رواية الجواز وسنينه الفصل الأول 1 بقلم منة ياسر

رواية الجواز وسنينه البارت الأول

رواية الجواز وسنينه الجزء الأول

رواية الجواز وسنينه الحلقة الأولى

=انتي مين…؟!
-انا هي
= هي مين…؟!
-هي انا
=حضرتك مينفعش كده ده مكان شغل يا فندم
-محترم محترم
=احم هو مين يا فندم
-متركزش معايا
=طب يا انسه عايزه ايه…؟؟
-عايزه واحد مأذون واتنين شهود
=افندم!!!
-انت اسمك ايه…؟
=اسمي ليل
-ليلي وليل شوفت دي اشاره….يلا نتجوز بقي
=انتي مجنونه
-ب حبك وبعدين……فكرته مجنون ما توقعته يكون حبيبي ونصي التاني اللي راح حبه بجنون
=اه ده انتي واقعه بقي
-ومحدش سمي عليا
=دي اول مره تشوفيني
-مهو من نظره وابتسامه
=انتي جايه ترمي بلاكي عليا
-والله لو اتجوزنا هتاخد ثواب ادخال الفرحه علي قلب مسلم
=اتحدفتي عليا منين
-انت عارف بقالي كتير سنجل والوضع بائس حد اللعنه
=الجواز هو اللعنه ذات نفسها امشي الله لا يسيئك
-التقل صنعه برضه…..وبعدين اتقل وراضي هو انت حد عادي
=استغفر الله العظيم
-طب انت عارف ان لكل عاشق طير ولكل طير مرساه ولكل قلب حبيب مكتوب عليه يلقاه فهل يرضيك…..تكسر قلب عاشق علي بابك غني وبيحلم يرجع للجنه…؟؟ هل يرضيك يعني؟
=اه يرضيني ممكن افهم عايزه ايه بقي…؟؟
-عايزه اكشف
=طب اتفضلي هبلغ الدكتور
بعد قليل……….
=قاعده لوحدك ليه هنا
-قاعد لوحدي مع نفسي وبفكر ايه الذنب اللي انا اذنبته والمفروض عنه بكفر
=انا عارف اني مش هخلص اتفضلي ادخلي
ودخلوا هما الاتنين العياده وليل كان هيطلع
-ايه ده انت هتطلع
=اومال عيزاني اقعد معاكي والدكتور بيكشف عليكي
-ايه ده انت مبتغرش عليا
= لا ده بقي رسمي
ليلي طلعت من العياده وراحت ل ليل اللي كان واقف بيبص فايل بتركيز
-هشوفك تاني
=احتمال
-طب هقابلك تاني
=ممكن
-طب مش هنتجوزني
=مستحيل
في البيت عند ليلي بتكلم سهر تؤامها
& ايه ده يا بنتي مين شاغل بالك
-علي بالي ذكريات سبهالي وليالي كانت احلي ليالي ده الغالي غالي وهيفضل غالي
& ايه يا عم الرايق
-رايق لو مين عليا لو حرب قايمه والله مدايق هتعايق مزاجي حلو وشكل الحلو عليا كده لايق
& ههههههه ايه يا بنتي ايه اللي حصل
-اصلي شوفت انهارده خير الله ما اجعله خير واحد في عياده الدكتور اللي كنت عنده
& اممم وايه اللي حصل….؟!
-كان بيعكسني وهيموت واديله رقم بابا بس انا طبعا رفضت انتي عارفه انا مبفكرش في موضوع الجواز ده نهائي
& طبعا انتي هتقوليلي
وفي عصر اليوم التاني
» يلا قومي البسي