معنديش وقت في يومي
بهيه بعتاب: يابني الانسان بيخلق الوقت عشان الي من دمه , وانت اخوها الكبير لازم تسأل عنها, ترفع راسها قدام جوزها واهله
معمر: حاضر يمه , هتصل بيها بكره , ناوليني ياميسر المخلل
ميسر: حماتي كانت امي بتسأل عنك , اتصلي بيها في اي وقت , اسألي عنها دلوقت انتي حماه الفت كمان
معمر: ايه داعي الاتصال تزوريها صح يمه
بهيه ع مضض: ايوه هروحلها بكره
معمر: داغر قرب يجي وكنت عايزك احدد فرحهم
ميسر: ايوه يامعمر وده الي كانت بتقوله امي خلونا نجوزهم في اقرب وقت
معمر: فعلا ادي طبيخ لـ امي
ميسر بخبث: خدي كلي ياحماتي
………..قصص منه محمد كاتب…………
في منزل عائله آمير رحاب دخلت الساعه عشره بالليل
ناني دخلت وراها منفعله: رحاب قوليلي كنتي فين؟؟ شايفه الساعه كام
رحاب بتهكم: الساعه عشره لسه
ناني: ايوه طلعتي من تسعه الصبح ،راجعه عشره بالليل
رحاب: قولتلك مامي كنت مع شله صحابي انتي ليه متعصبه كدا
ناني: مع شله اصحاب ولا اصحاب مميزين!!
رحاب: انتي كويسه , ليه بتتعاملي معايا زي الامهات المحافظين ،عمرك ما سالتيني قبل كده روحت فين , جيت منين , كنت مع مين
ناني: لانك عمرك ما خبيتي عني حاجه قبل كدا قوليلي مين هو وعائلته مين
رحاب: مامي
ناني: بلا مامي بلا بابي متكدبيش عليا انا مش مغفله للحد ده زي ما مفكره تعرفيه منين
رحاب: كان زميلي في الجامعه ،وبينا صداقه قديمه من سنين
ناني: يعني بقاله فتره طويله ليه مجاش يتقدم ولا مجرد تضيع وقت معاكي
رحاب: هو مش بيضيع وقت معايا, وليه مستعجله انه يتقدم
ناني: رحاب مينفعش تروحي وتيجي معاه من غير ارتباط رسمي ،طالما بينكم علاقه واحنا قلقانين بسبب جوازك وكفايه رامز مشي بسببك
رحاب نفخت بضجر: مامي قولت لك مش هتجوز حد غير من اختياري انا, ليه انتي معترضه
ناني: انا مش معترضه انا مصدومه , كان لازم تقوليلي واكون في الصوره لكن قادره تشاركي دعاء اسرارك ليه خبيتي عني وانا امك, ودلوقت هضطر اقدم تبرير قدام ابوكي
رحاب: دعاء , دعاء , دعاء , كرهت الاسم ده , بدعي عليها الهي تموت ( وهي خارجه ع بره) وكل حاجه هتتصلح
ناني بنرفزه: رحاب خدي هنا
…………….قصص منه محمد كاتب…………
بعد رجوع آمير من السفر اخد دعاء في كافيه في جنينه راقيه وسحب لها الكرسي بمنتهي الشياكه آمير طلع علبه عليها فيونكه حمراء: اتفضلي يا ملكه حياتي
دعاء بتعجب: يعني دي المفاجأه الي قلتلي عنها , ماكنت تقدر تدهالي في البيت
آمير: مينفعش ادهالك في المكان الحلو ده
دعاء: مش قصدي يعني رجعت بقالك يومين وبعدين خرجتنا نتعشاء برا
آمير: لانك زهقتي من قعده البيت, وبقالك كذا يوم عايشه لوحدك جوه الاوضه ،قررت اخدك ونخرج وتغيري جو
دعاء: عارف انك وحشتني اوي
آمير: وانا طول منا مسافر كنت اتمني انام لو ليله واحده من غير ما افكر فيكي
دعاء بدلع : عشان كدا كنت مش بترد ع مكالماتي
آمير: والله ابدا انا كنت بحاول انجز الشغل في اقل من خمس ايام عشان ارجعلك وكنت حاسس اني مقصر في حقك واني مزعلك مني
دعاء بنظره عشق : كفايه من ساعه مارجعت بتحاول تراضيني فدي حاجه كبيره اوي عندي , وانا بالنسبه لي الموضوع اتنسي وانتهي في اللحظه الي حسيت فيها منك ان زعلي فارق معاك
امير مسك ايدها بحب: دعاء انا حرفيا بحب كل اوقاتي معاكي , وعمري ماهزعلك او ابعد عنك ابدا
في نفس اللحظه جمال وسامو دخلوا وسامو شافها وقاله: جيمي مش دي دعاء
جمال: ايوه هي ( وماشي)
سامو مسك دراعه: رايح فين مش شايفها قاعده مع واحد
جيمي: ده جوزها وبعدين فيها ايه دي زميلتي في الجامعه
سامو: جيمي بلاش
جمال سابه وراح قرب عليهم: هاي دعاء
آمير رفع عيونه وبصله: انت جمال مش كدا
جمال: ايوه بالظبط جمال عاملين ايه؟!!
آمير: الحمد لله بخير
جمال: نايس
آمير : اتفضل اقعد معانا
جيمي سحب الكرسي: ليه لاء اقعد
آمير: اخبارك عامل ايه؟؟!!
آمير: الحمد لله , انا نايس جدا , بس انتي غريبه اوي يادعاء , تظهري فجأه , وتختفي فجأه, طلبت منك تتواصلي معايا ،بس ولا مره اتصلتي بيا , ياتري حذفتي رقمي اصل الحقيقه رقمك اتحذف من عندي لاني غيرت رقمي ممكن اخد رقمك اسيفه عندي
دعاء بصاله بذهول لانها ولا مره اخدت رقمه وآمير بصلها واضايق بس سكت
دعاء عيونها ع آمير وردت برتباك: اصل يعني
جمال مثل البساطه : بتبصيله ليه هو آمير معقول يبقي عنده اعتراض , ولا انا غلطان ياآمير
آمير: لاء معنديش اعتراض اطلاقا , انتم زمايل جامعه سنين ’ مقدرش ادخل دي حريه شخصيه
جمال: شوفتي جوزك ناضج وفري يله سيفي رقمك عندي
دعاء اخدت الموبيل وكتبت رقمها وبصت لنظرات آمير الي كلها غيره وضيق
جمال: ثانكيو لكن تردي ع مكالماتي تمام, (قام) انا لازم اقوم
آمير بعزومه : اقعد اتعشا معانا مينفعش تمشي بالطريقه دي
جمال: لاء مش عايز ابقي عزول وسط ثنائي جميل
آمير: ثانكيو
جمال: دعاء انبسطي بجد لايقين ع بعض جدا باي
آمير: دمه خفيف ولطيف
دعاء متابعه جمال وهو بيبيعد ومضايقه جدا من اسلوبه المتعمد قدام آمير وبينها وبين نفسها: ده عايز مني ايه… جمال عمره ما اتكلم معايا بالنبره الوديه دي ……الي متوقعتهاش منه بعد ما ضربته بالقلم…انا متأكده انه بيعمل كدا عشان يثير الشك عند آمير….لما يتكلم معايا بالحميميه دي واخد رقمي كمان …لاء مكنش ينفع اديله الرقم
آمير لاحظ سرحانها: دعاء
دعاء: نعم آمير: بتفكري في ايه
دعاء هزت دماغها: ولا حاجه
آمير: كملي اكلك يله
………..قصص منه محمد كاتب……………..
ع الموبيل داغر اتصل بيها يمسخرها
الفت بفرحه في نبره صوتها: بجد مفاجاه حلوه
داغر بهجوم: اشتكتيني لـ امي ليه عايزه ايه؟؟
الفت: عايزه حبك
داغر: قولتي المسخره دي لـ امي في الشكوي
الفت: لاء مقولتلهاش ده بس هي قالت لك ايه
داغر بسخريه : طلبت مني اهتم بيكي , واسال عنك وعن صحتك , هو انتي عيانه عشان اسأل عن صحتك
الفت بغيظ: امك احسن منك ع الاقل مهتمه بيا
داغر بملل: الفت بطلي هطل انا بجد مش بحب الحركات دي
الفت: انا عارفه بتحب مين, ولو كانت هي مكاني كنت هتتكلم معاها بمزاج رايق وترد عليها بكل لطف بس هي مش من نصيبك والي من نصيبك متهمكش عشان كدا بتتصرف معايا بالوقاحه دي , مش هأذيك ياداغر لو اتكلمت معايا بالحب
داغر قفل الخط في وشها
الفت اتكت ع اسنانها بحقد: الو قفل السكه في وشي تاني
………..قصص منه محمد كاتب…………..
في منزل عائله آمير هي وهو قاعدين يضحكوا ويهزروا سوي في الجنينه ورحاب طلعت بصنيه عليها كاسات عصير فراوله باللبن
رحاب: تيررررا
آمير ابتسم: فيه ايه؟؟!!
رحاب: عملتلكم عصير فراوله باللبن
آمير بتعجب: انتي الي عملتي العصير
رحاب: يس اشربي يادعاء
دعاء بحذر: لاء معلش يارحاب مش عايزه اشرب حاليا
آمير: اشربيها رحاب اتكرمت وعملته بأيديها وعملتو ايه حلو كمان
دعاء: معلش آمير مليش نفس اشرب اي حاجه معدتي بتقلب
رحاب : يمكن مش واثقه في قدراتي في العصير, ولا حطلها سم , فيه عدم ثقه
امير ضحك بصوت عالي ع كلام اخته ودعاء قالت : رحاب مفيش حاجه من دي خالص انـ
رحاب قطعتها بضحكه مصطنعه: انا بهزر , خلاص يا آمير لو هي مش قادره تشرب مش هنجبرها اهدي يادعاء خلينا نستمتع انا واخويا بالعصير
آمير: اوكيه دودي قومي يله عشان نمشي
رحاب: الله رايحين ع فين
آمير: دعاء هتزور امها
دعاء قامت تجيب الشنطه وراحت تلف ع ناني تقولها لحد ما لمحتها: طنط ناني بلف عليكي
ناني: ليه فيه حاجه؟؟!!
دعاء بأحراج : كنت محتاجه اذنك اروح ازور امي , اخويا داغر راجع بعد يومين من الامارات , وكنت عايزه اجهزله اوضته قبل ما يرجع , اصل امي متقدرش تعملها
ناني: ليه هي مش مراه اخوكي عايشه معاها في البيت , اظن دي مسؤليتها وبعدين امك ست عاقله , وانتي مش بتعملي اي شغل هنا عشان خايفين يجرالك حاجه لقدر الله , لكن امك اتصلت بيكي تروحي تروقي وتطبخي , ع كلا لو جوزك موافق ازاي اقدر امنعك , والكل هيرجع يندم لو حصلت حاجه وحشه للبيبي (ناني مشت وسابتها قابلت أمير
امير : فيه حاجه يا ماما ؟؟!!
ناني ابتسمتله: مفيش كنت هشوف الاكل حبيبي
آمير قرب من دعاء: يله جاهزه نمشي
دعاء بقهره مداريه:بلاش النهارده ،مره واحده حسيت بصداع خفيف, نروح بعد ما يوصل داغر وانت كمان تسلم عليه
آمير: اوكيه مفيش مشكله , بس انا رجعت بدري من الشغل عشان اوصلك
دعاء: معلش حصل غصب عني آمير
آمير اتنهد: طيب حاسه بأيه غير الصداع
دعاء: مفيش هو بس صداع خفيف بس هيروح لما اخد الدواء
آمير: زي ما تحبي
………قصص منه محمد كاتب……………
في منزل عائله دعاء
الفت: حماتي خلصت اوضه داغر ويقت ع سنجه عشره شوفيها لو فيها اي حاجه عايزه تتظبط
بهيه: اقعدي انتي حيلك اتهد من صباحيه ربنا بتشتغلي في البيت
الفت: مفيش مشكله خالص بقولك اخلع الستاير اغسلها هتزهز منظر الاوضه
بهيه: لاء يابنتي مفيش داعي تطلعي وتنزلي انتي تعبتي خدي شويه راحه
الفت: انا مش تعبانه هروق الصاله واعملك احلي كوبايه شاي
بهيه: ربنا يباركلك ويسعدك
ميسر دخلت بعد خروج بهيه وبسخريه: وه , انتي مشغوله بتروقي البيت بتدربي تبقي زوجه شاطره بس نصيحه كل الي بتعمليه عشان يعجب امه مش هيعجب داغر ابدا
الفت: ميسر انتي مش قولتلي ان داغر مش بيسمع غير كلام امه وبيتصرف تبع نصيحها وكل ما احاول الف بدماغ امه تيجي انتي تحبطيني
ميسر: يابنتي بهزر معاكي ياغبيه , انا بقولك بلاش تهدي حيلك وتتعبي نفسك بجد كدا, كدا داغر هيتجوزك , وانا اضمنلك واظن اتخطبتيله , عايزه ايه اكتر من كدا دليل
الفت: عايزه املك قلبه
ميسر عوجت بؤها بستنكار: عايزه تملكي قلبه مينفعش تبقي خدامه, مفكره هتملكي قلبه بشغلك في البيت ياخايبه سيبك من ده مش هتاخدي تقدير عليه , تعالي معايا نتفرج ع الفيلم
………….قصص منه محمد كاتب…………….
في جناح دعاء موبيلها رن برقم مش متسجل
دعاء ردت: الو
جمال: الو يا دعاء
دعاء ضمت حواجبها: مين انت؟؟!!
جمال: انا جمال
دعاء سهمت وسكتت
جمال: عامله ايه(ضحك) اما سؤال غبي انا بسأله واضح انك سعيده
دعاء بحده: عايز ايه ياجمال ليه بتعمل كل ده
جمال: لاء مش فاهم تقصدي ايه
دعاء: اسمعني كويس , احنا عمر ما كان فيه بينا صراحه , ولا صداقه , وكنت زميل قسم وبس , ايه الي بتحاول تثبته قدام جوزي بالجراءه الي بتتعامل معايا بيها قدامه
جمال: استني دقيقه يا دعاء , انا حبيت اتواضع وحبيت الامور تكون طبيعيه , احنا عشنا اربع سنين مع بعض , ساعدتيني في دراستي , وانا بجد ممتن ليكي جدا
دعاء: اظن كل زملاء الدراسه بيساعدوه بعض امر عادي جدا , مش حاجه كبيره, وخلاص فتره الدراسه انتهت والي حصل اخر يوم فيها
جمال قطعها: ثانيه واحده , سبيني لو سمحتي اوضح ده الاول , رغم الي حصل انا اتصلت بيكي اوضحلك سوء فهمك بالامر ده , اسمعيني يادعاء الواحد بيعمل امور كتير غبيه في الحياه وبيقول كلام كتير من غير حتي ما يفكر , ومهما قلتيلي كان تصرفي في منتهي الغباء , لكن الي عملتيه
دعاء: الي عملته كان غلط , وبعترف مكنش يصح ابالغ في رده فعلي وابقي عنيفه بالشكل ه, لكن انت مسكتني قدام الكل في الجامعه , وانا طول حياتي محدش اتجرء يمسك ايدي , لانه حرام وعيب كبير عندنا , عشان كدا مقدرتش اتحمل مسكتك
جمال: وبعترف كان غباء وتهور مني , كان لازم افكر قبل ما اقرب منك , بس انا اتعاملت حسب تربيتي الحره , واسف جدا مفهمتش طبيعه حياتك , ومهما قلت انا آسف جدا لجرئتي والي عملتيه يوميها انا نسيته تماما , وعايزك تنسي المراره ونبقي اصحاب very good, عشان نفتح صفحه جديده بيضه , ونمسح فيها السواد الي عندك
دعاء: تمام
جمال: اوعدك بجد لو اتقابلنا مره تانيه اني مش هتصرف بالطريقه دي معاكي
دعاء: تقصد ايه بكلامك لو اتقابلنا
جمال بخبث : هتعرفي ده عن قريب اصبري وهتشوفي , وآسف اني اخدت من وقتك سلام
جمال قفل ولنفسه بصوت عالي: انا مش بنسي حقي بسهوله , ضربتك ليه متردش عليها مني يادعاء وهردهالك اضعاف
……………قصص منه محمد كاتب……………..
في منزل عائله آمير في الصالون
ناني: ياه انا فرحانه ان رحاب اخيرا وافقت تتجوز , وبتشكر فيه جدا
الجده: طالما بتمدح فيه اكيد فيه مميزات حلوه
آمير: انا قابلته هو شاب لطيف مش كدا يادعاء ها
دعاء انتبهت: قلت حاجه
آمير: بتكلم عن عريس رحاب , جمال ايه رآيك ؟ يعني انتي تعرفيه زي رحاب
ناني : بالنسبه لي سعاده بنتي مهمه وميهمنيش رآي حد قدام سعادتها. وانا موافقه لانك قابلته يا بني , وبتشكر فيه معني كدا ان اختيار اختك مش غلط
رياض: قالت لك هو ووالدته جايلنا امتي
ناني: يعني بعد يومين , اصل والدته عندها شركه استيراد والتصدير هنا , وفيه فرع في امريكا لوالده وهي الي ربت جمال لوحدها , لان والده متجوز واحده تانيه
رياض: ربنا يقدم الي فيه الخير
…………قصص منه محمد كاتب………………
في منزل عائله دعاء يوم وصول داغر
داغر: بيبو دي عربيتك والطياره الي بتشتغل بالريموت العب عدل ولا ترجع تشتكي
بيبو بفرحه: شكرا ياعمي
داغر: ودي ليكي ياميسر
ميسر اخدتها منه بلهفه: جبت لي كل الي طلبته
داغر مكشر: ايوه جبت كل الي كتبتيه في القايمه, معمر جبتلك ساعه ماركه, اتمني تعجبك
معمر بخجل: مكنش لو لزوم تكلف نفسك
ميسر: بتقول ايه يامعمر, معقول يعني اخوك يسافرالامارات , ويرجع فاضي
داغر بمرح: فعلا مكنتش هتدخلني من الباب لو كنت فاضي
معمر: معلش هرد ع المكالمه
ميسر ببتسامه عريضه: قول الي تقوله انا مزاجي رايق , عشان جبتلي حاجات حلوه , لما اروح اتفرج عليهم جوه
الفت قاعده منتظره هديتها
داغر: امي الشنطه دي كلها حاجات ليكي , ودي شنطه تانيه فيها هديه دعاء وآمير , بس انا هدهلهم بنفسي
بهيه: لكن يابني مكنش له لزوم تشتري هدايا كتير كدا , كفايه انك رجعت بيتك بالسلامه وده يكفيني عارف عملتلك البط والرقاق الي بتحبه
داغر قام: وحشني اكلك اوي حطي الاكل وهقوم ادخلك الحاجات دي جوه
بهيه قامت والفت وقفت وداغر اخد الشنط ومشي من جنبها ولا كأنها واقفه ووشها احمر من شدة الغضب
بهيه دخلت وراه بتأنيب: واد ياداغر انت ليه وحش كدا , جبت للكل هدايا الا خطيبتك
داغر كشر: نسيتها
بهيه: دي تتنسي برضو يابني , دي كانت فرحانه زي المجنونه بوصولك , ونضفتلك الاوضه وطلعت عنيها معايا , واهتمت بيا في سفرك
داغر بخنقه: تمام اديها المبلغ ده وقوللها تشتري هديه لنفسها
بهيه ضربت ايده وشخطت فيه: خليه معاك وتروح معاها
داغر بضيق: امي معنديش وقت
بهيه: اخلقه
داغر: امي ليه بتتحكمي في كل حاجه لسه راجع وتركيزي ع شغلي لكن انتي
بهيه: يابني طالما وافقت ع قراري احترمه لو عنادك بيذلني قدامهم هتصمم
داغر : حاضر هروح معاها
بهيه طلعت راحتلها وطبطبت على كتفها : الفت يابنتي , عارفه ان داغر مجبلكيش هديه , بس هو جاب لي حاجات يما , روحي افتحيها واختاري اي حاجه فيهم تعجبك
الفت: مش عايزه حاجه , ومش عايزه اخد حاجه من حاجتك
بهيه: يابنتي شوفيها يمكن حاجه تعجبك
الفت مسحت دموعها: شكرا مش عايزه هو مجبليش حاجه وانا مستحيل امد ايدي واخد حاجه حد تاني , لما ميهتمش بيا يبقي متقلقيش انتي عليا
داغر شاورلها بتهكم : وقفي شغل الافلام ده وتعالي
الفت بعصبيه: اتفضلي بيطردني كمان من البيت
بهيه: داغر
داغر ضغط ع نفسه وقال بغيظ : بقولها تعالي هاخدها تشتري هديه ع ذوقها
الفت لفت وشها عنه وهو قال بضجر: انا مستني بره , بلغيها مش هقف كتير دعاء قربت تيجي وعايز اقعد معاها
بهيه: روحي يابنتي يله روحي معاه
………………قصص منه محمد كاتب………….
قدام باب المول
داغر اخد الفت ع فاترينا حاطين ملابس بأسعار رخيصه رحاب لمحتهم راحت عليهم
رحاب: هاي داغر
داغر قلبه دق وورسم ابتسامه: هاي رحاب
رحاب: عامل ايه؟؟!!
داغر بهدوء: بخير وانتي ايه احوالك
رحاب بعنجهيه : انا لسه مثاليه كالعاده دي خطيبتك
داغر: اه هي
رحاب بسخريه: لايقه ع شخصيتك جدا
جمال بصوت عالي : رحاااب
رحاب لفت وشاروتله بأيديها : جيمي جايه ( ورجعت بصتلهم ) اصل الانسان ميصحش يحلم يطير في السماء ورجله واقفه ع الارض , لكن لما عيونك يبقوا مفتحين يجي الواقع قدامك, وانا بجد سعيده جدا ليكم , وسعيده اكتر لانك اخدت الي شبهك من مقامك باي
جمال: مين دول
رحاب حطت دراعها في دراعه وسحبته: تعال وانا اقولك
الفت: لما اروح اسحبها من شعرها
داغر وقفها بقهر: يله مفيش داعي
………….قصص منه محمد كاتب……………
في منزل عائله دعاء داغر رجع وقافل ع نفسه
دعاء فتحت الباب ودخلت: انا جيت ايه ده ان شاء الله بقي انا جيالك وانت قاعد سرحان في اوضتك
داغر: معلش
دعاء: حصل حاجه ياخويا
داغر: لاء
دعاء: امال مالك مكشر فيا طب فيه حاجه في شغلك
داغر: مفيش حاجه من دي متقلقيش قابلت رحاب النهارده مع شاب قدام باب المول
دعاء: جمال
داغر: انتي تعرفيه
دعاء: ايوه كان زميلنا في الجامعه و
داغر هز دماغه بتفهم: تمام فهمت
دعاء: هي بتحبه وهو عرض عليها الجواز وهيجي يخطبها كمان يومين داغر انساها فات كذا شهر ومش ببتكلم مع آمير هو ملوش ذنب اخته هي الي رفضتك مش هو ودلوقت عرفت السبب من فضلك قوم سلم عليه بلاش علاقتك تتقطع انتم اصحاب هايلين وانا مضايقه انكم متخاصمين عشان خاطري قوم يله واخرج معايا امك مفكراك زعلان منها
داغر ابتسم :امك دي يله بينا
دعاء خرجت : داغر جه
بهيه: الاخ واخته اهم ،من امتي قاعدين جوه
دعاء بمرح: ماما دي اسرار ما بينا ليه نقولك
بهيه بضحكه: انا بقول كدا، لان آمير هنا من بدري
داغر: ازيك ياآمير
آمير مازال قاعد: الحمد لله وانت
داغر: بخير احنا مشفناش بعض بقالنا شهور ايه مش هنحضن بعض
آمير ابتسم اوي وقام اخده بالحضن وبهيه ودعاء فرحوا ان خصامهم زال
…………قصص منه محمد كاتب………..
في جناح دعاء وأمير تلفونها بيرن ودعاء كل شويه تكنسل
آمير بصلها: مين ده الي بيتصل وانتي مش بتردي
دعاء: رقم غريب وكل شويه عمال يتصل
آمير بهدوء: طيب ماتردي وشوفي يمكن مكالمه مهمه
دعاء: سيبك ،بس عارف اليوم اتشال عبي كبير ،عن قلبي لما اتصالحت انت وداغر
آمير: رغم عمرنا ما اتخانقنا ابدا
دعاء: كنت بلوم نفسي حاسه انه حصل بسببي
آمير: لاء مفيش حاجه من دي الصداقه مش بتضعف بسبب حد تاني او توضيح مفاهيم غلط جايز بيكون غلطنا احنا لما ندرك ان اشخص ده مش صديق اصلا وبيتحملك في كل حالاتك
……….قصص منه محمد كاتب………………
في منزل عائله آمير
ناني: يابنتي وخداني ع فين بس!!
رحاب بتشد فيها: تعالي وانا هقولك
ناني: يابنتي قلقتيني فيه ايه
رحاب :محتاجه اتكلم معاكي في موضوع مهم جدا اقعدي
ناني قعدت :ها قولي يله
رحاب :جمال عايز يجي هو ووالدته ومش عايزه دعاء تظهر قدامهم
ناني :ليه
رحاب : وزعيها ع بيت امها
ناني : قوليلي السبب الي يخليني امشيها من البيت؟؟!!
رحاب : مامي انتي عارفه انها بتغير مني وبتحقد ع سعادتي , وهتحقد اكتر اني هتجوز الانسان الي اخترته انا
ناني : غريبه مع انك قولتلها انك بتحبي ،وبسببه دره سافرت زعلانه
رحاب نفخت: عشان كدا انا واثقه هتنتقم مني , لاني رفضت اخوها واهانت امها
ناني: كل الي في دماغك اوهام , ومفهوم غلط , فكري لما يجوا ويعرفوا ان مراه ابني الوحيد مش في البيت , ايه هو الانطباع الي هيوصلهم
رحاب: مش انتي كل الي يهمك منظرك , عشان كدا انا قلقانه من دعاء , لتعمل موقف تحرجنا ويأثر ع خطوبتي وتبوظها
ناني: احنا كلنا موجودين مش واثقه فينا وبعدين هم جاين يسكنوا دول يادوب ساعه وكله يتفض متقلقيش ابدا هطلب من آمير يفهم مراته انها متقولش اي كلمه قدامهم
رحاب: لكن يامامي
ناني: خلاص بقي كبري عقلك وفكيها
رحاب مثلت انها مقتنعه سابت امها وطلعت ع غرفه دعاء وحطت في ازازه الدواء برشامه : اليوم هو خاص جدا بالنسبه لي ،عشان كدا الاحسن تنامي ،لاني مش عايزه جمال يشوفك قدامه
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية الحربايه والثعبان)
