رواية البر التاني الفصل الرابع والعشرون 24 بقلم لولو محمد

رواية البر التاني الجزء الرابع والعشرون

رواية البر التاني البارت الرابع والعشرون

رواية البر التاني الحلقة الرابعة والعشرون

ناصر / امال مختار فين
عباده / زى كل مره عاوز يبقي لوحده
امين / انا بقول نعمل محضر سرقه اى حاجه فى اى حد فيهم و نخلى البوليس يساعدنا نلاقيهم
سليمان / ما البوليس بيدور معانا يا اذكى اخواتك امال المحافظ بيعمل ايه
عباده / اول الشهر قرب و اكيد هينزلوا يقبضوا المرتبات
سليمان / لسه قايل كدا لمختار امبارح بيقول بيقبضوا بالكارت ده يعني مش هينزلوا
عباده / احسن و احسن الكارت هيخلينا نعرف هم سحبوا من انهى ماكنه فى انهى محافظه
امين / صح يا عباده معاك حق
عباده / لينا مين شغال فى البنوك
سليمان / لينا كتير اكلمهم و اعرف هما سحبوا اخر مره من انهى محافظه
عباده / كانت فايته عن بالنا ازاى دى
ناصر / المهم تيجي بفايده اى حاجه تيجي بفايده
………………………
فى فيلا الساحل
اسراء ماسكه فستان سواريه ابيض و الكل عمال يتفرجوا عليه و مبسوط
اسراء/ قولت ما لوش لزمه المنفوش ما دام فى البيت بدل ما تحتاس فى الحركه
م حامد / والله حلو برده ما يقولش لا
عبد الله يدخل من باب الفيلا
م حمدى / ازيك يا عبد الله
عبد الله يعديها
اسراء / عبد الله عبد الله
عبد الله يبصلها
اسراء / ادى الفستان ده لهند تقيسه زمانها خرجت من الحمام
عبد الله ياخد منها الفستان و يبصله بقرف و يروح اوضه هند يلاقيها مستحميه و شيري بتسرحلها
عبد الله / كويس انك غسلتيها جبتلكوا الكفن اهو
عبد الله يرمى الفستان فى الارض شيري ما تبصلوش و تكمل تسريح عبد الله يطلع بره و يقفل الباب
……………………..
فى شقه مختار
عباده / والله نجبهم نشغلهم معانا ولاد الكلب دول ايه الدماغ دى
امين / بصراحه دماغ جامده كل مره بيسحبوا من محافظه شكل و انا متاكد انهم مش هناك اصلا
ناصر / بس بيسحبوا مبالغ كبيره الناس دى قاعده فى مكان غالى
امين / ما تنساش ان عددهم كبير بياكلوا بكام كل يوم على الاقل
ناصر / صح برده
سليمان / بس ان كنا عرفنا نحط ايدنا على حاجه هم فى بحرى اسكندريه مطروح هم فى الناحيه دى
ناصر / دورنا هناك و سالنا بدل المره عشرين
عباده / فى الاول و الاخر احنا دلوقت بعيد احنا نروح نقعد هناك و ندور فى شقق الايجار ما دام مش قاعدين فى فنادق لينا هناك بدل السمسار الف اسكندريه كلها صعايده
ناصر يفكر
ناصر / مختار فين
امين / زى كل يوم هيكون فين يعني
ناصر / كلموه خلوه يجي و انتوا لموا حاجتكوا هنطلع على اسكندريه
……………………..
فى فيلا هند يوم الاربع بالليل
يوسف واقف فى الصاله بيوريهم بدلته و الكل فرحان و بيضحكوا عبد الله يعدى يفتح باب الفيلا
يوسف / على فين يا عبد الله مش تقيس بدلتك
عبد الله ما يردش و يمشي
اسراء / عشان الورد
محمود / ادخل غير يلا لحسن تتوسخ
حامد يدخل من التراس
حامد / اكدت على المازون هيجى بكره الساعه ٧
اسراء / و الدى جى و النور و الفراشه
حمدى / هيجوا بكره بدرى ما تقلقيش انا اكدت عليهم
م حامد / و الاكل و الجاتوه و الساقع
حامد / هيوصلوا بكره انا لسه قافل معاهم ما تقلقوش كل حاجه هتبقي تمام
محمود / انا هقوم ابص على هند
اسراء / قوم اما نشوف اخرتها
محمود يقوم يخبط و يفتح الباب بالراحه شيري تقوم تقف و هند نايمه
محمود / هى لسه نايمه
شيري / بتصحى تدخل الحمام و ترجع تكمل نوم
محمود / فى حاجه نقصاكوا
شيري / شكرا
محمود / اتكلمتى معاها
شيري / فى ايه
محمود / عن يوسف عن الفرح
شيري / لا
محمود / ليه يا شريهان هتستني لامتى الفرح بكره
شيري / لو كان عندى كلام اقوله كنت قولت
محمود يبص فى الارض و يتنهد
محمود / بكره كل ده هيتغير بكره نفتكر الايام دى و نضحك عليها
شيري تبصله و تبص فى الارض محمود يقفل باب الاوضه
………………………
على البحر وقت الفجر و النهار بيطلع
عبد الله واقف بيعيط و يفتكر كلامه مع مختار
///////////////////
عبد الله / ما عدتش عارف انا قولت ههرب من اللى فى مصر
مختار / مفيش مكان سالك و اتعلم تواجه ما تهربش
عبد الله يهز راسه و بعدين يفتكر حاجه مهمه
عبد الله / لا بس النهرده بصراحه كنت فرحان اوى عارف ابن الكلب ده رفع المسدس عليا فجاه لقيت الكل بيدافع عنى و عباده بيقوله دا اخونا و اخته مننا بصراحه طلعوا رجاله اوى انا قولت هيجروا
مختار / ولاد الزيني يجروا !!! هههههههههههههههههه يا عم لسه بقولك واجه ما تهربش
…………………..
مختار / انت عارف ان السلاح ده بما ان فى سلاح كتير مش مرخص يعني فى سوق سوده يعني اكيد بيدخل بطريقه غير شرعيه
عبد الله / صعبه دى بيعملوها ازاى دى
مختار / عارف مامتك لما بتسيبك تسرق البطاطس المحمره من المطبخ
عبد الله / هههههههههههههههه ايوه بس لما بتقفشنى بتزعق
مختار / اهو الحكومه كدا ما دام ما اتمسكتش اعمل اللى انت عاوزه تجار السلاح بيشوفوا شغلهم و الحكومه بتشوف شغلها و اخر اليوم حبايب دا كمان لو ظابط اتزنق فى ترقيه ممكن يظبطوله ضبطيه حبى
عبد الله / عالم دماغ اقسم بالله
//////////////////
عبد الله / كان بيحاول يقول … ما ضحكش علينا احنا اللى ما فهناش
/////////////////
صوت اطباق كتير بتتكسر فى المطبخ و نظرات ضحك و شيرى تغطى بقها بايدها و مختار باصص فى الارض و مبتسم و كاتمها عبد الله يقوم يدخل المطبخ يلاقى هند باصه فى الارض و الاطباق مكسره تحت رجليها يروح يلم معاها هند تشاور بره
هند / هو
عبد الله / ششششششششش
عبد الله يشاورلها تسكت و يوشوشها
عبد الله / انا موافق جدا على فكره
هند ما تقدرش تكتم ابتسامتها عبد الله يحضنها و يطلع بره
////////////////////
عبد الله / مفيش حد هيسعدها قده عمرها ما فرحت غير معاه عمرها ما ضحكت غير ليه
////////////////////
عبد الله يفتكر و هو بيبوس ايد هند لما كانت قاطعه شراينها
عبد الله / مش هستنى اما تعمل فى نفسها حاجه مش هستني اما يجرالها حاجه
عبد الله يطلع موبايل قديم و رخيص من معاه و يكتب رقم و يبصله
عبد الله / لو كدا كدا هتموت تموت على ايدك انت اهون
عبد الله يتصل بمختار و هو بيعيط
مختار / السلام عليكم
عبد الله / ليه ما قولتش الحقيقه
مختار / عبد الله انت فين يا عبد الله هند فين يا عبد الله
عبد الله / هتاذيها ؟لو قولتلك مكانها هتاذيها ؟
مختار / انا عمرى ما اذيها يا عبد الله طمنى بس عليها
عبد الله / احنا عرفنا الحقيقه
مختار / قولى انها بخير و لو عاوزنى اخرج من حياتكوا هبعد بس قولى انها بخير
عبد الله يعيط جامد
عبد الله / هند مش بخير هيجوزوها غصب عشان خايفين منك هيجوزوها يوسف غصب
مختار / قولى هى فين قولى مكانك
عبد الله / هقولك بس توعدنى مش هتاذيها
مختار / اوعدك بس قول
عبد الله يمسح دموعه و يبص للبحر
……………………
فى السرايا
كل البنات و الستات بيجروا فى السرايا زى النحل فاطمه تخرج من اوضتها تلاقي سماح واقفه فوق تبص عليهم
فاطمه / هو فى ايه يا بت يا سماح
سماح / لقيو هند و هيجيبوها و يرجعوا
فاطمه / لا والله طب الحمد لله طمنتيني
سماح / خالتى انتصار تحت مع الجزارين هيدبحوا و لا ست عجول و توزع على البلد كلها
فاطمه / اه كانت ندراها
سماح / هى تندر و احنا ندبس فى التقطيع و التكييس و الطبيخ
فاطمه / شوفوا البت بتقول ايه
سماح / مين هند يعني عشان يتعملها دا كله بنت مين يعني
فاطمه / هههههههههههههههه ياختى الغربال الجديد له شده و عشان خاطر مختار انما فى الاخر كلو بيتساوى
سماح / يعني انا لو فى يوم تهت و لا اتخطفت
فاطمه / بعد الشر عنك يا بت تفى من بقك ليه تقولى كدا
سماح / هتعملوا عشانى كدا
فاطمه / هتفضلي طول عمرك عبيطه انتى بنت شاكر الزيني و اخوكى عباده الزيني يعني ست الكل و اوعى فى يوم تشوفى نفسك اقل من غيرك
سماح تبص فى الارض فاطمه ترفع دقنها و تخلى عنيهم فى عنين بعض
فاطمه / انا لما اتجوزت ابوكى ما كانش حلتى اللى ينصفنى لا اهل و لا عزوه و لا فلوس حته بت يتيمه هبله شافت الزل و المر سنين انا حتى ما كنتش احلم اشتغل خدامه فى السرايا دى غيرى كانت عاشت طول عمرها مطاطيه لبنات الزيني اللى متربيين على العز و اكل الوز لكن انا ما عملتش كدا انا رفعت راسي و بقيت ست ستهم انتوا اللى نصفتونى انتى و اخوكى
سماح / و انا مين ينصفني
فاطمه / انصفى روحك بجمالك و ذكائك و خفه دمك و شهادتك بكره تشوفى يا سماح ان ما اتعملك اللى ما اتعمل لحد ما يبقاش اسمي فاطمه
سماح تبتسم
فاطمه / تعالى ننزل نساعد فى اى حاجه و نعملنا اى منظر
سماح تهز راسها فاطمه تاخدها و تنزل
………………..
فى الفيلا
عبد الله يدخل يلاقي العيال بتلعب فى الجنينه
م حامد / حاسبوا يا عيال لحد يقع و لا يتعور … انت جيت يا عبد الله كنت فين يا ابنى كل ده قلقتنا عليك
عبد الله يسيبها و يمشي يفتح باب اوضه اخته يلاقيها قاعده قدام المرايه و فى واحده بتزوقها
شيري / كنت فين يا عبد الله كنت هموت من القلق عليك
عبد الله / شوفت ياسمينا بره فستانها حلو اوى
شيري / قوم اللبس يا عبد الله
عبد الله يقوم و يروح يقعد تحت رجلين هند تبصله
عبد الله / دا مش فستانك
شيري / خلاص بقي يا عبد الله
عبد الله / دا حتى مش فستان فرح دا مش فستان اصلا
شيري / عبد الله ابوس ايدك ما صدقنا بطلت عياط
عبد الله / هسكت … شكلك حلو يا هند
هند تبصله
عبد الله / حقيقي شكلك حلو
عبد الله يطلع بره و يقفل الباب يعدى من قدام اوضه تانيه مفتوحه يوسف بيلبس بدلته و ولاد عمامه حواليه بيرشوله برفيوم و الكل سعيد و بيدحك يوسف يشوف عبد الله فى المرايه
يوسف / اخيرا ايه يا عم كنت فين اتصلت بيك كتير يلا يلا روح اللبس
عبد الله يبصله من فوق لتحت و يروح اوضه تانيه بدلته محطوطه على السرير يرميها فى الارض و يقعد على السرير
عبد الله / يا رب ما فيش اقوى منك
عبد الله يعيط شيري تدخل الاوضه يبصلها تروح تاخده فى حضنها
شيري / عامل ايه يا ابني حقك عليا
عبد الله / انا تعبان تعبان اوى مش عارف انا بعمل ايه و لا بعمل كدا ليه مش عارف اللى بعمله صح و لا غلط انا عاجز و ضعيف
شيري / ما تقولش كدا
عبد الله / انا مش قادر حتى احمى اختى مش قادر ادافع عنها
شيري / ربنا ما بيعملش حاجه وحشه فى حد كلو نصيب
عبد الله / هند ما عملتش حاجه وحشه فى حياتها تستاهل عليها كل اللى بتشوفه ده
شيري / اكيد ربنا شايلها الخير ما حدش عارف
عبد الله / انا اتصلت بمختار و قولتله مكانا
شيري تيجي تصرخ عبد الله يكممها
عبد الله / لو قولتلهم هموت نفسي لو هند اتجوزت يوسف هموت نفسي
شيري تبصله و عنيها تتملى دموع
عبد الله / مختار وعدنى انه مش هياذيها و لا يجبرها تتجوزه مختار هيحميها هيديها فرصه تختار هيدينا فرصه نعيش
شيري / و انت صدقته
عبد الله / شوفتى منه ايه وحش عوزانى اكدب مختار و اصدق يوسف اصدق انه هيصونها و يسعدها طب باماره ايه
شيري / انا مش عارفه اعمل ايه مش عارفه اروح فين طب هند ما فكرتش فيها مختار لما يجي و يشوفها بالابيض طب لو اتاخر طب لو عرفوا… لو عرفوا
عبد الله / لو عرفوا ممكن يخطفوها ممكن ياذوها مش هقول لحد و انتى كمان يا ماما مش هتقولى لحد
باب الاوضه يتفتح و يوسف يدخل عبد الله و شيري يبصوله برعب
…………………….
على الطريق
مختار سايق زى المجنون و سابق الكل و فى عربيات كتير محمله رجاله وراه منهم عربيه سايقها عباده و راكب جنبه سليمان
سليمان / شايف سايق ازاى المجنون ده
عباده / الواحد مش شايل هم سواقه مختار قد مهو شايل هم اللى هيحصل لما نوصل
سليمان / ربنا يستر بس ليه عبد الله اتاخر كل ده لما كلم مختار
عباده / ما حدش عارف و مختار ما سالش الحمد لله انه قال يمكن كانوا محجمين عليه
سليمان / و يمكن كان خايف يتكلم و لما ضاقت بيه الدنيا اتكلم
عباده / قصدك خايف منهم و لا مننا
سليمان / ما تنساش انهم عرفوا الحقيقه و الحجه ام عبد الله هى اللى خرجت يوسف من الحبس
عباده يبص لسليمان و يرجع يبص قدامه
سليمان / انا لو منهم اخاف هم لسه ما يعرفوناش و الله اعلم ايه اللى اتحكالهم عننا
عباده / للاسف ما عنديش رد على كلامك
سليمان / تفتكر الجوازه هتم
عباده / قسما بالله اقتله
سليمان / بتكلم عن مختار و هند تفتكر هتكمل
عباده يبص قدامه و يفرك فى الدريكسيون
…………………….
فى الفيلا
شيري / يوسف !! فى حاجه و لا ايه
يوسف / عبد الله انت لسه ما لبستش ليه … ايه رايك فى الجرافاته دى هتبقي حلوه عليك بتعرف تربطها و لا اربطهالك
عبد الله باصص ليوسف بغل
يوسف / هند جهزت و لا ناقصها حاجه
شيري / جهزت
يوسف / طب انتى كمان يا امى اجهزى مش عاوزين حاجه تعطلنا انا كلمت الماذون هيجي بدرى
عبد الله / ليه
يوسف / ليه ايه
شيري / قصده ليه يزنقنا احنا لسه ما جهزناش
يوسف / الكل جهز و الاكل و الفراشه كل حاجه جاهزه يعني نستنى ليه ما ناخد اليوم من اوله و بعدين انتى عارفه المصريين تقولى سبعه يجي تمانيه
شيري تبص لعبد الله
شيري / تمام انا هروح اخليهم يخلصوا هند اسرع عشان ما نتاخرش
يوسف / لو ناقصك حاجه قولى تعرف ايه اللى هيليق اوى مع البدله دى استنى عندى ساعه تحفه هروح اجيبهالك
يوسف يروح اوضته عبد الله يقفل الباب وراه و يسنده بضهره و يمسك دماغه و هو مرتبك على الاخر
عبد الله / انت فين يا مختار
…………………….
فى اوضه هند
هند قاعده على السرير مكسوره و عنيها فى الارض باب الاوضه يتفتح و اسراء تدخل شايله مبخره
اسراء / رقيتك من كل من شافك و لا صلاش على النبي لولولولولولولولى ياختى ايه الجمال ده تسلم ايدها البت زوقتك حلو … ياختى فى ايه مالك
اسراء تحط المبخره على التسريحه و تقعد جنب هند
اسراء / امك اتكلمت معاكى و لا ياختى هو جيل اليومين دول محتاج كلام دا انتوا عارفين كل حاجه اما انا جبتلك شويه لانجيريهات و حطيتهملك فى الاوضه اللى فوق و زوقتهالك بقي بالورد و الشموع و حطيتلك اكل فى التلاجه يكفيكوا شهر على التسخين عوزاكى بقي تفكيها كدا و تفرفشي بلاش البوز ده
هند و لا كان فى حد بيتكلم
اسراء / بتفكريني بنفسي يوم فرحى كنت نكديه زيك كدا و فضلت اعيط لما عيني ورمت كنت خايفه و لا الحق كنت خايبه هههههههههههههههههه ما احنا ما كناش نعرف حاجه
اسراء تبص لهند هند مش معاها
اسراء / اسعدى يوسف يا هند و ابسطيه و ليكي عليا اشيلك انتى و امك و اخواتك جوه عنيا و ان كنت فى يوم يعني زعلتك انسي ما انا كمان هنسالك
شيري تدخل
شيري / انتى هنا يا اسراء
اسراء / كنت ببخرها
شيري / عاوزينك بره الماذون وصل
اسراء / دا يوسف ما كانش بيهزر بقي لما قال هيخلى الماذون يجي بدرى ههههههههههههههههه
اسراء تطلع بره دموع هند تنزل شيري ترفع وش هند و تخلى عنيهم فى عنين بعض
شيري / هند انا من الصبح مش عارفه اقعد معاكى لوحدنا اخوكى عمل حاجه
صوت ضرب نار جامد و صريخ شيري تحضن هند و عينها على الباب و هى مرعوبه
……………………..
فى الجنينه
الرجاله و اولهم مختار يدخلو بالسلاح يضربوا نار فى الهوا الكل يوطى و يستخبى و عبد الله واقف وسطيهم بيتفرج عليهم ياسمينا تشوف مختار تجرى عليه يشيلها
ياسمينا / انت جيت
مختار / لا لسه جاى فى السكه خشي استنيني عند هند
مختار ينزل ياسمينا تجرى على جوه يشوف محمود و اسراء بيداروا على يوسف عنيهم تيجي فى عنين بعض يوسف يطلع يجرى يجى يروحله عباده يمنعه
عباده / ركز انت جاى هنا ليه
مختار يدخل جوه ورا ياسمينا و وراه عبد الله
مختار / هند … هند
مختار يدخل اوضتها يلاقيها قاعده على السرير و ياسمينا بتتنط جنبها من الفرحه شيري تشد المبرد من على التسريحه
شيري / لو قربت من بنتى
عبد الله / بتعملى ايه يا ماما
شيري تصرخ
شيري / انا تعبت تعبت
عبد الله يدخل ياخدها فى حضنه و مختار عينه على هند بالابيض مش بتبصله و لا فارق معاها كل اللى بيحصل
مختار / هند
عبد الله يقعد مامته على كرسي التسريحه و يروح يقعد على ركبته قدام هند و يخليها تبصله
عبد الله / مختار جه يا هند … حبيبك
هند باصه لعبد الله
عبد الله / قومى يا هند قومى معايا
عبد الله يقوم هند تقوم معاه شيري تسندها من الناحيه التانيه و مختار بيبصلها بصدمه ياسمينا تجرى تنط مختار يشيلها و يسبق بيها على الجنينه
عباده / اللى مستغنى عن روحه يتحرك من مكانه و انا قسما بالله ما هستخسر فيه الطلقه
مختار يدخل يشد العبايه من على كتف عباده
مختار / اديني عبايتك
يمد ايده لامين اقرب واحد لعباده
مختار / عبايتك
مختار ياخد العبايات و يروح يلف واحده على كتف هند و يدى التانيه لشيريهان تلبسها و ياخدهم على العربيه الكل يركب و يمشوا و عيله هند بتبص لبعض
……………………..
فى العربيه
مختار سايق و جنبه عبد الله مبسوط و ورا هند و شيري و ياسمينا
ياسمينا / انا فرحانه انك جيت
مختار يبص فى المرايه مبتسم يشوف هند حزينه و باصه فى اللا شئ الابتسامه تروح من وشه
عبد الله / اتصل بالماذون خلاه يجي بدرى كنت مرعوب لحسن ما تلحقش
مختار / من بخته انى لحقت
مختار يبص فى المرايه ملامح هند مش بتتغير عبد الله يبص على هند
عبد الله / مختار كان دايخ عليكى مش هتصدقي عمل ايه عشان يوصلك و فرح ازاى لما كلمته
شيري / على الله ما تندمش انك كلمته
مختار يبص على شيري فى المرايه و يكمل سواقه و هو ساكت
………………
فى فيلا الساحل
كلهم قاعدين متجهمين و بيتبادلوا نظرات و كل واحد ييحاول يدارى عينه من التانى
ابن حامد / و بعدين
حامد / هو ايه اللى بعدين هنلم حاجتنا و ننزل مصر زى ما كنا ناويين و كل واحد يشوف مصلحته و اشغاله كفايانا عطله
حمدى / و هند و عبد الله و ياسمينا هنسيبهم هنسيب هند وسطيهم
اسراء / و هو احنا كنا ضربناها على ايدها عشان تروح معاهم
م حامد / و بعدين هم عرفوا مكانا منين احنا عملنا البدع و طبقنا كل الافلام اللى شوفناها
اسراء / اكيد اللى ما تتسمى كلمته يجي يلحقها
ابن حمدى / و ما كلمتوش من بدرى ليه
ابن حامد / و هتكلمه ازاى هو حد فيهم كان معاه تليفون
محمود / عبد الله كان معاه و كان بيخرج كتير لوحده
حمدى / يعني خلاص كدا هنسكت كل اللى عملناه راح و اخد هند
اسراء / احنا مالنا واحده و رجعت لعشيقها تلاقيها خافت من الفضيحه و لما لقت نفسها هتدبس و مفيش مفر من الدخله
محمود / ازاى بعد اللى حصل فى المستشفي
اسراء / انا عارفه بقي تكون الدكتوره خافت تقتلوها لمت الليله و لا تكون هند قالتلها انها متجوزه عرفى و لا عملت عليها اى فيلم
حمدى / استغفر الله العظيم يلا يا جماعه ما لهاش لزمه القعده دى يلا كل واحد يلم حاجته خلونا نروح نشوف اشغالنا
…………………..
فى السرايا
ناس كتير واقفين طوابير و الغفر بيوزعوا اكياس لحمه و ستات و رجاله بتقطع و تكيس على ترابيز كبيره العربيات تدخل السرايا العيال يجروا حواليهم
العيال / العروسه وصلت العروسه وصلت
الستات تجرى تغسل ايديها و الرجاله تنزل من العربيات التانيه و عربيه مختار ما حدش بينزل منها انتصار تطلع تجرى من جوه و وراها البنات مختار ينزل يفتح باب هند مش بتنزل عبد الله ينزل و شيري تنزل و ياسمينا تنزل و شيري و عبد الله ينزلوا هند تنزل انتصار تاخدها فى حضنها
انتصار / حبيبتي حبيبتى الف حمد الله على سلامتك يا بنتى
انتصار تحضن شيريهان
انتصار / نورتوا السرايا بيتكوا و مطرحكوا
مريم و البنات يحضنوا هند و يبوسوها و يسلموا عليها و هى فى دنيا تانيه خالص
مريم / كنت هموت من القلق عليكي
انتصار / شكلها تعبانه من السفر دخلوها ترتاح و انتوا يا بنات اغرفوا الاكل زمانهم جعانين يا عيني
انتصار تمسك ايد هند و تسندها على جوه و هند تمشي معاها فى صمت و شيري و ياسمينا وراهم و مختار عينه علي هند عبد الله واخد باله
عبد الله / من ساعه اللى حصل فى المستشفي و احنا ما سمعناش حسها و زى ما انت شايف كانها فى دنيا تانيه بس لما بنقول حاجه تضايقها او نتخانق قدامها بتعيط غير كدا زى ما انت شايف ساعات ياسمينا بتخليها تبتسم بس مش علاطول يعني
عبد الله باصص لمختار مختار باصص فى الارض و بعدين يبص لعبد الله
مختار / قالولكوا ايه عنى
عبد الله / قولى انت يا مختار كان نفسي اسمع منك
مختار / زى ما قولتلك قبل كدا السلاح لو اتساب للسوق السودا هيوصل لناس ما ينفعش يبقي فى ايديهم
عبد الله / انت بقي اللى بتخطف البطاطس من غير ما مامتك تاخد بالها صح
مختار يبتسم بسخريه
عبد الله / كان المفروض تقولى الحقيقه
مختار / حاولت
عبد الله / نوعا ما مقدر موقفك انا لو مكانك مش سهل اقول انى مهرب انى مجرم لو فى يوم اتقبض عليا هدخل السجن و اسيب اختك و عيالها من غير راجلها
مختار يبصله
عبد الله / دا ان ما موتش فى عمليه منهم او على الاقل تتصاب
مختار يبص فى الارض
عبد الله / انا حقيقي مش عارف اقولك ايه انا عاوز انام هو انا هنام فين
مختار / فى المضيفه لو تحب
عبد الله / عن اذنك
عبد الله يروح ناحيه المضيفه عباده يدخل
عباده/ ايه الاخبار
مختار / مش عارف … انا تعبان انا كمان هطلع ارتاح
عباده / معاك حق دى احسن حاجه تعملها
مختار يسيب المكان و يمشي
……………….
فى اوضه مختار و هند
هند قاعده على السرير و مريم بتنقى عبايه من الدولاب شيري تطلع من حمام الاوضه لابسه عبايه
انتصار / الحمد لله مظبوطه ان شاء الله نبعت نجيب كل اللى محتاجينه
مريم / حلوه اوى دى يا هند قومى البسيها
سماح / فستانك حلو انا لو منك اخليني بيه
انتصار / قومى يا حبيبتي غيرى عشان تاكلى لقمه دا انتى خسيتي خالص
شيري / بقالها فتره مش بتاكل اخرها بالمحايله معلقتين شوربه و لا بق لبن
انتصار تبصلها بحزن الباب يخبط فاطمه تروح تفتح تلاقي عيل صغير
فاطمه / فى ايه
الولد / الحجه ام فرح بتقولك اللحمه قربت تخلص و الناس كتير
فاطمه / تقولهم خلصت نعمل ايه يعني دول سبع عجول الناس بتروح و ترجع تاخد تانى و هى نايمه على ودانها
انتصار تروح ناحيه الولد
انتصار / خليها تخلص اللى معاها و تقول للى ما خدش يجي بكره هندبح تانى و قول للكل يجوا بكره تانى عشان يساعدوا
فاطمه / ندبح تانى ايه ما كدا هيجوا ياخدوا تانى
انتصار / دول ندر نلاقي هند التانى صدقه لشفاها
انتصار تسيب الاوضه و تمشي فاطمه تبص على شريهان
فاطمه / هى مالها كفاها الله الشر
شيري / ما اعرفش الزعل بيعمل اكتر من كدا
فاطمه / و ايه بس اللى زعلها
شيري / بجد مش عارفه ايه اللى زعلها
مريم / بيقولوا عشان عرفت اننا بنتاجر فى السلاح
فاطمه / تجاره زى اى تجاره و تسع اعشار الرزق فى التجاره
شيري / انا مش قادره اجادل و تعبانين من السفر فلو سمحتى
فاطمه / لا حقك طبعا السكه كانت طويله يلا يا بنات نسبهم يرتاحوا … اما نشوف اخرتها
فاطمه تمشي سماح تمشي وراها و مريم بتبص على هند و تبص على شريهان تروح تقعد جنب هند
مريم / مفيش اطيب و لا احن من عمى مختار و بعدين احنا مش بنعمل كدا من نفسنا كل الصعيد بيعملوا كدا و الجوارحه تفتكرى المحافظ اللى حضر خطوبتك هيسلم علينا و يدخل بيتنا و يحضر فرحنا و هو مش عارف دا احنا كمان بنبلغ لو عرفنا ان فى مخدرات او حاجه وحشه داخله او اثار خارجه احنا مش وحشين يا هند و لو كل الدنيا وحشه عمى مختار مش وحش
شيري / معلش يا مريم سبيها ترتاح
مريم تبص فى الارض و تمشي شيري تسند هند توقفها و تفكلها سوسته الفستان و تلبسها العبايه من فوق و تقلعها الفستان من تحت
شيري / غيرى و ارتاحى شويه و الصباح رباح ما تفكريش فى حاجه كل حاجه ان شاء الله هتتحل … جعانه تاكلى لقمه … هو عبد الله و ياسمينا فين ارتاحى هروح اشوفهم و ارجعلك
هند تقعد على السرير و شيري تطلع من الاوضه و تقفل الباب هند تبص يمين و شمال على السرير و الاوضه و التلاجه و الميكرويف و الدولاب و تعيط بحرقه
……………………..
فى اوضه مختار
مختار نايم على ضهره و مفتح باب الاوضه يخبط يقوم يروح يفتح يلاقي عبد الله
مختار / تعال يا عبد الله ادخل
عبد الله يدخل
عبد الله / انا زعلان منك
مختار / حقك
عبد الله / الفتره اللى فاتت كانت اسود فتره فى حياتي ما افتكرش ان موت ابويا وجعنى اوى كدا
مختار / تعال اقعد
عبد الله يعيط و يمسح دموعه
عبد الله / هو انت ناوى تعمل ايه مع هند
مختار / اعمل ايه فى ايه يا عبد الله تقوم بس بالسلامه و بعدين اللى هى عوزاه انا هعمله بس تقوم انا بكره هشوفلها دكتور نفسانى شاطر يشوفها
عبد الله / هند مش مجنونه على فكره
مختار / انت اللى بتقول كدا يا عبد الله امال لو ما كنتش متعلم
عبد الله / انا متعلم لكن اهل البيت هنا مش كلهم متعلمين مش هينفع يجي اليوم على اختى و حد منكوا يعايرها انها كانت مجنونه و بتتعالج عند دكتور نفسي بيتهيالي فى حاجات تانيه كتير ممكن تعايروها بيها
مختار / هند ما عندهاش اللى تتعاير بيه بقولك ايه انت اكلت
عبد الله / انا تقريبا بقالى فوق الاسبوعين ما اكلتش اللقمه سم ما بتتبلعش
مختار / و مين سمعك بس خلاص الحمد لله كنا فين و بقينا فين تعال ننزل المطبخ نقلب رزقنا
مختار ياخد عبد الله تحت باطه و ينزلوا
………………….
فى اوضه فاطمه
فاطمه / والله لولا انى عامله حساب ليك و لمختار لكنت رديت عليها و عرفتها مقامها
شاكر / عملتى باصلك و بعدين اعزريهم اللى شافوه مش شويه
فاطمه / و هو انا اللى كنت وريتهولهم ما تروح تتشطر على اهل جوزها اللى بهدلوهم كدا
شاكر / فاطمه
فاطمه / قال و انا اللى رايحه اطيب خاطرها تطردنى
شاكر / ما تروحيلهاش تانى و لا تتكلمى معاها خالص هى هتيجي تراضيكي لوحدها
فاطمه / و لا هتعبرنى لو كنت انتصار
شاكر / قولت مليون مره ما تقارنيش نفسك بحد
فاطمه / عارفه انك بتدايق من شكوتى بس انا ليا مين غيرك اشكيله همى انا عشت ست السرايا دى طول عمرى هيجوا هم و يقلوا منى و يتستتوا عليا
شاكر / مكانك محفوظ يا فاطمه
فاطمه / ازاى بعد اللى حصل ما شوفتش سماح بصتلى ازاى
شاكر / لا اله الا الله الناس فى حاله ما يتلاموش فيها على اى حاجه تطلع منهم و انتى كبيره و لازم تقدرى ده
فاطمه / كبيره ايه ان اصغر منها دا اللى يشوفها جنبي يقول امى
شاكر / هههههههههههههههههههه دا انتى لسه نونو صغير
شاكر يزغزغ فاطمه تضحك
فاطمه / اوعى كدا انا متعصبه الله
شاكر / ما انا بحاول اهديكي اهو بقولك ايه
فاطمه / نعم
شاكر / ما تجبيلى الميه الدافيه ام ملح ملون بتاعتك دى و تيجى تدلعيني و لا هو انا ما استاهلش
فاطمه تبتسم
فاطمه / امال مين يستاهل ثوانى و رجعالك
شاكر / ما تتاخريش لتوحشيني
فاطمه / هههههههههههههههههههه
………………………
فى المطبخ
مختار و عبد الله بياكلوا لحمه مشويه و فته و كفته مختار يروح يفتح التلاجه و يطلع ازازه سفن و يصب كبايه لعبد الله
مختار / عارف انك بتحب تبلع
عبد الله يتكلم و هو بيشرب
عبد الله / مش عارف ليه عاوز اسالك فى حاجه
مختار / اسال
عبد الله / هو انت قتلت قبل كدة
مختار / ايوه
عبد الله يبخ السفن و يكح مختار يشد مناديل و ينضف نفسه و ينضف الترابيزه
عبد الله / انت بتتكلم جد
مختار / لو كنت سالتني السؤال ده قبل كدا كنت جاوبت برده انا مش قتال قتله انا بدافع عن نفسي و اهلى لو حد رفع السلاح على اهلك هتقف تعيط و لا هترفع سلاحك انت كمان و تحميهم و تدافع عنهم
/////////////////
يوسف يشد هند من شعرها على اوضتها و هى بتصرخ
يوسف / ما انتى هتسمعيني يعني هتسمعيني
عبد الله يحاول يمنعه واحد من صحاب يوسف يشد سكينه من طبق فاكهه على السفره و يحطه على رقبه عبد الله
الشاب / اهمد ياض بدل ما تودع اهلك هيتكلم معاها كلمتين و هنمشي
شيري تزوم على عبد الله و هو مش ثابت و بيقاوم صحاب يوسف يشدوه هو و امه فى اوضه ياسمينا قاعده فى ركن خايفه و بتعيط شيري تشوفها تحاول تفلت و تروحلها الشاب يحط السكينه على الكومدينو و يفتح الدولاب يطلع الطرح و يربط عبد الله و شيري و يكممهم و صوت هند بتصرخ فى الاوضه التانيه
//////////////////
مختار / انا لما قتلت قتلت واحد رافع السلاح و هيقتلنى يعني دفاع عن النفس و معظمهم ولاد كلب اجانب جايين ينصبوا علينا و لا يسرقونا
عبد الله / و حسيت بايه بعد ما قتلت اول مره
مختار /قعدت تلت ايام حابس نفسي فى اوضتى لا اكل و لا شرب لحد ما ناصر خدنى و خرجنا من السرايا نتمشي عشان اغير جو
عبد الله / و بعدين
مختار / قتلت تانى كانوا بيحاولوا ياخدوا حقهم منى فرصه يخلصوا منى انا و ناصر يوميها خدت طلقة فى كتفى هنا
مختار يورى عبد الله كتفه فى اثر طلقه
عبد الله / وجعتك
مختار / شكه الدبوس بتوجع الطلقه مش هتوجع يا عبد الله
عبد الله / هو انت متاكد ان ده سيفن
عبد الله يبص على الازازه و بعدين يقوم و يفضل رايح جاى فى المكان
عبد الله / هند مش هتفهم الكلام ده هند لو قولتلها الكلام ده … يا نهار ابيض دى ممكن تروح فيها … انا ماما ممكن تقتلنى انى كلمتك … انا اصلا مش مصدق انى كلمتك … انا
مختار يشده يقعده
مختار / اهدى .. اهدى
عبد الله / هديت
مختار / انا عارف انها مش سهله انك تفهمها بس تخيلها كانى ظابط مثلا
عبد الله / انت مش ظابط انت مهرب اسلحه و دا عكس الظابط حرفيا
مختار يبتسم و مش قادر يمسك نفسه و عبد الله يبص الناحيه التانيه
عبد الله / كانى فى فيلم اجنبي انا فى فيلم اجنبي و انت المفروض البطل و انا صاحب البطل ابو دم خفيف بما انى مش بعرف امسك سلاح زيك فدورى السنيد ابو دم خفيف اللى دايما بيموت فى الاخر
عبد الله يقوم يقف مختار يقوم يقعده
مختار / اهدى يا عبد الله اهدى
عبد الله / بحاول بحاول والله بحاول
مختار / اشرب شويه ميه
عبد الله يشرب ميه و يقعد يكلم نفسه
عبد الله / انا واحد هيجوز اخته لتاجر سلاح و قاتل و مع كدا هو احسن واحد قابلته فى حياتي
عبد الله يحشر كفته فى بقه و مختار متابعه و حاطت ايده على خده
عبد الله / اعمل ايه … لو انت مكانى تعمل ايه … بامانه و انا هصدقك
مختار / لو مكانك اهدى و اسمع
عبد الله / انت هتتكلم ؟
مختار / فى ايه يا عبد الله ما حدش غيرنا هنا
عبد الله / اتفضل
مختار / فاكر لما كلمتك فى حوار السلاح انت كنت متفهم
عبد الله / اه ان فى ناس بتعمله بس مش ان انت تعمله
مختار / تفرق ؟
عبد الله / غطاس المجارى مهنه حلال بس دا مش معناه انى اقدر اشتغلها
مختار / انت ما تقدرش لانك مش مؤهل احنا ما بنصحاش الصبح نقول يلا نهرب سلاح و مش اى حد بيطلع ده احنا ورثناه ابا عن جد و كل جيل بيضيف للجيل اللى قبله تكنيكس و تكنولوجيا و تدريب و تركيز
عبد الله / ليه كل ده
مختار / احتياجات السوق
عبد الله / يا سلام
مختار / انت شايفني مجرم يا عبد الله
عبد الله / انا شايفك احسن واحد فى الدنيا لدرجه انى اتصلت بيك و امنتك على اختى
مختار / يكرم اصلك و هو ده انا … انا فى الاول و الاخر صعيدى شغلتى الفلاحه بس من وقت للتانى نرفع الادرينالين بمغامره على الحدود
عبد الله/ لو اتمسكت
مختار / لو حرف امتناع للامتناع … لو تعرف يا عبد الله انا شاطر فى الموضوع ده قد ايه
عبد الله / انا محتاج انام بدات احس انى دايخ
مختار يقوم و يبص لعبد الله عبد الله يبصله
عبد الله /ايه !!
مختار / انت مش قولت عاوز تنام
عبد الله / اه صح
عبد الله يقوم و يمشي مع مختار و يرجع ياخد صابع كفته و يمشي مع مختار و مختار بيضحك
……………………..
فى اوضه هند تانى يوم
الباب يخبط شيري تصحي تبص على هند نايمه تروح تلبس الروب و تحط الطرحه و تفتح الباب تلاقي البنات شايلين ورد و دباديب و علب شيكولاته
مريم / صباح الخير يا طنط عمى باعت الحاجات دى لهند
شيري / لسه نايمه
سماح تبص تلاقي هند بتتعدل و تبص عليهم تدخل و شيري تبصلها بصدمه سماح شايله دباديب كتير تروح تقعد على السرير جنب هند البنات كلهم يدخلوا
سماح / والله انا لو منك ما اصالحه ابدا و اسيبه اما يجيب اخره
مريم / انتى شريره كدا ليه
مريم تدى هند بوكيه ورد كبير و البنات يدوها الحاجه
مريم / عمى قالهم انه جايب الحاجات دى لياسمينا بس مش علينا يعني
الكل يضحك ما عدا هند
بنت صغيره / ممكن اخد واحده
سماح / بس يا قليله الادب و الله لقول لامك
هند تفتح علبه شيكولاته العيال تتلم كل واحده تاخد واحده و تطلع تجرى بره ابتسامه بسيطه اوى تترسم على وش هند سماح تجيب دبدوب و تضغط على بطنه الدبدوب يقول اموووواه اى لوف يو
سماح / بيقولك اى لف يو يعني بحبك و لا انتى ما لكيش فى الانجليزي و لا ايه
مريم / بقولك ايه ما تغيرى و تخرجى معانا نتمشي فى البلد شويه
سماح / بس المرادى ما تشتميش حد ههههههههههه
مريم / طب قولى اى حاجه طيب طب هزى راسك
مريم تهز راسها فوق وتحت و بعدين يمين و شمال مريم تبص لهند باحباط
مريم / مفيش خالص كدا
سماح تفتح واحده شيكولاته و تحطها على بق هند
سماح / كليها الرجاله ما تحبش الست المعضمه
شيري / كليها يا هند
هند بقها مقفول صوت خبط على الباب مش باين مين شيري تروح تبص تلاقي مختار واقف بعيد
مختار / عامله ايه يا امى
شيري / على حالها
مختار / لو ما فيهاش اساءه ادب ممكن اتكلم معاها دقيقتين
شيري / نطلع بره يعني
مختار يبصلها شيري تبص لهند جوه البنات بيلعبوها بالدباديب مش بتتحرك ترجع تبص لمختار
شيري / ثوانى هخليها تلبس طرحه
شيري تدخل تشد طرحه من على الشماعه و تلبسها لهند
شيري / مختار عاوز يتكلم معاكى
هند عنيها سرحانه مريم تغمز لسماح
سماح / احنا بره بقي عن اذنكوا
مريم / هنبقي نيجي نلعب معاكى بعدين
سماح و مريم و شيري يطلعوا بره و يقفوا فى اخر الطرقه بعيد مختار يروح يجيب كرسي التسريحه و يحطه فى مرئي الباب اى حد معدى هيشوفه و يتكلم مع هند و هى مش بتتفاعل معاه
مختار / عامله ايه دلوقت … امبارح طول الليل بجهز هقولك ايه اول ما شوفتك الكلام كله طار ههه من فلاحتى فى الكلام اوى … بس انا عاوز اقولك حاجتين الاولى انى اسف … اسف انى سبتك فى المستشفي و اسف انى سبتك فى البيت كل ده حصل بسببي … بس مش هتتكرر و دا وعد
مختار يبص لهند و يبص بره واقفين بعيد
مختار / الحاجه التانيه … انى حاولت اقولك كنتى بتغيرى السيره او تحصل حاجه حاولت اقولك كتير والله … هند … انا مختار اللى حبتيه انا نفس الشخص ما كدبتش عليكي فى حاجه
مختار يبص على الباب لسه واقفين بعيد
مختار / انا وعدت عبد الله انى مش هجبرك على حاجه اصلا انا ما اقدرش اجبرك على حاجه … انا مش خاطفك انتى هنا فى بيتك حتى احنا ما خليناكيش تنامى فى المضيفه بره لانك خلاص بقيتي مننا
مختار يقوم و يقرب من هند
مختار / لو انتى مش عاوزه تكملى معايا انا مش هجبرك انا بس وعدت ابوكى الله يرحمه انى هاخد بالى منك شوفى مين يسعدك و انا هجوزهولك ما دام مش عوزانى مختار يبص فى الارض و ساكت يبص على الباب يلاقي شيري و البنات متجمعين يجروا بعيد عن الباب
مختار / شوفى ايه يرضيكى و انا هعمله
مختار يقوم يقف و يمشي ناحيه الباب هند بتتكلم بهدوء و صوت واطى ناعم
هند / هتجوزهونى ؟
مختار يبصلها و عينه توسع يلاقيها باصه فى الارض تبصله
هند / قدرت تقولها هتقدر تعملها هتزفنى لغيرك
مختار / لو مش عوزانى
هند / طب ما سبتنيش اتجوز يوسف ليه بقي ما دام كدا كدا هتقدر تشوفني مع غيرك
مختار / ما قولتش هقدر اشوفك هقولك هعمل اللى يرضيكي و يسعدك و يوسف لا هيرضيكي و لا يسعدك
هند / و انت بقي شايف مين ممكن يسعدنى بقي … انا صدمتى من اللى عشته خلتنى مش عارفه انطق بس كلامك دلوقت نطقنى برافو عليك
مختار يبص لهند الدموع بتنزل من عنينا
هند / تضمن قلبي و بعدين تقولى بكل ثقه شوفي مين يسعدك تغشنى و تغش اهلى و تقولى اعملى اللى يريحك
هند تقوم و تروح ناحيه مختار بخطوات تقيله و تصرخ فى وشه
هند / اوعى تعيش دور الضحيه المضحى انت هنا الشرير الظالم الغشاش الكداب
شيرى / هند
هند تزعق
هند / ما حدش يدخل
مختار يشاورلهم ستات كتير تتجمع على باب الاوضه
هند / ابويا حبك لانك ما بتفوتش فرض مختار اللى عينه دايما فى الارض و غاضض بصره الذكى المؤدب اللى ما بيعرفش يقول كلمتين غزل على بعض يطلع مجرم و بدل ما يجى يعتزر على كسره قلبي جاى راسم دور الضحيه و ضحيت هنايا فداك تيرارا رارا
مختار / ما كانش قصدى
هند / انت ما دوستش على ديل فستانى انت دهست قلبي انت ادتنى اكتر حاجه كنت محتاجاها خلتنى اتسند عليك فى عز ضعفي و فى الاخر سبتني اقع على جدور رقبتي
مختار / كانت غلطه انى اسيبك كانت غلطه مش هتتكرر
هند / ما تخافش هى فعلا مش هتتكرر لانى ما عدليش مكان اروحه
مختار / نقي المكان
هند تصرخ فيه
هند / لسه بتقولى نقى انت ايه ما بتفهمش هروح فين بعيد عنك و انت جوايا كنت قولى قبل ما اتعلق بيك يمكن كنت اقدر ابعد عنك
مختار / حاولت والله حاولت و حاولت ابعد عنك كمان ما كانش بايدي
هند / طب انا ذنبي ايه اهلى دول ذنبهم ايه
مختار / هند
هند / اطلع بره يا مختار انا بجد مش قادره اتكلم معاك
هند تروح تقعد على السرير و تعيط بحرقه و تحدف الدباديب بعيد بشكل عشوائي شيري و انتصار يدخلوا يحضنوها و يطبطوا عليها فاطمه تدخل تبص لمختار
فاطمه / سبها تهدى اعصابها انت عارف ان اللى مرت بيه ما كانش شويه
شيري حاضنه هند راسها تتقل عليها تبص عليها تلاقيها فاقده الوعى شيري ترجعها تنام منها على السرير الكل يحاول يفوقها و مختار بيبصلها و مرعوب
…………………….
فى اوضه ناصر
انتصار بتعلق عبايه ناصر
انتصار / الدكتوره قالت هبوط من قله الاكل
انتصار تروح تقعد جنب ناصر على السرير باصص الناحيه التانيه
انتصار / السرايا النهرده مش هيبقالها سيره الا هند و كلامها لمختار
ناصر / وصلنى كلامها … ما غلطتش يا انتصار البت ما غلطتش فى حرف من اللى قالته و الكلام ده ياما قولناه لمختار
انتصار / مهو حاول اكتر من مره هيعمل ايه يعني انا حرجت على الكل يهوب من اوضتها يوصلوا الاكل و يمشوا لما تصلب طولها و تشد عودها هتكلم معاها ان يردن اصلاحا يوفق الله بينهما و انا ناويه صلح ان شاء الله
ناصر / هتقوليلها ايه اكتر من اللى اتقال
انتصار / هقول اللى يقدرنى عليه ربنا هقول ايه يعني الواد بيحبك و انتى بتحبيه و ما فيش حد هيحافظ عليكي قده
ناصر / الواحد كان شايل هم رجوعها من كدا بس اللى هون على الواحد انها نطقت
انتصار / دى نطقت و زعقت و هللت الله يعينها برده ان انت هى و لا امها الست بتقطع قلبي كل ما اشوفها
ناصر / اللى شافته ما كانش سهل بقولك ايه ارتاحى و نامى بقالك ياما فى دوامه
انتصار / من غير ما تقول بسقط من العصريه و بنام على روحى يلا تصبح على خير
ناصر / تصبحى علي خير
………………….
فى اوضه هند
عبد الله / كفايا انك اتكلمتى و سمعنا صوتك تانى دا انا لسه كنت بتكلم مع مختار امبارح يشوفلك دكتور
هند / احنا هنمشي من هنا يا عبد الله
عبد الله / اديله فرصه اسمعيه
هند / سمعته بيقولى شوفى راحتك فين
عبد الله / و انتى صدقتيه
هند تبص لعبد الله
عبد الله / اقسم بالله بيحبك
هند / لو بيحبنى يبطل القرف ده و يتوب
عبد الله / انا فاهمك و امبارح كمان لما اتكلمت معاه تعرفى انه واخد طلقه فى كتفه و لسه سايبه اثر
هند / شوفت عاوزنى استنى اما يجيلى جثه و اترمل و ايتم عيالى
عبد الله / اتكلمى معاه
هند / اقوله ايه ما فيهاش كلام يا انا يا القرف ده
عبد الله / الحوار يا هند ممكن يغير نظرتك للموضوع يعني على الاقل شوفيه من وجهه نظره انا شخصيا مقتنع جدا بحوار تجاره السلاح و السوق السوده لكن الفكره زى ما قولتى لمخاطر المهنه
هند / مهنه ايه يعني لما حد يسالنى جوزك بيشتغل ايه اقوله مهرب هو انا رخيصه عندك اوى كدا
عبد الله / يا حيوانه يا جزمه !!! انتى رخيصه عندى ؟ ايه !! دا انا كنت هموت عليكي الفتره اللى فاتت
هند / امال ازاى موافق ازاى تسلمله دماغك
عبد الله / عشان ما فيش انسان كامل
هند / بتقولها كانه عصبى مثلا و لا بيشرب سجاير
عبد الله / قوى و له عزوه و بيحبك و بيصلى و بيعرف ربنا و كريم و دمه خفيف و ما تنكريش انه وسيم
هند / انت بتتكلم فى ايه دا بيتاجر فى السلاح و بيخالف القانون
عبد الله / بعلم الحكومه لما ماما بتعمل بطاطس محمره مش بقعد انا و انتى و ياسمينا نسرق منها و لا كفته الرز فاكره لما كانت سخنه و اتقفشت عشان لسعتنى
هند / هى البطاطس و كفته الرز بتاذى حد
عبد الله / بس اسمها سرقه برده
هند / انت بتقول ايه
عبد الله / و بعدين مش لازم السلاح للاذى مختار ماكدلى انهم مش بيبعوه لاى حد دا للحمايه مش للاذى الناس عندها اراضي و بهايم يسيبوهم يتسرقوا
هند / يرخصوا السلاح ده و يجيبوه من اماكن مرخصه
عبد الله / السوق السوده فى كل حاجه دا حت تزاكر الماطشات
هند / والله مختار ما كان هيعرف يدافع عن نفسه زيك كدا هو غسلك مخك
عبد الله / بيحبك
هند / هو اللى خلقه ما خلقش غيره ايه وحشه مش هلاقي غيره يحبنى
عبد الله / هتلاقي بس هتعرفى تحبيه انتى كمان هيضحك زى ما كان مختار بيضحكك هيسعدك هتقدرى تكونى مع اى حد غير مختار يا هند
هند / انا قولت شرطى
عبد الله / طب اسمعيله كمان مره كلميه قوليله شرطك ده و اتفاهموا
هند / مش هيوافق مش هيختارنى
عبد الله / تعرفى ايه احلى حاجه فى كل ده
هند / ايه !!!
عبد الله / انى طالب الثانويه الوحيد اللى مش قلقان من النتيجه مش عشان انا دحيح و شاطر لا نهائي دا عشان انا عندى بلاوى اتقل اقلق منها
هند تبتسم عبد الله ياخدها فى حضنه
عبد الله / لو كنتى سمعتى صوته و اللهفه اللى فيه لما سمع صوتى و لقى امل انه يلاقيكي كنتى سمعتيه لو كنتى شوفتى لهفته عليكي و هو داخل لو شوفتى يوسف و هو بيجرى زى الفرخه و يسيبك لوحدك و لا عمامنا الرجاله ما حدش منهم حتى رفع راسه
هند / بالسلاح يا عبد الله !!!
شيري تدخل شايله ياسمينا نايمه عبد الله يجرى يساعدها
شيري / لقيتها نايمه تحت قدام التليفزيون ربنا يباركله عباده طلعهالى ما كنتش اعرف انك هنا كنت خليتك تاخدها منه
عبد الله / امال مختار فين
شيري / ما شوفتوش
عبد الله / انا هروح انام و انتوا كمان ارتاحوا يلا تصبحوا على خير
عبد الله يبوس راس هند تبتسم و عبد الله يمشي و يقفل الباب وراه
شيري / اكيد كان بيكلمك عن مختار
هند / انتى ايه رايك
شيري / دى حياتك على الاقل ده مديكي فرصه تختارى و تقررى
هند / خلانى ابات فى الاوضه اللى المفروض كنا نتجوز فيها المكان اللى من ساعه ما بعتلى صوره و انا بتخيل نفسي فيه و انا ..
هند تبص لمامتها
شيري / و انتى ايه
هند / خلاص بقي
شيري / و انتى معاه صح ؟
هند / لازم افكر فى عيالى لازم ادوس على قلبي بالجزمه و افكر فى عيالى
شيري / صلى استخاره … عارفه … انا كمان مش عارفه اخد قرار عقلي بيقولى لا و الف لا بس لهفته عليكي لما اغم عليكي و اللمعه اللى فى عنيه و كل اللى شوفناه منه بيشفعله فى قلبي … كلمه ابوكى الله يرحمه لما قال مش هطمن على هند الا و هى فى بيت مختار
شيري تبص للحيطان
شيري / الله يرحمه تضيق بينا الدنيا و نيجي كلنا نتحامى فى بيت مختار
هند / و مين يحمينا من مختار
شيري / انتى عارفه الاجابه كويس … يلا تصبحى على خير
شيري تطفى النور و تنام و هند ممدده و بتفكر و زعلانه
………………..
فى المضيفه
عبد الله يدخل يلاقي مختار قاعد مختار يشوفه يقف بلهفه
مختار / عامله ايه احسن ؟
عبد الله يهز راسه اه
مختار / قالتلك حاجه عندى ؟
عبد الله / ما اتكلمناش غير عندك بتقولك يا انا يا السلاح
مختار / ما اقدرش ما ينفعش تخيرنى انا قولتلها دى حقيقتي دا توبى ما ينفعش اسيبه كانها بتقولى ما تبقاش مختار
عبد الله / هى برده قالت انك هترفض
عبد الله يروح يقعد و يقلع الجزمه و يفرد ضهره
مختار / انت هتنام
عبد الله / بصراحه مهلوك طول النهار ما بعملش اى حاجه خالص
مختار يبتسم و يروح يقعد جنب عبد الله
مختار / كلمتها قولتلها انى بحبها و ما اقدرش اعيش من غيرها
عبد الله يقوم يقعد
عبد الله / و لا هى تقدر تعيش من غيرك و انت عارف و هى عارفه و الكرسي اللى هناك ده عارف بس هيفرق فى ايه النتيجه واحده هى عنديه و انت عندى و ما حدش فيكوا هيتنازل للتانى
مختار و عبد الله الاتنين باصيين فى الارض و شايلين الهم
عبد الله / انا حاسس بيك جدا على فكره امبارح طول الليل ما نمتش من كتر التفكير فى كلامك و اقتنعت بيه … ايه يعنى حتى لو تاجر سلاح انا واثق انك هتحافظ على اختى
مختار / صدقنى الجمله دى فرقت معايا اوى